Sunil Adesara Photography

01/04/2023

અન્નપૂર્ણા..31st birthday
Lunch only.. 2 INR
Modasa . Arvalli
Photo year 1999

01/03/2022

Chai, Buddies and Parrots...a Coffee Table Book on Vallabh Vidhyanagar by Sunil Adesara

Making progress of coffee table book...Film by Mr.Prakash ParmarBook Design by Mr. Mitul ThakkarBook published by Mr. Sunil Adesara

21/01/2022

SHOW CASE.. DELHI

23/12/2021

daily life... Rajasthan

14/12/2021

17/03/2021

કનેવાલ લેક કદાચ ગુજરાતનું સૌથી મોટું પાણીનો સંગ્રહ ધરવાતું તળાવ હશે. 19મી સદીમાં કૅનેરી નામનાં અંગ્રેજે આ તળાવને મરંમત કરીને Develop કરેલું, ત્યારે તેની પેરીફરી 12 કી. મી. ની હતી. અને કૅનેરી શબ્દ અપભ્રંશ થઈને કનેવાલ થયો હશે જાણે કે કને વાલ (ચરોતરી ઉચ્ચાર પ્રમાણે).

તળાવમાં ત્રણ ટાપુ છે તે તેની વૈવિધ્યતા છે. અને માનવજીવન પણ એટલે કે જાણે પોતાનો ટાપુ હોય તેવી રાજાશાહી.

તારાપુરથી બગોદરા જતાં રસ્તામાં આવતું આ તળાવ મુખ્ય હાઇવેથી 2 કી. મી. અંદરની તરફ છે જાણે કે મોટો સમુદ્ર. ગુજરાત સરકારે ટુરિઝમ વર્ષમાં તેનું માર્કેટીંગ કર્યું પણ ધાર્યો વિકાસ ન થયો. આ તળાવમાં મહિસાગર અને નર્મદાનું પાણી ઠાલવીને સૌરાષ્ટ્રનાં ગામડામાં પહોંચાડાય છે તેથી પાણીનું લેવલ લગભગ 10 થી 20 ફુટનું રહે છે એટલે ચોખ્ખાં પાણીને લીધે બીજા વાયાવર પક્ષીઓ અહીંયા Landing કરતાં નથી. એટલે પ્રકૃતિ પ્રેમીઓ માટે Bird Watching પ્રમાણમાં ઓછા વૈવિધ્ય વાળું છે પણ ટાપુ પર એક રાત ગાળવાનો અનુભવ આપને બીજે ક્યાંય ન મળે તેવો છે. સવારે સૂર્યોદય અને સાંજે સૂર્યાસ્ત પણ જોવા મળે છે.

Island Camping સંસ્થાએ આ સ્થળને પ્રકૃતિ પ્રેમીઓ માટે વિકસાવવાનું બીડુ ઝડપ્યું છે. ત્યાં અત્યારે 36 વ્યક્તિઓ રહે છે. લાલાભાઈ અને રાકેશભાઈ એ આ સ્થળમાં આપ રાત્રિ રોકાણ કરી શકો તેવી Camp Site Develop કરી છે. એકદમ દેશી જમવાનું અને ટેન્ટ/ખાટલામાં સુઈ જવાય ને જાણે ઉપર આકાશને નીચે ધરતી, એકદમ દુનિયાથી અલિપ્ત. સોલર લાઈટથી અજવાળા પથરાય કે ક્યારેક મોબાઈલ ટાવર પકડાય પણ ખરો...

રાત્રે બોટમાં બેસી તળાવમાં સવારી કરવી એ પણ એક Thrilling Experience છે. સૂર્યોદય, સૂર્યાસ્ત, Bird Watching, સાધારણ ઓછી જરૂરિયાત વાળું લોકજીવન, બાળકો માટે પ્રવૃત્તિ, રહેવાના ટેન્ટ અને રાત્રે આકાશ દર્શનની મઝા જ કઈ અલગ છે.

વ્યસ્ત જીવનથી એકાદ દિવસ ગમે ત્યારે પ્રકૃતિ માણી શકાય તેવો દિવસ માણવા જેવો ખરો...

અલગારી મિત્ર ધર્મેન્દ્ર રાઠોડના સહયોગથી આ સ્થળની મુલાકાત લેવા જવાનું થયું, ત્યાં અનુભવેલા ને માણેલા કેટલાંક દ્રશ્યો ના ફોટોગ્રાફ્સ સ્થળની અનુભૂતિ કરાવે છે.

કોઈ પણ મિત્રો ક્યારે પણ આ સ્થળ માણી શકે છે, કુંટુંબ ને મિત્રો સાથે માણી શકાય તેવું આ પ્રકૃતિ કેન્દ્ર મઝા પડે તેવું છે. જતા પહેલાં ધર્મેન્દ્ર રાઠોડ M. 9428403504 નો સંપર્ક કરવા વિનંતી.

