Vipin Paul Kattappana

03/09/2026

മനുഷ്യത്വം മരവിച്ച കൊടുവള്ളിയിലെ ക്രൂരത!

കോഴിക്കോട് കൊടുവള്ളിയിൽ വാച്ച് മോഷ്ടിച്ചു എന്ന വെറും 'ആരോപണത്തിന്റെ' പേരിൽ 12 വയസ്സുകാരനായ കുഞ്ഞിനെ ബന്ധുക്കൾ ക്രൂരമായി പീഡിപ്പിച്ചത് മനസ്സാക്ഷിയെ ഞെട്ടിക്കുന്നതാണ്. കൈകാലുകൾ കെട്ടിയിട്ട്, ഇരുമ്പുവടികൊണ്ട് അടിച്ച്, കണ്ണിലും സ്വകാര്യഭാഗങ്ങളിലും മുളകുവെള്ളം ഒഴിച്ച് പീഡിപ്പിച്ച വാർത്ത കേൾക്കുമ്പോൾ ഒരമ്മയ്ക്കും അച്ഛനും ഇത് സഹിക്കാനാവില്ല.

ക്രൂരതയ്ക്ക് കാരണമായി പറഞ്ഞ ആ വാച്ച് പിന്നീട് മറ്റൊരു സ്ഥലത്തുനിന്ന് കണ്ടെത്തുകയും ചെയ്തു എന്നതാണ് ഇതിലും വലിയ ദാരുണമായ അവസ്ഥ! ഒരു വസ്തുവിനോടുള്ള ആർത്തി മനുഷ്യനെ ഇത്രമാത്രം മൃഗമാക്കുമോ?

കുട്ടിയെ വീട്ടിൽനിന്ന് വിളിച്ചുകൊണ്ടുപോയി ബന്ധുവീട്ടിലെ മുറിയിൽ അടച്ചിട്ട് മർദിക്കുകയായിരുന്നു..
കുട്ടിയെ പീഡിപ്പിച്ച പിതൃസഹോദരൻ, ഇയാളുടെ ഭാര്യ, മകൻ എന്നിവരുടെപേരിൽ കൊടുവള്ളി പോലീസ് കേസെടുത്തു.

17/07/2026

"വെറും 21 കിലോഗ്രാം ശരീരഭാരം... ആമാശയത്തിൽ ഒരു തരി ഭക്ഷണം പോലും ഇല്ലാതെ, 28-ാം വയസ്സിൽ തുഷാര ഈ ലോകത്തോട് വിടപറഞ്ഞു."

കേരളത്തെ ഒന്നാകെ കണ്ണീരിലാഴ്ത്തിയ ആ മരണം ഒരു സാധാരണ മരണമല്ല. അത് സ്ത്രീധനത്തിന്റെ പേരിൽ നടന്ന ക്രൂരതയുടെയും, മനുഷ്യ മനസ്സാക്ഷിയെ നടുക്കുന്ന അവഗണനയുടെയും ഏറ്റവും വേദനാജനകമായ ഉദാഹരണമായിരുന്നു.

കരുനാഗപ്പള്ളി സ്വദേശിനിയായ തുഷാരയുടെ വിവാഹസമയത്ത്, സാമ്പത്തികമായി ബുദ്ധിമുട്ടിലായിരുന്ന കുടുംബം പോലും 20 പവൻ സ്വർണ്ണവും രണ്ട് ലക്ഷം രൂപയും സ്ത്രീധനമായി നൽകാമെന്ന് ഉറപ്പുനൽകി. എന്നാൽ വിവാഹം കഴിഞ്ഞ് മൂന്ന് മാസം തികയുന്നതിന് മുമ്പേ അവളുടെ ജീവിതം ദുരിതങ്ങളുടെ ഇരുണ്ട വഴിയിലേക്ക് നീങ്ങി.

സ്ത്രീധനത്തിന്റെ പേരിൽ ഭർത്താവും ഭർതൃവീട്ടുകാരും അവളെ നിരന്തരം ശാരീരികമായും മാനസികമായും പീഡിപ്പിച്ചു. ആവശ്യപ്പെട്ട തുക നൽകാൻ വൈകിയപ്പോൾ, മൂന്ന് വർഷത്തിനുള്ളിൽ പണം നൽകിയില്ലെങ്കിൽ അഞ്ച് സെന്റ് സ്ഥലം എഴുതി നൽകണമെന്ന കരാറിൽ തുഷാരയെ നിർബന്ധിച്ച് ഒപ്പിടിപ്പിക്കുകയും ചെയ്തു.

