肥皮攝記

肥皮攝記 伍慶泉 Wilson Ng
#前果籽攝影組主管

6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

「大尾子係喺爸爸工作嘅工廠大廈嘅後巷俾人發現，俾同棟大廈嘅寵物用品店救起。嗰間店真係好好啊，貼左街招成個月，想幫大尾子搵番主人，但都無人回應。我去探過佢幾次，覺得同小朋友有緣，就帶佢返屋企。」媽媽呢日笑住分享道，「叫『大尾子』，係因為你睇佢...
18/08/2026

「大尾子係喺爸爸工作嘅工廠大廈嘅後巷俾人發現，俾同棟大廈嘅寵物用品店救起。嗰間店真係好好啊，貼左街招成個月，想幫大尾子搵番主人，但都無人回應。我去探過佢幾次，覺得同小朋友有緣，就帶佢返屋企。」媽媽呢日笑住分享道，「叫『大尾子』，係因為你睇佢條尾真係好大好粗，好似野生動物咁！」

皮叔叔皮嫂嫂呢日嚟到9歲半粗粗粗，與3歲多，好怕醜嘅大尾子屋企，「睇到啲相，又見到你同皮嫂嗰日真係好好心機好落力，就好感恩自己有扚起心肝，做預約影相呢件事。」爸爸媽媽分享道兩人都唔慣影相，怕羞得連結婚相都無影過，但過去幾年間，經歷過之前2隻貓孩子嘅離世，而現下粗粗粗已經9歲半，就好想一家人貓整整齊齊之時，影輯相好好留念。「叫哥哥做『粗粗粗』係個祝福，希望佢可以一直肥肥大大，粗食粗肥。」爸爸媽媽話兩口子收到相後，喺屋企嘅大螢幕欣賞，一直笑一直笑，好開心。「其實我哋好少影相㗎，但今次可以同粗粗粗、大尾子影呢輯相，真係好有意思。」

由工廈後巷獲救，暫居寵物用品店待認領，至乏人問津而得到現下嘅爸爸媽媽帶回家，大家都話至今依然唔明白何解會有一隻肥肥靚貓係後巷出現，但肯定嘅係大小姐從此有福了，「大尾子係生面孔前怕羞咋，平日好奔放好巴閉，似粗粗粗嘅家姐多過妹妹，粗粗粗唔係好應酬到佢！」爸爸媽媽好開心分享生活日常。呢日慢慢慢慢地，皮叔叔皮嫂嫂為孩子們影左好多爸爸媽媽無預料過能影到嘅相，連我哋怕羞嘅大尾子，呢日係皮嫂嫂細心照顧下都表現優秀。祝福你哋啊，要一直健康，將來有機會再見呀。

・°°・✨✨・°°・✨。。・°

香港上門寵物攝影服務 |肥皮攝記 & 皮妙妙影樓

伍慶泉 Wilson Ng
我係6貓 1 狗嘅爸爸
養貓廿幾年，感謝孩子們陪伴左右
回憶中有跟每一隻毛孩嘅生活細節
記錄在照片上，亦記錄在爸爸心內

我們提供專業嘅香港上門寵物拍攝服務，
特別適合怕生、細膽、不出門嘅貓貓🐈
甚至乎年老、生病嘅毛孩子們
係熟悉嘅家居環境，最放鬆、最自在地留下日常身影

📷 服務項目：
上門寵物攝影 / 貓咪上門拍攝
寵物家庭合照 / 貓咪全家福
影樓寵物寫真 / 皮妙妙影樓

📩 預約及查詢：
Inbox：肥皮攝記
WhatsApp：94955126 (直接聯絡皮叔叔：https://wa.me/85294955126)

皮叔叔皮嫂嫂呢日嚟到9歲半粗粗粗，與3歲多大尾子嘅屋企，「睇到啲相，又見到你同皮嫂嗰日真係好好心機好落力，就好感恩自己有扚起心肝，預約你哋嚟影相。而且我一直好相信你哋，係可以搞得掂大尾子！」爸爸媽媽好開心分享道。大尾子今年大約3歲，小朋友有...
18/08/2026

皮叔叔皮嫂嫂呢日嚟到9歲半粗粗粗，與3歲多大尾子嘅屋企，「睇到啲相，又見到你同皮嫂嗰日真係好好心機好落力，就好感恩自己有扚起心肝，預約你哋嚟影相。而且我一直好相信你哋，係可以搞得掂大尾子！」爸爸媽媽好開心分享道。

