Aung Ye Htike - အောင်ရဲထိုက်

17/08/2026

ဘယ်လောက်ထိ မော ရမလဲ ဆိုတာ
စက်တင်ဘာလမှာ သိရတော့မှာဖြစ်တဲ့အတွက်
အသင့်ပြင်ထားပါ ✨🍀

ကိုယ်စီရူးသွပ်မှုတွေက လွတ်မြောက်ဖို့အတွက်လား...
မျှော်လင့်ချက်တွေအတွက်လား...
လူတိုင်း ကိုယ်စီ မော နေရတာ ဘာအတွက်လဲ...

မော ရုပ်ရှင်ကတော့ လာမယ့် စက်တင်ဘာလမှာ ပိတ်ကားထက်ကို ရောက်ရှိလာတော့မှာဖြစ်ပါတယ်...

🎞️ မော ရုပ်ရှင်နဲ့ပတ်သက်ပြီး ဘယ်လိုမျှော်လင့်ထားကြလဲ...

ကွန်းမန့်မှာ ရေးပေးခဲ့ပါအုံးနော်... 🖤

#မော #မောရုပ်ရှင်ဇာတ်ကားကြီး

17/08/2026

What do you seek ? 😈

📸 Kaw Ki
Make up - Johnny
Stylist - Su Yi Htet

13/08/2026

Youtube မှာ သီချင်းနားထောင်ရင်းနဲ့ ကိုယ်ဆိုခဲ့တဲ့
သီချင်းတွေကို ဘယ်လိုရှာထားလဲမသိပါဘူး
ငယ်ငယ်ကဆိုခဲ့တဲ့ သီချင်းတွေ တချို့ကို
တစ်စုတစည်း တည်း တွေ့လိုက်ရလို့ .... 😁

The original singers.အထက်ပါ သီချင်းများကို မူရင်းပိုင်ရှင်အဆိ...

12/08/2026

မော ရုပ်ရှင် ရုံမတင်ခင်
လူမော် ဆိုတဲ့ လူတစ်ယောက်မရောက်လာသေးခင်

ပြန်မပြောရ ရုပ်ရှင်ထဲက နောင်နောင့် ရဲ့
ကာရိုက်တာအကြောင်းလေးပြန်ပြောပြချင်လာလို့
ပြန်မပြောရရဲ့ ဇာတ်လမ်းအစဖြစ်တည်လာမှုတွေကို လက်ဖက်ရည်ဆိုင်မှာ စလိုက်တာကနေ
နောက်ဆုံးဖိုင်နယ် ဇာတ်ညွှန်းရတဲ့အချိန်ထိက
ကျွန်တော်တို့တွေတွေ့တိုင်း
ဒီကာရိုက်တာအကြောင်းကိုပဲဆွေးနွေး
ဇာတ်လမ်းအကြောင်းကိုပဲ
တောက်လျှောက်ဆွေးနွေးခဲ့တာဖြစ်တဲ့အတွက်
စရိုက်မယ့်အချိန်မှာ ဇာတ်တစ်ခုလုံးနီးပါးရော
ဇာတ်ကောင်တွေအကြောင်းကိုရော
တော်တော်လေးမှရင်းနှီးပြီးသားဖြစ်ခဲ့ပါတယ်

ပြန်မပြောရ ရဲ့
နောက်ဆုံးဖိုင်နယ်ဇာတ်ညွှန်းစရတဲ့အချိန်မှာ
သူရ ( အောင်ဇေယျမင်းထင် ) နေရာနဲ့ နောင်နောင် နေရာဘယ်နေရာလုပ်ချင်လဲဆိုပြီး Wayne က မေးပါတယ်
ရွေးချယ်ခိုင်းတယ်ဆိုတဲ့ နေရာမှာလဲ
ပိုပြီးအခွင့်အရေးပေးတာမျိုးမဟုတ်ပဲ ဇာတ်လမ်းအရ
Safe ဖြစ်နိုင်မယ့်အခြေအနေကို
တိုင်ပင်ကြတဲ့သဘောမျိုးဖြစ်ပါတယ်

