Sir Wisdom

Contact the business

Sir Wisdom Tarihi yana adana abin da lokaci yake ƙoƙarin gogewa
(2)

’Yan sandan Jihar Katsina sun tabbatar wa wakilin DW Hausa da kisan Sheikh Yahaya Malam Masuss**a, wanda wasu da ake zar...
26/10/2026

’Yan sandan Jihar Katsina sun tabbatar wa wakilin DW Hausa da kisan Sheikh Yahaya Malam Masuss**a, wanda wasu da ake zargin ’yan bindiga kan babur s**a harbe a kofar gidansa da ke garin Dutsinma.

Muna fatan Allah ya jiƙan sa da rahama
Ya yafe masa kuskuren sa!

Masana kimiyya daga ƙasar Jamus a Jami’ar Augsburg sun kirkiri baturi na quantum wanda ke aiki a yanayi madaidaici (ba s...
24/10/2026

Masana kimiyya daga ƙasar Jamus a Jami’ar Augsburg sun kirkiri baturi na quantum wanda ke aiki a yanayi madaidaici (ba sai sanyi ko zafi ba), kuma yana caji cikin kankanin lokaci kasa da dakika 0.01 wato kafin second ɗaya ya cika, sannan ba ya rasa karfin aikinsa ko lalacewa akan lokaci.

Wannan baturi baya amfani da sinadarai k**ar sauran batirori, sai dai yana dogara ne da “quantum entanglement” wato wani abu mai ban mamaki a fannin lissafi da ake amfani da shi a kwamfutocin quantum.

Wannan ƙaramin baturi a yayin gwajin sa ya bada wutar awa shida ga ƙaramin robot bayan an cajashi na gajeren lokaci, Abin mamaki yana iya adana rikon caji na har abada, ba tare da yin zafi ko lalacewa ba, kuma ba ya bukatar kayan da ake samunsu da wuya.

Masana sun ce: "wannan na iya zama farkon sabon zamanin da na'urorin bazasub bukaci cajin baturi ba har abada.

Idan aka samu damar faɗaɗa wannan fasaha, zata iya kawo karshen batirorin da ake jefarwa bayan amfani, sannan zata sake fasalta tsarin amfani da mak**ashi a duniya, kuma ta kawo sahihiyar mafita mai dorewa

Abinda ya yi k**a da tatsuniya yanzu ya zama gaskiya, batirorin da basa mutuwa, dake aiki da karfin quantum!

Sir Wisdom

Rana ba kawai wata kwalliya ce mai haske a sararin samaniya baita ce babban ginshiƙin tsarin duniyarmu wato (solar syste...
23/10/2026

Rana ba kawai wata kwalliya ce mai haske a sararin samaniya ba

ita ce babban ginshiƙin tsarin duniyarmu wato (solar system).

Rana tana ɗaukar kusan kashi 99.8% na dukkan nauyin tsarin duniya, yayin da sauran abubuwa k**ar duniyoyi, watanni, ƙwayoyin taurari (comets), duwatsu (asteroids), da ƙananan duniyoyi (dwarf planets) duk sai an haɗa su duka sannan zasu kai 0.2%.

Wannan bambancin ne yasa Rana take da cikakken iko da nauyin janyo komai da yake a acikin zagayenta.

ba don ƙarfinta da Allah ya saka mata ba, na janyo abubuwa (gravity), da duniyoyi sun warwatse ba tare da tsari ba acikin sararin samaniya.

Wannan karfin ne kesa duniya take zagaye rana a daidai, tana kiyaye lokutan shekara, yanayi, da rayuwa domin su kasance a dai_dai.

Haka kuma yake ga sauran duniyoyi, watanni, da ƙananan taurari k**ar comets da asteroids, duk suna bin dokar wannan jan na Rana.

Rana ce kuma tushen dukkan mak**ashi a tsarin duniya domin a cikin cikinta nuclear fusion ke gudana inda hydrogen ke haɗuwa don samar da haske da zafi, Wannan haske da zafi ne ke bawa Duniya rai, shi yake motsa iska, teku, da tsarin photosynthesis wanda tsirrai ke amfani da shi.

Duk da cewa duniyoyi da watanni suna burge mu, Rana ce ke jagorantar komai da ƙarfin nauyinta da haskenta da ubangiji ya samar mata

Fahimtar Rana na nuna yadda tsarin duniya yake cike da daidaito da hikima, ƙaramin sauyi a nauyin Rana ko haskenta zai iya canza hanyar duniyoyi ko ma yanayin duniyar gaba ɗaya

Wannan yana nuna cewa Rana ba kawai haske bace ita din wani ginshiƙi ce dake riƙe tsarin duniyar mu baki ɗaya.