大尾子今年大約3歲，小朋友有個日本姑娘一樣嘅名字，不因爸爸媽媽祟日，而係因為貓如其命名，真係有條非同凡響地粗大，十足野生動物一樣嘅大！尾！子！不特止呀，我哋巨孩大尾子背肌仲好厚實，手手腳腳亦好大，「哈哈所以有日我哋好奇，帶左大尾子去check基因，原來佢係混左好幾款名種貓嘅！」至於一隻靚靚肥貓何解現身工廈後巷一角啊，爸爸媽媽與當日救起大尾子嘅寵物店義工們都不得而知，孩子卻因禍得福，從此有個家。

大貓皮嫂總讓貓有小奇蹟，我哋大尾子係一隻非常內向又慢熱嘅小小姐，初見皮叔叔皮嫂嫂一刻，就將自己塞係厠所馬桶旁邊。大貓皮嫂就同大尾子一齊安安靜靜，若無其事坐馬桶旁邊好一會，望住同一屋簷下嘅貓哥哥粗粗粗影相。大尾子慢慢開始接受不溫不火也不急嘅皮嫂嫂啊，皮嫂嫂又進一步抱孩子坐係廳觀賞影相，再進一步讓孩子與爸爸媽媽影相。「我哋喺電話睇完啲相，返到屋企又再喺個大mon慢慢欣賞，啲相好靚啊，真係好開心！」爸爸媽媽收到相後分享道，「其實我哋平日好少影相㗎，我哋甚至乎連結婚相都冇影，但今次可以同粗粗粗、大尾子影呢輯相，真係好有意思。」

今日稍後，將有我哋大尾子嘅相分享，小朋友真係生得好厚實，連背肌都有㗎！

。・°°✨✨・°°・。✨°°・°°✨

肥皮攝記 ｜香港上門寵物攝影｜貓攝影師｜肥皮影樓

伍慶泉 Wilson Ng（皮叔叔）
作為 6 貓 1 狗的爸爸，擁有逾30年養貓經驗
寵物陪伴我們嘅時光有限，希望用鏡頭，一日只為一個家庭拍攝，為每個家庭捕捉最真實、最溫暖嘅日常生活點滴

曾服務對象：小膽貓咪、狗狗、變色龍、🐢、鸚鵡、兔子、多寵家庭、老齡寵物、病病寵物⋯⋯

立即預約 / 查詢檔期：
✉️ Facebook Inbox：肥皮攝記
📲 WhatsApp 直接聯絡皮叔叔：https://wa.me/85294955126 (9495 5126)
💬 Signal：9495 5126

失去與後悔，卻也帶來了傳承與珍惜。呢個係一個關於「豬油膏」與「包包」嘅故事。「為何我會養貓啊？說來話長。」屋企嘅牆上貼滿新舊相片，有啲甚至乎早已發黃，媽媽分享道認識肥皮攝記好耐喇，皮叔叔皮嫂嫂嚟到嘅前一晚，自己緊張又開心到瞓唔着，擔心屋企太...
17/08/2026

失去與後悔，卻也帶來了傳承與珍惜。呢個係一個關於「豬油膏」與「包包」嘅故事。

「為何我會養貓啊？說來話長。」屋企嘅牆上貼滿新舊相片，有啲甚至乎早已發黃，媽媽分享道認識肥皮攝記好耐喇，皮叔叔皮嫂嫂嚟到嘅前一晚，自己緊張又開心到瞓唔着，擔心屋企太小、擔心貓咪小膽難影⋯⋯但呢日媽媽見皮嫂嫂貼心呵護孩子，甚至乎連屋企最小膽嘅包包亦癡住皮嫂，媽媽開心又放心。而聊起貓，媽媽眼眶依然有淚光。

遺憾嘅起點：金寶與寶寶
小學時，媽媽屋企經營樓上髮型屋，樓下係餐廳，老鼠猖狂到爬上樓，有日爸爸就帶回兩隻黃色小貓——金寶與寶寶。媽媽笑住憶説自己同哥哥一日到黑就抱住貓咪，爸爸怕兩兄妹耽誤學業，無幾耐就將金寶與寶寶送走，「我同哥哥日日喊，我好記得我哋仲係牆上畫左個墓碑，寫住『金寶、寶寶，很懷念你』。」

時間過，媽媽15 歲喇，老鼠依然橫行無忌，甚至乎半夜會上樓，爬上床咬人腳趾同跑上枕頭，嚇到媽媽彈起兼尖叫。呢次家人終於點頭，媽媽就從同學屋企抱回一隻四蹄踏雪嘅虎紋貓，貓貓改名「豬油膏」，媽媽許願，希望貓貓一直會似豬油膏一樣，貼住自己。而豬油膏又確實貓如其名，每日陪住媽媽從髮型屋爬八層樓梯返屋企，陪伴媽媽走過整個中學時期，係媽媽最好最好嘅摯友。

