Abiad w Aswad - أبيض و أسود

19/08/2026

السبت 22 آب… سهرة من العمر في مطعم الأكارم مع رواد خليل، نرمين حبيب وباسم النجار! 🎶
السبت 22 آب، الموعد بمطعم الأكارم مع سهرة فنية مميّزة بتجمع 3 نجوم على ليلة كلها طرب وفرح وأجواء حلوة: الفنان رواد خليل، الفنانة نرمين حبيب، والفنان باسم النجار.
رواد خليل بصوته وحضوره المميّز، رح يقدّم سهرة مليانة إحساس وطرب وحماس.
نرمين حبيب، بصوتها الجميل وإطلالتها وحضورها الراقي، رح تضيف للّيلة نكهة خاصة ومميّزة.
باسم النجار، بحضوره المحبّب وأغنياته، رح يكون جزء أساسي من سهرة كلها فرح وأجواء حلوة.
وبـ مطعم الأكارم، الكرم مش بس بالاسم… الكرم بالأكل الطيب، بالمزّة الشهية، بالأرجيلة، وبالأجواء اللي بتخلّي السهرة غير شكل!
رواد خليل × نرمين حبيب × باسم النجار × مطعم الأكارم… السبت 22 آب، كونوا عالموعد!

14/08/2026

ست الكل… طعمتنا وصلت لعندكن! ❤️🥘
إيه… وأخيراً صار فيكن تستمتعوا بطعمة ست الكل ببيتكن! 😍
صار عنا Delivery وTake Away، يعني كل الأكلات اللي بتحبوها وبتتميز فيها ست الكل، صارت توصلكن لعندكن وين ما كنتوا.
الفوارغ، الكبة الزغرتاوية، السنا، الخدود، الفتوش، الحمص، التبولة وكل أصناف المازة… وكل شي اشتقتوله من ست الكل، صار فيكن تطلبوه وتستمتعوا فيه ببيتكن.
نفس الطعمة الأصيلة، نفس الجودة، ونفس الأكل اللي عوّدناكن عليه… بس هالمرة طعمتنا جايي لعندكن!

14/08/2026

🎶 هيثم زيّاد… «هيدا الدلع» قريباً! 🔥
بإحساسه الجميل وصوته المميّز، يعود الفنان هيثم زيّاد بعمل غنائي جديد بعنوان «هيدا الدلع»، حاملاً معه جرعة جديدة من الطرب والإحساس، في أغنية تجمع الكلمة الحلوة واللحن الجميل والأداء الراقي.
هيثم زيّاد، الفنان الذي ترك بصمته بألحانه وأعماله، وسبق أن قدّم ألحاناً لعدد كبير من الفنانين، يطلّ هذه المرة بصوته في عمل جديد يُنتظر أن يضيف لوناً مميزاً إلى الساحة الفنية.
🎼 كلمات: ربيع يعقوب
🎹 ألحان وغناء: هيثم زيّاد
🎧 توزيع: سيزار عبد المسيح
🎙️ تسجيل: ستوديو إيلي سابا
🎬 إنتاج: مارون بو فرحات (SAVERO)
❤️ «هيدا الدلع»… قريباً، وهيثم زيّاد على موعد مع عمل جديد يحمل بصمته وإحساسه الخاص.

12/08/2026

سهرة العود مع جوزيف عيسى في المرام – السبت 15 آب ✨
السبت 15 آب، ومع أجواء فرح وناس حلوة، بيطلّ الفنان جوزيف عيسى ليقدّم سهرة مميّزة مليانة غنى وطرب وضحك. بيغنّي أجمل الـoldies والأغاني القديمة اللي بترجعنا لذكريات حلوة، وبنفس الوقت بيقدّم أغاني جديدة بروح عصرية، وبختمها بطرب شعبي أصيل بيحمل الفرح والهوية.
وفي المرام، السهرة إلها طعم خاص: أكل شهي، أرجيلة بنكهات مميزة، وفواكه طازجة، مع جو دافئ وراحة كأنك بين أهلك. “التحليقة” والسوالف والضحك بيكملوا الأجواء وبيخلّوا الليلة خفيفة ومليانة حياة.
سهرة قريبة من القلب، جوزيف عيسى بصوته وعوده بيخلق جو تفاعل وغناء جماعي، وبيحوّل كل أغنية لحكاية تنعاش بين الحضور.
في المرام ومع جوزيف عيسى، رح تعيشوا ليلة مميّزة بمناسبة عيد السيدة

12/08/2026

سهرة السبت 15 آب في مطعم الأكارم – أحمد عبد الحميد، نرمين حبيب، ريتا سليمان ✨

السبت 15 آب 2026، ليلة مميزة يجمع فيها مطعم الأكارم سهرة فنية راقية مع نخبة من النجوم: الفنان أحمد عبد الحميد، الفنانة نرمين حبيب، والفنانة ريتا سليمان، في أجواء مليانة طرب، فرح وأغاني بتلمس القلب.

سهرة بتجمع الفن الأصيل مع الضيافة المميزة في الأكارم، حيث يلتقي الصوت الجميل مع الأجواء الراقية ليكون الموعد ليلة لا تُنسى.

أحمد عبد الحميد: صوت طربينرمين حبيب: أداء راقيريتا سليمان: إحساس عالي

كونوا على الموعد في مطعم الأكارم… ليلة من العمر مع نجوم الفن

12/08/2026

نرمين حبيب… أناقة الصوت وجمال الحضور في كفرنبرخ

الجمعة 21 آب 2026، موعدكم مع سهرة صيفية مميزة ضمن مهرجان صيفي كفرنبرخ، مع مطربة الأناقة نرمين حبيب، بصوتها الجميل، أدائها المميز وحضورها الراقي.