അവളുടെ ലോകം പിന്നീട് ആ വീടിന്റെ ചുവരുകൾക്കുള്ളിൽ ഒതുങ്ങി. സ്വന്തം മാതാപിതാക്കളെ കാണാനോ സംസാരിക്കാനോ പോലും അനുവാദമില്ല. പുറംലോകവുമായി ബന്ധപ്പെടാൻ കഴിയാതിരിക്കാൻ വീടിന് ചുറ്റും തകരപ്പാളികൾ സ്ഥാപിച്ച് അവളെ ഒറ്റപ്പെടുത്തി. വീട്ടിൽ നിലനിന്നിരുന്ന അന്ധവിശ്വാസങ്ങളും ദുരാചാരങ്ങളും അവളുടെ ദുരിതം കൂടുതൽ രൂക്ഷമാക്കി.

രണ്ട് കുഞ്ഞുങ്ങളുടെ അമ്മയായിരുന്ന തുഷാരയ്ക്ക് ജീവൻ നിലനിർത്താൻ ലഭിച്ചിരുന്നത് വെറും പഞ്ചസാര വെള്ളവും കുതിർത്ത പച്ചരിയും മാത്രം. മാസങ്ങളോളം നീണ്ട പട്ടിണി അവളുടെ ശരീരത്തെയും മനസ്സിനെയും പതുക്കെ തകർത്തു.

അവസാനം ആശുപത്രിയിലെത്തിച്ചപ്പോൾ കണ്ട കാഴ്ച ഏവരുടെയും ഹൃദയം തകർക്കുന്നതായിരുന്നു. ശരീരത്തിലെ മാംസമെല്ലാം വറ്റി, വാരിയെല്ലുകൾ തെളിഞ്ഞ്, വെറും 21 കിലോഗ്രാം മാത്രം ഭാരമുള്ള ശരീരം. ആമാശയത്തിൽ ഭക്ഷണത്തിന്റെ ഒരു അംശം പോലും ഉണ്ടായിരുന്നില്ല.

തുഷാരയുടെ മൂന്നര വയസ്സുള്ള മകളുടെ മൊഴിയും, കുട്ടിയുടെ നഴ്സറി അധ്യാപിക നൽകിയ നിർണായക വിവരങ്ങളും കേസിന്റെ ഗതി മാറ്റി. കുട്ടിയെ സ്കൂളിൽ ചേർക്കുമ്പോൾ അമ്മ കിടപ്പുരോഗിയാണെന്ന് പറഞ്ഞ് വിശ്വസിപ്പിക്കുകയും, അമ്മയുടെ സ്ഥാനത്ത് ഭർതൃമാതാവിന്റെ പേര് രേഖപ്പെടുത്തുകയും ചെയ്തതടക്കമുള്ള വിവരങ്ങൾ അന്വേഷണത്തിൽ നിർണായക തെളിവുകളായി.

വർഷങ്ങൾ നീണ്ട നിയമപോരാട്ടത്തിനൊടുവിൽ, കൊല്ലം അഡിഷനൽ സെഷൻസ് കോടതി തുഷാരയുടെ ഭർത്താവ് ചന്തുലാലിനെയും ഭർതൃമാതാവ് ഗീത ലാലിയെയും കുറ്റക്കാരായി കണ്ടെത്തി ജീവപര്യന്തം തടവും ഒരു ലക്ഷം രൂപ വീതം പിഴയും വിധിച്ചു. മൂന്നാം പ്രതിയായിരുന്ന ഭർതൃപിതാവ് ലാലി വിചാരണക്കിടെ മരണപ്പെട്ടു.

ആസൂത്രിതമായി പട്ടിണിക്കിട്ട് കൊലപ്പെടുത്തിയ കേസിൽ ഇന്ത്യയിൽ രേഖപ്പെടുത്തപ്പെടുന്ന ആദ്യത്തെ ശിക്ഷാവിധിയാണിത്. വൈകിയെങ്കിലും നീതി ഒടുവിൽ തുഷാരയെ തേടിയെത്തി.