無法抹滅嘅內疚與自責
屋企經營嘅髮型屋，卻因業主加租而要搬遷了，屋企人唔準豬油膏再去新鋪，唔鍾意貓總將理髮櫈抓爛。屋企經濟環境變差，一家人只能租住劏房，而豬油膏亦只能留係窄小嘅房間內。同時媽媽長大出嚟工作了，社交變多，朋友變多，漸漸忘了依然豬油膏一樣，每日留係房間內，呆等自己嘅好友豬油膏。

然後有日，豬油膏從後門跑左出去。「以前佢都會跑出去，自己會返嚟。嗰次我以為都會一樣，就懶去搵⋯⋯」伴隨自己成長嘅友伴卻從此無返嚟了，後嚟碰到清潔阿姨，媽媽至知道豬油膏跑回舊髮型屋嘅後門，新租客卻無俾貓入店，豬油膏就一直原地等待，直至倒下畢業一刻。「係我忘記左豬油膏，無去搵豬油膏，無珍惜豬油膏⋯⋯一切都係我好大好大好大嘅錯。」客廳正中間發黃嘅相片裡，有隻非常漂亮嘅虎紋貓，就係豬油膏。

愛嘅延續：一屋領養嘅貓孩子
成家立室，有兒有女有孫嘅媽媽，因為豬油膏嘅關係，接過好多無家嘅貓孩子返屋企。10歲嘅包包係其中一隻，「包包係我一對仔女為我領養嘅貓貓，佢哋見我每次提起豬油膏依然會喊，於是就領養番隻虎紋貓俾我。當年同胎四隻㗎，一隻夭折左，包包同胎中比較弱嘅，由細到大都瘦瘦，義工話最好領養一對，就要埋同胎嘅哥哥luenluen。」媽媽話包包好愛哥哥Luenluen，哥哥卻未滿六歲就病了，係屋企客廳走嘅。包包自此成日留係客廳，媽媽形容客廳似係包包自覺守護自己嘅地方。

呢個，係一個關於失去、後悔與重新學習珍惜嘅故事。

。・°°・・°°・。。・°°・・°

肥皮攝記 ｜上門貓貓拍攝 ｜上門寵物拍攝

我係伍慶泉Wilson Ng，亦係6 貓 1 狗嘅爸爸
每次上門拍攝，不只係捕捉寵物最自在、最真實嘅模樣，更是記錄每個家庭與孩子之間獨一無二嘅生命故事，讓貓咪無須出門，係最熟悉嘅地方，留下與爸爸媽媽相處嘅回憶

服務項目：上門寵物攝影 / 貓咪上門寫真 / 家居寵物紀錄

預約與查詢WhatsApp：直接聯絡皮叔叔 (https://wa.me/85294955126）

香港上門寵物攝影｜細膽寶寶嘅珍貴全家福：「份份少少動靜就會瀨尿㗎，今日皮嫂嫂抱佢竟然仲耐過我哋！」「份份係我搬出嚟住後，養嘅第二隻貓。佢天水圍嚟，係人哋學校出現，個樣唔靚，鼻哥又一撻撻，義工形容佢少少細膽，我就決定領養佢。點知嚟到至知佢唔係...
16/08/2026

香港上門寵物攝影｜細膽寶寶嘅珍貴全家福：「份份少少動靜就會瀨尿㗎，今日皮嫂嫂抱佢竟然仲耐過我哋！」

「份份係我搬出嚟住後，養嘅第二隻貓。佢天水圍嚟，係人哋學校出現，個樣唔靚，鼻哥又一撻撻，義工形容佢少少細膽，我就決定領養佢。點知嚟到至知佢唔係少少細膽，係非常非常細膽，到而家屋企少少動靜都會嚇到瀨尿，身體亦唔太好，藥煲嚟嘅。」份份爸爸呢日笑住分享道。

皮叔叔皮嫂嫂呢日嚟到3隻貓孩子嘅屋企，爸爸媽媽形容3隻小朋友中，10歲嘅份份最最最最最最最膽小，見到生面孔會瀨尿，多年嚟連自己屋企人嚟到都未能行近，「而且佢連體質都敏感，好多病痛，住過ICU㗎，腸天生蠕動慢，而家都一直要長期食藥。」爸爸媽媽分享道孩子曾插過成個月餵食喉，「所有開胃藥都無用，我哋只能用餵食喉灌食，每次都心痛。然後忽然間有一日，佢就食番嘢了。」爸爸媽媽話拍攝前最擔心嘅，就係「成日嚇到瀨尿」嘅份份難以影相，但大貓皮嫂總能帶來小奇蹟啊，呢日皮嫂嫂就成為第一個能抱住份份，而份份亦會主動走近依賴嘅auntie。