ကျွန်တော်အနေနဲ့ တစ်ပတ်လောက်
ချီတုံချတုံနဲ့ကို စဉ်းစားခဲ့လိုက်ရတယ်
ဘာကြောင့်လဲဆိုတော့ ရုပ်ရှင်ကြည့်ပရိသတ်အမြင်မှာ
စစချင်းမြင်ရတဲ့ဇာတ်ကောင်ဖြစ်မယ်
ဇာတ်ရဲ့အသွားအလာအရရော ပိုကြွနိုင်တဲ့ဇာတ်ကောင်လို့မြင်တဲ့အတွက်ရော သူရ ကာရိုက်တာကိုလဲလုပ်ချင်မိတယ်
တစ်ဖက်မှာလဲ နောင်နောင်ရဲ့ ကာရိုက်တာသည်
ကျွန်တော်နဲ့ကွက်တိ ကျွန်တော် deliver လုပ်ချင်တဲ့ပုံစံနဲ့ကွက်တိဖြစ်နေခဲ့တဲ့အတွက်
နောင်နောင်ကိုလဲလက်မလွတ်ချင်ခဲ့ပါဘူး

လောဘကအရမ်းကိုကြီးပါတယ်
မဖြစ်နိုင်မှန်းသိသိရက်နဲ့လဲ
၂ ကိုယ်ခွဲပြီးလုပ်လို့ရမလားလို့ တောင်းဆိုခဲ့ပါသေးတယ် 😁

" နောင်နောင်ရဲ့ ကာရိုက်တာသည်
layers တွေအများကြီးနဲ့ မို့ ခံစားချက်တွေကိုမျိုသိပ်ပြီး ကိုယ်ကျင်လည်နေရတဲ့ပါတ်ဝန်းကျင်
သူငယ်ချင်းတွေရဲ့ကြားမှာ ပျော်စရာကောင်းအောင်ဖန်တီးပေးရင်း ပေါ့ပေါ့ပါးပါးနေနေရင်း
အိမ်မှာကြုံတွေနေရတဲ့အခက်အခဲတွေကိုထမ်းပိုးရင်းအပြစ်ရှိသလိုခံစားနေရတဲ့လူတစ်ယောက်အဖြစ်ဖြတ်သန်းနေရတာပါ

ကျွန်တော်တို့ရဲ့ အပြင်လက်တွေ့ဘဝမှာရော ကျွန်တော်ကိုယ်တိုင်ရော နောင်နောင့် အဖြစ်နဲ့မတူရင်တောင် နည်းလမ်းပေါင်းစုံနဲ့ ရှင်သန်နေကြတဲ့
အဲ့ဒီလိုသူငယ်ချင်းတွေအများကြီးရှိပါတယ် "

နောက်ဆုံးမှာတော့
Plot-Driven အရ
ကျွန်တော် သူရ နေရာကိုအရမ်းသဘောကျပေမယ့်
နောင်နောင့်ရဲ့စိတ်အခြေအနေကိုကိုယ်စားပြုဖို့
ကျွန်တော်စိတ်ခံစားချက်တွေကို
တစ်နည်းနည်းနဲ့ဖော်ပြနိုင်ဖို့
"ဇာတ်အပေါ်ကိုသစ္စာရှိဖို့ အတွက်"

နောင်နောင့် ကိုပဲရွေးချယ်ဖြစ်ခဲ့ပါတယ်
ဒါရိုက်တာဝိန်း ကိုယ်တိုင်ကလဲ
နောက်ဆုံးမှာ နောင်နောင်ပဲဖြစ်စေချင်ခဲ့ပါတယ်
ဇာတ်လမ်းသည် ပထမဦးစားပေးဖြစ်တာကြောင့်
ပိုပြီး Safe ဖြစ်မယ့် ကာရိုက်တာကိုပဲရွေးချယ်ဖို့ဆုံးဖြတ်ခဲ့ကြပါတယ်

နောက်ဆုံး ရိုက်ကူးရေးပြီးလို့ ရုံပေါ်မှာ ပြသရတဲ့အချိန်မှာတော့ ကျွန်တော်ဖော်ပြချင်တဲ့အရာတွေ ခံစားချက်တွေနဲ့နောင်နောင့် ကို အရိုးသားဆုံးတင်ဆက်ခဲ့ပါတယ်

ဆက်လက်တင်ဆက်ပါဦးမည် ....