وترافق نرمين فرقتها الموسيقية بقيادة عازف الأورغ مروان عابد، لتمضوا ليلة مليئة بالطرب والفرح والأجواء الحلوة.

كونوا على الموعد… سهرة عنوانها الصوت، الأداء، الجمال والأناقة مع نرمين حبيب. 🎶✨

12/08/2026

رفيق أبو زيد… «الأبضاي» بالسياسة وأبو المهمات الصعبة!
بعيد ميلادك يا رفيق أبو زيد، الصديق والأخ، بتمنّالك من صميم قلبي كل الازدهار والنجاح، وتبقى دايماً مبسوط ومرفوع الراس.
أنت «الأبضاي» مش بالقوة، الأبضاي بأخلاقك، بسياستك، بحسن تعاملك مع الناس، وبقدرتك تجيب الحق لأصحابه بحكمتك وذكائك. ولهيك أنا بسميك كمان أبو الهمام وأبو المهمات الصعبة.
وبتمنّى من قلبي إنو يكبر اسم مطعم ست الكل أكتر وأكتر، وإن شاء الله نشوف إلك بكل دولة تلاتة وأربعة فروع، لأنو المطعم بيقدّم من أطيب المأكولات الإيطالية واللبنانية، وبيحافظ على المَزّة اللبنانية الأصيلة.
وأنت من الألف للياء دقيق بكل التفاصيل، واقف على كل شاردة وواردة، وبتشرف وبتراقب كل شي بنفسك، وهيدا سرّ من أسرار نجاحك.
رفيق، أهم شي بعيدك اليوم الصحة والعافية وراحة البال، وتضل مبسوط بحياتك، ويخلّيلك أهلك وأحبابك، وتكون أيامك الجايي كلّها نجاح وفرح وازدهار.
كل سنة وإنت الصديق والأخ و«الأبضاي» على طريقتك… أبو الهمام وأبو المهمات الصعبة. ❤️🎂🥂
صور إضافية

12/08/2026

12/08/2026

رفيق خويري… «تنعاد الفرحة» تجمع عيد الميلاد بنجاح الأغنية على ضفاف البحر
في سكون – جونية، وعلى ضفاف البحر، كانت السهرة مختلفة بكل تفاصيلها… احتفال بعيد ميلاد الصديق والفنان رفيق خويري، واحتفال بنجاح أغنيته الجديدة «تنعاد الفرحة»، التي نزلت إلى الأسواق وانتشرت بسرعة، ونجحت بمحبة الناس وتفاعلهم معها.
بين صوت الموج ونسمة البحر وأجواء سكون الجميلة، اجتمعت الصداقة والفن والفرح. وكانت أغنيات رفيق حاضرة بقوة، بصوته وإحساسه وحضوره، ليكون للسهرة طعم خاص لا يشبه أي جلسة عادية.
وكانت من أجمل لحظات السهرة لحظة قطع رفيق قالب الحلوى على وقع أغنيته «تنعاد الفرحة»، وسط التصفيق والفرح. والأجمل أن عدداً من الزبائن الموجودين في المطعم شاركوه الغناء، ورددوا الأغنية معه بصوت واحد، في مشهد عفوي أكّد أن العمل وصل إلى الناس وأصبح قريباً من قلوبهم.
فكانت الفرحة فرحتين: فرحة عيد الميلاد، وفرحة أغنية جديدة تحصد المحبة والانتشار.
أما الجلسة، فكانت من أجمل الجلسات التي تجمع أهل الفن والإعلام والمجتمع: إعلاميون وأصحاب مواقع، رجال أعمال، مهندسون وأصدقاء، اجتمعوا حول رفيق في أجواء مليئة بالدردشة والضحكة والمحبة، مع أطيب المأكولات، وصوت البحر والموج الذي زاد المكان جمالاً.
رفيق خويري، الصديق والفنان الأصيل… كل سنة وإنت بخير، وتنعاد عليك الفرحة فرح، ونجاح، وصحة، وأغنيات جديدة تضلّ عايشة بقلوب الناس.
وفي سكون جونية، كانت الصورة مكتملة: بحر وموج، أكلة طيبة، أصحاب وأحباب، صوت رفيق خويري… وأغنية «وتنعاد الفرحة» التي كانت عنوان السهرة وفرحتها. ❤️🎶🌊

09/08/2026

مهرجان الزمن الجميل للدكتور هراتش ساغبازاريان على مسرح كازينو لبنان في دورته التاسعة في ٢٢ تشرين الثاني ٢٠٢٦ تكريم للإستقلال في زمن راقي ومميز من روزنامة الأيام في لينان ..

🇱🇧 مهرجان الزمن الجميل التاسع… في 22 تشرين الثاني، عيد الاستقلال، سيكون التكريم الأكبر والأهم!

في 22 تشرين الثاني، عيد الاستقلال اللبناني، يستعدّ مهرجان الزمن الجميل التاسع لتكريم مجموعة من الشخصيات البارزة والمهمة، أسماء لها تاريخها ومكانتها وبصمتها.

لكن التكريم الأهم، والأكبر، هو أن يأتي هذا الاحتفاء في يومٍ بحجم الوطن: عيد الاستقلال.

22 تشرين الثاني ليس مجرد موعد للتكريم… إنّه بحد ذاته تكريم.تكريمٌ لشخصيات عظيمة، في يوم عظيم، وفي مهرجان يحمل اسم الزمن الجميل.

مهرجان الزمن الجميل التاسع… 22 تشرين الثاني، عيد الاستقلال، موعد تكريم الكبار. 🇱🇧