Ang aking panulat

26/10/2025

Kahit ang dilim ay may ganda din.💞

Marami ang nagsasabing nakakatakot ang dilim,marahil dahil wala itong ibang kulay o anyo, ano nga ba makikita ng iyong mga mata sa kadiliman kung tila binubulag nito ang iyong paningin,

Kung ang mga mata mo ay walang makita dahil sa dilim, subukan mo na lamang ipikit ang mga ito, at humanap ng liwanag sa puso mo, gamitin mo ang puso mo upang makaaninag nang kahit kaunting liwanag para rito, doon makikita mo at masasabi mong...kahit ang dilim ay may ganda din.

Ang aking panulat
Liah...✍️

25/10/2025

Buhay mo💞

Sinong mag aakala nang iyong pagdating
Isang himala na tila nagnining-ning
Mahiwagang mundo'y iyo nang narating
Sa iyo'y naghihintay upang ika'y makapiling

Ngayon ang araw mo'y tila paraiso
Hindi alintana ano mang hatid nito
Ngayon ay magaan pa ang lahat sa puso
Sana'y hanggang bukas ito'y dalhin mo

Sa iyong kamusmusan ika'y matututo
Na di lahat ay magaan dito sa mundo
Kahit mahirapan man ay wag kang susuko
Sadyang ganyan ang buhay saan man magtungo

Isang bakangteng papel ang iyong kapalaran
Ikaw ang magsusulat sa iyong kahahantungan
Ano man gawin mo ay magiging larawan
Di na mabubura pero pwdeng palitan

Sikapin mong maging maganda ang bawat pagguhit
Upang kung ano man ang nais ay iyong makakamit
Magaang kapalaran sa iyo'y lalapit
Sapagkat kung di loobin ito'y di maipipilit.

Ang aking panulat
Liah...✍️

20/10/2025

Sawi💞

Natutunan kong wag nang umimik
Kahit batid kong ako'y nanabik
Sa mga yakap mo at matamis mong halik
Pinili na lamang wag nang maghimagsik

Bakit nga ba ako maghahanap
Sa taong alam kong iba na ang hanap
Pilitin ko man ibalik at ako ay magpanggap
Paano ang gagawin kung di na mahagilap

Noon akala ko kapag ikaw ay nagmahal
Pawang tuwa at saya lang ang iyong makakamtan
Puno ng pag asa ang aking mga mata
Na ako lang talaga at wala ng iba pa

Nagkamali nga ba ako sa aking pinili
O' sadyang kapalaran ko na ako ay masawi
Kung gayo'y tadhana na siguro ang nagpasya
Na kung di ako baka sa iba ka sasaya.

Ang aking panulat
Liah...✍️

19/10/2025

Kung ang liwanag na hawak mo ngayon ay malamlam
Hayaan mong pag alabin ito ng iyong paniniwala
Na kaya ka nitong itawid sa dilim tungo sa inaasam mong liwanag..💞

Salamat sa Dios...✍️

19/10/2025

Hindi nga ba busilak kang maituturing kung sa kabila ng putik na iyong kinasasadlakan ay nanatili kang malinis...Lotus💞

19/10/2025

Bukas💞

Titigil din ang sakit at paghihirap
Wala ka na mararandaman pang hirap
Hindi mo kailangan mag isip at mabalisa pa
Lahat ng pag aalala ay mahihinto na

Isang araw darating din ang hangganan
Isang mahabang pahinga na wala ng balikan
Isang mahimbing na pagtulog ang papawi sa kapaguran
Isang malalim na higaan na magiging himlayan

Sa isang saglit bago ang pag pikit
Babalik ang nakaraan na iyong sinapit
Mga tamis sa labi iyong makakamit
Sa wakas ika'y nakabalik kahit sa isang saglit

Hintayin mo lamang at wag pagdesisyunan
Kusa itong ipagkakaloob sa itinakdang araw
Marahil sa iba ito'y isang wakas
Ngunit sa isang tila nauubos na
Isa itong pagpapala at pagpapahinga

Dahil sa wakas..Bukas wala ng hirap..🖤

Ang aking panulat
Liah..✍️

19/10/2025

Lola💞

Nakita kita mula sa kawalan
Minasdan at inasam na ikaw ay hagkan
Ngunit sa wari ko at di inaasahan
Ikaw ay naglaho at di na matagpuan

Nalungkot sandali at ako ay nagdamdam
Napaisip ako kung saan kita matatagpuan
Naghanap at napagod di kita matagpuan
Nawalan ng loob at ako'y nag alinlangan

Malawak ang paligid sa aking paningin
Maraming balakid sa aking lalakbayin
Nabasa at natuyo ang bawat lakarin
Dumilim at lumiwanag di ko na rin napansin

Sa aking pagkapagod ako ay naupo
Sandaling nag isip at pinakinggan ang puso
Tinanong ang sarili kung bakit ako'y bigo
Nakarandam ng kirot at luha'y tumulo

Marahan nanalangin sa Dios na may batid
Kung bakit hanggang ngayo'y maraming balakid
Ang nais ko lamang ay aking mabatid
Kung saan ang landas mo at ako ay ihatid

Saan nga ba ako dapat maghanap
Sa lawak ng mundo ay di ka mahanap
Sa isang saglit ako ay nagpasya
Tumayo at lumakad ako'y uuwi na

Sapagkat sa wakas akin na nabatid na dito sa mundo ikaw ay wala na..🥲

Ang aking panulat
Liah..✍️

02/03/2022

Nakakabingi ang mga salitang di maibulalas...✍

02/03/2022

Siguro nga ang kahapon ay nakaraan nalang..ngunit may bukas na nananatili...✍

02/03/2022