عريبي - Araeby

عريبي - Araeby A ❤️

21/03/2026

كل عام ونادينا بالف خير ❤️

اعادة الله علينا وعليكم باليُمن والبركات كُل عام وانتم بآلف خير 🤍
20/03/2026

اعادة الله علينا وعليكم باليُمن والبركات كُل عام وانتم بآلف خير 🤍

- حملـة إفطار تم ترتيبها اليوم من جماهير الاتحاد بتوزيع اكثر من 1000 كيس على حدود منطقة طرابلس كاملة بدايةً من جنزور الى...
13/03/2026

- حملـة إفطار تم ترتيبها اليوم من جماهير الاتحاد بتوزيع اكثر من 1000 كيس على حدود منطقة طرابلس كاملة بدايةً من جنزور الى بعد تاجوراء وبعض المناطق المجاورة تبارك الرحمن ✊🏻
- وإفطار جماعي في منطقة باب بن غشير اليوم من التيحا بويز 🤍

ربي يحفظكم ويبارك فيكم ويتقبل منكم ❤️

06/03/2026

صحة سحوركم جميعاً …
بأمانة حكمت عقلي ومتكلمتش بعد المبارة طول خوفاً من كلام يطلع مني يكون ف لحظة إنفعال او نغلط في حد بالذات احني ف الشهر الكريم هذا ، انا مبتعد من فترة طويلة واغلب كتاباتي دائماً حيادية لآبعد الحدود الا فـ الحالات لـ تستحق ويبدا فيها الآمر علني ، اما بالمجمل دائماً كنت فـ نفس موقفي سواء هنا او في الواقع واغلبكم نتلاقو ديما و صحابنا واحبابنا ،،،

اولاً لموضوع الآساسي والأهم والمهم جداً ياجمهور الاتحاد ندوي ع الجماهير اللي انا منهم وفيهم منبوش شي يقعد خاش بيننا مهما صار لحد ليوم تفركيس و التعثرات تصير وهذا شئ طبيعي مفيش نادي كبير ميصيرش فيه تعثر لانه جزء من اللعبة انك تكسب او تتعثر وكله توفيق من الله عز وجل ، لي نبوه انه بهدا لـ صاير ميزيدش شي ثاني يخليها تخش بين بعضنا كلنا نوقفو مع بعض ضد اي شي غلط يصير بكلمة وحدة لانه هذا المهم ..

ثانياً كرة السلة تكلمنا بين الذهاب والإياب ع فارق الاعبيين المحليين بيننا وبين باقي الآندية معندكش بنكينه ابداً !! هل متوقعين انه ب شخص او اثنين تقدر تنافس مستحيل هذه ، لو تجيب ستيفن كيري بروحه ميديرش شي ف دوري ! انت هامل اللعبة وصاير خلل إداري كبير من الناحية هذه سواء في كرة السلة او باقي العاب الصالات فيه إهمال إداري كبير جداً يخلي فيها تزيد ف السوء وقاعدة تتزايد ، بدل ماكنت قاعد تركب بالرثم وتتصاعد تلقى روحك تفسد في اللي درته كامل ، بعيداً ع انه مبارة السلة كانت تحصيل حاصل ولكن جايك نهائيات مزال فيه مستوى اكبر بتواجهه ولما نقولك اكبر يعني اكبر بجديات فيه اندية تواجه وحتشوفو لفرق بعدين فيه الموضوع هذا ، الطائرة بعد ماكانو في رتم مليح ورجعو ف التجمع الأول بدون ولا خسارة نتفاجئو بآداء اليوم اللي اقل مايقال عنه سئ جداً ، هذا كله مترتب وراء خلل من فوق ( إداري بحث ) واضح جداً ، ضروري مراجعة الموضوع هذا وتغيير يصير فيه لانه محاولة الإصلاح اعتقد خلاص فات الآوان فيها الموضوع تطور وزاد عن حده وسامحوني طولت عليكم .

05/03/2026

نسآل الله التوفيق لنادينا اليوم والفوز بطرابلس وزليتن ..

من قاعة طرابلس الكبرى ديربي كرة الطائرة 🏐
الى قاعة نادي الاشعاع زليتن ديربي كرة السلة 🏀

يارب توفيقك هنا وهناك لكبيـر البلاد ✊🏻

بعد الاكسترا تايم والتعادل في الوقت الكامل 67-67 🤯في الشوط الخامس المدينة يتأهل رسمياً لسداسي الدوري الليبي لكرة السلة ب...
04/03/2026

بعد الاكسترا تايم والتعادل في الوقت الكامل 67-67 🤯
في الشوط الخامس المدينة يتأهل رسمياً لسداسي الدوري الليبي لكرة السلة بعد الفوز 75-71 على نادي الشباب العربي

هاردلك للشباب العربي مباراة كبيرة 👏
بالتوفيق في مباراة الملحق امام نادي الهلال على الكرسي الأخير بالسداسي .

03/03/2026

ديربي المنطقة الشرقية في السلة 🤯
قداش لينا ع مباريات هكي ف سلتنا برافو للزوز والله

قالك المحترفين مش مستريحين ويبو يروحو 😞
28/02/2026

قالك المحترفين مش مستريحين ويبو يروحو 😞

21/02/2026

جمهور الاتحاد في كل مكان ✊🏻❤️
اجواء مباراة الاساطير من داخل معكسر 444
جمهور الاتحاد كالعادة يسيطر ع الجو ⚡️

الله يبارك تنظيم و اجواء رمضانية مميزة ربي يدوم الآجواء والفعاليات المنظمة 🤩

رمضان شهر الخير والرحمة 🌙نسأل الله أن يملأ قلوبنا طمأنينة، وأيامنا بركة، وأعمالنا قبول.رمضان كريم عليكم جميعًا … كل عام ...
18/02/2026

رمضان شهر الخير والرحمة 🌙
نسأل الله أن يملأ قلوبنا طمأنينة، وأيامنا بركة، وأعمالنا قبول.
رمضان كريم عليكم جميعًا …

كل عام وأنتم بخير 🤍

18/02/2026

فريقنا في السلة ..
لعبة السلة عكس القدم تماماً تعتمد 90% ع جودة الاعب المحلي في فريقك ، احني لحمدلله من الاسماء المحلية عندنا شبه الأفضل في الساحة الليبية لكن مزال ينقصك بش تكمل صفوفك لاعب بقيمة ميدو بوزقية .. ضروري فترة بين الذهاب والإياب تصكر موضوعه الاعب وتجيبه ، عندك نهائيات بعد رمضان والفترة هذه كلها تعتبر إستعداد لنهائيات الدوري خصومك المباشرة الاهل ط والاهلي ب في اللّعبة مجهزين بكل شئ سواء محليين او محترفيين للفترة هذه وللنهائيات ، موضوع ميدو ضروري يتصكر في الفترة هذه ويخش للفريق في الإياب وهذا أهم صفقة حالياً للفريق لو تبي البطولات .

15/02/2026

حتى في الخمس نشيشوها 🫣🔥

Address

Tripoli

Website

Alerts

Be the first to know and let us send you an email when عريبي - Araeby posts news and promotions. Your email address will not be used for any other purpose, and you can unsubscribe at any time.

Contact The Business

Send a message to عريبي - Araeby:

Shortcuts

Share