皮叔叔皮嫂嫂呢日如常以非常安靜，亦無壓迫感嘅方式陪伴一眾孩子們，皮嫂嫂係大貓姐姐啊，佢若無其事坐係份份旁邊，用好強大嘅耐性與溫柔，慢慢靠近份份。我哋原應小膽嘅份份呢日唔單止冇震驚，大貓皮嫂甚至乎成為第一個抱住份份嘅姨姨，有時仲會將頭埋向皮嫂嫂臂內，「佢要好熟嘅人先會咁㗎！」爸爸媽媽笑住話皮嫂抱份份嘅時間，比佢哋都要長。而眼前呢隻頭圓圓、白雪雪嘅小份份，就喺最安全最安心嘅屋企內，與爸爸媽媽和貓伴們，留下最治癒，爸爸媽媽往後回看必會會心微笑嘅生活畫面。

「以前份份其實仲肥啲添㗎，病左一大輪後，瘦左個圈喇。」爸爸媽媽期間分享道。衷心祝福份份寶啊，願孩子健健康康，每日享受爸爸媽媽滿滿嘅愛，下次有機會再見，要同呢日一樣健康精靈。

。・°°・・°°・。。・°°・・°°・。

🐾 肥皮攝記 | 香港上門貓貓攝影

創辦人伍慶泉（Wilson Ng / 皮叔叔）擁有30餘年養貓經驗，現為 6 貓 1 狗嘅爸爸。我們專為不出門、怕生、極度細膽嘅貓咪提供上門拍攝服務，讓孩子係最熟悉嘅地方，紀錄最自然嘅生活日常。

📷 服務項目：上門寵物拍攝 / 上門貓貓寫真 / 寵物家庭全家福 / 影樓寵物寫真

📩 預約和查詢
FB Messenger：肥皮攝記
WhatsApp / Signal：9495 5126
直接聯絡皮叔叔：https://wa.me/85294955126

【坪洲島民貓貓『奶茶』登場！】皮叔叔今早分享個簡單小故事，小主角係呢隻手長腳長、身型高挑嘅1歲小男生「奶茶」。媽媽特別同皮叔叔皮嫂嫂介紹呀，只要撥開奶茶背脊嘅毛毛，就會見到坪洲貓貓獨有嘅神奇特徵——「蝴蝶紋」！「幾乎所有嚟自坪洲嘅貓，都有呢...
16/08/2026

【坪洲島民貓貓『奶茶』登場！】

皮叔叔今早分享個簡單小故事，小主角係呢隻手長腳長、身型高挑嘅1歲小男生「奶茶」。媽媽特別同皮叔叔皮嫂嫂介紹呀，只要撥開奶茶背脊嘅毛毛，就會見到坪洲貓貓獨有嘅神奇特徵——「蝴蝶紋」！「幾乎所有嚟自坪洲嘅貓，都有呢個花紋㗎哈哈⋯⋯」媽媽超自豪！

媽媽笑言當初其實想養狗㗎，點知朋友屋企嘅貓嚟唔切絕育生咗一堆貓仔，結果就帶咗人生第一隻貓，3歲半嘅英長家姐「Fatty」返屋企。幾年後媽媽想再領養多隻孩子，就遇上奶茶，「坪洲好多小店㗎嘛，佢哋大多會放養啲店長貓，義工就特設一個箱，希望啲島民唔好亂處理啲bb，起碼帶嚟擺入箱內。」媽媽憶説自己當日帶住奶茶由坪洲坐船出市區，孩子完美展現島嶼小孩嘅強大基因，一啲都唔頭暈，全程比自己更眼碌碌，好精靈。

呢日與奶茶初見，孩子難免會緊張啊，將自己塞喺睡房一角遠遠張望。皮嫂嫂係大貓呀，慢慢慢慢與孩子靠近，媽媽驚嘆奶茶可以俾皮嫂嫂抱好耐好耐，皮嫂嫂細心向媽媽教導抱貓貓手法，又傳授獨門按摩指功，將奶茶按到幾乎瞓着，非常冧冧。我哋奶茶呢日不得了，展現驚人食力，喺皮叔叔鏡頭前，表演超速秒殺巨型凍乾蝦，孩子自我感覺非常良好！

祝福我哋嘅嚟自坪洲嘅高挑孩子奶茶1歲快樂呀！呢日我哋奶茶得到皮嫂嫂大讚左500次靚仔，祝小朋友繼續健康開心、日日癲玩癲食，下次再見呀！

。・°°・・°°・。。・°°・・°°・。

📷 香港上門寵物拍攝 | 肥皮攝記 & 肥皮影樓

伍慶泉 Wilson
我係6貓1狗嘅爸爸
養貓狗三十餘年，深深感受到孩子們只有喺自己熟悉嘅屋企，表現才會最舒服最自在
我們提供香港上門寵物攝影，讓不出門、怕生嘅孩子都能留下最自然嘅日常

