25/01/2026
Hello Yoyo 呀光
結完婚之後日日都OT，終於有時間打番個感想😥
我仲記得未confirm要拍婚禮前傳之前，
我地都不停猶豫究竟拍唔拍好，
因為我覺得我哋嘅愛情可能無咩精彩感人嘅情節，
驚拍出黎嘅效果會唔好。
但最後都決定一齊上黎同你地再見面傾下計先。
雖然本身我哋已經搵過你哋經過兩輯家庭相，
所以都對大家有一定認識，
但當日傾有關婚禮前傳嘅時候，覺得你地嘅concept好有意思，所以就決定拍！
係等待嘅過程，一路都好想快啲到拍攝嗰日，
諗番起真係好開心，好似將我地嘅故事濃縮左係一日，
重新體驗多一次，好感動、好溫馨，
同時亦都係一個提醒，
提醒番我地無論日子係點樣，
當唔好忘記當初決定一齊嘅初心。
去到錄音當日，
其實一開始都好擔心會唔知講咩好，
驚我地嘅故事唔夠豐富，
但原來雖然我地無經歷啲驚心動魄嘅情節，
但我地感情最寶貴同埋一路連繫住嘅，
係我地對對方嘅真誠，對關係嘅珍惜。
呢份禮物將會係伴隨住我地一輩子。
當日我地Bigday第一次首播，
我地都懷住緊張又興奮嘅心情去睇，
睇嗰陣又帶番好多回憶、感動比我地。
雖然當日無太多時間去細味屬於我地嘅concept video，
但都好足夠比我地去欣賞你地嘅作品，同埋我地嘅愛情。
多謝你地令我地搵到我地愛情嘅宗旨，呢個會係我地新一章嘅開始。（我見到我地live band主唱睇到喊）
多謝你地🥹🥹🥹🥹
題外話，啲相都好靚好有feel😭😭😭
#初戀映畫婚禮前傳 #愛情初心 #認真如初 #香港婚攝故事
