26/05/2026
गोरामुमो तराई समष्टिमा गोर्खा राष्ट्रिय नारी संगठन शाखा कमिटी गठन सम्पन्न ।
गोर्खा राष्ट्रिय मुक्ति मोर्चा तराई समष्टि अन्तर्गत अर्ड चिया कमान तथा त्रिहाना चिया कमानमा गोर्खा राष्ट्रिय नारी संगठन (जीएनडब्लुओ) शाखा कमिटी गठन तथा शाखा सुधार कार्यक्रम सफलतापूर्वक सम्पन्न भएको छ। गत २४ मईमा सम्पन्न उक्त कार्यक्रमअन्तर्गत दुवै क्षेत्रमा छुट्टाछुट्टै सभा आयोजना गरिएको थियो।
अर्ड चिया कमानमा सम्पन्न सभाको सभापतित्व श्रीमती शीला लोहारले गरेकी थिइन् भने त्रिहाना चिया कमानमा सम्पन्न सभाको अध्यक्षता श्री सर्सीत तिरुवाले गरेका थिए। सभामा संगठनलाई अझ सुदृढ, सक्रिय तथा जनमुखी बनाउने उद्देश्यसहित महिला संगठन विस्तार अभियानलाई प्राथमिकता दिइएको थियो।
अर्ड चिया कमानमा गठन गरिएको जीएनडब्लुओ शाखा कमिटीमा सभापतिका रूपमा श्रीमती शीला लोहार, उपसभापतिमा श्रीमती अरुणा बी.के. दर्जी, सचिवमा श्रीमती सुसीला उराँव, सहसचिवमा श्रीमती विना कामी तथा कोषाध्यक्षमा श्रीमती सुखानी उराँव चयन भएका छन्। साथै प्रमुख सल्लाहकारका रूपमा श्रीमती माया गजमेर, श्रीमती शान्ति बराईक तथा श्रीमती रजनी केरकेट्टालाई चयन गरिएको छ।
यसैगरी, त्रिहाना चिया कमानमा सम्पन्न सभामा गोरामुमो शाखा समितिमा सामान्य फेरबदल गर्दै सावन मुण्डालाई सहसचिव पदमा सर्वसम्मतिले चयन गरिएको छ। साथै नवगठित जीएनडब्लुओ शाखा कमिटीमा सभापतिका रूपमा श्रीमती मिलो किसान, उपसभापतिमा श्रीमती सलोनी मुण्डा, सचिवमा सुश्री शान्ति कुन्डुल्ना, सहसचिवमा श्रीमती शोभा नागेसिया तथा कोषाध्यक्षमा श्रीमती गुलाबी किसान चयन भएका छन्। प्रमुख सल्लाहकारका रूपमा श्रीमती दिपमाला उराँव, श्रीमती काली तिरुवा, श्रीमती निर्मली किसान तथा श्रीमती सालु किसानलाई जिम्मेवारी प्रदान गरिएको छ।
सभालाई सम्बोधन गर्दै गोरामुमो तराई समष्टि अध्यक्ष श्री कर्ण प्रधानले गोर्खा–आदिवासी समुदायबीचको एकता नै माटोको आन्दोलनको प्रमुख शक्ति भएको उल्लेख गर्दै सबै शाखाहरूलाई सक्रिय र संगठित रूपमा अघि बढ्न आह्वान गरे। उनले संगठनलाई जनस्तरसम्म मजबुत बनाउँदै अध्यक्ष मन घिसिङको नेतृत्वलाई थप सशक्त बनाउन सबै कार्यकर्ताले धैर्यता, अनुशासन र समर्पणका साथ कार्य गर्नुपर्ने बताए।
कार्यक्रममा अन्य पदाधिकारी तथा वक्ताहरूले छैटौं अनुसूचीसम्बन्धी विस्तृत जानकारी प्रस्तुत गर्दै जनतालाई अधिकार र पहिचानको आन्दोलनमा एकताबद्ध भएर अघि बढ्न आग्रह गरेका थिए।
उक्त कार्यक्रममा गोरामुमो तराई समष्टि अध्यक्ष श्री कर्ण प्रधान, मिरिक ब्रान्च सचिव, समष्टि पदाधिकारीहरू अनिल राणामगर, पप्पु मगर, एचपीडब्लुयु अर्ड चिया कमान शाखा अध्यक्ष अर्जुन लोहार, तराई समष्टि प्रतिनिधिहरू बसन्त प्रधान, मनबहादुर अधिकारी, जीते तामाङ, देवेन्द्र शर्मा, हर्कमान तामाङलगायत अन्य गण्यमान्य व्यक्तिहरूको विशेष उपस्थिति रहेको जानकारी एमएम तराईका तराई समष्टि प्रतिनिधि पप्पु मगरले विज्ञप्तिमार्फत दिएका छन्।
