30/01/2022
අපේ දෙවන මංගල උත්සව සංවත්සරය ...
*දියතලාවේ කාලයක් පදිංචි වෙලා හිටියත්,පොඩි හරි නිදහසක් ලැබුනු ගමන් අපි දුවන්නේම ඒ පැත්තට තමා.ඉතිං මේ ගමනත් අපි සැලසුම් කලේ එහෙටම තමා.සාමාන්යයෙන් අපි දෙන්නාගේ ඕනිම වැඩක් කලින් සැලසුම් කරලා,හිත හිත කරන්න පුලුවන් දේවල් නෙවේ.අපේ වෙඩිං එක ගත්තෙත් මාසයක් ඇතුලත ප්ලෑන් කරල.
*2021.01.23 අපේ මහත්තයාගේ පොඩි පොඩි වැඩ ටිකකට දවස ගෙවුනා.පෙරවරු 10ට විතර අපි අපේ ගමන පිටත් උනා.
*ගමන් මාධ්ය - AX 1 යතුරුපැදිය
*රැකියාවට සම්බන්ධ රාජකාරියක් මගදී කරන්න තිබුණ් නිසා,නවාතැන්පලක් හොයාගන්න ටිකක් රෑ උනා.
*දියතලාවේ මාස 3කට වැඩි කාලයක් ගත කරලා තිබුණ් නිසා අපිට ඕනි උනා හපුතලේ නවාතැන් ගන්න.හපුතලේ නගරය මැද තියෙන guest එකක අපි නවාතැන් ගත්තා.හොද view එකක් අපිට ඕනි නිසා balcony room එකක්ම ගත්තා.
*හවස බෙරගලින් රසම රස රොටී බඩපිරෙන්න කාපු නිසා රෑට කෑම ඕනි උනේ නෑ.හිතට හරි නැති නිසාම රු.500ක් දීලා අරන් ගිය බයිට් වර්ග කෑවා.(රටකජු ,ටේස්ට්,මුරුක්කු,බූන්දි සීතලට මරු)
*කලින් දවස්වල ගොඩක් මහන්සිඋන නිසාත්,බයික් ගමනත් ටිකක් වෙහෙසකර උනා.ඔන්න ටිකක් රෑ වෙද්දි සීතලත් එක්ක පාරේ වාහන,මිනිස්සු අඩු උනාම.අපි එළියට බැස්සා.පාලු පාරේ සීතල මැද අපි පාරේ ටිකක් ඇවිදගෙන viewpoint එකකට ආවා.හරිම සුන්දරයි.ටිකක් ඔහේ පාරෙ ඇවිදලා..ආයෙත් නවාතනට ගියා.
*උදේම අපි පිටත් උනා.හපුතලේ ටවුමෙන්ට දෙමළ සහෝදර කඩයකින්ම උදේ සප්පායම් කරගත්තා.මම නම් තෝසේ,වඩේ.මහත්තයා නම් මනිපිට්ටු කෑවා.හරිම රසයි.ගානත් සධාරණයි.
*එතනින් අපි Liptonseat ගියා.tourists ලා ආයෙත් ඉන්න නිසාත් ,ලෙඩෙත් ආපහු තියෙන නිසාත් ආරක්ෂාව ඇතුව අපි ඇවිද්දේ.ඒ පාර හරිම ලස්සනයි.රස tea එකකුත් එතනින් බීලා පහලට ආවා.එකක් රු.75ක් උනා.☕
*අපි ඊට පසු යන්න හිතුවා අපි කාලයක් නතර වී සිටි අපේ බෝඩිමට යන්න.ඊට කලින් දියතලාවේ ෆ්යිනස් ගස් වලින් මැදි උන පාරේ ඡායාරූප ගන්න නැවැත්තුවා.එතනදි අපිට චූටි යාලුවෙක් මුන ගැහුනා.එයාටත් අපි ගාව තිබුන බිස්කට් දුන්නා.
* අපේ බෝඩිම තිබුනේ දියතලාවේ ටවුමෙන්ම යන්න තියෙන ඩවුන්පැට්නා පාරේ.හරිම හොද නැන්දා කෙනෙකුයි මාමා කෙනෙකුයි තමා එහේ ඉන්නේ.ඉතිං ඔන්න අපි යනකොට එයාලා නෑ.හවස්වෙලා එන්නෙ කියපු නිසා අපි තවත් නැරඹුම් ස්ථානයකට ගියා.