ഈ വിധി ഒരു കേസിന്റെ അവസാനം മാത്രമല്ല, സ്ത്രീധനത്തിന്റെ പേരിലുള്ള ക്രൂരതകൾക്കെതിരായ ശക്തമായ മുന്നറിയിപ്പ് കൂടിയാണ്.

ഇനിയൊരു തുഷാരയും ഈ ഭൂമിയിൽ ഉണ്ടാകാതിരിക്കട്ടെ...

തുഷാരയ്ക്ക് കണ്ണീരോടെ പ്രണാമം. 🙏

13/07/2026

കേരളം എങ്ങോട്ടാണ്? സ്വന്തം വീട്ടിൽ സുരക്ഷിതരല്ലെങ്കിൽ പിന്നെവിടെയാണ് സുരക്ഷ..?

കൊല്ലം പത്തനാപുരം ശാലേംപുരത്ത് നിന്ന് പുറത്തുവന്ന സിസിടിവി ദൃശ്യങ്ങൾ മനസ്സാക്ഷിയുള്ള ഏതൊരു മലയാളിയെയും ലജ്ജിപ്പിക്കുന്നതാണ്. അയൽവാസികളുടെ നിരന്തരമായ ശല്യവും സാധനങ്ങൾ നഷ്ടപ്പെടുന്നതും തടയാൻ ഒരു കുടുംബം തങ്ങളുടെ സ്വന്തം പുരയിടത്തിൽ സിസിടിവി ക്യാമറ സ്ഥാപിക്കുന്നു. അതൊരു പൗരന്റെ മൗലികമായ അവകാശവും ചോയ്സുമാണ്. അതിൽ എന്തെങ്കിലും പരാതിയുണ്ടെങ്കിൽ നിയമപരമായി പോലീസിനെ സമീപിക്കുകയാണ് ചെയ്യേണ്ടത്.

എന്നാൽ, ഇവിടെ സംഭവിച്ചത് മറ്റൊന്നാണ്. മാതാപിതാക്കൾ വീട്ടിൽ ഇല്ലാത്ത സമയം നോക്കി, തങ്ങളെ നിരീക്ഷിക്കാനാണ് ക്യാമറ വെച്ചതെന്ന് ആരോപിച്ച് അയൽവാസിയായ സുനിൽ കുമാറും കുടുംബവും ആ വീട്ടിലേക്ക് അതിക്രമിച്ചു കയറുകയായിരുന്നു. അവിടെയുണ്ടായിരുന്ന 19 വയസ്സുകാരിയായ ഹന്ന എന്ന പെൺകുട്ടിയെയും പ്രായമായ മുത്തശ്ശിയെയും ക്രൂരമായി മർദിക്കുകയും, പെൺകുട്ടിയെ മുടിയിൽ കുത്തിപ്പിടിച്ച് മുറ്റത്തേക്ക് വലിച്ചിഴച്ച് ചവിട്ടുകയും ചെയ്യുന്ന കാഴ്ച അതിക്രൂരമാണ്.

ഈ അതിക്രമം നടക്കുമ്പോൾ തൊട്ടടുത്ത് അതെല്ലാം നോക്കി നിൽക്കുന്ന മറ്റ് ചിലരെയും ദൃശ്യങ്ങളിൽ കാണാം. ഒരു പെൺകുട്ടി പരസ്യമായി മർദനമേറ്റു വീഴുമ്പോൾ പ്രതികരിക്കാനോ തടയാനോ തോന്നാത്ത ഈ മൗനവും ഒരർത്ഥത്തിൽ ഈ ക്രൂരതയ്ക്ക് കൂട്ടുനിൽക്കലാണ്..

പൗരന്റെ ജീവനും സ്വത്തിനും സംരക്ഷണം നൽകേണ്ട നിയമസംവിധാനങ്ങൾ ഈ ദൃശ്യങ്ങൾ കണ്ടതിന് ശേഷമെങ്കിലും ഉണർന്ന് പ്രവർത്തിക്കണം. വീടുകയറി അതിക്രമം കാണിച്ച പ്രതികൾക്കെതിരെ ജാമ്യമില്ലാ വകുപ്പുകൾ പ്രകാരം ശക്തമായ നടപടി സ്വീകരിക്കാൻ പോലീസ് തയ്യാറാകണം. ഈ സംഭവത്തിൽ അതിക്രമത്തിന് ഇരയായ കുടുംബത്തിന് എത്രയും വേഗം നീതി ലഭ്യമാക്കണം.

