肥皮攝記

肥皮攝記 伍慶泉 Wilson Ng
#前果籽攝影組主管

6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

「Tim年輕嘅時候好靚仔㗎，鋼條身形，食好多嘢都唔會肥，係而家老左後就嗲左靜左，而且佢已經聽唔到嘢了，所以好長時間熟睡。」爸爸媽媽係貓功課內分享道。皮叔叔皮嫂嫂呢日嚟到18歲Tim，與10歲小黑嘅屋企，Tim由三個月大起就入屋，爸爸媽媽感觸...
15/06/2026

「Tim年輕嘅時候好靚仔㗎，鋼條身形，食好多嘢都唔會肥，係而家老左後就嗲左靜左，而且佢已經聽唔到嘢了，所以好長時間熟睡。」爸爸媽媽係貓功課內分享道。

皮叔叔皮嫂嫂呢日嚟到18歲Tim，與10歲小黑嘅屋企，Tim由三個月大起就入屋，爸爸媽媽感觸時間過得快，眨個眼就由當初過份活躍嘅小男生，長大成而家瘦瘦嘅18歲老人家。小黑6年前以4歲之齡嚟到呢個屋企，爸爸媽媽形容大小姐鍾意咬人，睇佢肥手肥腩，就知道孩子有幾沉迷食嘢，「佢無時無刻經過糧機就會食嘢，個胃好似無底深淵咁㗎！」呢日皮叔叔皮嫂嫂初入屋，我哋Tim伯就瞓係最愛嘅窗前，頭完全無抬起，深度熟睡，小黑就好警覺呀，將自己坐到直一直，眼神繃緊，非常嚴肅。一於唔理大小姐喇，皮嫂嫂慢慢坐近Tim，老人家伸長頸望皮嫂嫂，皮嫂嫂慢慢慢慢為Tim伯按摩頭頭，手勢非同凡響，老人家將頸伸長，行上皮嫂嫂膝頭哥，屋企瞬間充斥住骨場嘅氣氛。按到咁上下喇，皮嫂嫂拎出招牌嘅草草棒玩具，老人家雙眼發光，眼神強而有力，手腳起動追住草草棒起跑，睇到爸爸媽媽嘖嘖稱奇，我哋老人家呢日表現非常非常精彩。

小黑女呢，皮嫂嘅大貓氣場好快就氹掂大小姐喇，大小姐越影越唔怕羞，仲越見奔放，七情上面追住零食之餘，仲會大大聲手口並用，肉緊又巴閉咁鬧Tim伯，皮叔叔影低晒呀，爸爸媽媽係旁邊不斷笑。「好開心呀收到相，我哋一路睇一路笑。Tim上星期精神唔太好，要氹先食嘢，睇咗醫生，做咗全面檢查，身體有啲炎症同甲亢，而家食藥治療中。雖然精神麻麻，但總算食得瞓得痾得。嚟緊我哋會跟住皮嫂所教，練習將貓抱得舒服啲，穩陣啲，下次再影過！」爸爸媽媽收到相後分享道。祝福Tim呀，下次再玩過食過，健健康康再見！

。・°°・・°°・。。・°°・・°°・。

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。

有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

「Tim 18歲㗎喇，已經聽唔到嘢，所以好長時間熟睡。」皮叔叔皮嫂嫂呢日嚟到18歲Tim伯伯，同10歲小女孩小黑嘅屋企，不過呢日我哋Tim伯伯好精靈啊，皮嫂嫂拎出招牌草草棒玩具，Tim伯雙眼立即發光，眼神強而有力，手腳起動追住草草棒起跑！皮...
15/06/2026

「Tim 18歲㗎喇，已經聽唔到嘢，所以好長時間熟睡。」皮叔叔皮嫂嫂呢日嚟到18歲Tim伯伯，同10歲小女孩小黑嘅屋企，不過呢日我哋Tim伯伯好精靈啊，皮嫂嫂拎出招牌草草棒玩具，Tim伯雙眼立即發光，眼神強而有力，手腳起動追住草草棒起跑！皮嫂嫂索性一不做二不休添呀，使出老練嘅五指按摩功，將Tim少爺按到個頭癡住大貓皮嫂隻手，一直搓一直搓，非常唔願走。

