13/11/2026
أيها المطبل، لماذا تصفق للفساد في جماعة تزارت؟
يكتب : مصطفى بوضار
الى كل المطبلين في جامعة تزارت علاش كادافعو على الفاشلين وكاتخرجو بأوديوهات في الواتساب. وكتقولو الشباب المناضلين ما خصهمش يبقاو ينشرو وينتاقدو الجماعة؟
شكون عطاك الحق تمنع الناس تهضر؟ واش الجماعة ديالك انت بوحدك؟ الجماعة ديال الساكنة كاملة.
الشباب منين كينشرو راه كينشرو المعاناة ديال دوارهم : الطريق والماء والنقل المدرسي والريزو والصحة والتعليم والتهميش... الشباب ما كيكذبوش، وما كيسبو حد.
انت اللي كتصفق وكاطبل لمجلس فاشل. ما قدم والو لساكنة ݣلاوة تزارت، من غير الوعود الخاوية والكدوب . كتصفق ليهم حيت عندك مصلحة معاهم .
سول راسك: إلا كان المجلس خدام بصح علاش كتقلقك الهضرة ديال الشباب المناضلين لي فيهم الغيرة ؟ علاش بغيتي تسكتهم؟ حيت عارف الهضرة ديالهم كتفضح الفشل ديال الجماعة.
سمع مزيان المطبل لاخر : الشباب ما غاديش يسكتو. غادي يبقاو ينشرو ، وغادي يبقاو ينتاقدو ، وغادي يبقاو يطالبو بحقوقهم . هادا حق دستوري، ماشي صدقة من عندك .
أما تخرج بأوديو باش تهدد وتبغي تسكت الناس، راه هادي هي قمة الضعف ديالك الفاشل .
تزارت ماشي ديال المطبلين، تزارت ديال الأحرار
#كلاوة #تزارت #توامة #مراكش