Duka a cikin ƙarfin ikon Allah 😍💯

Don haka, a lokacin da ka kalli Rana, ka tuna cewa kusan komai a cikin tsarin duniya yana zagayena, ta fuskar zahiri da ma’ana.

Allah yasa mu wanye lafiya
Sir Wisdom

BAMBANCI TSAKANIN HASKE DA SAUTI 👇Babban dalilin da yasa haske yafi komai gudu shine, baya buƙatar wani abun da zai ɗau...
21/10/2026

BAMBANCI TSAKANIN HASKE DA SAUTI 👇

Babban dalilin da yasa haske yafi komai gudu shine, baya buƙatar wani abun da zai ɗaukeshi daga guri guda zuwa wani gurin, saɓanin sauti

Shi sauti yana buƙatar iska kafin yayi tafiya, hakan yana nufin idan da zaka kwarara ihu a gurin da babu iska gaba ɗaya (vacuum) to babu wanda zai ji wannan ihun da kayi.

Wannan abun shike faruwa da Rana wannan da muke gani a sama..

Rana tana fitar da wani sauti mai matuƙar ƙara, wanda zai iya kurmantar da mutum nan take, amma saboda babu iska a can cikin sararin samaniya, hakan yasa ƙarar bata isowa duniyarmu, Amma hasken ranan kuma yana isowa nan duniyarmu saboda baya da buƙatar iska domin yayi tafiya.

Ga ƙarin misali; a lokacin da ake yin ruwan sama idan mutum yaga walƙiya, to ya jira kaɗan, zaiji sauƙar ƙara

Dalilin kuwa shine, a tare suke aukuwa, shi haske muna ganinshi a nan take, shi kuma tsawa sai iska ta kawo shi tukunna yake afkuwa!

wanda wannan shine zai tabbatar maka da cewar haske yafi sauti gudu domin shi wani nau'in electromagnetic ne wanda yake gudun kilomita 300,000 a cikin second ɗaya!

Shi kuma sauti nau'in igiyar mechanical ne wanda yake iya gudun kilomita 340 a daƙiƙa guda a cikin iska.

Allah yasa mu dace

Sir Wisdom

RUWAN DA YA FI YAWAN GISHIRI A DUNIYAAkwai wani ruwa mai ban mamaki da ake kira Don Juan Pond, wanda yake a yankin Antar...
20/10/2026

RUWAN DA YA FI YAWAN GISHIRI A DUNIYA

Akwai wani ruwa mai ban mamaki da ake kira Don Juan Pond, wanda yake a yankin Antarctica
inda ake samun sanyi mai tsanani!

Me yasa wannan tafki yake da ban mamaki?

Gishirinsa ne ya wuce kima, domin Don Juan Pond yana da gishiri kusan 44%, yayin da ruwan teku na yau da kullum yake da kusan 3.5% kawai.

Yana iya kasancewa ruwa duk da tsananin sanyi ma'ana bazai daskare zuwa ƙanƙara ba

Hakan na faruwa aboda yawan sinadarin calcium chloride dake cikinsa, ruwan na iya kasancewa a yanayin ruwa duk da tsananin sanyin Antarctica.

Shan irin wannan ruwa na iya haifar da mummunar matsala ga jiki saboda yawan gishiri da sinadaransa.

Amma ba ace taɓawa kawai zai kashe mutum nan take ba.

Abin mamaki: Don Juan Pond yana daga cikin ruwan halitta mafi yawan gishiri da aka sani a duniya.

© ✍️by Sir Wisdom

MACIJIN DA YAKE CINYE MACIZAI...👀😱A cikin dazukan duniya akwai wani maciji da baya jin tsoron farautar sauran macizai, h...
19/10/2026

MACIJIN DA YAKE CINYE MACIZAI...👀😱

A cikin dazukan duniya akwai wani maciji da baya jin tsoron farautar sauran macizai, har ma da waɗanda suke da dafi mai haɗari! ☠️

Ana kiransa KING COBRA (SARKIN MACIZAI).

ME YA SA YAKE DA BAN MAMAKI?

Abincinsa na yau da kullum ya haɗa da sauran macizai, har da wasu masu dafi.

King Cobra yana da dafi mai ƙarfi wanda zai iya jefa rayuwar mutum cikin haɗari.