03/03/2021

76 વર્ષની ઉંમરે હજી યુવાનીની તાજગી શ્વસી રહેલું આપણું વલ્લભ વિદ્યાનગર, જેના શ્વાસોમાં અને રક્તકણોમાં વણાઈ ગયું છે તેવા લાખો લોકો આજે દુનિયાના કોઈ પણ ખૂણે તેને એટલું જ સંભારે છે. યાદો ક્યારેય જૂની થતી નથી, જૂનો થાય છે વ્યક્તિ, પણ જયારે ગમતી યાદો કે વાતો યાદ આવે ત્યારે તે વ્યક્તિ આછો તે સમયકાળમાં વહી જાય છે.

વલ્લભ વિદ્યાનગરમાં રહીને, ભણી ગણીને દેશ દુનિયામાં વિખરાયેલા એવા દરેક વીવીનગરિયનને આવી ખટ્ટમીઠ્ઠી યાદોનો ખજાનો જો તસવીરો રૂપે મળે તો કેવો મજ્જો પડી જાય નહિ ?

વિદ્યાનગરને યુવાવસ્થાથી માંડી અત્યારે 60 વર્ષના ઉંબરે ઉભા રહીને પણ એટલું જ ચાહતા અને માણતા એવા સુનિલ આડેસરા દ્વારા સમગ્ર વિશ્વમાં વિસ્તરેલા વીવીનગરિયનોને આજે વિદ્યાનગરના 76માં વર્ષે એક અનમોલ ભેટ ચાઇ બડીઝ એન્ડ પેરોટ્સ - કોફી ટેબલ બુક સ્નેહ સમર્પિત કરી રહ્યા છે. જેમાં છે આપણા વિદ્યાનગરનો સંપૂર્ણ ઇતિહાસ અને સાંપ્રત સમય સુધીના યાદગાર સ્મરણો, જે દરેક વીવીનગરિયનને એકાદ બે તસ્વીરથી તે સમયમાં લઇ જશે જયારે તે વીવીનગરનો શ્વાસ પોતાના યુવાન ફેફસામાં ભરતો હતો. પુસ્તક ખોલતા પડઘાશે મિત્રો સાથેના હાસ્ય રસના પડઘા, ચાની ચુસ્કી અને હજારો પોપટનો પોપટિયો રંગ. વિધાનગરમાં વિતાવેલા પ્રથમ દિવસે ઘરને યાદ કરી વહાવેલાં અશ્રુથી લઈને ભણવાનું પૂરું થતા બાંધેલા બિસ્તરા સુધીની યાદોમાં સમેટાયેલી આપણી નાનકડી વીવીનગરિયન જિંદગીને ચાલો સંગ્રહિત થયેલી જોઈએ.

સુનિલ આજે 25 વર્ષથી રોલ વાળા કેમરાથી લઈને અત્યારના અંત્યાધુનિક કેમેરા થકી આ યાદોને સમેટીને બનેલા આ પુસ્તકના પ્રવાસમાં સંકળાયેલા દરેક લોકોનો ઉલ્લેખ કરે છે અને તેઓનો હૈયાના ઊંડાણથી આભાર વ્યક્ત કરે છે. સૌ પ્રથમ તો પૂજ્ય ભાઇકાકા અને પૂજ્ય ભીખાકાકાને હૃદયપૂર્વક ભાવાંજલિ કે આવું અદભુત સર્જન કર્યું અને તેના થકી સર્જાયેલી પ્રતિભાઓએ દુનિયાના ઘણા ખૂણાને પ્રગતિનો રાહ બતાવ્યો છે. જેના સમયમાં વિદ્યાનગરનો પ્રવેશ સુવર્ણકાળમાં થયો એવા શ્રી એચ.એમ. પટેલ એવમ શ્રી સી.એલ. પટેલ સાહેબનો ખુબ ખુબ આભાર. વિધાનગરમાં જેને પ્રકૃતિ સાથે અનુસંધાન કરાવ્યું તેવા એ.એસ.રેડ્ડી અને વિદ્યાનગર નેચર ક્લબનો ફાળો અગત્યનો છે. વિધાર્થીકાળમાં જીવન ઘડતરના પાઠોને પાકા કરાવનાર શ્રી ડૉ. મહેન્દ્ર ચોટલીયા સાહેબને વંદન. મારી જીવન પ્રત્યેની દ્રષ્ટિને જેણે સ્પષ્ટ કરી, સમાજ પ્રત્યેના ઋણને અદા કેમ કરવું તે શીખવનાર શ્રી ડૉ. બિપિન સ્વદાસ સાહેબનો આજીવન ઋણી છું.

