03/05/2022
Hukuman sin pagpauna sin pagpuasa sunnat daing ha pagpuasa qada ha pandapat sin mga ulama.
بسم الله الرحمن الرحيم
katan sin sanglit iban pamudji tuput pa katunggal sin mahasutchi Allah, sarta salawat iban salam pa Nabi pilihan panghu nato Mohammad (sallallahu alayhi wasallam) mabut pa katan liud niya iban pa katan lundang karabat kashahabatan niya.
عن أبي أيوب الأنصاري -رضي الله عنه- أن رسول الله -صلى الله عليه وسلم- قال: «من صام رمضان، ثم أتبعه ستاً من شوّال، كان كصيام الدهر. رواه مسلم
Daing kan Abi Ayyub Al-ansari (radiyallahu anhu) bunnal tuud in Rasul (sallallahu alayhi wasallam) nagsabda : hisiyo-siyo in nakapuasa ha (katibuusan) sin ramadan mahuli ampa niya siyautan piyaurulan piyuasahan unum (6) daing ha shawwal, in kiyaawnan niya biya hantang kiyapuasahan niya in katibuusan sin tahun. riwayat hi imam muslim
duun ha ini laung sin mga ulama in siyabbut ha hadith كصيام in huruf ك duun manunjuki siya pa pagsarupa atawa biya hantang, ampa in taud sin adlawan halaum hangkatahun (1 yr.) baya-baya 365 adlaw, na mahi yadto biya dakaw nakapuasa halaum 1 yr. ha sabab sin farman sin Allah.
من جاء بالحسنة فله عشر أمثالها
Farman sin Allah: hisiyo-siyo in makahinang hambuuk hinang marayaw na' gandahan kaniya sin Allahu Ta'ala hangpoh kalipat karayawan.
na in puasa ha ramadan sumasaan 30 adlaw sumasaan 29 adlaw, bang in puasa jimukop 30 adlaw ampa lipat sin Allah tiyungbasan dihilan karayawan lipat maka 10 tanto biya da sin nakapuasa 300 adlaw, ampa piyasunuran sin 6 adlaw sin shawwal na in unum adlaw ampa lipat tiyungbasan 10 tanto biya da siya nakapuasa 60 adlaw hangkan siyabbut sin Rasul (sallallahu alayhi wasallam) biya hantang kiyapuasahan niya in katibuusan sin tahun.
jari niya unu in hukuman sin pag puasa sunnat ha bulan shawwal sin aun utang puasa (qada) ha bulan ramadan sin mga kababaehan pagbulanun, iban sin mga nasakit nakabuka ha sabab sin sakit nila, iban sin mga sila ha magtutulak-tulak amuin paunahun nila naa in pagpuasa sunnat 6 adlaw daing sin pag qada ha pandapat sin mga ulama.
hibutang ta in pandapat sin mga sila usuliyeen, sabab in ilmo fiqh dih siya makajari mutas ha ilmo usul, kalna in ilmo usul amuna in gamut sin ilmo fiqh.
in pag qada sin puasa ha bulan ramadan ha unu-unu na sababan amuin piyanuguti sin shará amuin makajari siya mukah ha adlawan sin ramadan in hukuman niya in siya واجب (wajib), na pagka in siya wajib, in wajib ha papanaw sin mga sin mga ulama usul mataud in tibayhuan niya.
aun pag tawagun واجب غير مؤقت (wajib ghayra muaqqata) واجب مؤقت (wajib muaqqata) in duwa wajib ini mataud in tibayhuan niya, ha dih tana masabbut katan sabab sin bukun kita ha madrasa, sabbutun tana sadja in wajib amuin manunjuki ha mawdu (topic) sin kita niyo.
in pag qada sin puasa ha puas sin ramadan in hukuman niya in siya wajib, sumagawa nakasud siya pa timbangan sin واجب غير مؤقت (wajib ha wayruun tiyutat sin shará in tartanto wakto niya).
laung sin qaida usuliya : واجب غير مؤقت و هو ما طلب الشارع فعله من غير تعرض للزمان
wajib (amuin wayruun tiyutat sin shara in tartanto wakto niya) siya na in piyangdaakan sin shará hipapatunay ha wayruun miyaksud tiyutat in tartanto wakto niya.
