06/05/2026
Parfwa, kan enn dimoun pe pas dan enn moman difisil, dan depression ouswa problem mental, premie kiksoz ki li tande se:
“Priye plis.”
“Fer konfians dan Bondye.”
“Gagn lafwa.”
“Rod Bondye.”
Wi, lafwa, dan ninport ki relizion, kapav donn lafors, gid nou, ek mem ed nou geri.
Me parfwa… se pa sa ki dimoun la bizin.
Li pa bizin enn leson.
Li pa bizin enn rapel pou li for.
Li pa bizin enn solision spiritiel deswit.
Parfwa li zis bizin ou.
Asiz ar li.
Ekout li san koup li.
Res ar li san rod regle tou keksoz.
Montre ki ou pran li kont, pa zis ar parol, me ar prezans.
Parski pa tou douler bizin enn sermon.
Pa tou problem bizin enn solision.
Ena dimoun ki an silans pe zis demande:
“Eski to kapav zis la pou mwa?”
Anou pa ranplas konpasion par instriksion.
Anou pa konfonn soutien avek bann repons vit vit.
Nenport ki ou krwar, nenport ki ou relizion,
reste humain, reste prezan, reste bon…
sa osi enn fason pou gueri.
🇲🇺 🤍