今日稍後，將有我哋18歲老人家Tim伯，仲有10歲，呢日越影越唔怕羞，七情上面嘅小黑生活照分享啊！仲影到小黑手口並用兇Tim添呀，「好在Tim撞聾，從來聽唔到小黑沙自己！」爸爸媽媽大笑住分享，大家一致認同！

。・°°・・°°・。。・°°

6月19至21日，D2Place一期@荔枝角見！

🩷 嚟把握全年拍攝優惠，可以先預訂，後再揀係一年365日內選日子㗎！

🌿大家成日見到皮嫂帶去每個屋企，同貓孩子們玩到起飛嘅草草玩具，2️⃣0️⃣蚊就可以帶一棵返屋企，同小朋友玩到飛簷走壁！

🐕‍🦺🐈 仲有皮嫂嘅慈母牌巾巾，係由小貓至大汪都戴得嘅浮誇頸巾啊！

日期：6月19至21日
時間：13:00 - 19:00
地點：D2Place一期二樓

嚟了解皮叔叔皮嫂嫂如何係一日一家庭，無時間限制，為每個家庭影相留念，嚟把握優惠啊！

。・°°・・°°・。。・°°

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126⁩

皮叔叔@皮妙妙影樓⁠「哎呀佢淨係愛爸爸！」「你睇你睇佢又走左去！哎呀佢淨係望住你呀！」⋯⋯呢日爸爸媽媽帶埋7歲嘅小女生湯丸嚟到皮妙妙影樓，媽媽笑足全程，咔咔咔咔咔咔咔咔咔咔笑，係一位笑到瞇晒眼嘅開心媽媽。媽媽回憶道自己係湯丸6歲嗰年，即只係...
14/06/2026

皮叔叔@皮妙妙影樓

⁠「哎呀佢淨係愛爸爸！」「你睇你睇佢又走左去！哎呀佢淨係望住你呀！」⋯⋯呢日爸爸媽媽帶埋7歲嘅小女生湯丸嚟到皮妙妙影樓，媽媽笑足全程，咔咔咔咔咔咔咔咔咔咔笑，係一位笑到瞇晒眼嘅開心媽媽。

媽媽回憶道自己係湯丸6歲嗰年，即只係上年嘅事咋，將小朋友領養入屋，「佢係繁殖場嚟，領養時因為身體太虛弱太差，又有心絲蟲，就未能安排絶育。醫好之後我哋仲曾經以為佢懷孕，畢竟之前被迫不斷配種生小bb嘛，好在無，否則又要經歷一次生育，太痛苦了。」媽媽憶説自己領走湯丸後，就帶住孩子去見爸爸，「我哋想帶佢去狗公園玩下，但佢可能一生都未玩過，未見過草，未見過公園，所以唔願行唔肯行唔敢行，爸爸就抱住佢慢慢適應環境。可能因為咁啊，湯圓自此就好愛爸爸，好依賴爸爸，眼中只有爸爸。」媽媽笑住分享道，眼中都係對孩子嘅愛。

湯丸又的確愛爸爸比媽媽多呀，呢日眼仔成日追隨住爸爸，媽媽同樣好愛好愛湯丸，哪怕經常熱臉貼冷屁，卻一直抱實湯丸，為湯丸準備好多喜歡嘅零食，「哈哈哈哈你睇佢！就係比較有性格既中女呀，鍾意就鍾意，唔鍾意就唔鍾意，唔會逆來順受！」媽媽不斷笑不斷笑，呢日不斷笑。

「感謝你呀皮叔叔，今日咁有耐性幫我哋影相，影得好靚靚了！將來湯丸大啲，又再搵皮叔叔喇。」呢日連帶皮叔叔亦好開心啊，湯丸心情亦好好，俾皮叔叔摸左好耐好耐。祝福你啊小朋友，老來有家了，願你忘記上半生嘅不快，活在當下，享受漫長嘅快樂下半生。