لم يحدد أداءه بزمن معين، و إن كان الأمر يدل علي الزمان بالالتزام، و من ضرورة الفعل وقوعه في زمان، ولكن ليس مقصودا للشارع، ولا مأمورا به قصدا.
wayruun biyutangan gantaan in pagtunay kaniya ha tartanto wakto, iban bang in kiyaawnan sin pangdaaki manunjuki siya pa wakto duun ha katutug niya, daing ha sabab sin kagunahan tuud in paghinang kaniya amuna in mutang siya duun ha wakto, sumagawa bukun yan in miyaksud sin shara iban wala pag agihi tahana-hana.
in wajib ghayra muaqqata aun tibayhuan niya, daing ha mga tibayhuan niya amuna in pagtawagun واجب الموسع (maluag in wakto sin ka wajib niya).
mataud daing ha mga tibayhuan sin ibadat amuin nakasud siya pa wajib al-muwassa biya na sin الإيمان pag-iman, kiyawajiban in tiyap-tiyap muslim mag īman pa katunggal sin Allahu Ta'ala iban pa pag Nabi sin Rasulullah iban sin dugaing niya pa, in pag īman wala biyutangan tiyutat in wakto niya tumagna daindi sarta tumubtub daindi, hatiniya ha salugay sin manusiya (muslim) buhi wajib kaniya in mag-īman pa Allahu Ta'ala, iban sin dugaing niya pa ha dih tana masabbut katan.
daing ha mga nakasud pa hukuman wajib al-muwassa ( maluag in wakto sin ka wajib niya) amuna in قضاء ما أفطره الإنسان بعذر من رمضان amuna in pag qada ha unu-unu na in kiyabukaan sin manusiya ha sabab sin ujur niya ha ramadan.
فَمَنْ كَانَ مِنْكُمْ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ
Farman sin Allah: iban hisiyo-siyo daing kaniyo in nasasakit iban sin ha pagtulak-tulakan ná muasa na sadja siya ha dugaing adlaw (qadaan niya na sadja in puasa niya ha puas sin ramadan).
فقد طلب منه القضاء بعد رمضان في أي وقت شاء، لا يلزمه التعجيل ولا يأثم بالتأخير. لباب المحصول لابن رشيق ١/٢٢٠
tanto tuud siyukat kaniya sin shará in mag qadá sin puasa kiyabukaan ha puas sin bulan ramadan ha unu-unu na wakto in kabayaan niya, wayruun da siyukat kaniya in tumunay siya mag us-us damikyan dihda isab siya magdusa ha sabab sin pag tahala niya. lubab al-mahsul ibni rasheeq 1/220
حكم الواجب الموسع : أن المكلف مخير في الإتيان به في أي جزء من أجزاء الوقت. فصول في علم الأصول ١٨٨
in hukuman sin wajib al-muwassa ha mga usuliyeen : in mukallaf ( muslim,akil baligh, kaga akkal) magpih siya sin wakto sin pagtunay kaniya hadiin-diin na in tibayhuan sin wakto. al-fusul fie ilmil usul 188
bang ha pamaham sin mga sila fuqaha.
duun ha ini nabahagi pa 3 in qaul sin mga sila Ulama.
1- jawaz - makajari
2- kara'ha - kahukawan (makruh)
3- tahrim - haram
in imiyan sin makajari muasa sunnat ha shawwal misan pahulihun na in pag qada amuna in madzhab hanafi.