#നീതി

11/07/2026

"എന്റെ ചോറായിരുന്നു സാറേ... 😭
ഈ കാട് പിടിച്ച് കിടക്കുന്നത് കാണാൻ വയ്യ... 🥺
പൊന്നുപോലെ കൊണ്ടുനടന്ന എന്റെ വണ്ടിയായിരുന്നു അത്..."
ഇടുക്കിയിൽ വനംവകുപ്പ് കസ്റ്റഡിയിലെടുത്ത മണ്ണുമാന്തി യന്ത്രം വർഷങ്ങളായിട്ടും തിരികെ ലഭിക്കാത്തതിൽ പ്രതിഷേധിച്ച് ഉടമ ആത്മഹത്യാഭീഷണി മുഴക്കിയ വാർത്ത ഏറെ വേദനിപ്പിച്ചു.
യാത്രകളിൽ പോലീസ് സ്റ്റേഷനുകളുടെയും ഫോറസ്റ്റ് ഓഫീസുകളുടെയും പരിസരങ്ങളിൽ തുരുമ്പെടുത്ത് കിടക്കുന്ന എത്രയോ വാഹനങ്ങൾ നമ്മൾ കാണാറുണ്ട്. പലപ്പോഴും അവ വെറുമൊരു വാഹനം മാത്രമാണെന്ന് തോന്നും.
പക്ഷേ, ഓരോ വാഹനത്തിനും പിന്നിൽ ഒരാളുടെ അധ്വാനം, കടം, സ്വപ്നം, കുടുംബത്തിന്റെ പ്രതീക്ഷ, ചിലപ്പോൾ ഉപജീവനമാർഗം വരെ ഉണ്ടാകാം.
നിയമനടപടികൾ ആവശ്യമാണ്. എന്നാൽ വർഷങ്ങളോളം കേസുകൾ നീണ്ടുപോകുമ്പോൾ, അതിന്റെ ഭാരം ചുമക്കേണ്ടിവരുന്നത് സാധാരണക്കാരാണ്.
ഇത്തരം സംഭവങ്ങൾ ആവർത്തിക്കാതിരിക്കാൻ നിയമനടപടികൾ വേഗത്തിലും നീതിപൂർവകമായും പൂർത്തിയാകട്ടെ. 🙏

02/07/2026

അടുത്ത 2 കളി കൂടി maybe chance കൊടുക്കും... അതിലും ഫ്ലോപ്പ് ആയാൽ പിന്നെ നോക്കണ്ട ബെഞ്ചിൽ കാണാം.. ഇന്നത്തേക്കാൾ നല്ല പ്രഷർൽ ആയിരിക്കും സഞ്ജു അടുത്ത കളി ഇറങ്ങുക.. ഇ series ൽ പരാജയം ആവാൻ ആണ് സാധ്യത.. away series ൽ RSA ആയിട്ടുള്ള രണ്ട് 💯 അല്ലാതെ വേറെ ഒന്നും പറയാൻ ഇല്ലാ
Sanju Samson's Last 10 Innings Scores in Away T20I

0
0
107
0
0
109*
2
5
0
1 (Today)

02/07/2026

നല്ല തേമ്പിയ കളി 💔💔..... സഞ്ജു... എന്താ പറ്റിയത് നിങ്ങൾക്ക്.... ഇന്നൊരു കംബാക്ക് നടത്തി വെടിക്കെട്ട് കാണാൻ കാത്തിരിക്കുകയായിരുന്നു..... ഇതിപ്പോ നാട്ടുകാർ മൊത്തം പൊങ്കാല ആയിരിക്കുമല്ലോ.... 💔.... ലോകകപ്പിൽ അടിച്ച ആ അടി ഒക്കെ എവിടെ മനുഷ്യാ..... ഇനി ഇന്ത്യൻ പിചിൽ മാത്രമേ പറ്റുള്ളൂ...?