。・°°・・°°・。。・°°

6月19至21日，D2Place一期@荔枝角見！

🌟 嚟把握全年拍攝優惠，可以先預訂，後再揀係一年365日內選日子㗎！

🌿大家成日見到皮嫂帶去每個屋企，同貓孩子們玩到起飛嘅草草玩具，2️⃣0️⃣蚊就可以帶一棵返屋企，同小朋友玩到飛簷走壁！

🐕‍🦺🐈 仲有皮嫂嘅慈母牌巾巾，係由小貓至大汪都戴得嘅浮誇頸巾啊！

日期：6月19至21日
時間：13:00 - 19:00
地點：D2Place一期二樓

嚟了解皮叔叔皮嫂嫂如何係一日一家庭，無時間限制，為每個家庭影相留念，嚟把握優惠啊！

。・°°・・°°・。。・°°

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126⁩

眼前文靜嘅太郎只有4歲咋，年紀小小，本應係活躍愛玩嘅年紀，不過皮叔叔初見到小太郎，就覺得小朋友雖然唔怕皮叔叔，卻總係有啲悶悶不樂。皮叔叔靜靜係旁邊左影下右影下，小朋友依然沉默，亦唔太在意皮叔叔，皮叔叔覺得小朋友有心事，就問媽媽太郎係邊度嚟㗎...
13/06/2026

眼前文靜嘅太郎只有4歲咋，年紀小小，本應係活躍愛玩嘅年紀，不過皮叔叔初見到小太郎，就覺得小朋友雖然唔怕皮叔叔，卻總係有啲悶悶不樂。皮叔叔靜靜係旁邊左影下右影下，小朋友依然沉默，亦唔太在意皮叔叔，皮叔叔覺得小朋友有心事，就問媽媽太郎係邊度嚟㗎，媽媽分享道太郎曾經係隻好動癲狂，連出街都天不怕地不怕嘅小男生，只係自從好朋友東東走後，就一直沉默，唔活潑了。

東東係隻小狗，爸爸媽媽從幫東東做美容嘅店舖，領養左太郎返屋企。太郎入屋時，東東已14歲啦，東東對小貓 bb無好大感覺，但太郎就好痴東東，東東瞓，太郎會將頭靠住東東一齊瞓，東東坐，太郎由頭到尾舔東東示好示愛，兩小食玩瞓都一齊，太郎對東東一片癡心。「太郎算係東東帶大嘅貓呀，佢可能當東東係爸爸媽媽，好依賴東東，好鍾意東東。 」爸爸媽媽分享道。有日東東病了，太郎成日係床邊望住東東，守護東東。後嚟東東走了，太郎一下子見唔到東東，爸爸媽媽形容太郎四圍搵，最後對天花板哀鳴長喊。東東走左2年幾，太郎由當初小毛頭長大成大貓貓，但似乎仲等緊東東，「佢從此就沉默內斂左，東東走後，太郎性格都好似變了。」哪怕爸爸媽媽後嚟領養來叫太妹嘅貓同伴，太妹好喜歡太郎哥哥啊，但太郎依然沉默，心內只記掛東東大哥。

太郎啊，皮叔叔好榮幸認識你，爸爸媽媽好愛好愛你呀，貓朋友太妹亦好想好想同你做朋友。東東好好呀，佢去左遠遠嘅地方享福了。皮叔叔祝福您開心無憂，健健康康，將來有機會再為你影相，到時要大開心㗎。

。・°°・・°°・。。・°°・・°

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。有興趣了解，可inbox肥皮攝記，WhatsApp / Signal 94955126

「Mort今年5月就12歲㗎喇，佢幾星期大時俾我老爺係垃圾桶內發現，老爺就執左佢返屋企照顧，到我同老公結婚喇，Mort就跟埋嚟一齊住。視如己出㗎，特別佢而家老左，就會成日擔心佢食得夠唔夠，會唔會想玩呀，又或者瞓得好唔好⋯⋯」眼前爸爸媽媽笑住...
13/06/2026

「Mort今年5月就12歲㗎喇，佢幾星期大時俾我老爺係垃圾桶內發現，老爺就執左佢返屋企照顧，到我同老公結婚喇，Mort就跟埋嚟一齊住。視如己出㗎，特別佢而家老左，就會成日擔心佢食得夠唔夠，會唔會想玩呀，又或者瞓得好唔好⋯⋯」眼前爸爸媽媽笑住分享道。