ذهبت الحنفية: إلى جواز التّطوّع بالصّوم قبل قضاء رمضان من غير كراهة. فقد نقل الكاساني، عن أصحابه من الحنفية الجواز، فقال: "ولهذا قال أصحابنا: إنه لا يكره لمن عليه قضاء رمضان أن يتطوع، ولو كان للوجوب على الفور لكره له التطوع قبل القضاء؛ لأنه يكون تأخيراً للواجب عن وقته المضيق وأنه مكروه". بدائع الصنائع ٢/٢٦٥
ha pandapat sin madzhab hanafi: in makajari in muasa sunnat ha bahgo siya mag Qada sin (utang puasa) ha ramadan ha wayruun ka makruh niya, tantu tuud niyaqal hi imam Al-kásáni (rahimahullah) daing ha mga panaiban niya (ulama) ha madzhab hanafi sin makajari: ampa siya nagkabtangan (Al-kàsàni) daing ha sabab sin damikyan yadto in pandapat sin mga panaiban namo (madzhab hanafi) bunnal tuud wayruun miyakruh kaniya ha hisiyo-siyo na in aun qada ha ramadan in muasa siya sunnat, na' bang in kiyaawnan sin wajib yan amuin magsaruun-duun tuud suby hitunay nà mabilang makruh in pagpuasa niya sunnat ha bahgo siya mag qada, sabab mabilang in kiyaawnan niya tiyahala niya in pag tunay sin wajib ha wakto niya amuin sambil miyabot pawakto makipot in siya makruh. Badài-u As-sanài-u 2/265
وقال ابن نجيم الحنفي: "ولهذا له التّطوّع قبل القضاء؛ لأنّه يكره له تأخير الواجب عن وقته المضيّق. البحر الرائق شرح كنز الدقائق ٦/٢٣٩
Laung hi imam Ibno Nujaim Al-hanafi (rahimahullah) : iban daing ha sabab sin damikyan nasabbot nà misan siya muasa na sunnat ha bahgo siya mag qada, kalna in miyakruh kaniya in pag tahala sin wajib sambil miyabot pa wakto makipot. Al-bahrur ráiq sharhu kanzul daqáiq 6/239
matarrang ha pandapat sin madzhab hanafi sin makajari in muasa sunnat ha makauna daing ha pag qada, kalna in pag qada in siya wayruun tartanto wakto tubtuban niya adapun in wakto sin puasa sunnat biya sin sunnat ha bulan shawwal 6 adlaw na in yan aun tubtuban niya, iban sin puasa ha adlaw arafa, puasa ha yawmu ashura, na biyadiin na bang masi-masi pakaw wala nakajukup sin pag qada mo unu dih nakaw makajari muasa ha mga puasa sunnat ini?
in miyaksud sin makruh duun ha ini amuin tahalaun mo siya dih qadaan sambil iyabutan nakaw sin wakto makipot iyabutan nakaw sambil pa tungaan na sin bulan sha'ban sambil masuuk nakaw abutan sin ramadan ha wala naman kaw nakapag qada.
in daing ha mga ulama isab imiyan sin Makruh in pagpauna sin pagpuasa sunnat daing ha qada amuna in madzhab maliki iban shafie (rahimahumullah).
قال الدردير: "وكره تطوع بصيام قبل صوم نذر غير معين أو قبل قضاءٍ وكفارة بصوم، وأما المعين فلا يكره التطوع قبله ولا يجوز التطوع في زمنه فإن فعل لزمه قضاؤه؛ لأنه فوته لغير عذر. الشرح الكبير للشيخ الدردير ١/٥١٨،٥١٩
Laung hi Imam Ad-dardir (rahimahullah) iban makruh in puasa sunnat puasahun siya makauna daing ha puasa najar (tungga) amuin wayruun siya natutat in (wakto pagtunay) atawa paunahun siya daing ha qada atawa kifarat in pagpuasa, adapun in natutat (wakto pagtunay) puasa wala na siya na makruh misan pa paunahun in puasa sunnat daing kaniya,iban dih makajari muasa sunnat ha aun wakto natutat puasa (daing ha tungga) na bang niya hinang in damikyan nasabbut suby siya mag qada kaniya kalna kiyalipasan niya sin wayruun ujur. Sharhul kabie shiekh ad-dardir 1/518-519
pagpasawa: bang sawpama kaw nag najar (tunggah), upama nag najar kaw pa tuhan bang sawpama kaw makapass ha bar-exam magpuasa kaw tuud sunnat ha adlaw bihaini, na in puasa ini mabilang siya wajib sabab najar (tungga) siya pa tuhan, na makajari kaw muasa sunnat ha bahgo in wakto sin natutat mo wakto pagtunay sin najar (tungga) adapun dih kaw makajari muasa sunnat ha wakto sin pagpuasa mo sin tungga mo, atawa muasa kaw sunnat paghambuukun mo in puasa qada iban kifarat.
laung hi Imam Ad-dusuqi (rahimahullah) halaum kitab ha'shiyatu dusuqi ala sharhis saghir 5/96 makruh in pag puasa sunnat ha hisiyo-siyo in aun puasa utang paunahun niya daing ha qada, pag kifarat iban pag najar (tungga) misan pa in kiyaawnan sin pagpuasa yan sunnat muaqqada biya na sin ashura atawa ha 9 kasubangan sin dhul hijja atawa bukun sunnat muaqqada in ini manunjuki sadja dih makajari tahalaun in pag qada amu ini in qaul rajeh ha madzhab maliki.
damikyan Makruh da isab ha pandapat sin madzhab shafie (rahimahullah) in paunahun puasahun in sunnat daing ha pag qada.
