09/10/2026
ضروري سرڪيولر
محترم والدين، سرپرستن ۽ معزز برادريءَ کي اطلاع ٿو ڏجي ته لاڳاپيل اعليٰ اختيارين طرفان اسڪول ۾ شاگردن جي گهٽ حاضري ۽ اسڪول يونيفارم جي پابندي نه ڪرڻ واري معاملي جو سختيءَ سان نوٽيس ورتو ويو آهي. ان سلسلي ۾ هدايت ڪئي وئي آهي ته 10 نومبر 2026ع تائين شاگردن جي حاضري ۽ اسڪول يونيفارم جي مسئلن کي سنجيدگيءَ سان حل ڪيو وڃي. مقرر وقت اندر گهربل بهتري نه اچڻ جي صورت ۾ لاڳاپيل اعليٰ اختيارين طرفان سخت ڪارروائي عمل ۾ آڻي سگهجي ٿي.
تنهن ڪري سمورن والدين ۽ سرپرستن کي گذارش ٿي ڪجي ته پنهنجي ٻارن کي روزانو پابنديءَ سان اسڪول موڪلين ۽ کين مڪمل ۽ مناسب اسڪول يونيفارم ۾ اسڪول اچڻ جو پابند بڻائين. ٻارن جي تعليم، نظم ۽ ضبط ۽ بهتر مستقبل لاءِ والدين جو تعاون انتهائي ضروري آهي.
ساڳئي وقت سمورن ڪلاس ٽيچرن کي سختيءَ سان هدايت ڪئي وڃي ٿي ته هو پنهنجي پنهنجي ڪلاسن ۾ شاگردن جي روزاني حاضري ۽ اسڪول يونيفارم جي پابنديءَ تي خاص ڌيان ڏين، غير حاضر شاگردن بابت معلومات حاصل ڪن ۽ والدين سان رابطو ڪري هن مسئلي جي حل لاءِ سنجيده ۽ اثرائتا قدم کڻن، جيئن مقرر تاريخ کان اڳ گهربل بهتري يقيني بڻائي سگهجي.
اسان جو يقين آهي ته اسڪول انتظاميا، والدين ۽ برادريءَ جي گڏيل سهڪار سان ئي معاشري ۾ مثبت تبديلي آڻي سگهجي ٿي، خاص طور تي توربند هاءِ اسڪول جي تعليمي ماحول کي بهتر بڻائي سگهجي ٿو.
اچو ته گڏجي پنهنجي ٻارن جي بهتر مستقبل، تعليم جي واڌاري ۽ اسڪول جي ترقيءَ لاءِ پنهنجو ڀرپور ڪردار ادا ڪريون.
بحڪم: انچارج هيڊ ٽيچر
مجيب الرحمان ڪيهر
گورنمينٽ بوائز هاءِ اسڪول توربند، ضلعو شڪارپور