ഇന്നത്തെ കളി നല്ല തേമ്പിയ കളി ആയിരുന്നു... ആകെ കാണാൻ ഒരു മൂഡ്‌ ഉള്ളത് സഞ്ജുവും വൈഭവും ഉള്ളത് കൊണ്ട് മാത്രം ആയിരുന്നു...വൈഭവ് ടീമിലില്ല... അതുകൊണ്ട് മൂഡ്‌ പോയി... പിന്നെ ദേ ആറ്റ്നോറ്റ് സഞ്ജുവിന്റ കളി കാണാൻ ഇരിക്കാല്ലോ എന്ന് കരുതി.... ദേ കെടക്കണ് 7ബോളിൽ 1റൺസും എടുത്തോണ്ട്... ലോകകപ്പ് കഴിഞ്ഞ ശേഷമുള്ള സഞ്ജുവിന്റെ വരവ് എന്തായാലും നല്ല ശോകം ആയിട്ടുണ്ട്.... 📉📉📉..... ഒരൊറ്റ കളി പോലും സിംഗിൾ ഡിജിറ്റ് ഇല്ലാ...5,0,1.... ആഹാ.. സൂപ്പർ 🥺.....

എന്തായാലും തിരിച്ചു വരണം..... ഇങ്ങനെ പോയാൽ വൈഭവ് ആണെങ്കിൽ അവിടെ കാത്ത് നിൽക്കുകയാണ്..... സ്ഥാനം പോവാൻ ചാൻസ് ഉണ്ട് 💯💯

28/06/2026

എണ്ണമില്ലാത്ത സ്വർണ്ണവും പണവും കോടികളുടെ കാണിക്കവഞ്ചികളും പല ദേവാലയങ്ങളിലും ആർക്കും തൊടാനാവാതെ പൂട്ടിക്കിടപ്പുണ്ട്.

കൊടിമരങ്ങളും ചവിട്ടുപടികളും വരെ സ്വർണ്ണം കൊണ്ട് പൊതിഞ്ഞ് വെച്ചിരിക്കുന്നത് കൊണ്ട് ഏതെങ്കിലും ദൈവത്തിന് എന്തെങ്കിലും പ്രയോജനമുണ്ടോ?

ദൈവത്തിനെന്തിനാണ് ഈ സ്വർണ്ണവും പണവും ഒക്കെ?

ഇതൊക്കെ ദുരിതം അനുഭവിക്കുന്ന പാവപ്പെട്ടവർക്കായി വീതിച്ചു നൽകിയിരുന്നെങ്കിൽ, ഇതുപോലുള്ള എത്രയോ പട്ടിണി മരണങ്ങളും ദാരുണ ദുരന്തങ്ങളും നമുക്ക് ഒഴിവാക്കാമായിരുന്നു!

അന്ധമായ ആചാരങ്ങൾക്കും ആർഭാടങ്ങൾക്കും നടുവിൽ കള്ളന്മാരെ സൃഷ്ടിക്കുന്നതിനേക്കാൾ വലിയ പുണ്യം വിശക്കുന്നവന്റെ വയറു നിറയ്ക്കുന്നതല്ലേ?

​കേരളത്തിന്റെ മനസ്സാക്ഷിയെ ഒന്നാകെ നൊമ്പരപ്പെടുത്തുകയാണ് എറണാകുളം ജില്ലയിലെ പിറവത്ത് മൂവാറ്റുപുഴയാറ്റിൽ
ഒരു കുടുംബത്തിലെ ഗൃഹനാഥനെയും ഭാര്യയെയും പിഞ്ചുകുട്ടിയെയും മരിച്ച നിലയിൽ കിട്ടിയ അവസ്ഥ. ഇവരുടെ രണ്ടാം ക്ലാസിൽ പഠിക്കുന്ന പെൺകുട്ടിക്കായി ഇപ്പോഴും തിരച്ചിൽ തുടരുകയാണ്.

കണ്ണീരോടെയല്ലാതെ അവരുടെ ആ അവസാന നിമിഷങ്ങളുടെ സിസിടിവി ദൃശ്യങ്ങൾ നമുക്ക് കണ്ടുതീർക്കാനാവില്ല.