皮叔叔皮嫂嫂呢日嚟到12歲嘅老老寶Mort同5歲Muffy嘅屋企，我哋Mort天生異瞳㗎，係個有型兼有氣勢嘅男子漢，仲略有脾氣，依依哦哦成日講嘢，又會自己發嘮叨，生悶氣。「佢由細起就係咁，脾氣比較臭，蝦我多啲，唔敢蝦爸爸㗎！」但媽媽唔怕小朋友發脾氣呀，同爸爸一齊輪住抱起Mort，老人家七情上面破口大罵，爸爸媽媽又搞笑地一齊嗌，「老當益壯呀，好過佢老人家咁發呆，就當運行下血氣。」果然老人家講得嘢多零舍精神，爸爸拎出Mort心愛嘅絲帶棒玩具，皮嫂接過後，洗出渾身解數同Mort玩，老人家心情高漲玩到起飛，皮叔叔紥行馬，影低左好多Mort玩到扭腰兼起飛腳嘅一面。

「每日放工放假見到佢哋兩個痴埋一齊，見佢哋安好，其實都好舒壓。與其話我哋養佢哋，我哋更覺得係佢哋都養好我哋個心理。哎呀而且其實mortmort私底下⋯⋯都好溫柔㗎🤣」媽媽後來分享道。祝福你哋啊，我哋老老寶Mort要繼續中氣十足，貯多啲肥肉肉，健健康康。希望將來為更老老嘅你再影相啊！

。・°°・・°°・。。・°°

6月19至21日，D2Place一期@荔枝角見！

🌟 嚟把握全年拍攝優惠，可以先預訂，後再揀係一年365日內選日子㗎！

🌿 大家成日見到皮嫂帶去每個屋企，同貓孩子們玩到起飛嘅草草玩具，2️⃣0️⃣蚊就可以帶一棵返屋企，同小朋友玩到飛簷走壁！

🐕‍🦺🐈 仲有皮嫂嘅慈母牌巾巾，係由小貓至大汪都戴得嘅浮誇頸巾啊！

🎂 620係大貓皮嫂生日啊！

日期：6月19至21日
時間：13:00 - 19:00
地點：D2Place一期二樓

嚟了解皮叔叔皮嫂嫂如何係一日一家庭，無時間限制，為每個家庭影相留念，嚟把握優惠啊！

。・°°・・°°・。。・°°

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126⁩

眼前細細粒嘅大耳妺今年1歲8個月大咋，係隻會笑嘅孩子，嘴角一直向上，慢羞、禮貌而又帶啲尷尬。不過咪睇佢成日笑笑呀，爸爸媽媽係貓功課內強調大耳非常容易緊張，對步伐對聲音都非常非常敏感，「試過有朋友嚟屋企坐左兩個鐘，都只係見過大耳嘅腳趾，佢係我...
12/06/2026

眼前細細粒嘅大耳妺今年1歲8個月大咋，係隻會笑嘅孩子，嘴角一直向上，慢羞、禮貌而又帶啲尷尬。不過咪睇佢成日笑笑呀，爸爸媽媽係貓功課內強調大耳非常容易緊張，對步伐對聲音都非常非常敏感，「試過有朋友嚟屋企坐左兩個鐘，都只係見過大耳嘅腳趾，佢係我朋友圈中只係隻『傳說中嘅貓』！」爸爸媽媽大笑分享道。

大耳唔太愛食食，呢日連玩玩都唔敢太奔放，一對大眼睛斜眼望住皮叔叔，與皮叔叔保持距離，不過爸爸媽媽已嘖嘖稱奇，覺得女兒踏出左一大步，進步左好多好多。我哋大耳好愛爸爸媽媽啊，成日會去磨下爸爸媽媽嘅腳，轉個頭又去撞下爸爸媽媽嘅手，眼睛咪下咪下，覺得冧冧又舒服，打開眼一刻，見皮叔叔係正前面影自己，小朋友又有啲不安同緊張，急腳腳行開同皮叔叔保持距離，然後又忍唔住跑番去嗲下爸爸媽媽，皮叔叔紥行馬，為大耳影左好多好多行來行去，仲有嗲爸爸媽媽嘅相，仲慢慢俾皮叔叔抱，爸爸媽媽都好開心。「佢今日真係好俾面，好神奇！」

大耳好愛爸爸媽媽啊，細細個心，裝住嘅都係對爸爸媽媽嘅愛。祝福你哋呀，一家人貓開心健康，將來再見呀。

。・°°・・°°・。。・°°・・°°・。

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。

有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

爸爸媽媽興奮message皮叔叔，話饅頭檢查報告出咗啦，淋巴腫瘤明顯縮小了！經過8個月漫長又難挨，非常非常煎熬嘅化療，饅頭嘅腫瘤受控啦！饅頭今年9歲半，爸爸媽媽話呢個仔由細到大都乖，從來唔會打爛嘢，亦唔會抓爛嘢。「佢好為食㗎，有次無晒乾糧，...
11/06/2026