قول الشّافعيّة إلى كراهة التّطوّع بالصّوم قبل قضاء رمضان، وهذا القول موافق لمذهب المالكية، كما تقدم. فقد جاء في فقه العبادات للشافعية: "ويكره التطوع بصيام يوم وعليه قضاء فرض. فقه العبادات الشافعي ١/٥٦٢
ha pandapat sin madzhab shafie (rahimahullah) in kamakruh sin pagpauna sin puasa sunnat daing ha puasa qada daing ha ramadan, in ini qaul taayun ha pandapat sin madzhab maliki biya sin nasabbut ta nakauna, tanto tuud simampay ha kitab fiqhul ibadat sin shafieya: iban miyakruh in puasa sunnat puasahun siya sin aun qada fardu puasa niya. Fiqhul ibadat As-shafie 1/562
ويكره التطوع بصيام يوم وعليه قضاء فرض، لأن أداء الفرض أهم من التطوع. الفقه العبادات على المذاهب الأربعة ١/٧٩٩
iban miyakruh in pagpauna sin pagpuasa sunnat bang in hal niya aun siya qada puasa fardu, kalna in pagtunay sin fardu labi siya mahalgah daing sin pagtunay sin sunnat. Al-fiqh alal majahib al-arbaa 1/799
adapun ha pandapat isab sin madzhab hanbali (rahimahullah) aun duwa riwayat daing kaniya.
1: Makajari - makajari in magpuasa sunnat misan aun Qada.
2: Haram - haram in muasa sunna bang aun qada.
قال ابن قدامة: "واختلفت الرواية عن أحمد في جواز التطوع بالصوم ممن عليه صوم فرض، فنقل عنه حنبل أنه قال: لا يجوز له أن يتطوع بالصوم، وعليه صوم من الفرض حتى يقضيه... وروي عن أحمد: أنه يجوز له التطوع. المغني ٣/٨٦
Laung hi Imam Ibno Qudama (rahimahullah) iban nag ikhtilaf in riwayat bayta daing kan imam ahmad duun ha pangjarihi sin pagpuasa sunnat paunahun siya puasahun sin hisiyo-siyo na in awun puasa fardu (qada) , iban niyaqal niya da isab imam hanbal in agi niya : dih makajari kaniya in mamuasa sunnat bang siya awun puasa fardu (qada) sahingga kapuasahan niya naa in qada niya... damikyan riwayat daing kan imam ahmad: bunnal tuud makajari in mamuasa sunnat misan in kiyaawnan niya wala pa nakapuasa qada. Al-mughni 3/86
يجوز التطوع بالصوم لمن كان عليه قضاء رمضان. فقه العبادات حنبلي ١/٣٩١
Makajari in Muasa sunnat ha hisiyo-siyo in aun kaniya qada puasa ha ramadan. Fiqhul ibadat hanbali 31/391
وممن نقل الحرمة في صوم التطوع قبل قضاء رمضان من الحنابلة، أبو النجا الحجاوي، في كتابه الإقناع، فقال: "ويحرم التطوع بالصوم قبله ولا يصح، ولو اتسع الوقت. الإقناع ١/٣١٦
Iban in daing ha mga nag naqal sin haram in pagpuasa sunnat makauna daing ha pagpuasa qada daing ha ramadan daing ha mga hanabila amuna hi abul naja al-hajjawi (rahimahullah) ha kitab niya Al-iqnà in agi niya : iban hiyaram in pagpuasa sunnat iban dih masah ( ha wala pa nakapag puasa qada) misan pa in kiyaawnan niya malawak in wakto. Al-iqnà 1/316
وقال ابن ضويّان: "ولا يصح ابتداء تطوع من عليه قضاء رمضان نص عليه. منار السبيل ١/١٥٩
laung hi ibni dawiyyan (rahimahullah) iban dih masah in tagnaan niya in pagpuasa sunnat ha hisiyo-siyo na in aun kaniya qada puasa ha ramadan in ini bayta daing kaniya. Manarus Sabil 1/159
damikyan ha madzhab hi imam abu daud ad-dhahiry (rahimahullah) siyabbot hi imam ibno hazm ad-dhahiry (rahimahullah) ha kitab niya al-ahlam li ibn hazm 3/309 sin makajari in muasa sunnat misan pa in kiyaawnan niya aun qada niya kalna in pagbayad puasa qada in ini aun siya wakto mahaba, adapun bang sawpama makalipaga na kaniya in pagpuasa qada sabab sin makipot na in wakto na duun ha ini suby niya unahun sautun in qada, adapun bang aun wakto mahaba mag qada na makajari mag sunnat misan aun pa qada.
