Abbas on Trails

Abbas on Trails Abbas on Trails | Hiking & Mountaineering | Chasing peaks & trails | Every summit, a new story.

23/07/2026

سید علی شاہ صاحب کی باڈی کو ریکور کرنے کے لیے سکردو سے پروفیشنل ٹیم اور کچھ لوکل ٹیم اوپر گئی ہوئی ہے۔ انہوں نے اپنا ریسکیو آپریشن شروع کر دیا ہے۔ انشاءاللہ جمعے والے دن یا ہفتے والے دن وہ باڈی تک پہنچیں گے اور وہاں سے باڈی کو ریکور کریں گے۔ آپ سب دوستوں سے دعاؤں کی اپیل ہے کہ جمعے اور ہفتے والے دن موسم کی بہتری کی دعائیں کریں تاکہ باڈی اچھے طریقے سے ریکور ہو۔

اللہ ٹیم کی حفاظت کرے اور کام آسان کرے۔ آمین

23/07/2026

چار پانچ راستے آزمانے کے بعد جن میں بہت بڑی رکاوٹیں تھیں، آخرکار ٹیم کو ایک محفوظ راستہ مل گیا.

23/07/2026

Miss you a lot mian sahib. 😥😥

23/07/2026

View of lakes (not Zumalo), zumalo lakes are at the other side of the ridge.

22/07/2026

Last steep ridge of falak sar
sar

22/07/2026

فلک سر کا اصل واقعہ - ہماری زبانی

آج کچھ وقت ملا تو سوچا سچ اور جھوٹ کا پتہ نہیں چل رہا سوشل میڈیا پر، تو حقیقت جو میں بتانا چاہتا ہوں وہ بتاتا ہوں جو ہمارے ساتھ فلک سر کے واقعے میں پیش آیا۔

سب سے پہلے تو کوئی ریسکیو 1122 کا آپریشن نہیں ہوا، نہ کوئی گلیشیر پھٹا، نہ انتظامیہ نے کوئی کارنامہ سرانجام دیا۔ سب جھوٹ تھا جو کہ پاکستانی میڈیا کی حسبِ معمول روایت ہے۔

ہماری 6 بندوں کی ٹیم 5 جولائی بروز اتوار کی صبح کلام سے چشمہ شفاء کی طرف روانہ ہوئی۔ میں محمد عباس بطور گروپ لیڈر اور سید علی شاہ میاں گروپ کے لیڈ کلائمبر کے طور پر موجود تھے۔ یہ ہم دونوں کا بہت پرانا خواب تھا کہ فلک سر کرنا ہے۔ ہم دونوں نے پہلی مرتبہ 2021 میں پلان بنایا تھا لیکن وہ میاں صاحب کسی اور گروپ کے ساتھ چلے گئے تھے اور میرا بھی خواب ادھورا رہ گیا تھا۔

بہرحال چشمہ شفاء سے ہم نے اپنا سفر شروع کیا اور آبشاروں کے ساتھ اپنا پہلا کیمپ قائم کیا۔ اگلے دن ہم نے ایڈوانس بیس کیمپ اسٹیبلش کیا۔ ایڈوانس بیس کیمپ سے اگلا سفر گلیشیرز سے شروع ہوتا ہے اور انتہائی ٹیکنیکل اور مشکل آئس کلائمبنگ جیسا مرحلہ شروع ہو جاتا ہے۔ اگلا کیمپ ہم نے گلیشیر پر لگایا۔

اگلے دن ہم بہت لیٹ ہو گئے اور تقریباً 1 بجے کیمپ سے نکلے اور 5006 میٹر پر کیمپ کیا۔ اگلا کیمپ ہم نے 5380 میٹر پر اسٹیبلش کیا اور یہ ہمارا آخری کیمپ تھا جہاں سے ہم نے سمٹ پش کرنا تھا۔ ہم نے جمعہ کا دن سمٹ پش کے لیے موزوں رکھا کیونکہ اس دن موسم ٹھیک تھا۔ ہم نے بہت پرسکون طریقے سے شام کو سمٹ تک پہنچے۔

سمٹ کی رات ہم میں سے کوئی بھی سو نہیں سکا۔ ٹھنڈ حد سے زیادہ تھی اور ساری رات ہم گپ شپ کرتے رہے۔ پرانے ایکسپڈیشنز کے قصے یاد کیے اور آگے کون سے پہاڑ سر کرنے ہیں یہی زیرِ بحث رہا۔ میاں صاحب Golden Peak اور Laila Peak کے بارے میں بات کرتے رہے۔ یہ دونوں ہمارے فیوچر پلانز تھے اور میاں صاحب ان کے بارے میں بڑے شوق سے بتا رہے تھے۔ باقی دوست بھی بہت پرجوش تھے اور اگلے ٹارگٹس ڈسکس کر رہے تھے۔ ہمارے پاس سونے کے لیے سلیپنگ بیگ تک نہیں تھے، صرف ایک پلاسٹک شیٹ تھی جس میں ہم سب سمٹ کر بیٹھ گئے۔ باہر تیز ہوا، ہزاروں فٹ نیچے اندھیرا اور اوپر ستاروں سے بھرا آسمان تھا۔ تھکن، ٹھنڈ اور خطرے کے باوجود دل میں ایک عجیب سا سکون تھا کہ ہم فلک سر یعنی "K2 of Swat" کی چوٹی پر موجود ہیں۔

