02/08/2026
ڈاکٹر غلام مصطفیٰ سہاگ اُن نایاب شخصیات میں سے ہیں جن کی شرافت، اعلیٰ اخلاق، سادگی اور انسان دوستی ہی اُن کی اصل پہچان ہے۔ ایک سینئر بیوروکریٹ ہونے کے ساتھ ساتھ وہ پاکستان پیپلز پارٹی کے نظریاتی اور دیرینہ کارکن ہیں، جنہوں نے اپنے اسکول اور کالج کے زمانے سے ہی جماعت سے وابستگی کو وفاداری کے ساتھ نبھایا ہے۔
سیاسی وابستگی کے باوجود ڈاکٹر غلام مصطفیٰ سہاگ نے ہمیشہ درگاہ شریف پیرجوگوٹھ اور پیر پگارا خاندان کا بے حد احترام کیا ہے، جو اُن کے وسیع ظرف، رواداری اور اعلیٰ کردار کا منہ بولتا ثبوت ہے۔ وہ اس حقیقت پر یقین رکھتے ہیں کہ سیاسی اختلاف اپنی جگہ، مگر محبت، احترام اور انسانیت کے رشتے ہر اختلاف سے بالاتر ہوتے ہیں۔
ڈاکٹر غلام مصطفیٰ سہاگ صرف ایک کامیاب سرکاری افسر ہی نہیں بلکہ ایک بہترین ہمسایہ، مخلص دوست اور عوام کے دکھ سکھ کے ساتھی بھی ہیں۔ علاقے میں کسی کے گھر خوشی ہو یا غم، چاہے اُس کا تعلق پاکستان پیپلز پارٹی سے ہو یا پاکستان مسلم لیگ (فنکشنل) سے، وہ ہر ایک کے دکھ درد میں برابر شریک ہوتے ہیں۔ یہی خوبیاں انہیں ایک باوقار اور ہر دلعزیز شخصیت بناتی ہیں
جو نفرتوں کے اندھیروں میں بھی چراغ جلائے،
وہی حقیقت میں انسان کہلانے کا حق پائے۔
عزت، محبت اور خلوص جس کی پہچان بن جائے،
ایسے لوگوں پر ربِ کریم ہمیشہ اپنی رحمت برسائے۔
اللہ تعالیٰ ڈاکٹر غلام مصطفیٰ سہاگ، اُن کے بھائیوں اور پورے خاندان کو اپنی خصوصی رحمتوں میں رکھے، اُن کی عزت و وقار میں مزید اضافہ فرمائے، انہیں صحتِ کاملہ، خوشیوں بھری زندگی اور درازیٔ عمر عطا فرمائے، اور ہمیشہ انہیں انسانیت کی خدمت کرنے کی توفیق نصیب فرمائے۔
آمین یا رب العالمین۔