09/08/2026

Terror Bass လို့ပြောလိုက်ရင် EDM ကို
ချစ်တဲ့သူတွေကြားထဲမှာ
မသိတဲ့သူမရှိလောက်ဘူးလို့ထင်ပါတယ်
EDM တွေနဲ့ ကဲခဲ့ဖူးတဲ့သူတစ်ယောက်အနေနဲ့
Terror Bass ရဲ့ Music Genre ဟာ ကျွန်တော်ရှယ်ညှိခဲ့ရတဲ့ Music ပုံစံဖြစ်နေတာပါပဲ Bass တွေအလုံးလောက်
ရင်ဘက်ထဲဝင်စောင့်သလိုခံစားချက်မျိုးတွေက
အစပေါ့လေ
Terror Bass ဖွင့်တဲ့ Festival ပွဲတွေကနေ Club ပွဲတွေ အထိ တောက်လျှောက်အားပေးရင်း
ပရိသတ်တစ်ယောက်အဖြစ်ဖြတ်သန်းခဲ့ရတာကို အမှတ်တရ ပြောပြတာပါ

ဒီ Music Video ကိုရိုက်ဖို့အတွက် Wayne ကလာပြောတဲ့အချိန်မှာလဲ သီချင်းက Terror Bass ရဲ့သီချင်း
ရိုက်မှာက Wayne ဆိုတော့ Why not ပေါ့ဗျာ
ဒါက သရုပ်တောင်တစ်ယောက်အနေနဲ့ဆိုတာမျိုးထပ်
ပရိသတ်တစ်ယောက်က ကိုယ်အားပေးတဲ့ Artist နဲ့ အလုပ်လုပ်ခွင့်ရတယ်ဆိုတဲ့ခံစားချက်မျိုးရှိနေခဲ့တာပါ
BLESSING ပေါ့ဗျာ
ရိုက်ကူးရေးမှာလဲ ဆိုင်းဆရာတစ်ယောက်အနေနဲ့သရုပ်ဆောင်ရမှာဖြစ်တဲ့အတွက်
ဆိုင်ရာ ပညာရှင်တွေကိုမလေးစားသလို
မဖြစ်စေချင်တာကြောင့်တတ်နိုင်သမျှ လက်ပူတိုက်သင်ပေးတာတွေကို သေချာသင်ယူခဲ့ပါတယ် အမှားပါခဲ့ရင် လိုအပ်ချက်ရှိခဲ့ရင် နားလည်ပေးဖို့တောင်းဆိုပါတယ်
ခက်လဲခက်ခဲခဲ့ပါတယ်

ရိုက်ရင်းမိုးတွေရွာလာရင်း နဲ့
အားလုံးရဲ့ တက်ညီလက်ညီ
ကြိုးစားအားထုတ်မှုတွေနဲ့

၃ ရက်လောက်ရိုက်ကူးရေးအပြီးမှာတော့

BURMESE VIBE PART II Music Video ကို
အောင်မြင်စွာ အဆုံးသတ်နိုင်ခဲ့ပါတယ် ...

ပါဝင်ခွင့်ရတဲ့အတွက် ပရိသတ်တစ်ယောက်အနေနဲ့
တကာ်ကို ဝမ်းသာရပါတယ်

MV ကိုလဲကြိုက်ကြမယ်ထင်ပါတယ်

ကျေးဇူးအများကြီးတင်ပါတယ်

ဆက်လက်တင်ဆက်ပါဦးမည်

#အောင်ရဲထိုက်

📸 - Kaw Ki ( Thiha )
Make Up - Johnny
Stylist - Su Yi Htet

02/08/2026

ဝင်ငွေမရှိပဲ ၂ လလောက်
ဘာအလုပ်မှ မလုပ်ပဲနေဖို့ဆိုတာ
ကျွန်တော့်အတွက်တကယ်ခက်ခဲပါတယ်
ခက်ခဲတယ်ဆိုတဲ့အကြောင်းအရင်းက ဝင်ငွေမရှိလို့ဆိုတဲ့အကြောင်းပြောရတာတော့ ရယ်ချင်စရာကြီး 😁