✨服務項目：上門貓貓拍攝 / 貓咪全家福 / 寵物家庭寫真 / 肥皮影樓拍攝

🔊預約及查詢：歡迎 Inbox 肥皮攝記
WhatsApp 專線：94955126（可直接聯絡皮叔叔：https://wa.me/85294955126）

【「佢帶我哋走出咗深不見底嘅情緒病…」8歲長氣貓貓肥叮，用 8 年嘅愛治癒左眼前呢個家 】眼前呢隻下盆穩重、大肚腩無縫貼地嘅小男生叫肥叮，肥叮今年8 歲小男生喇，爸爸媽媽形容係屋企嘅「大聲公兼心靈良藥」。小朋友內置擴音器一樣中氣十足，成日講...
15/08/2026

【「佢帶我哋走出咗深不見底嘅情緒病…」8歲長氣貓貓肥叮，用 8 年嘅愛治癒左眼前呢個家 】

眼前呢隻下盆穩重、大肚腩無縫貼地嘅小男生叫肥叮，肥叮今年8 歲小男生喇，爸爸媽媽形容係屋企嘅「大聲公兼心靈良藥」。小朋友內置擴音器一樣中氣十足，成日講嘢成日講嘢成日講嘢成日講嘢⋯⋯似乎講極都唔完，但爸爸媽媽感恩孩子天生嘅呢份長氣兼熱鬧，陪伴兩小口渡過結婚生活中，曾經非常難挨嘅日子。

🐾 「見親陌生人就蛇牙沙沙！」細膽貓點影相啊？

爸爸媽媽喺拍攝前嘅貓功課內，數度溫馨提示皮叔叔，「肥叮大大隻咋，其實係隻細膽仔，超怕陌生人！」不過皮叔叔皮嫂嫂成立肥皮攝記，不就為了幫小膽寶影相啊，呢日皮叔叔嚟到，依然連門鐘都無㩒啊，靜悄悄、輕飄飄咁由爸爸帶入屋。
開門一刻，已見肥叮斜視皮叔叔一眼，立即比雞咁腳更雞咁腳跑去房門口。好多爸爸媽媽都好奇皮叔叔皮嫂嫂為何總為極度細膽又敏感嘅孩子影到溫馨嘅相，係絕對影到的啊，關鍵只係簡單而又複雜嘅極度耐心與空間。皮叔叔呢日照樣頭也不回，完全眼尾都無理睬我哋肥叮啊，只係默默又極慢地放好器材，就坐喺地毯上同爸爸媽媽傾貓經。肥叮見呢個怪叔叔冇威脅，開始好奇地壓低大肚腩，慢慢爬出嚟偷睇，喺房門同客廳之間徘徊又徘徊……

而零食係無敵嘅！我哋肥丁一聽到爸爸拎出久未食過嘅零食，立即警覺性急跌，就算驚都頂硬上呀，大肚腩左右搖擺直飛上床！皮叔叔抓緊呢個自然一刻，立即就記錄低無數張肥叮與爸爸嘅溫馨畫面。心窗打開左丁咁多喇，肥叮決定衝入最安全嘅睡房，見肥叮咁鍾意床床，皮叔叔索性叫爸爸媽媽一齊瞓上床，拍下了好多爸爸媽媽笑到咔咔聲嘅溫馨全家福。

家有一寵，如有一寶啊，呢日係開心嘅家庭日，祝肥叮繼續做呢個家嘅最好良藥、最強樹窿，與爸爸媽媽一直幸福快樂，下次再見啊！會唔會再肥肥左㗎！

。・°°・・°°・。。・°°・・°°・。

📷 香港上門寵物拍攝 | 肥皮攝記 & 肥皮影樓
伍慶泉 Wilson
我係6貓1狗嘅爸爸
養貓狗三十餘年，深深感受到孩子們只有喺自己熟悉嘅屋企，表現才會最舒服最自在
所以我們提供香港上門寵物攝影，讓不出門、怕生嘅孩子都能留下最自然嘅日常

服務項目：上門貓貓拍攝 / 貓咪全家福 / 寵物家庭寫真 / 肥皮影樓拍攝
預約及查詢： 歡迎 Inbox 肥皮攝記
WhatsApp 專線： 94955126（直接聯絡皮叔叔：https://wa.me/85294955126）