A yayin farauta yana iya bin diddigin sauran macizai domin ya k**a su ya mayar dasu abincin sa.

Kasancewar ya da girma sosai king cobra na iya kaiwa kusan mita 5.5 a tsayi, wanda hakan yasa ya zama maciji mafi tsawo a cikin macizai masu dafi.

Wani abin mamakin king cobra bashi ne kaɗai macijin da yake cin sauran macizai ba.

Akwai wasu nau'o'in macizai, k**ar Kingsnake, waɗanda su ma s**a ƙware wajen farautar sauran macizai.

King Cobra maciji ne mai matuƙar haɗari, kada ka kusance shi ko ka yi ƙoƙarin k**a shi idan ka gan shi kawai ka falla a guje...🏃🏃 💨

Shin Idan ka ga King Cobra yana cin wani maciji a gabanka, zaka tsaya ka kalli abin ko kuwa za kafece da iya gudunka? 😂🏃‍♂️

©️ Copyright by Sir Wisdom

SHIN KA SAN WANENE MUTUMIN DA YA ƘIRƘIRI WAYAR SALULA TA FARKO A DUNIYA?A yau, wayar salula ta zama ɗaya daga cikin abub...
18/10/2026

SHIN KA SAN WANENE MUTUMIN DA YA ƘIRƘIRI WAYAR SALULA TA FARKO A DUNIYA?

A yau, wayar salula ta zama ɗaya daga cikin abubuwan da kusan ba zamu iya rayuwa ba tare da ita ba.

Muna amfani da ita wajen kira, aika saƙonni, kallon bidiyo, amfani da Facebook, har ma da kasuwanci.

Amma ka taɓa tambayar kanka shin; wanene ya fara ƙirƙirar wayar salula, kuma yaya wayar ta farko take?

SUNANSA MARTIN COOPER!

Mutumin da aka fi sani da wanda ya jagoranci ƙirƙirar wayar salula ta hannu ta farko shine Martin Cooper, wani injiniyan Amurka da yayi aiki a kamfanin Motorola.

A ranar 3 ga Afrilu na shekarar 1973, Martin Cooper ya yi wani abu da ya sauya tarihin sadarwa a duniya.

Ya yi amfani da wata wayar salula ta hannu ta farko wajen yin kira ga wani mutum a birnin New York. 😳📞

WAYAR TA FARKO TA YAYA TAKE?

Wayar da ya yi amfani da ita bata yi k**a da wayoyin zamani ba kwata-kwata!

Tana da girma sosai, kuma tana da nauyin kusan kilogram 1.1

Ana iya yin kira na kusan mintuna 25 bayan anyi cajin ta har ta cika sosai.

Cajinta yana ɗaukar kusan awa 10 kafin ya cika.

Ka yi tunanin kana tafiya da wayar da ta kai nauyin 1.1 kilogram a aljihunka! 😂

DAGA NAN NE TARIHIN WAYOYIN SALULA YA FARA SAUYA DUNIYA!

Bayan wannan nasara, Motorola taci gaba da haɓaka fasahar wayar salula.

A shekarar 1983, kamfanin ya fara sayar da wayar salula ta hannu ta farko da aka amince da ita a kasuwa, wadda aka kira Motorola DynaTAC 8000X.

A yau kuma, muna da wayoyin zamani masu iya ɗaukar hotuna masu inganci, yin bidiyo, amfani da intanet, da kuma gudanar da ayyuka da dama waɗanda da baza a yi tunanin zasu yiwu a waya ba.

Mu tuna cewar wani lokaci abinda ya fara a matsayin ƙaramin tunani a zuciyar mutum kan iya sauya rayuwar miliyoyin mutane a duniya.

✍️ Copyright by Sir Wisdom

AN ƘADDAMAR DA MOTA MAI TASHI SAMADaga Motar Henry Ford ta 1896 Zuwa Motar Tesla Mai Fasahar Roka, Shekaru 130 na Ci Ga...
17/10/2026

AN ƘADDAMAR DA MOTA MAI TASHI SAMA

Daga Motar Henry Ford ta 1896 Zuwa Motar Tesla Mai Fasahar Roka, Shekaru 130 na Ci Gaban Fasaha!

A shekarar 1896, Henry Ford ya ƙera motarsa ta farko mai suna Quadricycle, wadda ke da ƙafafu huɗu kuma injin mai ne ke tafiyar da ita.

Motar tana da ƙafafu irin na keke, wurin zama mai sauƙi, da kuma gear guda biyu na gudu.
Ba tayi k**a ko kaɗan da motocin zamani da muke gani a yau ba.

