Capt. Marlon Cataquis

17/08/2026

Status ng EDSA ngayon. Este SKYWAY SOUTHBOUND. 😅

Moving naman… at 5 km/h. 😂

Maulan, mabigat ang traffic, at mukhang mahaba-haba ang biyahe today.

Sa lahat ng papasok sa office, may medical appointment, may importanteng lakad, or kailangan talagang bumiyahe—ingat tayong lahat.

Leave a little early if you can. Huwag magmadali. Mas importante na makarating nang safe kaysa piliting habulin ang oras.

And of course, sa mga nasa kalsada ngayon, patience. We cannot control the weather or the traffic, but we can always control how we respond.

Praying for everyone’s safety today. 🙏

16/08/2026

16/08/2026

“Please… give yourself some grace.”

Kabaro, hindi araw-araw kailangan mong maging matatag.

May mga araw sa barko na pagod ka na pero kailangan mo pa ring bumangon para sa duty. May problema ka sa pamilya pero kailangan mong itabi muna dahil trabaho ang nasa harapan mo. May pagkakataong nagkamali ka, napagalitan, o pakiramdam mo hindi sapat ang ginagawa mo.

Pero tandaan mo. tao ka rin.

Hindi dahil seaman ka, kailangan kayanin mo lahat nang hindi napapagod. Hindi dahil malayo ka sa pamilya, bawal ka nang malungkot. At hindi dahil may magandang sahod ka, wala ka nang karapatang mahirapan.

Minsan, masyado tayong harsh sa sarili natin dahil gusto nating maging mabuting provider, asawa, magulang, anak, at kabaro.

Give yourself some grace.

Patawarin mo rin ang sarili mo sa mga pagkakamali. Magpahinga kapag may pagkakataon. Huwag mong ikumpara ang progress mo sa ibang tao.

Hindi mo kailangang maayos ang buong buhay mo ngayong kontrata.

Dahan-dahan lang, Kabaro. Ang mahalaga, patuloy kang bumabangon at hindi sumusuko.

16/08/2026

Almost everything we have today started with a VISION.

May nakita kaming magandang bahay during our Sunday drive.

Hindi sa amin iyon.

And honestly, sa present financial situation namin, hindi pa namin kayang bumili ng ganung bahay.

And that’s okay.

Minsan kailangan mo lang makita kung ano yung possible.

Hindi para magpanggap na nandiyan ka na.

Para maging clear ka kung saan mo gustong pumunta.

Today is Sunday.

Church. Family. Brunch. Kwentuhan.

More than one hour din yung biyahe, so habang passenger ako, sinamantala ko yung oras para pag-aralan itong bagong Insta360 X6.

Beginner ulit. Maraming pindot. Maraming tanong. Kailangan ng patience. 😂

Pero that’s also part of life.

You don’t have to know everything before you start.

Learn. Try. Correct. Improve.

At the same time, hindi rin kailangan bawat minuto productive.

There are days when you simply need to slow down, spend time with the people who matter, thank God for what you already have, and reset.

May mga pangarap pa tayo.

May mga bagay pa tayong gustong mabuo.

Pero habang nagtatrabaho tayo para makarating doon, huwag nating kalimutan i-appreciate yung buhay na meron tayo ngayon.

Vision for tomorrow. Gratitude for today. 🙏

15/08/2026

Minsan kakakuha natin ng magandang video, nakakalimutan na nating i-enjoy yung mismong moment.

That is one reason why I decided to buy the Insta360 X6 — with my own money.

Hindi ako camera expert. Actually, pati unboxing ko hindi professional. 😆

Pero malinaw sa akin kung ano yung problem na gusto kong i-solve.

When I’m running with the CYR Run Club, ayokong puro camera ang iniisip ko.

I want to RUN.
I want to TRAIN.
I want to LEAD.
And most importantly, I want to enjoy the people and the experience with them.

What interested me about 360 is simple:

Shoot now. Reframe later.

Capture the real moment first, then decide afterwards how you want to tell the story.

