24/07/2026
اپنے لوگوں کا پیار ہی اصل طاقت ہوتا ہے آگے بڑھنے کیلئے ♥️🌿🌼
شکریہ بھائی جان فار گولڈن ورڈز۔۔🌼
ساجن لالا کی عکس کشی سے یہ یہ ثابت ہورہاہے ۔کہ وہ اپنے علاقے سے محبت صرف الفاظ سے نہیں، بلکہ عملی کوششوں سے ظاہر کررہاہے۔ وہ طویل اور دشوار سفر کرکے واشک کے ان مقامات تک پہنچتی ہیں جن کے بارے میں بہت کم لوگ جانتے ہیں۔ کبھی کسی تاریخی مقام کی کہانی، کبھی قدرتی حسن کا کوئی انوکھا منظر، اور کبھی عام لوگوں کی سادہ زندگی، وہ اپنے کیمرے کے ذریعے ان سب کو دنیا کے سامنے لاتی ہیں۔
ان کی فوٹو گرافک صرف خوبصورت مناظر دکھانے تک محدود نہیں رہتی، بلکہ وہ واشک کی اصل شناخت، اس کی تاریخ، ثقافت اور وہاں بسنے والے لوگوں کی زندگی کو بھی حقیقت کے قریب رہتے ہوئے پیش کرتی ہیں۔
آج جب زیادہ تر توجہ صرف مشہور سیاحتی مقامات پر دی جاتی ہے، لیکن ساجن لالا نے ان جگہوں کا رخ کیا جہاں شاید ہی کبھی کسی کی نظر گئی ہو۔ دشوار گزار راستے، دور دراز بستیاں اور خاموش تاریخی آثار ان کی عکس کشی کا حصہ بنتے ہیں۔ وہ لوگوں سے ملتی ہیں، ان کی بات سنتی ہیں اور ان کی کہانیوں کو اسی انداز میں دنیا تک پہنچاتی ہیں جیسے وہ حقیقت میں ہیں۔
واشک قدرتی حسن، قدیم تاریخ اور بھرپور ثقافت کا امین ہے، لیکن اس کے بہت سے پہلو اب بھی دنیا کی نظروں سے اوجھل ہیں۔ ساجن لالا کی مسلسل محنت نے ان پہلوؤں کو اجاگر کرنے میں اہم کردار ادا کیا ہے۔ ان کی کاوش نہ صرف واشک کا مثبت تعارف بن رہی ہے بلکہ نوجوانوں کو بھی یہ پیغام دے رہی ہے کہ اگر اپنے علاقے سے محبت ہو تو اس کی پہچان کو دنیا تک پہنچانا بھی ایک بڑی خدمت ہے۔
دعا ہے کہ ساجن لالا اسی لگن، دیانت اور خلوص کے ساتھ اپنا سفر جاری رکھیں اور واشک کی خوبصورتی، اس کی تاریخ اور اس کے لوگوں کی اصل کہانی دنیا کے سامنے اسی طرح لاتی رہیں۔۔۔۔❤️