မော ရုပ်ရှင်အကြောင်းကို Ko Htut
ပြောပြခဲ့တဲ့အချိန်ကစပြီး ကျွန်တော့်စိတ်ထဲမှာ
လူမော်
ဆိုတဲ့ ကာရိုက်တာကို ပုံဖော်ချင်လာတယ် ဖန်တီးချင်လာတယ် Ko Htut ရဲ့ ဒီဇာတ်ကြီးတစ်ခုလုံးပေါ်မှာထားတဲ့စိတ်ကိုမြင်လာတယ်
လူမော် ကို ကိုယ်ချင်းစာလာတယ်
ကျွန်တော် ကိုယ်တိုင်ကလဲ လူမော့် လိုပဲ ဘဝမှာ မေကြီးတစ်ယောက်ပဲရှိခဲ့တာကိုး
ဒီကာရိုက်တာအတွက် ယုံကြည်ပေးခဲ့တဲ့ Ko Htut ကိုလဲ ကျေးဇူးတင်ရပါတယ်

မော ရိုက်ကူးနေတဲ့အချိန်မှာလဲ အဲ့ဒီစိတ်နဲ့တည်ရှိနေရတော့ လူမှုရေး ပေါင်းသင်းဆက်ဆံရေးတွေမှာ တော်တော် တိုင်ပတ်ခဲ့ရတယ်
ခိုင်မာနေတဲ့ ကာရိုက်တာတစ်ခုကို ထပ်ဆင့်ပီပြင်ဖို့ကြိုးစားအားထုတ်ရတဲ့အခါ ကျွန်တော်သည် ပါရမီမပါတဲ့အတွက် ကြိုးစားအားထုတ်မှုကို ပိုပြီးအားထုတ်ရပါတယ် ပိုကြိုးစားရပါတယ်
သူများတွေ ၁၀ ဖိုးကြိုးစားရင် ကျွန်တော် ၁၀၀ ဖိုးလောက်ကိုကြိုးစားအားထုတ်ရပါတယ်
အဲ့ဒါကြောင့် အဲ့အချိန်မှာ ကာရိုက်တာအတွက် နေထိုင်နည်းဆိုတဲ့စိတ်နဲ့ ဖြတ်သန်းခဲ့ရတာမို့
အဲ့အချိန်တုန်းက တွေ့တဲ့သူတွေဆိုသိပါလိမ့်မယ်
တစ်ခါတည်း ဒီနေရာကနေပဲ စိတ်မဆိုးဖို့ မေတ္တာရပ်ခံပါတယ် ....

နောက် ကျွန်တော် မော နဲ့ ပါတ်သတ်တဲ့ Post တွေမှာလဲ
ကျွန်တော် ပြောပြချင်ပါသေးတယ်

ကျွန်တော်သရုပ်ဆောင်ဖြစ်ချင်တယ်

ကာရိုက်တာကိုရူးသွပ်ပါတယ်

လောလောဆယ်တော့
ဒီလောက်ပါပဲ

မောရုပ်ရှင် အကြောင်းပြောမယ် 🎥

မော ဟာ Character က Drive လုပ်တဲ့ဇာတ်ပါ 📣
အဲ့အတွက်အဓိကပါဝင်သရုပ်ဆောင်မယ့် သူတွေနဲ့တွေ့ဆုံချိန်မှာ
ရိုက်ကူးချိန် ၂ လအတွင်း တတ်နိုင်သမျှ တစ်ခြားအလုပ်လက်မခံဖို့ တောင်းဆိုခဲ့တယ် …
ကော်ဖီဆိုင်ထိုင်ထိုင် ဘားထိုင်ထိုင် ဒီအကြောင်းပဲပြောကြပြီး မော နဲ့ပတ်သတ်တဲ့ ကာရိုက်တာတိုင်းရဲ့ ခံစားချကိတွေကို သရုပ်ဆောင်တွေအားလုံး ထပ်တူနားလည် ခံစားနိုင်ဖို့ အချိန်ပေးခဲ့ပါတယ် …
အထူးသဖြင့် အောင်ရဲထိုက်
သူနဲ့ နေ့တိုင်းလိုလို အကြိမ်ကြိမ်တွေ့ခဲ့တယ်
ဇာတ်ကောင်ရဲ့ စရိုက် ခံစားချက် ခံယူချက် အပြောအဆို အနေအထိုင် လူတွေအပေါ်အ
မြင် အားလုံးကို သိအောင် အကြိမ်ကြိမ်ဆွေးနွေးပြီး စကားတွေအများကြီးပြောခဲ့ကြတယ် …

