ពន្លឺជីវិត

08/07/2025

05/07/2025

21/04/2025

តុលាកា Facebook

សម័យនេះច្រើនអ្នកចូលចិត្តវិភាគ
អ្វីកើតឡើងក្លាយជារឿងធំធេង។
មិនទាន់ដឹងប្រាកដពិតឬមិន
រត់ទៅតុលាកា Facebook ។

រូបភាពតិចតួច
ជាបន្ទុកបង្រ្កាបមនុស្សគេឲ្យខ្មាស។
ចោទទោសគេដោយគ្មានសក្ខី
បង្កអាក្រក់ជាជំងឺក្នុងសង្គម។

អ្នកណាមិនសូវចូលចិត្តចងក្រងច្បាប់
បែរជាចូលចិត្តធ្វើជាចៅក្រមនៅលើអេក្រង់។
ខុសត្រូវត្រឹមណាសូមបើកចិត្តស្តាប់ពីហេតុផល,
កុំបង្ខំខ្លួនជាអ្នកសម្រេចការប្រកាន់។

សូមចាំថា Facebook មិនមែនតុលាកា,
ជីវិតមនុស្សមិនមែនរឿងលេងល្ខោន។
សូម្បីស្នេហ៍ឬជំងឺផ្ទាល់ខ្លួន,
កុំប្រើបណ្តាញជារបាយការណ៍សាធារណៈ។

បើស្រលាញ់សង្គម ចូរស្ងប់ស្ងាត់,
រៀនស្តាប់ រៀនគិត មុននឹងបញ្ជាក់។
ជួយលើកគ្នា ដោយចិត្តបរិសុទ្ធ,
កុំបន្តោយខ្លួនមានឈ្មោះជាតុលាកា Facebook !

ពន្លឺជីវិត«៚»
#កម្ពុជាមាតុភូមិខ្ញុំ #សង្គម #ពន្លឺជីវិត

15/03/2025

ពាក្យអាចាមរ៉ាមមិនមែនសុទ្ធតែយើងត្រូវបកស្រាយ ឬ តវ៉ានោះទេ ។
រឿងដែលត្រូវធ្វើ គឺរក្សាគោលជំហរខ្លួនឯង បំពេញកិច្ចការងារដែលមាន ថែទាំសុខភាព និង ទឹកចិត្តឱ្យបានល្អ ។

ល្អ និង អាក្រក់
ខុស និង ត្រូវ
ពិត ឬ ក្លែងក្លាយ មិនប្រាកដប្រជាសម្រាប់ការគិត ព្រោះបុគ្គលឈរពីជ្រុងផ្សេងគ្នា ដាច់ខាតការមើលឃើញច្បាស់ជាមិនដូចគ្នា ។

មនុស្សឆ្លាតគឺមិនចាយឋាមពល និង ពេលវេលាដែលមានទៅដោះស្រាយត្រឹមពាក្យសម្តីរបស់អ្នកដទៃ ។
មិនមែនគ្រប់គ្នាសុទ្ធតែមានតម្លៃអាចស្តាប់ពាក្យពន្យល់បកស្រាយរបស់យើងនោះទេ ។

យល់ស្របក៏ដោយ មិនយល់ស្របក៏ដោយ
ដោះស្រាយក៏ដោយ មិនដោះស្រាយក៏ដោយ
យល់ខុសក៏ដោយ យល់ត្រូវក៏ដោយ
ជីវិតនៅតែប្រព្រឹត្តទៅជាធម្មតា គឺតែប៉ុណ្ណឹង ។

#មានសង្ឃឹម

07/03/2025

គេថាជីវិតខ្ញុំលំបាក តែខ្ញុំមិនដែលគិតថាលំបាកអ្វីទេ ព្រោះខ្ញុំឃើញគ្រប់គ្នាលំបាកជាងខ្ញុំមានច្រើនរាប់មិនអស់ ។
គេថាខ្ញុំតស៊ូ តែខ្ញុំបែរជាឃើញមនុស្សតស៊ូមានច្រើនដែលមិនមែនជាខ្ញុំ។
គេថាខ្ញុំប្រឹងប្រែង តែខ្ញុំដឹងថាអ្នកដែលកំពុងតែនិយាយគឺប្រឹងប្រែងជាងខ្ញុំ ។
គេថាខ្ញុំឆ្លាត តែខ្ញុំមិនបានឃើញថាខ្លួនឯងឆ្លាតស្អីទេ ព្រោះបើប្រៀបធៀបការគិត ខ្ញុំមិនបានមួយចំណែកគេផង ។
គេថាខ្ញុំរឹងមាំ ការពិតខ្ញុំគ្មានរឹងមាំស្អីទេ មានចិត្តទន់ជ្រាយ និង ងាយអាណិតអ្នកដទៃ ។
គេថាខ្ញុំល្អ ខ្ញុំឃើញថាស្អីទៅល្អ ខ្ញុំដូចតែគេ ដូចតែឯង ។

គេថាអ្វីក៏បាន ប៉ុន្តែខ្ញុំពិតជាមើលមិនឃើញភាពពិសេសអ្វីដែលខ្លួនមាន ។
ជីវភាពរាល់ថ្ងៃ ពេលធ្វើការក៏ធ្វើ ពេលឃ្លានក៏ញាំ ពេលហត់ក៏សម្រាក ពេលឈឺទៅពេទ្យ ពេលមានបញ្ហាក៏ដោះស្រាយ ពេលជួបក៏ជួប ពេលនិយាយក៏និយាយ… ។

ជីវិតនេះទៅជាធម្មតា គ្មានពិសេសអស្ចារ្យលើសលប់ទៅណា ។
អារម្មណ៍លែងអស្ចារ្យជាមួយលោកនេះ បង្រៀនឱ្យខ្ញុំចេះអង្គុយមើលថ្ងៃរះ និង លិច ។
ចេះស្តាប់សំឡេងចាប ស្តាប់សំឡេងខ្យល់ ស្តាប់សំឡេងក្មេងប្រលែងគ្នាក្នុងភូមិ… ចេះសម្លឹងមើលដើមឈើតូចធំ មើលមេឃធំទូលាយ… និង យកដំបូលផ្ទះជាទីសម្រាកលំហែរ ។

ជីវិតខ្ញុំមានប៉ុណ្ណឹង ទោះធ្វើតិចឬច្រើន បានតិចឬច្រើនក៏ឃើញថាតែប៉ុណ្ណឹង… ។

#មានសង្ឃឹម

18/02/2025

- គំនិតល្អ មើលអ្នកអានសៀវភៅ

-គំនិតចង់តែឈ្នះ មើលចរិក

៚ប្រៀបបានគំនិតមិនដែលកាន់សៀវភៅ

13/06/2024

07/06/2024

មានឃេីញអី​ចម្លែកអត់? 🧐🤔

#អ្នកអានខ្ញុំសរសេរ