【上門貓貓拍攝】7年半都摸唔到嘅細膽貓貓影到全家幅喇 「哥哥妹妹係我哋第一對貓，由一位餵開街貓嘅朋友俾我哋。2隻寶都好怕人㗎，如果屋企有外人，佢哋一定會匿埋消失，有時爸爸打個乞嗤，哥哥會嚇到夾住尾跳走。妹妹更驚驚，我哋7年半以嚟都未掂到妹妹...
14/08/2026

【上門貓貓拍攝】7年半都摸唔到嘅細膽貓貓
影到全家幅喇

「哥哥妹妹係我哋第一對貓，由一位餵開街貓嘅朋友俾我哋。2隻寶都好怕人㗎，如果屋企有外人，佢哋一定會匿埋消失，有時爸爸打個乞嗤，哥哥會嚇到夾住尾跳走。妹妹更驚驚，我哋7年半以嚟都未掂到妹妹，行近啲啲佢都逃命咁走，所以我哋手機影妹妹嘅相，都係啲好遠距離影埋去嘅相。」爸爸媽媽分享道，非常非常擔心兩兄妹呢日會影都唔見，影唔到相。

眼下哥哥叫Clumsy，妹妹叫Naughty，今年7歲半喇！爸爸媽媽形容兩兄妹怕人嘅程度係令佢哋作為父母都好沮喪嘅，「妹妹養咗7年都摸唔到，頭兩年好難見到佢，佢長期匿埋喺閣樓，或者床下底。」媽媽憶説畢竟係兩人第一次養貓，而初接觸就竟然係細膽到見都見唔到嘅孩子，夫婦兩人甚至乎曾因孩子怕人而嗌交，「我好大聲，好嬲地問過我老公：『咁唔通遺棄佢哋呀?????? 』然後就係我哋嗌交一刻，當時依然好怕人嘅哥哥竟然行出嚟，靠近我老公，當下我哋心都軟晒，我仲記得我大大聲同我老公講，『你睇！呢啲咪叫進步囉！』」

爸爸媽媽笑住話，面對特別怕人嘅妹妹，後嚟兩人諗通咗，覺得孩子健康開心最緊要。然後日子過，妹妹開始會出嚟行下，又會坐喺客廳嘅貓樹頂休息，心情好時仲會碌吓地。「妹妹好鐘意食雞粒㗎，但要非常安全嘅距離，要離好遠拋去佢身邊，佢先會小心翼翼食。貓草佢都喜歡㗎，我哋試過灑喺廳，然後人入晒房，佢就會出嚟碌吓開心。雖然我哋從來摸唔到妹妹，但見佢relax咗，行得慢咗，我哋已經好滿足。」

雖說爸爸媽媽呢日都擔心孩子們會影唔到相，但皮叔叔皮嫂嫂上門影貓貓，本就係要為非非非常小膽嘅寶影相呀！呢日皮叔叔好早就思考唔同嘅方法，亦同爸爸媽媽好早開始討論準備功夫，爸爸媽媽一一配合。皮嫂嫂呢日瞓係床下底40分鐘有多，與哥哥妹妹和平又平靜地共處。睡房唔大，就只有喺床下底嘅皮嫂嫂，同已係睡房靜靜又慢慢地set好燈嘅皮叔叔。皮嫂嫂喺床下面，若無其事喺孩子們旁邊，平靜又冷靜，再非常慢地接近哥哥與妹妹，然後再慢慢慢慢地，將孩子們引領去床上面。一切都好慢好慢，用上差唔多一小時有多，皮叔叔為兩小朋友喺床旁邊，影咗第一張圓轆轆，好可愛嘅合照。皮叔叔亦慢慢慢慢，為孩子同爸爸媽媽影相，不單影到兩隻小寶啊，仲影到合照！爸爸媽媽感動不已，媽媽更感觸到喊。

皮叔叔皮嫂嫂祝福哥哥同妹妹啊，要繼續逍遙自在，希望妹妹繼續慢慢慢慢進步，享受爸爸媽媽嘅愛。

。・°°・・°°・。。・°°・・°°・。

香港上門寵物攝影服務 |
肥皮攝記 & 皮妙妙影樓
伍慶泉 Wilson Ng
我係5貓 1 狗嘅爸爸
養貓廿幾年，感謝孩子們陪伴左右
回憶中有跟每一隻毛孩嘅生活細節
記錄在照片上，亦記錄在爸爸心內

我們提供專業嘅香港上門寵物拍攝服務，
特別適合怕生、細膽、不出門的貓貓🐈
在熟悉的家居環境，讓孩子們最放鬆、最自在地留下日常身影

📷 服務項目：
上門寵物攝影 / 貓咪上門拍攝
寵物家庭合照 / 貓咪全家福
影樓寵物寫真 / 皮妙妙影樓

📩 預約及查詢：
Inbox：肥皮攝記
WhatsApp：94955126 (直接聯絡皮叔叔：https://wa.me/85294955126)