അതിൽ എത്ര സന്തോഷത്തോടെയാണ് ആ കുരുന്നുകൾ ഓടി നടക്കുന്നത്!

എന്തെല്ലാം സ്വപ്നങ്ങൾ പേറി ഉയരേണ്ട ജീവിതങ്ങളായിരുന്നു ആ ജലാശയത്തിൽ പിടഞ്ഞമർന്നത്.

​പാലക്കാട് സ്വദേശിയായ നാരായണൻ, പായിപ്ര സ്വദേശിനിയും കാഴ്ചപരിമിതിയുള്ളവരുമായ ഭാര്യ വിജി, ഇവരുടെ രണ്ടു വയസ്സുള്ള ആൺകുഞ്ഞ്, രണ്ടാം ക്ലാസ്സിൽ പഠിക്കുന്ന മൂത്ത മകൾ എന്നിവരടങ്ങുന്ന കുടുംബമാണ് കടുത്ത ദാരിദ്ര്യത്തെ തുടർന്ന് ജീവിതം അവസാനിപ്പിച്ചത്.

കഴിഞ്ഞ ദിവസം വൈകുന്നേരത്തോടെ മൂവാറ്റുപുഴയാറിന്റെ തീരത്ത് വിജിയുടെയും ഇളയ കുഞ്ഞിന്റെയും മൃതദേഹങ്ങൾ ആദ്യം കണ്ടെത്തിയിരുന്നു.

തുടർന്ന് ഫയർഫോഴ്സും പോലീസും നടത്തിയ തിരച്ചിലിൽ ഇന്ന് ഉച്ചയോടെ നാരായണന്റെ മൃതദേഹവും ലഭിച്ചു.

എന്നാൽ ഇവരുടെ ആ മൂത്ത മകൾക്ക് വേണ്ടിയുള്ള തിരച്ചിൽ ഇപ്പോഴും ആ പുഴയിൽ തുടരുകയാണ്.

പോസ്റ്റ്‌മോർട്ടം നടപടികൾ പൂർത്തിയാക്കിയപ്പോൾ ശരീരത്തിൽ മറ്റ് പരിക്കുകളോ സംശയാസ്പദമായ അടയാളങ്ങളോ കണ്ടെത്താത്തതിനാൽ ഇത് ദാരിദ്ര്യം മൂലമുള്ള ആത്മഹത്യ തന്നെയാണെന്നാണ് പോലീസിന്റെ പ്രാഥമിക നിഗമനം.

​മരണത്തിന് കീഴടങ്ങുന്നതിന് തൊട്ടുമുമ്പ് പിറവം പോസ്റ്റ് ഓഫീസ് ജംഗ്ഷനിലെ ഐശ്വര്യ ഹോട്ടലിൽ നിന്നും ഇവർ സന്തോഷത്തോടെ ഭക്ഷണം കഴിച്ചു മടങ്ങുന്നതിന്റെ സിസിടിവി ദൃശ്യങ്ങൾ പോലീസിന് ലഭിച്ചിരുന്നു.

നാരായണൻ ഇളയ കുഞ്ഞിനെ തോളിലെടുത്ത് മൂത്ത മകളുടെ കൈപിടിച്ച് നടക്കുന്നതും, കാഴ്ചപരിമിതിയുള്ള വിജി മകളുടെ തോളിൽ പിടിച്ച് പിന്നാലെ പോകുന്നതും ആ ദൃശ്യങ്ങളിൽ വ്യക്തമായി കാണാം.

ഒരുപക്ഷേ ആ കുരുന്നുകൾ അറിഞ്ഞിട്ടുണ്ടാകില്ല, തങ്ങൾ കഴിക്കുന്നത് ജീവിതത്തിലെ അവസാനത്തെ ഭക്ഷണമാണെന്ന്!

​കൂലിപ്പണിക്കാരനായ നാരായണന് സ്ഥിരമായ വരുമാനമൊന്നും ഉണ്ടായിരുന്നില്ല. കോതമംഗലം ഭാഗങ്ങളിൽ താമസിച്ച് വിവിധ ക്ഷേത്രങ്ങളിലും മറ്റും പോയി നാട്ടുകാരുടെ സഹായം കൊണ്ടാണ് ഇവർ ഏറെക്കാലമായി കഴിഞ്ഞിരുന്നത്.

