19/10/2025
අපි මේ ලෝකයට එන්නේ අපි විසින් කළයුතු කර්තව්යයක් ඉටු කිරීමේ වගකීම පෙරදැරිවය. අප විසින් ගොඩනගාගත යුතු ජීවිතයක් සහ අරමුණු සහිතවය. ඒවා කිරීම නොකිරීම අපට භාරය.
ඒවා ඉටු කිරීමට අප සතු සෑම ශක්යතාවයක්ම යෙදිය හැකි නම්, එදිනට අප පැමිණුන කාරණය සම්පූර්ණය.
එසේ නොමැතිව සෑම දෙයක්ම ඉරණමට හා කර්මයට පවරා ඔහේ බලා සිටියොත් ජීවිතය හැමදාකම එක තැන් පල්වෙන නීරස තැනක් වෙනු ඇත. ඉපදීම සහ මියයාම අතර ජීවත් වීමේ කාර්යභාරය හඳුනාගෙන, නිකම්ම මිනිසෙක් නොවී, අමරණිය මිනිසෙක් වීමේ වටිනාකම මේ කතාවේ එන “නියති” නම්වූ අප්රතිහත ධෛර්යය ඇති, සාමාන්ය සමාජයක තමන්ගේ වෙනස්වූ පරිකල්පනයන් ක්රියාවට නංවන කතානායිකාව මුල් කරගෙන ලියවුනු - “නිවර්ත” කෘතියෙන් පෙන්වා දෙයි.
“පුප් මී” නම් වූ මේ කතාවේ එන චරිතය සහ ඇගේ ප්රඥා මහිමය අමතක නොවන බව මම කිවයුතුමය. “හිරණ්ය” ලා මෙන්ම එක්ටැම් ගෙවල් වල සිරවී තමන්ගේ ආත්ම ශක්තිය හඳුනා නොගත් අයට ඒවා හඳුනාගන්නට මෙය මහඟු පිටිවහලකි.
මේ කියන නිවර්තය විටෙක අපේ ලංකාවදැයිත් හිතෙන අවස්ථා නොතිබුණාම නොවේ. අවසානයේ නියතියගේ නික්ම යාම දුකක් දැනවූවත් - ඇගේ කාර්යභාරය නොපිරිහෙලා අවසන් කර සතුටින් නික්ම ගිය බැවින් සතුටු වූයෙමි.
අලංකාර බස් වහරකින් ලියවී ඇති, උපමා උපහරණ අනූන - ඒවාගෙන් ව්යාංගයෙන් ජීවිත පාඩම් පෙන්වන මේ කතාව ඔබටත් මටත් ජීවිතයේ අරමුණු කරා වඩාත් ශක්තිමත්ව යාමට අවැසි පන්නරය ලබාදෙනු නොඅනුමානය.
සතුටින්ම රසවින්ඳෙමි.
කියවිය යුතු ගොන්නට එක්කාසු කරගත්තාට පාඩු නොවෙන පොතකි.
Udatharie Stories by Udatharie