「我哋喺電話睇完啲相，返到屋企又再喺個大mon慢慢欣賞，啲相好靚啊，真係好開心！」爸爸媽媽收到相後分享道。「其實我哋平日好少影相㗎，我哋甚至乎連結婚相都冇影，但今次可以同粗粗粗、大尾子影呢輯相，真係好有意思。」皮叔叔皮嫂嫂呢日嚟到9歲半粗粗...
13/08/2026

「我哋喺電話睇完啲相，返到屋企又再喺個大mon慢慢欣賞，啲相好靚啊，真係好開心！」爸爸媽媽收到相後分享道。「其實我哋平日好少影相㗎，我哋甚至乎連結婚相都冇影，但今次可以同粗粗粗、大尾子影呢輯相，真係好有意思。」

皮叔叔皮嫂嫂呢日嚟到9歲半粗粗粗，與3歲多大尾子嘅屋企，「睇到啲相，又見到你同皮嫂嗰日真係好好心機好落力，就好感恩自己有扚起心肝，做呢件事。」爸爸媽媽分享道兩人都唔慣影相，怕羞得連結婚相都無影過，但過去幾年間，經歷過2隻貓孩子嘅離世，而現下粗粗粗已經9歲半，就好想一家人貓整整齊齊之時，影輯相好好留念。「叫佢『粗粗粗』係個祝福，希望佢可以一直肥肥大大，粗食粗肥。佢同我哋之前2隻唐貓女差唔多時間嚟到我哋屋企，當時粗粗粗只有4個月大，係我哋人生中第一批嘅貓貓。嗰2隻唐貓家姐係成年至領養入屋㗎，所以粗粗粗一直做細佬，細個百厭，成日想挑戰家姐嘅地位。以前2隻貓家姐中，其中一隻好多嘢講㗎，我好喜歡多嘢講嘅貓！」憶起2隻已去彩虹橋嘅貓女兒，內斂一點嘅爸爸笑得甜甜，不斷分享。

兩個貓家姐相繼去彩虹橋後，爸爸媽媽擔心從小就有貓相伴嘅粗粗粗會悶，而緣份下，就碰上現下估計3歲嘅大尾子。「大尾子係喺爸爸工作嘅工廠大廈嘅後巷俾人發現，俾同棟大廈嘅寵物用品店救起。嗰間店好好啊，貼左街招成個月，想幫大尾子搵番主人，但都無回應。」媽媽回憶道自己去探過大尾子幾次，覺得同孩子充滿緣份，確定孩子無人認領後，就決定接小朋友返屋企。「叫『大尾子』因為佢條尾真係好大好粗，好似野生動物咁！」皮叔叔皮嫂嫂呢日認證過，我哋大尾子真係非一般嘅巨孩，背肌厚實，手手腳腳亦好大，尾巴非同凡響的粗！「哈哈所以有日我哋好奇，帶左大尾子去check基因，佢係混左好幾款名種貓嘅！」無人知道大尾子何解會係工廈後巷出現啊，但肯定嘅係大小姐從此有福了，「大尾子好奔放好巴閉㗎，似粗粗粗嘅家姐多過妹妹，粗粗粗唔係好應酬到佢！」

呢日慢慢慢慢地，皮叔叔皮嫂嫂為孩子們影左好多爸爸媽媽無預料過能影到嘅相，連我哋係生面孔前會怕羞嘅大尾子，呢日都表現優秀，不單爸爸媽媽，皮叔叔皮嫂嫂能參與其中亦好開心。要一直健康，將來有機會再見呀。

。・°°・・°°・。。・°°・・°°・。

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。肥皮影樓亦已於2023年11月開幕，大家亦可選影樓拍攝服務！

有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

3年前嘅9月，初為狗爸爸媽媽嘅皮叔叔皮嫂嫂，抱住只得幾個月大，毛都好似未完全生齊嘅肚白白，去漁農處動物管理中心，為肚白白登記狗牌兼打針。從此皮宅就正正式式多一隻狗細佬喇！而世界上又多一隻狗孩子有屋企，仲有肚白白呢個唔會撞名嘅超級無敵名字。而...
13/08/2026

3年前嘅9月，初為狗爸爸媽媽嘅皮叔叔皮嫂嫂，抱住只得幾個月大，毛都好似未完全生齊嘅肚白白，去漁農處動物管理中心，為肚白白登記狗牌兼打針。從此皮宅就正正式式多一隻狗細佬喇！而世界上又多一隻狗孩子有屋企，仲有肚白白呢個唔會撞名嘅超級無敵名字。