Kahawpuan sin Pandapat sin mga Ulama.
1: Makajari - in ini amuna in pandapat sin mga Madzhab Hanafi iban sin Madzhab Hanbali iban sin Madzhab Ad-dhahiry
2: Makruh - in ini pandapat sin Madzhab Maliki iban Madzhab As-shafie
3: Haram - in ini pandapat sin kaibanan ulama Madzhab Hanbali
DALIL SIN MGA ULAMA NANGJARIHI HA MAS'ALA NASABBOT.
Dalil sin madzhab hanafi, hanbali iban sin dhahiriy.
حديث عائشة -رضي الله عنها- قالت: «كان يكون عليّ الصوم من رمضان، فما أستطيع أن أقضيه إلا في شعبان. صحيح البجاري ٢/٦٨٩ رقم ١٨٤٩
Hadith daing kan Aisha (radiyallahu anha) in agi niya : in kiyaawnan ko aun ako puasa qada daing ha ramadan, wala ko kagausi qadai magtoy malaingkan suby duun na ha sha'ban. saheeh bukhari 2/689 umbul 1849
nasabbut ha fathul bari hi ibno hajar 4/191 umdatul qari 11/56 naylul awtar 4/317
قالوا: فهذا الحديث يدل على أن عائشة كانت تقضي الصوم الواجب عليها في شعبان، ومعلوم حرص عائشة على نفل الصيام كغيرها من أمهات المؤمنين. فهل يمكن أن نقول: أن عائشة كانت لا تصوم ستة أيام شوال، ولا يوم عرفة وعاشوراء؟ وهل يظن أنها لا تتطوع في هذه الأيام الفاضلة بصيام؟ الجواب: لا. فتح الباري ابن حجر ٤/١٩١ عمدة القاري ١١/٥٦ نيل الأوطار ٤/٣١٧
in agi nila (rahimahumullah) : in hadith yan manunjuki sadja sin in Aisha (radiyallahu anha) nag qada siya sin puasa wajib kaniya ha bulan sha'ban na, ampa kiyaingatan nato da bang biyadiin in tuyo niya mag puasa sunnat biya da isab sin dugaing daing kaniya ha mga ummahatul mo'mineen (radiyallahu anhunna) unu makajari baha kita niyo mamung in Aisha (radiyallahu anha) wala siya namuasa 6 adlaw sin shawwal atawa yawmul arafa atawa yawmul ashura? unu nag angan-angan baha siya sin wayruun na sunnat ha mga iyadlawan dihilan kalabbiyan sin Allahu Ta'ala ha pagpuasa? in jawab niya : dih atawa wayruun.
قال ابن حجر: "في الحديث دلالة على جواز تأخير قضاء رمضان مطلقاً، سواء كان لعذر أو لغير عذر. فتح البارى ٤/١٩١
Laung hi ibno hajar (rahimahullah) duun ha hadith ini manunjuki sadja dalil sin manjari tahalaun in pag qada sin puasa ramadan mutlaq siya sibuh da in kiyaawnan niya aun ujur iban sin wayruun ujur. fathul bari 4/191
. وقال ابن قدامة معلِّلاً سبب الجواز: "لأنها عبادة تتعلق بوقت موسع، فجاز التطوع بها في وقتها قبل فعلها. الكافي في فقه ابن حنبل ١/٤٤٧
Laung hi ibno qudama (rahimahullah) nag ilal siya ha sabab sin pangjarihi : kalna in ibadat yan manunjuki siya pa wakto maluag, daing ha sabab yadto jiyari in pagpuasa sunnat ha wakto niya ha bahgo in paghinang kaniya. Al-kàfi fie fiqh ibn hanbal 1/447
Dalil sin madzhab maliki iban shafie sin kamakruh nila.
amuna in suby dih tahalaun in wajib kalna in pag tunay sin kawajiban labi afdal daing sin pag tunay sin sunnat.
dalil sin kaibanan madzhab hanbali sin ka haram kaniya.
