04/03/2026
شوف معامن كنشاركو الاوكسجين فهاد البلاد… تخيّل معايا، فوسط قضية اختفاء الطفلة سندس اللي دايرة البلبلة فالمغرب كامل، ووالديها لا نعاس لا راحة وقلبهم محروق عليها، كيخرج واحد السيد من ترجیست ويتاصل بالعائلة ويقول ليهم باللي سندس مازال حية وراها عند شي مرا فشفشاون.
وهاد الشي كامل دارو غير باش يستغل المعاناة ديالهم ويحاول ينصب عليهم. عائلة سندس بلغات البوليس، والخبر وصلهم فالحين، والأمن خدم خدمة زوينة ودبّر ليه خطة محكمة. بقاو منسقين معاه حتى خلاوه يجي لشفشاون، ومن بعد التحقيق تبيّن باللي كان غير باغي غير ينصب عليهم.
دابا راه موقوف وتحت الحراسة النظرية، وغادي يتقدّم قدّام العدالة.
والله حتى كاين شي ناس قلبهم قاسح وما فيهم حتى رحمة.
