05/11/2026
သူ့နာမည်က ပိန်ညှင်းခေါင်းမဲ...။
သူက တခြားဆင်ပိန်ညှင်း၊ ပိန်ညှင်းတို့နဲ့ မတူဘဲ လေထဲမှာ အရှိန်နဲ့ပျံပြီး အစာကိုလှမ်းကောက်တာ။ (ဆင်ပိန်ညှင်း၊ ပိန်ညှင်းတို့က ရေထဲကိုခေါင်းစိုက်၊ ဒိုင်ဗင်ထိုးပြီး ငါးဖမ်းတာပါ။)
ဒီပုံကို ရိုက်ခဲ့တုန်းက အကြောင်းကို ပြန်စဉ်းစားမိတော့...
ပထမတစ်ညနေ သူ့ကိုစောင့်ပြီး ဓါတ်ပုံရိုက်တော့ သူက မလာဘူးဗျာ၊ ချောင်ထဲမှာ မှောင်ရိပ်ခိုပြီး ထွက်မလာတော့ ကိုယ့်မှာ သူ့ကို မြင်သာမြင် မကြင်ရဖြစ်နေတော့တာ။
နောက်တစ်ရက် နေ့လယ်ကျတော့ အစာလာကောက်တယ်။ စစရိုက်တော့ သူ့ရဲ့ ဘယ်လိုပျံလာပြီး ဘယ်လိုအစာကောက်တယ်ဆိုတာကို မသိသေးတာနဲ့ ဒီတိုင်း တစ်ချက်စောင့်ကြည့်လိုက်ရတယ်။ နောက်ထပ် ထပ်အစာလာကောက်တော့ အစမ်းစရိုက်ကြည့်တာ သူကမြန်နေတော့ ပုံမရဘဲ လွတ်သွားတော့တာပဲ။ နောက်ထပ် နောက်ထပ် အကြိမ်တွေမှာ ကြိုးစားပြီး အာရုံစူးစိုက်လိုက်ပေမယ့်လည်း အဲ့ဒီနေ့မှာတော့ အခုလိုအရမ်းကြိုက်တဲ့ပုံ မရခဲ့ဘဲ နောက်တစ်နေ့မှ အခုပုံကို ရခဲ့တော့တာပါပဲ။
ဒီပုံကို ရိုက်ရိုက်ပြီးချင်း ခံစားရတဲ့ ခံစားချက်ကတော့ ဘာနဲ့မှကို မလဲနိုင်အောင် တအားကို စိတ်ကျေနပ်ပြီး ပျော်ခဲ့ရတာ။ အဲ့ဒီခရီးစဉ်ကလည်း သူ့ကို ရိုက်ချင်လို့ တကူးတက သွားရတာဆိုတော့လည်း ဒီလောက်တော့ ရှိမှာပေါ့လေနော့... 😁
ငှက်ချစ်သူမိတ်ဆွေများ ကျန်းမာရွှင်လန်းကြပါစေခင်ဗျာ။
Photography © Aung Htay Oo
Common Name - Black-capped Kingfisher
Myanmar Name - ပိန်ညှင်းခေါင်းမဲ
Scientific Name - Halcyon pileata
Location - Bangkok, Thailand
Gears;
OM System OM-1 Mark II with
Olympus M.Zuiko ED 300mm F4 IS Pro