13/06/2026
के अस्पताल जाने हरेक विरामी जुन दिन ओपिडी गयो, त्यही दिन जाँचका सबै प्रकृया (डाक्टरलाई देखाउने, ल्याब जाँच, एक्सरे, अल्ट्रासाउन्ड गर्ने, फेरि रिपोर्ट देखाउने, अनि औषधी लिने) सकाउन जरुरी हुन्छ?
अहिलेकै जनशक्ति र पूर्वाधारमा सबै बिरामीको जाँच, ल्याब, एक्सरे, र रिपोर्ट कन्सल्टेशन एकैदिनमा सक्ने सेवा दिनु असम्भव प्रायः छ।
अस्पताल आउने सबै बिरामीले एकैदिन सबै जाँच र उपचार भ्याउनुपर्छ भन्ने छैन। बिरामीलाई अर्जेन्ट केयर (तत्काल उपचार चाहिने) र रुटिन केयर (फलो-अप वा रिपोर्ट पछि देखाए हुने) गरी दुई समूहमा छुट्टाउनुपर्छ।
रुटिन केसहरूका लागि निश्चित दिन र समयको अपोइन्टमेन्ट दिने हो भने बिरामीले घन्टौँ कुर्नु पर्दैन र अस्पतालको भिड नियन्त्रण हुन्छ।
अस्पतालको सेवाबाट कतिसम्म आशा गर्ने भन्ने कुरामा बिरामी र सरोकारवालाहरू वास्तविक धरातलमा उभिनु जरुरी छ।