Duk da haka wannan ƙirƙira ta kasance itace muhimmin mataki wajen sauya tarihin motocin
yanzu, bayan shekaru 130, duniyar kera motoci tana nazarin wata fasaha da a baya za a ɗauke ta a matsayin labarin kimiyyar ƙirƙira kawai. 😱

Motar Tesla Roadster motar dake ƙoƙarin ƙetare iyakokin fasaha!

Motar zamani ta Tesla Roadster, wadda kamfanin Elon Musk ya ƙera, an tsara ta ne domin nuna irin ƙarfin da motocin lantarki za su iya kaiwa.

An tattauna yiwuwar ƙara mata wani tsari na musamman mai suna SpaceX Package, wanda zaiyi amfani da na'urorin fitar da iskar gas masu matsin lamba domin taimakawa motar wajen yin wasu motsi na musamman

A cikin motar an samar da fasahar da zata iya ɗaga motar sama na ɗan lokaci.

A gefe guda, muna da motar Henry Ford ta shekarar 1896, wadda ta taimaka wajen buɗe sabon babi a tarihin motocin da injina ke tafiyarwa a yau

A ɗayan gefen kuma, muna da Tesla Roadster, wadda ke wakiltar hangen nesa na haɗa ƙarfin motocin lantarki da wasu fasahohin da s**a samo asali daga kimiyyar roka.

Ƙirƙirar Ford ta taimaka wajen sauya yadda mutane ke tafiya a kan hanya, yayin da hangen nesan Tesla ke ƙoƙarin sake fasalta iyakar ƙarfin da mota zata iya nunawa.

Ƙalubalen Henry Ford shine yadda zai mayar da mota mai injin mai ta zama abin amfani ga jama'a.

Kalubalen Elon Musk kuwa shi ne yadda zai mayar da manyan ra'ayoyin fasaha zuwa ingantattun abubuwan da zasu yi aiki a zahiri.

Tabbas, waɗannan ƙirƙirori sun fito ne daga zamani daban-daban, kuma ba duk abin da aka yi alƙawari a fasaha ne yake zama gaskiya ba.

Ku sani cewa; ci gaban fasaha yana farawa ne lokacin da mutum ya gwada abin da wasu suke ganin ba zai yiwu ba.

✍️ Sir Wisdom

ƘARAMAR HALITTA MAI ƘARFIN BAN MAMAKIShin ka taɓa jin labarin wata ƙaramar halitta da ke rayuwa a cikin teku, wadda bugu...
15/10/2026

ƘARAMAR HALITTA MAI ƘARFIN BAN MAMAKI

Shin ka taɓa jin labarin wata ƙaramar halitta da ke rayuwa a cikin teku, wadda bugun hannunta zai iya faruwa cikin sauri da ƙarfi har ya karya ƙasusuwan wasu halittun ruwa?

Sunanta MANTIS SHRIMP!

Wannan halitta tana daga cikin abubuwan ban mamaki da kimiyya ta gano a cikin tekuna.

Duk da cewa bata kai girman dabbobi da yawa ba, amma tana da wata baiwa ta musamman da s**a sanya masana kimiyya ke sha'awarta.

ƘARFIN BUGUN TA ABIN MAMAKI NE!

Wasu nau'ikan Mantis Shrimp suna da ƙafafun gaba masu k**a da guduma, waɗanda suke amfani dasu wajen bugun abin harin su.

Bugun yana da saurin gaske da ƙarfi har yana iya karya ƙashin ƙaguwa da sauran ƙananan halittun ruwa.

Wani abin mamaki shine; bugun nata yana faruwa cikin ɗan ƙaramin lokaci, wanda yake da wahalar gani da ido kawai!

Idan wasu nau'ikan Mantis Shrimp masu amfani da bugun guduma s**a bugi abin harinsu saurin wannan dukan da motsin gabobinsu yana iya haifar da wani yanayi da ake kira (cavitation)

Wannan yanayin yana faruwa ne a lokacin da ƙananan kumfar tururi s**a samu a cikin ruwa saboda yanayi na matsin lamba sannan su rushe cikin sauri.

Rushewar waɗannan kumfa na iya samar da ƙarin girgiza tare da zafi na ɗan lokaci ƙadan.

Wato wani lokaci bugun nata yana da tasiri fiye da abin da mutum zai iya tsammani daga ƙaramar dabba.

