01/02/2024
لاڈلے کے ساتھ ہی لاڈلی کا بھی ظہور۔۔۔ بشری بی بی کو کرپشن پر 14 سال قید ہوئی ہے اور نظام کے لاڈلوں کیلئے اڈیالہ جیل نہیں، بلکہ 300 کنال کے آرام و آسائش والے محل بَنِّی گالہ کو سب جیل قرار دیا ہے۔ واہ بھئی واہ۔۔! اور سونے پر سہاگہ؛ یہ درخواست خود عمران خان اور بشری بی بی نے حکومت سے کی، کہ بشری بی بی کو اڈیالہ جیل میں قید نہ کیا جائے بلکہ گھر میں نظربند رکھا جائے۔۔۔ واہ بھئی واہ۔۔! اربوں کھربوں کی چوری کرو، سزا پاؤ، مجرم ہو، مگر گھر میں رہ کر بھرپور آسائش کیساتھ “جیل” انجوائے کرو۔۔ ٹی وی دیکھو، مزےدار کھانے کھاؤ، سردی گرمی سے محفوظ رہو، آرام دہ کمروں میں دن رات گزارو، اور قوم کو بےوقوف بناؤ۔۔ مجھے ہمدردی اور افسوس عمر رسیدہ اور مریض خاتون یاسمین راشد کے حوالے سے ہے جو عمر کے اس حصے میں بھی عمران خان/بشری بی بی کیوجہ سے جیل کی کوٹھڑی میں سختی کاٹ رہی ہیں مگر بشری بی بی کیلئے آرام دہ گھر والی جیل۔۔ ہمدردی اور افسوس عالیہ حمزہ، صنم جاوید، خدیجہ شاہ کے لیے بھی۔۔ یہ خواتین پھر کیوں جیلوں میں سڑ رہی ہیں۔۔؟؟ اس لیے کہ بشری بی بی اشرافیہ میں سے ہیں؟ لیڈر کی بیوی ہیں؟؟ پارٹی کے اندر ہی ایک نہیں دو پاکستان۔۔! امیر لیڈر اور متوسط کارکن کیلئے الگ الگ نظام۔۔!!
جیل تو بےنظیر بھٹو نے بھی کاٹی، فریال تالپور جیل میں رہیں؛ دیگر خواتین سیاستدان بھی جیل کاٹتی رہیں وہ بھی جھوٹے الزامات پر۔۔۔ مگر بشری بی بی کیلئے یہ خصوصی لاڈلی رعایت کیوں۔۔؟؟؟