而時間真真真真過得太快了吧!!!!!!!!!!!! 3年後嘅呢日，皮叔叔皮嫂嫂又得帶肚白白去打針兼續狗牌了！肚白白年紀大左咋，膽仔不成正比地縮小，想當年沒頭沒腦俾職員抱入房，用1秒半就打完針，我哋宇宙最強嘅宅男肚白白呢日震到櫈都郁，流左幾米口水嚟打針呀可憐⋯⋯小眼睛向左向右向上向下輪住望，陰功到職員似乎都可能想打俾漁農處處長，叫佢能否開開恩，豁免肚白白打針🥹。

3年又3年，下次肚白白再打針之時就係6歲，快漿7歲嘅孩子了，怎會大得咁快！就⋯⋯爸爸媽媽希望3年後嘅肚白白，與到時皮宅一班已上年紀嘅貓孩子們，都依然強壯如牛，中氣十足，食得瞓得痾得玩得，齊齊整整，就係全球爸爸媽媽嘅世紀大福氣了啊！

*睇到最後，有肚白白打針彩蛋*

🌻🌻🌻🌻🌻🌻🌻🌻🌻

🌻把握把握！皮妙妙影樓有期間限定優惠啊！

1️⃣2️⃣0️⃣0️⃣元2️⃣人2️⃣寵物，1️⃣0️⃣張精修相片，僅限嚟皮妙妙影樓啊！！

正係向日葵盛開之時，皮妙妙影樓都開花喇！凡係7️⃣月1️⃣日至9️⃣月1️⃣5️⃣日期間，任何一日嚟到皮妙妙影樓影相，將能享受難得嘅期間限定優惠，早午晚都可以嚟影㗎，把把把把把把握！

🌻🌻🌻🌻🌻🌻🌻🌻🌻

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。肥皮影樓亦已於2023年11月開幕，大家亦可選影樓拍攝服務！

有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

「我哋無搵人影初生bb啊，一直想等陽陽100日大，開始識笑喇，就搵你哋嚟影生活照。」眼下係皮叔叔皮嫂嫂第二次踏入嘅屋企喇，牆上有皮叔叔皮嫂嫂第一次為兩小口與貓女兒們Latte同Mocha嘅全家幅，2年後全家幅嘅人口增加了，有爸爸媽媽非常非常...
12/08/2026

「我哋無搵人影初生bb啊，一直想等陽陽100日大，開始識笑喇，就搵你哋嚟影生活照。」眼下係皮叔叔皮嫂嫂第二次踏入嘅屋企喇，牆上有皮叔叔皮嫂嫂第一次為兩小口與貓女兒們Latte同Mocha嘅全家幅，2年後全家幅嘅人口增加了，有爸爸媽媽非常非常希望擁有，小陽陽與貓姐姐們嘅合照，爸爸媽媽呢日一直笑一直笑，幫陽陽換左幾套可愛嘅小衫衫。他日回看，陽陽大了，爸爸媽媽亦年長了，屋企唔同了，貓老了，一切一切都係非常珍貴嘅家庭回憶。

兩年前皮叔叔皮嫂嫂初踏入呢個家，爸爸媽媽剛結婚，兩人以夫妻裝亮相。2年後再見，貓孩子們3歲喇，仲多了一位剛過100日嘅小兒子陽陽。正值天朗氣清啊，皮叔叔皮嫂嫂提議爸爸媽媽不如帶陽陽去屋企樓下平台散步，亦係爸爸媽媽經常帶小bb睇街街，充滿回憶嘅地方，特別因為爸爸媽媽就嚟搬屋喇，意義更大。陽陽返到屋企後就瞓覺覺喇，皮叔叔就把握時間為貓孩子們影相，小bb醒喇，換件靚衫，就係皮嫂嫂慢慢慢慢嘅安排下，為小bb與貓家姐們影相。「佢哋從來無咁近過呀，真係好開心！」爸爸媽媽係旁邊笑得好開心，係最正宗嘅慈母笑、慈父笑。

孩子們大得好快好快啊，貓如是，人亦如是。皮叔叔皮嫂嫂衷心祝福兩位貓女兒Mocha同Latte繼續健康開心，小bb陽陽要快高長大，粗食粗肥，下次見呀！

。・°°・・°°・。。・°°・・°°・。

伍慶泉 Wilson Ng
我現在是6貓1狗的爸
養貓廿幾年 感謝你們陪伴左右
回憶中有跟你們每一隻的生活細節
記錄在照片上 也記錄在爸爸心內

我提供上門寵物拍攝服務，特別貓🐈可以不出門，在熟悉的地方，最自在地影相。有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal ⁨9495 5126

Address

Hong Kong

Telephone

+85294955126

Website

Alerts

Be the first to know and let us send you an email when 肥皮攝記 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category