عن أبي هريرة -رضي الله عنه- أن النبي -صلى الله عليه وسلم- قال: «من أدرك رمضان وعليه من رمضان شيء لم يقضه لم يتقبل منه، ومن صام تطوعا وعليه من رمضان شيء لم يقضه فإنه لا يتقبل منه حتى يصومه. قال الهيثمي: رواه أحمد والطبراني في الأوسط باختصار، وهو حديث حسن. مسند أحمد بن حنبل ٢/٣٥٢ برقم: ٨٦٠٦ تعليق شعيب الأرنؤوط: إسناده ضعيف. قال الشيخ الألباني: ضعيف، السلسلة الضعيفة ٢/٢٣٥ رقم٨٣٨
Daing kan Abi Hurayra (radiyallahu anhu) bunnal tuud in Nabi Mohammad (sallallahu alayhi wasallam) nagsabda: hisiyo-siyo in naka abot sin ramadan ampa aun qada niya daing ha ramadan nakauna wala niya ka qadai nà dih taymaun kaniya in (puasa) niya, iban hisiyo-siyo in namuasa sunnat mahuli aun qada niya puasa wala niya ka qadai na dih taymaun kaniya hingga siya makapuasa (qada). laung hi imam al- haythami riwayat daing kan iman ahmad iban iban hi imam tabarani ha al-awsat ha kahawpuan niya in siya hadith hasan. musnad ahmad 2/352 umbol 8606 in comment hi shiekh abdulqadir al-arnaout in sanad niya daif, laung hi shiekh albani Daif, silsilatu ad-daīfa 2/235 umbol 838
In Qaul Rajeh ha mga pandapat sin mga Ulama nalimpal nato yan amuna in pandapat sin imam abu hanifa sarta tiyaayunan da sin maliki iban shafie iban hanbali iban sin dhahiry.
kalna mahi hangkan in Qaul Rajeh amuna in makajari? sabab sin in dalil niya saheeh sarta tiyaayunan sin jumhoor iban in pamung nila pa, in puasa sunnat amuin aun tartanto wakto niya biya na sin pagpuasa 6 adlaw ha shawwal, ha arafa, ha ashura, in yan apabila limipuas na in wakto niya tanto dih muna madawhat in karayawan hitungbas sin Allahu Ta'ala kaniya, adapun in pag qada mahaba in wakto niya, sah in labi afdal bang kagausan ta amuin unahun ta naa in pag qada ampa pasunurun ta magtoy in pagpuasa sin sunnat 6 adlaw ha bulan shawwal.
in usug pagka dihda pagbulanun, iban bang mga wayra nasakit atawa bukun ha tulakan na mahang da san makapag qada tuud, na labi afdal direct na magtoy muasa sunnat pag puas sin haylaya atawa palipuasun m mga duwa adlaw pa 3 adlaw wayra salla niya.
ha kahalan magjato ha kababaehan aun wakto in sila pagbulanun 3,5,7,10 sambil pa 14 days, na biyadiin na bang in babae diyugoh siya ha mga 22 sin ramadan, so bang in puasa 30 days aun pag ubus pag bulanun siya 7 days na 7 days in qada niya, so pag puas haylaya muasa na siya direct 7 days bang niya kagausan labi afdal, sah bang dih niya kagausan wayra salla niya, sah in problem daindi abutan na isab siya sin pagbubulan kaniya ha wala niya pa natalus puasahinin qada niya iban sin sunnat 6 adlaw ha bulan shawwal na daing ha sabab yadto arakala abutan siya sin wakto masutchi na siya daing ha duguh bulan niya ha naubus na in bulan shawwal.
kahalan magjato, parunun tana wala na siya nakapag qada magtoy sambil nakataykud in bulan shawwal, mahuli iyabutan sin yawmu arafa ampa malaggo in kalabbiyan sin pagpuasa ha adlaw arafa ha mga sila wala nakapag hadji, unu ha kahalan ini dih makajari muasa sunnat in tao aun qada niya? in jawab niya makajari hangkan amuyan in qaul rajeh ha pandapat sin mga ulama.
mahuli bang aun imamu in yan kiyawa namo daing ha kitab iban sunnah labay ha pamaham sin mga ulama, bang aun wala imamu in yadto daing ha kakiti sin pamaham namo iban ha panasati sin shaitan, mahuli ukab in lawang sin sasahawihan sin kamo.
NOTE: Bilang murid mànununtut ilmo, wala kami kimawa sin fatwa sin hisiyo-siyo na ulama muasir, sah kimawi kami ha papanaw sin mga ulama madzhab ha masa nakauna, ha kalna in ilmo pamaham nila kiyalulukis ha kakitaban nila gatusan tahun na in limabay sarta lamabay na ha halaum daghal sin mga kaulamaan amun limukat pangadjian ha kakitaban nila.
wallahu taàla a'la wa a'lam
✍️ Abdulbasit Ladjaferma Al-azhari بن مسعود