اگلے دن 11 جولائی بروز ہفتہ ہم نے سمٹ پر تصویریں اور ویڈیوز بنائیں۔ تقریباً 10 بجے ہم نے واپسی شروع کی۔

واپسی پر کچھ مشکل جگہوں پر سید علی شاہ میاں صاحب کو میں نے کہا کہ کوئی بات نہیں ایک دو آئس سکرو نکالنے کی ضرورت نہیں جو ذرا مشکل جگہ پر ہوں۔ اور میاں صاحب نے ایسا ہی کیا۔ واپسی پر سمٹ سے 400 فٹ نیچے آنے پر آہستہ آہستہ طوفان شروع ہو گیا اور بجلی بھی پڑنے لگی ہمارے میٹلک ایکوپمنٹ پر جیسے کہ آئس ایکس وغیرہ۔ ڈیسینڈ مشکل ہوتا جا رہا تھا اور طوفان زور پکڑ رہا تھا۔ میاں صاحب ہم سب کو نیچے اتارتے اور خود آہستہ آہستہ ہمارے پیچھے ڈیسینڈ کرتے تھے۔

جب ہم نے راکی پورشن کا آدھا حصہ ڈیسینڈ کیا تو میاں صاحب کا پاؤں پھسل گیا یا شاید آئس ایکس سلپ ہونے کی وجہ سے وہ نیچے گر گئے۔ ہمیں احساس ہو گیا کہ کوئی چیز نیچے گری ہے، شاید میاں صاحب یا شاید ان کا بیگ وغیرہ۔ رسی بہت ٹائٹ تھی جس سے معلوم ہوتا تھا کہ میاں صاحب ہی ہوں گے۔ میں نے دوسرا آئس سکرو فٹ کیا اور ایک دوسری رسی بھی تاکہ ڈیسینڈ کر سکوں اور دیکھوں کیا حالت ہے۔ میں نے آہستہ آہستہ ڈیسینڈ کیا اور جب قریب پہنچا تو بیگ سے ہیڈ ٹارچ نکالی کیونکہ اندھیرا چھا گیا تھا۔ میاں صاحب ہوش میں تھے لیکن کچھ یاد نہیں تھا۔ وہ مجھ سے مخاطب ہوئے کہ میں کون ہوں، تم کون ہو اور یہ کونسی جگہ ہے، مجھے بہت ٹھنڈ لگ رہی ہے۔

تو میں نے اپنا یلو جیکٹ نکال کر پہنایا، اپنے مٹنز یعنی دستانے پہنائے اور کہا کہ میں تھوڑی دیر تک آتا ہوں۔ میں اوپر آیا اپنے باقی ساتھیوں کے پاس اور ان سب کو میاں صاحب کے پاس ڈیسینڈ کرنے لگا۔ ہم نے ساری رات میاں صاحب کے ساتھ گزاری اور وہ ساری رات ہم سے باتیں بھی کرتے رہے۔ صبح ہوتے ہی طوفان بہت تیز ہو گیا اور اسی دوران میاں صاحب بھی اپنے خالقِ حقیقی سے جا ملے۔ ہم نے دعا کی اور اپنی جانیں بچانے کے لیے نیچے ڈیسینڈ شروع کیا۔ اس طوفان میں میاں صاحب کے جسدِ خاکی کو نیچے لانا ممکن نہیں تھا۔

ہم میں سے ایک ساتھی یہ صورتحال دیکھ کر گویا مفلوج سا ہو گیا۔ باقی کے پانچ دن ہم نے اس ساتھی کو نیچے اتارا اور خود صرف پانی پر 5 دن گزارا، کیونکہ ہمارے پاس بُٹین سلنڈر صرف 2 بچے تھے۔ عام طور پر یہ ضرورت سے زیادہ ہوتے ہیں، لیکن اس مشکل وقت میں جب ہمارے ساتھ ایک بیمار دوست بھی تھا تو ہمیں زیادہ کیمپ لگانے پڑے۔

بہر حال ہم ایک بیمار دوست کو زندہ لانے میں کامیاب ہو گئے۔ اور اب ان شاءاللہ میاں صاحب کے جسدِ خاکی کی ریکوری کے لیے بھی ریسکیو آپریشن جاری ہے۔

آپ سب سے ہمارے بیمار دوست کی صحت اور میاں صاحب کی مغفرت کی دعاؤں کی درخواست ہے۔

اللہ تعالیٰ سید علی شاہ میاں صاحب کے درجات بلند فرمائے۔ آمین

01/07/2026

Musa Ka Musallah in winter ❄️
Deep snow isn’t a joke, it’s a test. You don’t enjoy the hike, you survive it unless you’re fully geared. Pack smart, or the mountain will pack you home early.
گہری برف کوئی مذاق نہیں، یہ ایک امتحان ہے۔ اگر تم مکمل سامان کے ساتھ نہیں ہو تو ہائیک کا مزہ نہیں لو گے۔

01/07/2026

Somewhere in tangeer valley. 🩷🩷

Tangeer Valley. 🩷🩷
30/06/2026

Tangeer Valley. 🩷🩷

29/06/2026

Trail breaking is the worst part of a snow hike. 🩷🩷

Address

Mardan
23200

Website

Alerts

Be the first to know and let us send you an email when Abbas on Trails posts news and promotions. Your email address will not be used for any other purpose, and you can unsubscribe at any time.

Shortcuts

Share

Category