આ પુસ્તકને કલ્પનાથી વાસ્તવિક રૂપ આપનાર થોડા સ્નેહીજનો જેવા મિત્રોનો હું આભાર વ્યક્ત કરું છું જેમાં પ્રા. શ્રી હરેન્દ્ર ભટ્ટ સાહેબ કે જેણે પુસ્તકમાં અક્ષરોને તસ્વીર જેટલા પ્રબળ બનાવ્યા. આ બૂકને મારી ઈચ્છાને તાબે થયા વગર શું વધુ સુંદર લાગશે તેવી પ્રબળ દલીલો સાથે સર્જનાત્મક રૂપ આપ્યું તે મિતુલ ઠાકર (મેડ પબ્લિસિટી ) નો આભાર, પુસ્તકને અમારી બંનેની કલ્પના મુજબ પ્રિન્ટ કરી શકનાર શ્રી દ્વીપલ પટેલ (પ્રિન્ટ વેલ - અમદાવાદ), પુસ્તકને ડિજિટલી આપના સુધી પહોંચાડવા અદ્ભૂત વીડિયોગ્રાફી અને એડિટિંગ કરી ફિલ્મ બનાવનાર શ્રી પ્રકાશ પરમાર (ક્રોસ ક્રિયેશન - આણંદ) ને થૅન્ક્સ. અને છેલ્લે આ નિજાનંદ માટે કરેલી રઝળપાટમાં મને સમજી શક્યા અને સાથ આપનાર મારા પત્ની શ્રીમતી અલકા આડેસરા તેમજ તેણે મંગાવેલી ઘણી વસ્તુ ઘરે લઇ જવાનું ભૂલી ગયો ત્યારે મીઠા ગુસ્સાથી અબોલા લઈને મને જીવંત રાખનાર મારી લાડકી દીકરી દુલારી આડેસરાનો આભાર માનવો તે અસ્થાને નહિ ગણાય.

અને આખરે જેના માટે આ બુક બની છે તે દરેક વીવીનગરિયન પોતાના આગવો પ્રતિભાવ આપશે તેવી અપેક્ષા સાથે આપનો સુનિલ આડેસરા (મો. 9825028081) વલ્લભ વિદ્યાનગર

Making progress of coffee table book...Cinematography by Mr.Prakash ParmarBook Design by Mr. Mitul ThakkarBook published by Mr. Sunil Adesara

22/01/2020

વલ્લભ વિદ્યાનગર... નામ સાંભળતા, અહીં ભણેલા કોઈ પણ ઉંમરના વ્યક્તિની આંખ સામે યુવાનોથી ઉભરાતાં એક સુંદર મઝાના શહેરી ગામડાનું દ્રશ્ય આંખો સમક્ષ ઉભરાય છે.
વલ્લભ વિદ્યાનગર એક એવું ગુજરાતનું ગામ છે કે સમગ્ર ગુજરાતના કોઈ પણ શહેરનો એક થી વધુ વ્યક્તિ અહીં ભૂતકાળમાં ભણવા આવ્યો હશે કે અત્યારે ભણતો હશે.

આ વલ્લભ વિદ્યાનગરના શિલ્પી ભાઈકાકાની પરિકલ્પના આ ગામને ગુજરાતની ઓક્સફર્ડ બનાવવાની હતી

2 કિમી x 2 કિમી કે 10 મિનિટ્સ x 10 મિનિટ્સનો એરિયા ધરાવતું આ વિદ્યાનગર શું છે તો તેનો જવાબ છે કે *30 થી વધુ કેજી થી 12 ધોરણ સુધીની સ્કૂલો, 75 થી વધુ હોસ્ટેલની સુવિધા ધરાવતી કોલેજો, 25 થી વધુ મંડળીઓની હોસ્ટેલોમાં 30,000 થી વધુ વિદ્યાર્થી અને વિધાર્થિનીઓથી સતત ધબકે છે. તેનાથી 70 વર્ષથી આ ગામની એવરેજ ઉમર 18 થી 20 અનુભવાય છે.

એક ચરોતર પટેલની દીર્ઘદ્રષ્ટિને કારણે કરમસદ, બાકરોલ અને આણંદને ત્રિભેટે આવેલી આ જગ્યા પૂજ્ય સરદાર સાહેબના કહેવાથી પૂ.ભાઇકાકા અને પૂ.ભીખાભાઇ સાહેબને અર્પણ થઇ આ વિદ્યાની નગરી બનાવવા અને આજે 76 વર્ષના આરંભે એક મેટ્રો વિલેજના આકારમાં આવી ગયું છે.

