11/03/2026
كليسة مع ماشي مجرد لقاء كيتنظم بين الفينة والأخرى. كليسة مع رؤية واضحة كتخدم على خلق فضاء حقيقي كيقرّب المسافة بين صناع القرار في عالم السياسة والمقاولة وبين الشباب المقاول وحاملي المشاريع. الفكرة بسيطة ولكن أثرها كبير: حوار مباشر، بلا بروتوكول وبلا حواجز، بين الناس اللي كيسيرو الشأن العام والاقتصادي وبين الجيل اللي كيبني المستقبل.
فـ 11 مارس، واحتفاء باليوم العالمي للمرأة، كليسة مع غادي تجمع ثلاث شخصيات نسائية عندهم حضور قوي وكلمة مسموعة في تسيير المجالس المنتخبة بجهة سوس ماسة. اللقاء غادي يكون بغرفة التجارة والصناعة والخدمات سوس ماسة، فجلسة مفتوحة هدفها تقاسم التجربة وإيصال المعلومة الحقيقية للشباب والمقاولين الشباب.
✨رشيدة بوهيا نائبة رئيس المجلس الجماعي لإنزكان.
✨ابتسام الحرمة رئيسة لجنة التنمية الاقتصادية بمجلس جهة سوس ماسة.
✨رجاء مسو مستشارة بالمجلس الجماعي لأكادير ورئيسة لجنة المرافق العمومية والخدمات بمجموعة الجماعات الترابية للنقل والتنقل.
ثلاث مسارات نسائية فمراكز القرار، ثلاث تجارب فالتسيير العمومي والتنمية الترابية، وثلاث فرص حقيقية باش الشباب يقرب أكثر من طريقة التفكير وصناعة القرار داخل المؤسسات المنتخبة.
كليسة مع كترسخ فكرة واضحة: التنمية كتبدأ بالحوار، والفرص كتتخلق ملي كيوقع التواصل المباشر بين التجربة والطموح. والأنظار فهاد الموعد متجهة نحو الاستفادة الحقيقية، ونحو فتح نقاش جدي كيخلي الشباب يفهم أكثر كيفاش كتدار الأمور من الداخل.
اللي باغي يسمع، يتعلم، ويقرب خطوة أخرى من عالم القرار والتسيير، المكان ديالو فهاذ الكليسة.