വാടക കൊടുക്കാൻ കഴിയാത്തതിനെ തുടർന്ന് ഒരാഴ്ച മുൻപ് വീടൊഴിയേണ്ടി വന്ന ഇവർ കോതമംഗലം പോലീസ് സ്റ്റേഷനിൽ എത്തി സഹായം അഭ്യർത്ഥിച്ചിരുന്നു.

ഈ കുടുംബത്തിന്റെ ദയനീയാവസ്ഥ മനസ്സിലാക്കിയ കോതമംഗലം സ്റ്റേഷൻ ഹൗസ് ഓഫീസറുടെ നേതൃത്വത്തിലുള്ള പോലീസുകാർ സ്വന്തം പോക്കറ്റിൽ നിന്ന് പണമെടുത്ത് ഇവർക്ക് പുതിയ വസ്ത്രങ്ങൾ വാങ്ങി നൽകുകയും, താൽക്കാലികമായി നഗരത്തിലെ ഒരു ലോഡ്ജിൽ താമസിക്കാൻ സൗകര്യം ഒരുക്കുകയും ചെയ്തു.

​അതിനുശേഷം പോലീസുകാർ തന്നെ മുൻകൈയെടുത്ത് നെല്ലിക്കുഴി ഭാഗത്ത് ഇവർക്കായി ഒരു വാടകവീട് കണ്ടെത്തി നൽകുകയും ചെയ്തു.

പോലീസുകാർ കണ്ടെത്തി നൽകിയ ആ പുതിയ വാടക വീട്ടിലേക്ക് മാറാനിരുന്ന ദിവസമാണ് എല്ലാ പ്രതീക്ഷകളും അവസാനിപ്പിച്ച് ഈ കുടുംബം ഒരുമിച്ച് പുഴയിൽ അഭയം പ്രാപിച്ചത് എന്ന വസ്തുത ഈ ദുരന്തത്തിന്റെ വേദന ഇരട്ടിയാക്കുന്നു.

ഇനിയും എത്ര മനുഷ്യർ ഇങ്ങനെയുള്ള കടുംകൈ ചെയ്യേണ്ടി വരും?

​ഇങ്ങനെയുള്ള സംഭവങ്ങൾ മുന്നിൽ കാണുമ്പോൾ പരിതപിച്ചിട്ടോ അനുശോചനം അറിയിച്ചു പോസ്റ്റുകൾ ഇട്ടിട്ടോ മാത്രം കാര്യമില്ല
ദാരിദ്ര്യത്തെ തുടച്ചുനീക്കി എന്നും ഭവനങ്ങൾ ഇല്ലാത്ത ആരുമില്ലെന്നും അവകാശപ്പെടുമ്പോഴും നമ്മുടെ വ്യവസ്ഥിതിക്ക് മുന്നിൽ ഈ മരണങ്ങൾ വലിയൊരു ചോദ്യചിഹ്നമായി അവശേഷിക്കുന്നു.

ഇനിയെങ്കിലും അർഹതപ്പെട്ടവർക്ക് ഒരു തലചായ്ക്കാൻ ഒരിടം എന്ന സ്വപ്നം പൂവണിയുവാൻ ഇടവരട്ടെ എന്ന് ആത്മാർത്ഥമായി പ്രാർത്ഥിക്കാം...

പാവപ്പെട്ടവന്റെ കണ്ണീരൊപ്പാൻ കഴിയാത്ത ദൈവങ്ങൾ ഉള്ള ആ വലിയ ഗോപുരങ്ങളേക്കാൾ എത്രയോ വലുതാണ് മനുഷ്യത്വം! ഒരു ജന്മത്തിന്റെ കണ്ണീർ പ്രണാമം... 💔😭

കൂടുതൽ വാർത്തകൾ അറിയുവാനായി LIVE News Kerala ഫോളോ ചെയുക

​

06/06/2026

When you work with your co workers 😂😂😆

https://youtube.com/shorts/K8WqAdKwGVE?si=rnmUvzvSg1YHMYkB

゚viralシ ゚viralシfypシ゚

Enjoy the videos and music you love, upload original content, and share it all with friends, family, and the world on YouTube.