વિદ્યાનગરમાં ભણવા આવેલો કે નોકરી કરવા આવેલો કોઈ પણ વ્યક્તિ આ ગામની અગણિત યાદોથી વિદ્યાનગરને જીવનભર યાદ કરે છે કારણકે અહીં ફેલાયેલા વૃક્ષો સાથે સંકળાયેલી આધુનિકતા નવાઇસભર છે.

હોસ્ટેલમાં રહેવું, મેસમાં જમવું કે ચાની ચૂસકી લેવાની અસંખ્ય નાની નાની જગ્યાઓ, પફની અવનવી વેરાયટી, બટાકા પૌવાની જયાફત, અહીંના પ્રખ્યાત સમોસા અને સાંજ પડ્યે 50 હજારથી વધુ પોપટ અને સુડા થી છવાઈ જતું આકાશ. શેરિંગ રિક્ષાની સવારી, બસની ધક્કામુક્કી, પરીક્ષાની તૈયારીમાં થતા ઉજાગરા, ઝેરોક્સની દૂકાનોમાં થતી લાંબી લાઈનો, આવી તો અગણિત સામાન્ય યાદો વિવિનગરને છોડ્યા પછી અસામાન્ય રીતે યાદ આવતી રહે છે.

નગરની ઓળખસમા ઘટાદાર વૃક્ષો, રોડની એક અલગ જ ભાત પાડે છે, આ વૃક્ષો પૂ. ભાઈકાકાની દેન છે, 100 વધુ પ્રકારના વૃક્ષોની પ્રજાતિ તેઓએ ભારતભરમાંથી એકઠી કરી અને અહીં વાવી અને ઉછેરી છે, હાલમાં દરેક વૃક્ષની ઉંમર 65 થી 70ની હશે કે વૃક્ષોએ આ શહેરને ગામડામાથી મેટ્રો વિલેજ થતું નિહાળ્યું છે, સાથે સાથે ઘરેથી આવેલ લાખો કિશોર વિદ્યાર્થીઓના આંસુ અને થોડા જ સમયમાં અહીંના માહોલમાં ભળી જઈને ઉત્સાહથી મિત્રો સાથે થનગનતા પોપટની જેમ ચાની લારી પર મન ભરીને હસતાં પણ નિહાળ્યા છે આ વૃક્ષોએ.

chai , buddies and parrots એ visual photo documentary છે. ઈ.સ.1978માં હું (સુનિલ આડેસરા) બી.વી.એમ. માં ભણવા આવ્યો અને 1984થી શોખ ખાતર શરુ કરેલી ફોટોગ્રાફીને લીધે અલગ અલગ સમયે, વિવિધ જગ્યાની થયેલી klickને આ કોફી ટેબલ બુક સ્વરૂપે (350થી વધુ ફોટોઝ) પ્રસ્તુત કરવાનો આ એક પ્રયાસ કે નશો જે કહો તે છે.

ઝાડ અંગે વિસ્તૃત સંશોધન અને માહિતી શ્રી ડૉ. મહેન્દ્ર ચોટલીયા તથા ડૉ. એ. એસ.રેડ્ડી એ ખુબ જ સરળ અને સંક્ષિપ્તમાં આપી છે, મારા આજીવન સમર્થક પ્રો. હરેન્દ્ર ભટ્ટ તથા મૌલિક ભટ્ટે વિદ્યાનગરી જીવનશૈલીને અક્ષરોમાં ઉતારી આપી છે, બુકની ડિઝાઇન વિધાનગરની હોસ્ટેલ લાઈફ જેને મન ભરીને માણી છે અને અન્ય આધુનિક શહેરમાંથી મળેલા કારકિર્દીના ઘણા પ્રલોભનો છોડીને સદાય માટે વિવિનગરીયન બનેલ મિતુલ ઠાકર દ્વારા થઇ છે.

જો આપ વલ્લભ વિદ્યાનગરમાં કોઈ પણ સમયે ભણ્યા હોય તો અમૂલ્ય યાદોને જીવંત કરશે અને જો આપ હજી અહીં ભણતા હો તો આ બુક આપને જીવનની મધુર યાદોને જીવનભર સંભારી રાખવાનું એક અનોખું માધ્યમ બની રહેશે.

અસ્તુ

- સુનિલ આડેસરા

09/01/2020

CHAI, BUDDIES & PARROTS
Photo-Essay on Vallabh Vidyanagar by Sunil Adesara

Book size : 11.5 x 11.5 inch

144 pages, Hardbound
multicolor printed on
Imported art papers

More than 350+ photos

Covering History of Vidyanagar,
Trees & flowering,
Life of students &
The daily life of
Vidyanagar's people

16/02/2019

Greenathon 2019