08/05/2026
Ym dei ka rta kaba pynheh ia u briew, hynrei ka jinghikai bad ka jingshemphang ,
Nuksa k*m Ha ka por samla, bunsien ka jingmut ka jingpyrkhat sngew k*m ba ngi lah ban leh lut ia kiei kiei. Ka don ka jingsngew skhem ba ym don kano kano kaba lah ban pynkhyllem noh ha k*m kata ka Khyllip mat. Ka long k*mba mut bad lah ban dih ia ka duriaw baroh khlem tip ia ka jingjylliew jong ka.
Hynrei ka jingim ka hikai da ka rukom jong ka hi.
Kam ju hikai tang da ka jingsuk. Hynrei bunsien ka hikai lyngba ka jingbakla, ka jingduh jingkyrmen, ka jingkylla , bad ka jingsngewsih. Kine ki jingjia ki pynmong ia ka jingmut bad ka dohnud, hynrei ki long ruh ki ba ai Mynsiem bad jinghikai kiba kordor.
Hangne ka jingsngewrangbah ka sdang.
Ka jingsngewrangbah kam dei tang ka jingiaid lyngba ki snem bad ka rta . Ka long ka jingshemphang kaba wan na ka jingsngewthuh ia ki jingmih na ki rai ba la shim. Bun na ki jingeh ha ka jingim kim dei kiba pynbor da kiwei, hynrei ki mih na ki rai ba la shim hi da lade.
Ha ka por samla, ka mynsiem ka lyngnga bha . Ka beh ia ka jingangnud khlem pyrkhat bha ia ka jingmih bad jingmyntoi hadien. Hynrei man kawei pa kawei ka rai ka don ia la ka jingkitkhlieh.
Don ki rai kiba wanrah ka jingma ia ngi .
Don kiba wanrah ka jingkylla sha ka jing sngewsih.
Bad don ruh kiba kylla long ki jinghikai ban pynstad bad ban ai buit shuh shuh ia ngi.
U briew uba khlain ka Bor sngewthuh um dei uba ym pat ju bakla.
Hynrei u dei uba la mad ia ka jingbakla, u bishar bniah na ka, bad u mih biang da ka jingstad bad kaba kham tikna .
Namar ha kaba k*t,
ym dei ka rta kaba pynheh ia u briew, hynrei ka jingshemphang kaba mih na ki jinghikai jong ka jingim.