For me, that is useful technology.

Technology should adjust to our life. Hindi yung buhay natin ang laging mag-aadjust para sa technology.

This is only the beginning. I’m still learning what this camera can really do through actual use.

Salamat Insta360 Philippines

15/08/2026

“Wag kang tamarin magtrabaho, kasi mahirap manghingi kapag ikaw na ang nangailangan.”

Sa barko, may mga araw talagang pagod ka na. Mainit, maingay, paulit-ulit ang trabaho, at minsan gusto mo na lang matapos ang kontrata.
Pero sa bawat kalawang na tinataktak, bawat overtime, at bawat araw na bumabangon ka kahit pagod—may dahilan kung bakit mo ginagawa lahat ng ito.

Hindi habang buhay malakas tayo. Hindi rin habang buhay may kontrata at may sahod na pumapasok.

Kaya habang may pagkakataong kumita, magtrabaho nang maayos, mag-ipon, maghanda at gamitin nang tama ang perang pinaghirapan.

Masarap tumulong kapag ikaw ang meron. Pero ibang pakiramdam kapag dumating ang panahon na ikaw naman ang nangangailangan at wala kang mahugot.

Magpahinga kapag pagod, pero huwag maging kampante sa buhay.
Dahil ang sipag at sakripisyo mo ngayon, maaaring maging dahilan kung bakit hindi mo kailangang manghingi bukas.
Para sa pangarap. Para sa pamilya. Para sa kinabukasan.

12/08/2026

Alisin mo ung Kaba, tapos makipag Sabayan ka.

11/08/2026

10 Financial Habits na Makakatulong Para Hindi Habambuhay Sumakay

1. Unahin ang ipon bago ang gastos.
Pagpasok ng sahod, magtabi agad. Huwag yung kung ano lang ang matira sa katapusan ng buwan ang magiging savings.

2. Magtakda ng savings goal bawat kontrata.
Halimbawa: “Pag-sign off ko, dapat may ₱150K–₱300K akong hindi gagalawin.” Mas madaling mag-ipon kapag may malinaw na target.

3. Iwasang sabayan ng lifestyle upgrade ang salary upgrade.
Hindi dahil tumaas ang rank at sahod, kailangan ding tumaas agad ang gastos.

4. Magkaroon ng 6–12 months emergency fund.
Mahalaga ito sa seafarer dahil walang kasiguraduhan kung gaano kabilis ang susunod na lineup.

5. Bayaran muna ang high-interest debt.
Bago mag-invest nang agresibo, bawasan ang mga utang na patuloy na kumakain sa sahod dahil sa malaking interest.

6. Maglaan ng pera para sa investments.
Hindi kailangan malaki agad. Ang importante, regular kang naglalagay ng parte ng kinikita mo sa mga asset na naiintindihan mo.

7. Bumuo ng income kahit nasa bakasyon.
Negosyo, rental, freelancing, digital income o ibang sideline. ang goal ay magkaroon ng perang pumapasok kahit walang allotment.

8. Paghiwalayin ang savings, expenses at investment money.
Kapag nasa iisang account lahat, madaling isipin na marami ka pang perang puwedeng gastusin.

9. Gumawa ng sariling “Retirement from Sea” fund.
Bukod ito sa emergency fund. Ito ang perang unti-unti mong binubuo para magkaroon ka ng choice kung kailan ka titigil sa pagbabarko.

10. Magkaroon ng financial exit number.
Huwag lang sabihin na “Balang araw titigil din ako.” Tanungin ang sarili: Magkano ang kailangan kong ipon, investment at monthly passive/alternative income bago ako makababa nang tuluyan?

“Kabaro, ang goal natin ay hindi lang tumaas ang sahod habang tumataas ang rank. Ang tunay na goal ay dumating sa punto na may choice ka—sasakay ka dahil gusto mo, hindi dahil wala kang ibang pagkukunan ng pera.”

Hindi masama ang pagbabarko. Pero mas maganda kung bawat kontrata ay isang hakbang palapit sa financial freedom.