24/10/2026
Ang usa ka dakong haligi sa among pagtuo mibiya na. Apan ang iyang kabilin ang iyang pagtudlo, pag-ampo, ug gugma sa Ginoo ug sa ministry magpabilin hangtod sa hangtod sa among kasingkasing.
Salamat Pastor sa imong kinabuhi nga nahimong ehemplo. Ang imong sakripisyo dili gayud namo malimtan. Ang imong gitanom, magpadayon nga motubo.
You have fought the good fight, you have finished the race, you have kept the faith. (2 Timothy 4:7)
Rest in the loving arms of Jesus, Pastor. Rosendo Villarin
We love you and we will miss you deeply.
- From your Jireh Christian Center - Overview Family
Uban sa bug-at nga kasingkasing, among gihinumdoman ug gipasidunggan ang atong minahal nga founder ug spiritual father, Rev. Rosendo Villarin.
Daghang salamat, Pastor Sendo, sa pagtugot sa Ginoo nga gamiton ang imong kinabuhi aron matukod ang Iyang buluhaton ug sa paggiya sa daghang kalag nga mas moduol Kaniya. Salamat sa imong pagtuo, mga pag-ampo, mga sakripisyo ug gugma alang sa ministeryo. Dako kaayo ang imong nahatag nga panulondon sa among simbahan. Pinaagi sa imong pagpangulo, wala lamang natukod ang usa ka simbahan, kondili usa usab ka pamilya nga nagkahiusa diha sa pagtuo ug gugma sa Ginoo.
Bisan masulub-on ang among mga kasingkasing sa imong pagkawala, nagmalig-on kami sa kahibalo nga nahuman na nimo ang imong lumba ug anaa ka na karon sa presensya sa atong Manluluwas. Ang mga binhi sa pagtuo nga imong gipugas magpadayon sa pagtubo ug pagpamunga sa umaabot nga mga henerasyon.
Sama sa giingon sa 2 Timoteo 4:7-8, imong giaway ang maayong away, nahuman ang lumba, ug gibantayan ang pagtuo. Hinaot nga ang imong kinabuhi magpadayon nga inspirasyon kanamo sa matinud-anong pag-alagad sa Ginoo hangtod sa kataposan.
Gikan sa imong pamilya sa Jireh Christian Center Caliclic, daghang salamat sa tanan, Pastor Sendo. Usa ka dakong pribilehiyo nga mahimong kabahin sa ministeryo nga gitugyan sa Ginoo kanimo. Dili ka namo kalimtan, ug magpabilin ka sa among mga kasingkasing uban sa gugma, pagtahod ug dakong pagpasalamat.
Wala ka na sa among panan-aw, apan ang panulondon sa pagtuo nga imong gibiyaan magpabilin sa among mga kasingkasing.
Hangtod sa atong pagkita pag-usab diha sa presensya sa atong Ginoo. 🤍
“Bililhon sa mga mata sa Ginoo ang kamatayon sa iyang mga matinumanong alagad.” — Salmo 116:15
