20/11/2025
Hier ti passe kouma ene journee normal pou boucou dimounn… mais li ti aussi Journée Internationale de l’Homme. Ene rappel ki, parmi tou bruits ek pressions la vie, ena bann zome ki pe viv zot propres batailles ki personne pa trouvé.
Souvent, nou grandi dans ene culture kot bann zom bizin met ene masque :
zot bizin paraitre solide, paraitre calme, paraitre invincible.
Zot grandi avek l’idée ki :
“To bizin tini fort.”
“To pa ena droit craqué.”
“To bizin résoud tou.”
“To pa montre faiblesse.”
“To pa pleuré.”
“To pa demande aide.”
"To pa bizin dir to fatiguer. "
Ek avec le temps, sa bann phrases la vine kouma ene poids lor leker.
Ena zom ki lever ek dormi avek stress.
Ena ki ena ene fardeau lor zepaul ki zot mem pas capave expliquer.
Ena ki ressenti ki zot zis ena l’obligation pou avancer, mem kan zot l’âme fatiguer.
C’est là ki beaucoup zom fini enfermé dan zot silence.
Zot riyer, zot travaille, zot aide tou dimounn… mais zot pas gagne letan ou ene liberter pou dire “mo pa bien”.
Sa manque de liberter la, li mange toi endan.
Li fatigue.
Li blessé.
Li touye l’espoir.
Et samem raison kifer boucou zom fini souffert dan l’ombre, san soutien, san paroles.
Alors hier — ek mem zordi — nou envi dire ene simple vérité ki souvan oublié :
Zot ressanti li aussi.
Zot traverse moments difficiles aussi.
Zot mérite tendresse aussi.
Li normal si to traverse enn période kot to perdi motivation.
Li normal si to leker lourd.
Li normal si to fine fatigué tini tou to seul.
Li normal si to envie ene ti repos, ene ti écoute, ene ti soutien.
Zot pas juste bann “protecteurs” ou “money maker" ou zis sa dimounn ramene cash lakaz la”.
Zot bann êtres humains zot osi : avek dout, lasours, émotions, ek besoins.
Alors, pou tou bann zom :
To ena droit gagne ene pause.
To ena droit gagne la paix.
To ena droit exprime to douleur.
To ena droit criyer ek plorer si bizin.
To ena droit tombe ek relever.
To ena droit rod ene zepaul pou appuyer.
Nou reconnaissance pa pou fer zot supérieur, mais pou rapel ki zot contribution dan société, dan famille, dan relation, li bien réel ek bien précieux.
Merci pou tou, mem bann ti détails ki nou pas toultan remarqué :
bann sacrifices silencieux, bann efforts constants, bann responsabilités ki to prend sans plaigner, bann gestes ki montre respect ek l’amour.
Zordi ou hier nou pa juste célébré “l’homme”.
Nou célébré l’être humain ki trop souvent oublié derrière le mot “zom”.
Zot important, zot nécessaire, ek zot aussi mérite bien-être ek sérénité. 🌿✨