*ඉදල්ගස් හින්න station.මේ කාලේ නම් වැඩිය මල් නැති උනත් සුන්දරත්වයේ නම් අඩුවක් නෑමට ඉන්නේ කෝච්චි පිස්සෙක් නිසා කෝච්චි 2ක්ම බලලා තමා ආපහු බෝඩිමට ආවේ.
*බෝඩිමේ අපි වෙනුවෙන් සූදානම් කරලා තිබුන තේපැන් සංග්රහය භුක්ති විඳලා අපි 5ට විතර දියතලාවෙන් ඔහියට යන්න පිටත් උනා.දවල්ට කෑවේ නෑ...😂😂😂අපි දෙන්නට ඇවිදින්න යනකොට බඩ පිරෙන නිසා බඩගිනි වෙන්නේ නෑ.වියදමත් අඩුයි ඒ නිසා.😉
*අර ලස්සනට ගස් හැදුන 10km දිග පාර මැද්දෙන් රෑ වේගෙන එද්දි අපි ඔහියට ආවා.ටිකක් බඩගිනි ආපු නිසා station එක ලග පැටි අයියගේ කඩේට ආවා.ඒක වහලා තිබුන නිසා ආපහු නවතින්න තැනක් හොයාගන්න පිටත් උනා.හරිම ලස්සන තැනක,හරිම හොද වයසක සීයා කෙනෙක් ඉන්න තැනක අපි නවාතනක් ගත්තා.
* #සුන්දර #අත්දැකීමක් අපි ගෙනාපු සල්ලි මදි උනා.බොරලන්දෙන් ගන්න හිතුවට අමතක උනා.මගේ යෝජනාව උනේ ආපහු ගිහින් බොරලන්දේ නවාතැන් ගමු කියලා උනාට අනූ තදින්ම මේ නවාතැනට ආසා උනා.මමත් ආසා උනා ඒත් 10 km ක් රෑ,ආපහු ඔහියට ගිහින් එන්න මම බය උනා.කකුල් 4සත්තුන්ට නෙවේ 2 අයට.සීයා නම් සහතික උනා එහෙම බය වෙන්න එපා කියලා.ඒ නිසාම බෑග් තියලා අපි නැවතත් ඔහියට ඇවිත් ගියා.සීතල නිසා අපි දෙන්නම රෑටකොත්තුවක් කන්න තීරණය කලා.
*රෑ ටිකක් සීතල තිබුනා.අපි උදේම අවදි වෙලා ඔහිය station එකට ගියා.කෝච්චි පිස්සාගේ දොලදුක උදෙසා 😍 කෝච්චියක් දැකගත් පසු ආපහු පිටත් උනේ බොරලන්දට.එතනින් යීස්ට් රොටී චිකන් හොදි සමග කාලා අපි පිටත් උනා.
*ඒ අපි ගොඩක් ළඟින් ආශ්රය කරන අපේ හිතවතෙකුගේ නිවසට.එහෙ ගියොත් නම් නොකා එනවා බොරු.එයාලගේ වගතුග අහලා දවල්ට සප්පයම් වෙලා අපි රත්නපුරය බලා පිටත් උනා.අපිට නැරඹුම් ස්ථාන නැති උන නිසා ආපහු පිටත් වීමට තීරණය කලා.අපි දෙන්නම ආස දුර උනාට නිදහස් පාරකට.ඒ නිසා අපි ආවේ දෙහෙන ඇල්ලත් බලාගෙන වේවැල්වත්ත පාරෙන්.ඒ පාරත් හරිම ලස්සන නිදහස් පාරක්.
*මගේ අයියාගේ රැකියා ස්ථානයට ගිහින් ඔහුත් මුන ගැහුනා.වැඩ නිම වී අයියා ගෙදර එන නමුත් මා නිතර ඔහුගේ සේවාස්ථානයට යන්නේ මොනා හෝ කඩචෝරුවක් කටේ ඔබාගැනීමටය.😁
*මා ගෙදර ඉන්නා කාලයේ නිතර වඩේ කන තැනින් තේ බොන්න යමක් රැගෙන ඇළ දොළ ගංගා පසු කරමින් මා කුඩා කල සිට හැදී වැඩුන නිවසට ගොඩ උනා.එතැන රැය පහන් කල අපි නැවතත් අපේ ජීවන නැවාතැනට ගොඩ වැදුණා.
නැවතත් චාරිකාවකින් හමුවෙමු.
මම තනූ 😍😍