爸爸媽媽興奮message皮叔叔，話饅頭檢查報告出咗啦，淋巴腫瘤明顯縮小了！經過8個月漫長又難挨，非常非常煎熬嘅化療，饅頭嘅腫瘤受控啦！

饅頭今年9歲半，爸爸媽媽話呢個仔由細到大都乖，從來唔會打爛嘢，亦唔會抓爛嘢。「佢好為食㗎，有次無晒乾糧，佢坐喺乾糧兜面前通頂等。」爸爸媽媽話小朋友一直都食得瞓得痾得玩得，無諗過孩子會患重病，直至饅頭額頭腫起左，帶小朋友去做檢查後晴天霹靂，孩子被確診淋巴癌。爸爸媽媽決定同孩子打仗，結果大半年過去，小小身體先後做左8次化療，「其實發現饅頭患癌後，已經想約你哋影相留個念，但佢化療打針，剃到腳仔無晒毛。」腳腳毛都未生番，又要再做下一次療程，卻發現病情不受控，之前嘅化療都徒然，醫生決定化療外，加入電療，然後再轉食化療藥。照顧小戰士嘅路卻比爸爸媽媽想像嘅更難，饅頭開始避開餵藥嘅爸爸，爸爸為此好唔開心。後來爸爸媽媽諗開啲，決定不定時餵食藥啦，饅頭心情唔靚時就唔惹小朋友，「因為我哋情願饅頭笑住過苦日子，都唔想孩子苦住過日子。」期間見饅頭毛毛長番啦，狀態又不錯，爸爸媽媽就急急約皮叔叔上門影相，人貓一家三口留個紀念。

然後最近再做全身檢查，爸爸媽媽話報告終於出咗，腫瘤明顯縮小同靜止了！爸爸媽媽形容終於可以稍稍稍稍鬆一口氣，以後繼續同饅頭努力打仗。影相日上，我哋饅頭雖係病寶寶，精力卻旺盛到令皮叔叔震驚！小朋友對住皮叔叔搓嘅紙波波又撲又彈又跳，皮叔叔早已set燈，紥好馬瞓身影，影到好多小朋友放飛自我嘅玩姿。

饅頭呀，皮叔叔希望你早日康復，將來再有機會，皮叔叔再嚟搓紙波波同你玩呀！

。・°°・°°・。。・°°・・°°・。

伍慶泉 Wilson Ng
我現在是5貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。肥皮影樓亦已於2023年11月開幕，大家亦可選影樓拍攝服務！

有興趣了解，可inbox肥皮攝記，WhatsApp (可直接找到皮叔叔啊：https://wa.me/85294955126) / Signal ⁨9495 5126

「兩隻小朋友其實陪我哋渡過左好多時光，特別係早幾年我哋都想要小朋友但又一直落空，試左好多辦法，而最後都失望。嗰段日子唔易過，好在新丁同小丸一直伴隨我哋。所以而家見到新丁病，我哋都好難過，好心痛。」爸爸呢日係影相後，送皮叔叔皮嫂嫂下樓時分享道...
10/06/2026

「兩隻小朋友其實陪我哋渡過左好多時光，特別係早幾年我哋都想要小朋友但又一直落空，試左好多辦法，而最後都失望。嗰段日子唔易過，好在新丁同小丸一直伴隨我哋。所以而家見到新丁病，我哋都好難過，好心痛。」爸爸呢日係影相後，送皮叔叔皮嫂嫂下樓時分享道，「女士比較感性吧，我太太會成日喊。」

寵物展後嘅一日，皮叔叔皮嫂嫂無休息啊，趕嚟為剛出院嘅新丁影相。眼下小男生快5歲，同一屋簷下仲有差唔多大嘅貓同伴小丸，爸爸媽媽感概新丁身體向來差，小小年紀就經驗過好幾次大病，做過幾次手術，留過幾次醫院，體重高峰時過6kg，而家只有3.9kg，「佢由細就好乖，見人就討摸摸，會煲水，無脾氣，留院時醫生護士都好錫佢。」2星期前，孩子卻被確診肝臟同脾臟都有陰影，醫生形容癌細胞擴散得好快，而以孩子由細到大嘅身體狀況，連醫生都唔建議爸爸媽媽為孩子安排化療，「嗰位醫生一直跟開新丁嘅病，話都怕佢頂唔住，會有其他併發症⋯⋯」

