16/08/2023
介紹一下舞台劇『喝彩』。內容係講述Paul（鍾保羅），Danny（陳百強），同埋Leslie（張國榮）之間嘅故事。大約兩個鐘嘅表演包含咗44首金曲。係絕對嘅回憶殺。
演員有：阮頌揚，張浩德，張家俊。
今次想重點介紹一下阮頌揚Brian，佢除咗係一個演員，舞台劇演員以外，佢仲係香港電台第二台，瘋Show快活人節目入面，大家最愛嘅小羊羊。亦都係電視節目『潮青誌』嘅主持人之一。
今次阮頌揚Brian喺舞台劇入面表演極度出色，除咗唱得跳得演得之外，佢現場演繹咗多層次喊法，先睇住佢一眶眼淚無流出嚟，再配合劇情奪眶而出，跟住再慢慢推進唱住歌配合表演，繼續爆喊。
真係睇到深深被感動。絕對係一個不可多得嘅演員。讚！！！
Brian Yuen 阮頌揚 好少可叫大家咁樣做，唔該大家去Like爆Brian，一個難能可貴嘅演員，值得支持。
