02/11/2026
पुनम गुरुङको कला यात्रा र राज गोरखालीको सञ्चार सहकार्य, काशीगाउँ तिहार मेलामा विशेष प्रस्तुति
गोरखा जिल्लाको धार्चे गाउँपालिका–५, सिङ्लाबाट आफ्नो कला यात्रा सुरु गरेकी पुनम गुरुङ पछिल्लो समय विभिन्न मेला, महोत्सव तथा सांस्कृतिक कार्यक्रममार्फत दर्शकमाझ परिचित हुँदै गएकी छन।
सिङ्लाको रेसे मेलाबाट स्टेज कार्यक्रममा पाइला टेकेकी पुनमले ऐतिहासिक गुम्दा आलु मेला हुँदै खोर्लाको दशैँ मेलासम्म आफ्नो प्रस्तुति दिइसकेकी छन्। छोटो समयमै दर्शकको माया र साथ पाउँदै कला क्षेत्रमा आफ्नो पहिचान विस्तार गर्ने क्रममा रहेकी पुनम अब आगामी २२ गतेदेखि २४ गतेसम्म आयोजना हुन गइरहेको काशीगाउँ तिहार मेलामा समेत आफ्नो प्रस्तुति लिएर उपस्थित हुँदैछिन्।
“राज गोरखाली : उत्तरी गोरखाको आवाजलाई सञ्चारमाध्यममार्फत जोड्दै”
उत्तरी गोरखामा सञ्चार तथा सूचना प्रवाहको क्षेत्रमा सक्रिय र चिरपरिचित नाम हो राज गोरखाली । स्थानीय कला, संस्कृति, पर्यटन, सामाजिक गतिविधि तथा गाउँघरका समाचारलाई फोटो, भिडियो र प्रत्यक्ष प्रसारणमार्फत स्वदेश तथा विदेशमा रहेका दर्शकमाझ पुर्याउँदै आएका राज गोरखाली स्थानीय प्रतिभा र सांस्कृतिक गतिविधिको प्रचारप्रसारमा समेत सक्रिय छन ।
यसै क्रममा पुनम गुरुङको कला यात्रालाई थप दर्शकमाझ चिनाउने उद्देश्यले राज गोरखालीले फोटो तथा भिडियो सामग्री निर्माण गर्नुका साथै काशीगाउँ तिहार मेलाको कार्यक्रमलाई राज गोरखाली मिडियामार्फत प्रत्यक्ष लाइभ प्रसारण गर्नेछन ।
यसले गाउँघरमा लुकेर रहेका प्रतिभा, स्थानीय कला, संस्कृति र परम्परालाई राष्ट्रिय तथा अन्तर्राष्ट्रिय दर्शकमाझ पुर्याउन सहयोग पुग्ने अपेक्षा गरिएको छ।
२२ देखि २४ गतेसम्म काशीगाउँमा भेटौँला!
पुनम गुरुङको विशेष सांस्कृतिक प्रस्तुति र राज गोरखाली मिडियाको प्रत्यक्ष लाइभ प्रसारणसहित काशीगाउँ तिहार मेलामा सहभागी बनौँ।