2年前，媽媽終於懷上身孕，呢日2歲嘅小兒子都有一齊影相啊，小朋友係爸爸媽媽教導下輕輕摸貓，不吵也不鬧，「我哋嘈嘅話，新丁小丸會緊張，咁樣唔啱。」、「新丁病病，我哋要靜啲，俾新丁好好瞓覺。」爸爸媽媽成了兒子嘅榜樣，小男生聽住爸爸媽媽嘅教導，對兩隻貓哥哥充滿愛，充滿同理心。「我哋其實好慚愧，兒子出世後撥少左好多時間俾新丁同小丸，但我哋都視佢哋係自己嘅兒子，正因如此，真係好傷心。」爸爸分享道。

呢日慢慢慢慢影相，皮叔叔為眼前一家人貓影低左好多溫馨嘅生活日常。我哋新丁與小丸非常精靈啊，兩隻小朋友同大貓皮嫂一齊行一齊玩，新丁易攰，有時就係旁邊靜觀，深怕自己錯過眼前嘅熱鬧。爸爸媽媽期間偶會忍唔住喊，係感動嘅淚、感恩嘅淚、心酸嘅淚。大貓皮嫂坐下來，將心比心地開解爸爸媽媽，將皮宅面對病孩子嘅心路歷程毫無保留地分享。「真係無諗過佢哋今日咁精神咁活躍，特別小丸好細膽㗎，今日完全另一隻貓一樣！」爸爸媽媽笑住説道。祝福新丁與小丸啊，願新丁餘下嘅路一直無憂無痛，爸爸媽媽保持正面與積極，孩子才有榜樣，樂觀面對貓生。

最後想告訴你哋，兒子出世後嘅生活當然會忙啊，但你哋依然係非常稱責嘅爸爸媽媽，無論係起居上、醫療上，你哋盡上最大嘅能力了，勿慚愧，新丁能碰上你哋，係好大嘅福氣。

《making of: 大貓皮嫂，與玩到攰了嘅抗癌小寶貝新丁》

。・°°・・°°・。。・°°・・°°・。

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。

有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

「皮叔叔你好，阿囝今日走了，係我同我爸爸放工返嚟前走，大概係唔想我哋傷心吧。」皮叔叔尋晚收到媽媽傳嚟嘅消息，15歲嘅阿囝係皮叔叔嚟影相後3個月後，安祥離開。「好多謝你哋啊，呢日對我哋嚟講係好珍貴既回憶，特別阿囝同芝麻年紀唔細，可以齊齊整整咁...
09/06/2026

「皮叔叔你好，阿囝今日走了，係我同我爸爸放工返嚟前走，大概係唔想我哋傷心吧。」皮叔叔尋晚收到媽媽傳嚟嘅消息，15歲嘅阿囝係皮叔叔嚟影相後3個月後，安祥離開。

「好多謝你哋啊，呢日對我哋嚟講係好珍貴既回憶，特別阿囝同芝麻年紀唔細，可以齊齊整整咁影全家福，好開心好感恩。佢哋都係領養嘅孩子，你對佢哋好，佢哋會俾番好多好多我哋，希望更多人領養動物。」仲好記得爸爸媽媽係影相日後分享道。眼下係一個3隻小朋友嘅屋企啊，老大阿囝與芝麻已經15歲，細妹寶寶亦已8歲。阿囝係媽媽人生中第一隻貓，bb時期與貓媽媽係舊樓飄泊生活，某個傾盆大雨的夜，同貓媽媽係梯間避雨時失散，有幸得到義工發現並救起。小朋友由幾個月大起就跟媽媽同住，伴隨媽媽工作上轉跑道、結婚，並且迎接多2隻貓同伴。「諗番轉頭，總覺得時間過得好快，甚至乎太快。」媽媽感觸阿囝一直健康，直至去年底孩子急速消瘦，爸爸媽媽帶小朋友去睇醫生，確診腸有腫瘤。「照完CT話有好多舊，最大已經去到7厘米，真係晴天霹靂⋯⋯但因為佢年紀大喇，我哋決定唔做化療，順其自然，佢舒服就好。」爸爸媽媽將阿囝捧係掌心照顧，見小朋友難得鍾意食鯖魚，爸爸就幾乎晚晚焗鯖魚，「我其實覺得好腥㗎哈哈，特別佢哄近我時，哇真係好腥！但見到佢精神，會怒嗌餵飯，就咩都得喇！」爸爸笑住説。