Mantis Shrimp tana da tsarin gani mai ban mamaki, Idanunta suna iya gano haske mai rarrabuwar alkibla wanda ake kira (polarized light), kuma wasu nau'ikanta suna iya gano hasken ultraviolet.

Masana kimiyya suna ci gaba da nazarin yadda tsarin idanunta yake aiki da kuma abin da zai iya koya mana game da fasahar gano haske.

Abin mamaki ne yadda ƙaramar dabba zata iya samun irin wannan tsarin gani na musamman

Allah kenan!!
✍️Sir Wisdom

TSIBIRIN MUTUWA: KA TAƁA JIN LABARIN WANI WURI DA JIRAGEN RUWA DA NA SAMA SUKE BACEWA BA TARE DA SANIN INA S**A NUFA BAA...
14/10/2026

TSIBIRIN MUTUWA:

KA TAƁA JIN LABARIN WANI WURI DA JIRAGEN RUWA DA NA SAMA SUKE BACEWA BA TARE DA SANIN INA S**A NUFA BA

Akwai wani yanki a Tekun Atlantika da ya shahara a duniya saboda labaran ɓacewar jiragen ruwa da na sama.

Ana kiran wannan wajen Bermuda Triangle!

Amma me yasa ake ta yaɗa labarai masu ban tsoro game da wannan wuri?

JIRAGEN DA S**A BACE

Ɗaya daga cikin shahararrun abubuwan da s**a ƙara wa Triangle na Bermuda suna shi ne bacewar jiragen yaƙi guda biyar da aka sani da Flight 19 a ranar 5 ga Disamba 1945.

Jiragen sun tashi domin gudanar da atisaye, amma basu dawo ba, Jirgin da aka aika domin neman su shima ya ɓace.

Wannan lamari ya tayar da hankalin mutane, kuma har yanzu yana daga cikin shahararrun labaran jiragen da s**a ɓace a wannan tsibirin

Sai dai masana sun yi ta nazari akan dalilai na ɓacewar wannan jiragen k**ar ruɗewar hanya, matsalar kayan aiki da kuma mummunan yanayin teku.

SHIN AKWAI FATALWA A CIKIN TEKUN?

Wasu labaran almara suna cewa ana ganin inuwar wasu jiragen da s**a ɓace a ƙarƙashin ruwa, ana jin sauti mai ban tsoro da mamaki, kuma ana ganin haske mai k**a da ido a cikin duhun tekun.

A wasu labaran ban tsoro kuma, ana cewa akwai wata katuwar ƙofa a ƙarƙashin tekun wadda take haɗa duniyarmu da wani wuri da ba a san shi ba.

Amma abin lura waɗannan labaran basu da tabbatacciyar hujjar kimiyya.

An ƙirƙiro labarai masu yawa game da wannan yanki, kuma ba a tabbatar da cewa fatalwa ko wani ƙarfin al'ajabi ne ke haddasa bacewar jiragen ba.

ME YAKE ƁOYE A ƘARƘASHIN RUWA?

Tekun Atlantika yana da zurfi sosai a ƙarƙashin ruwansa akwai duwatsu, ƙwarurruka da sauran siffofin ƙasa masu ban mamaki.

Idan jirgi ya nutse, neman ragowarsa na iya zama aiki mai wahala, musamman idan ruwan yana da zurfi.

Wannan shine ɗaya daga cikin dalilan da s**a sa labaran bacewar jiragen suke ƙara jan hankalin mutane.

Mu sani cewar ba duk wani lamari da ya faru a teku ne ake samun cikakken bayani a kansa cikin sauƙi ba.

Duk da sunan da Triangle na Bermuda yayi, babu tabbatacciyar hujjar kimiyya dake nuna cewa wannan yanki yafi sauran manyan sauran hanyoyin zirga-zirgar teku hatsari

Amma labarinsa har yanzu yana ci gaba da tayar da tambayoyi a zukatan mutane.

TAMBAYAR SIR WISDOM:

Shin Idan aka ce za a baka damar shiga ƙaramin jirgin ruwa domin ziyartar Triangle na Bermuda da tsakar dare, yayin da walƙiya take haskawa kuma igiyoyin ruwa suke kaɗawa akan kuɗi dala miliyan 1

zaka yarda kaje ko kuwa tsoro zai hanaka?

Ka faɗi ra'ayinka a comment!

✍️ Sir Wisdom pen

Address

Kano

Website

Alerts

Be the first to know and let us send you an email when Sir Wisdom posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sir Wisdom:

Shortcuts

Share