မော ဇာတ်ညွှန်းဟာ ဒီလူနဲ့ ရိုက်မယ်ဆိုပြီး ရေးခဲ့တာမဟုတ် …
ကာရိုက်တာနဲ့ ဇာတ်လမ်းတစ်ခုလုံးဖန်တီးပြီးမှသာ ဒီလူကို ဒီနေရာမှာ ထည့်မယ်ဆိုပြီး လုပ်ခဲ့တာပါပဲ …
ဒီလူနဲ့ ရိုက်ချင်လို့ရေးတယ်ဆိုရင် ဇာတ်ညွှန်းမှာ ဒီလူရဲ့လုပ်နိုင်စွမ်းလောက်ပဲ ကန့်သက်သွားတာမျိုး ဒီလူနဲ့ဆို ဒါမလိုက်ဘူးတို့ ဖြစ်တတ်ပါတယ် …
ကျွန်တော်ကတော့ ကာရိုက်တာရော ဇာတ်ရောပြီးမှ သရုပ်ဆောင်ရွေးချယ်တာမို့ ကျွန်တော့်ဇာတ်ညွှန်းထဲက အတိုင်း သူတို့ကခံစားနိုင်ဖို့ ကာရိုက်တာစီးမျောဖို့ ကြိုးစားရပါတယ် …

ပါဝင်သူအားလုံးက လိုချင်တာကို တစ်ထပ်တည်းဖြစ်အောင်လုပ်ပေးရုံအပြင် ဒီရိုက်ကူးရေးကာလမှာ တစ်ခြားအလုပ်မလုပ်ပဲ အောင်ရဲထိုက်ဆိုရင် တစ်ခြားဇာတ်လမ်းရဲ့ Poster Shoot တောင်မရိုက် ပွဲတက်တောင် မသွားပဲ နေပေးခဲ့ပါတယ် …
သူက သွားဖို့ခွင့်တောင်းပါတယ် ရမလားပေါ့ မရရင်လည်းမသွားပါဘူးဆိုပြီးပြောခဲ့တယ် …
ကျွန်တော်ကတော့ မသွားပါနဲ့ ပွဲသွားရင် အနည်းဆုံးတော့ လူတွေကို ရီ(ရယ်)ပြနေရမယ် …
ဖြစ်နိုင်ရင် ရိုက်ကူးချိန်မှာ အရယ်(ရီ)အပြုံးတောင်မရှိစေချင်ခဲ့တာပါ …
Psychological Thriller Drama ဆိုတာနဲ့အညီ ပါဝင်တဲ့သူတိုင်းရဲ့ စိတ်က ဒီကားပေါ်ရူးသွပ်နေတာမျိုးကိုလိုချင်ခဲ့တာပါ …
အောင်ရဲထိုက် အပြင် ပါဝင်ခဲ့သူအားလုံးက ကျွန်တော်လိုချင်သလို ရူးသွပ်ပေးခဲ့တယ် 🫡
တကယ်အထူးကျေးဇူးတင်ရပါတယ် …

မော အကြောင်း ဆက်ပြီးပြောပြပေးသွားပါအုံးမယ် 😎
🎥 မော ရုပ်ရှင်ဖန်တီးခါနီး ၂၀၂၄ အောက်တိုဘာ ၂၂ (ဓာတ်ပုံ)

ရုပ်ရှင်ကိုချစ်ရင် မောကိုကြည့်ပါ

#မော #ထွဋ်တင့်ထွန်း

02/08/2026

တနင်္ဂနွေသား နဲ့ တနင်္ဂနွေ နေ့ ✨🍀


📸 Ko Aung Lay

တိုက်ပုံ - ဓလေ့

01/08/2026

Manchester United Card လေးတွေဖောက်မယ် ✨🍀

လိုချင်ရင် ကျွန်တော့်ညီလေးဆီမှာ မှာလို့ရပါတယ်

https://www.facebook.com/share/1CY1gso9Xr/?mibextid=wwXIfr