呢日皮叔叔慢慢慢慢地，為眼前一家五口影左好多合照啊，特別爸爸媽媽無諗過非常小膽嘅細細妹寶寶都影到相，大家都好開心。阿囝以高齡畢業了，係好大好大嘅福氣，願孩子下一段路走得快樂、自在，他日與爸爸媽媽，皮叔叔皮嫂嫂再相見。

。・°°・・°°・。。・°°・・°°・。

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。

有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

係腎上腺素持續高企下，3日寵物展迅速就過，每日早出晚歸，爸爸媽媽感謝一班在家乖乖等候嘅皮宅孩子啊！每晚皮叔叔皮嫂嫂拖住腫脹腳趾、頂住發熱喉嚨，仲有講到損左嘅牙肉，打開家門一刻，見到孩子們奔放跑來，滾地嘅滾地，行來行去，肚白白一日不見如隔三秋...
08/06/2026

係腎上腺素持續高企下，3日寵物展迅速就過，每日早出晚歸，爸爸媽媽感謝一班在家乖乖等候嘅皮宅孩子啊！每晚皮叔叔皮嫂嫂拖住腫脹腳趾、頂住發熱喉嚨，仲有講到損左嘅牙肉，打開家門一刻，見到孩子們奔放跑來，滾地嘅滾地，行來行去，肚白白一日不見如隔三秋飛撲上來，覺得好安慰。

好多爸爸媽媽來打招呼啊，影過相嘅，未預約過影相嘅，來預約影相嘅⋯⋯ 有笑住傾計嘅，亦有提起已畢業孩子而哽咽嘅、流淚嘅。甚至乎有皮叔叔服務過，孩子已走，家中已無貓狗小朋友的爸爸媽媽特登來探皮叔叔皮嫂嫂啊，皮叔叔皮嫂嫂都真心地感同身受，齊笑亦齊心痛，我們亦是同一路上嘅爸爸媽媽。

由衷地感謝大家喜歡肥皮攝記，祝願我們嘅孩子們每日無憂無慮，開心自在，龍體安康！皮叔叔皮嫂嫂都期待為你哋與孩子們影相啊，共享生活點滴，珍惜孩子，珍惜當下。

皮叔叔今日生日呀！但皮叔叔皮嫂嫂今日會為一隻病孩子影相，尋晚皮叔叔手忙腳亂舉重般收檔期間，收到爸爸通知話小朋友剛能夠出院了！皮叔叔立即打電話慰問，了解好孩子狀況，就決定今日要去這孩子與家人，還有家中嘅貓同伴拍照留念。這就是皮叔叔嘅生日禮物啊，能為呢隻勇敢嘅病寶寶影相。

。・°°・・°°・。。・°°

6月19至21日，D2Place一期@荔枝角見！日程忙，皮叔叔皮嫂嫂減少去市集了，但橫跨左皮嫂嫂生日嘅週末，我們會嚟到荔枝角啊！

🩷 嚟把握全年拍攝優惠，可以先預訂，後再揀係一年365日內選日子㗎！

🌿大家成日見到皮嫂帶去每個屋企，同貓孩子們玩到起飛嘅草草玩具，2️⃣0️⃣蚊就可以帶一棵返屋企，同小朋友玩到飛簷走壁！

🐕‍🦺🐈 仲有皮嫂嘅慈母牌巾巾，係由小貓至大汪都戴得嘅浮誇頸巾啊！

日期：6月19至21日
時間：13:00 - 19:00
地點：D2Place一期二樓

嚟了解皮叔叔皮嫂嫂如何係一日一家庭，無時間限制，為每個家庭影相留念，嚟把握優惠啊！

。・°°・・°°・。。・°°

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126⁩

Address

Hong Kong

Telephone

+85294955126

Website

Alerts

Be the first to know and let us send you an email when 肥皮攝記 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category