影．賞

影．賞 🍎伍慶泉 Wilson Ng
#籽想拍攝

我喜歡設計相片內光線的佈局，億變萬化，好?

2021年過去，先祝大家新年快樂，健康平安，過去一年對我變化之大確實沒有想過，逼到埋身，行出咗第一步，就要全力以赴，雖然假期少咗好多(有時一個月冇1日)，不過賺番好多滿足感是開心的，對自己，拍攝上想法有很多，希望可一一完成。聽到前同事有新動...
01/01/2022

2021年過去，先祝大家新年快樂，健康平安，過去一年對我變化之大確實沒有想過，逼到埋身，行出咗第一步，就要全力以赴，雖然假期少咗好多(有時一個月冇1日)，不過賺番好多滿足感是開心的，對自己，拍攝上想法有很多，希望可一一完成。
聽到前同事有新動向，開心之餘就同老婆去試下，入到去點咗 咖哩喇沙，賣相靚之餘，味濃而不鹹，舊街白咖哩麵 我就轉咗渗渗(油麵加米粉) ，食落啖啖椰香，魚片非常爽彈，蝦味濃郁，加上大碗真係好滿足，再來肉骨茶豬肚，呢個肉骨茶老婆好鍾意添飲左2次，冬天飲真係絕配，豬肚整得好軟滑，入口不用用力趙，最後飲品嗌咗個茶啡渗(即係鴛鴦)
飲落帶點朱古力味相當有當地風味。

#捌哥
🌟工作接洽，歡迎inbox Facebook / ig，whatsapp/signal 94955126🌟

早前同 Pizza Day 合作，影了多款創意口味嘅pizza。佢哋有四個老闆，將茶記名物沙嗲牛融入pizza中，成為沙嗲肥牛薄餅，有齊肥牛、金菇、菠蘿同沙嗲醬，底層仲有粉絲，感覺好似食緊沙嗲牛肉煲仔菜。仲額外附上沙嗲醬，啱晒鐘意沙嗲牛嘅朋...
15/09/2021

早前同 Pizza Day 合作，影了多款創意口味嘅pizza。佢哋有四個老闆，將茶記名物沙嗲牛融入pizza中，成為沙嗲肥牛薄餅，有齊肥牛、金菇、菠蘿同沙嗲醬，底層仲有粉絲，感覺好似食緊沙嗲牛肉煲仔菜。仲額外附上沙嗲醬，啱晒鐘意沙嗲牛嘅朋友，老闆放手任我點拍都得，主要都係想影到有新鮮嘅感覺。我就先預備了食材做背景，香草、蕃茄，甚至油都有，總之令畫面大堆頭啲，豐富啲。
先用一個大柔光箱做back light，再放一支硬燈在柔光箱下面位置做key light，(key light 作用是盡量突顯pizza 上嘅食材），再在pizza前用一支聚光燈照射到pizza中間。另一支聚光燈就放係pizza左後方，向pizza側面照射，令到光線不平衡散佈pizza上，質感就係咁樣來。

#果籽 #飲食籽

🌟工作接洽，歡迎inbox Facebook / ig，whatsapp/signal 94955126🌟

講左幾日其他版面嘅相，鏡頭又返番去食物上面，呢次影帶子！假如菜式帶煙，影到熱辣辣好新鮮就會好吸引，但假如好似今次咁無煙嘅，要影到佢吸引，可以加少少道具。我就搵嚟餐廳裡嘅小圍巾放碟底，再調一下圍巾嘅擺法，點調好? 冇基準架，試幾次順眼就得㗎...
05/09/2021

講左幾日其他版面嘅相，鏡頭又返番去食物上面，呢次影帶子！
假如菜式帶煙，影到熱辣辣好新鮮就會好吸引，但假如好似今次咁無煙嘅，要影到佢吸引，可以加少少道具。我就搵嚟餐廳裡嘅小圍巾放碟底，再調一下圍巾嘅擺法，點調好? 冇基準架，試幾次順眼就得㗎啦。今次想以碟邊嘅反光嚟吸引視線，所以用左一塊半透反光板，放係碟上方，然後加支燈射向反光板，角度就只照到帶子上面，令到全張相最亮嘅一點就係碟餸。而背景因冇光到所以變左深色，再係碟左邊加一支補光燈就完成喇！

#果籽 #飲食籽

🌟工作接洽，歡迎inbox Facebook / ig，whatsapp/signal 94955126🌟

果籽Gadget Guy有時也會拍下運動用品，記得拍攝當日book了個健身室，但去到見到四面都係鏡，加上現場燈光偏暗，拍出來效果不太好，咁啱外面落住毛毛細雨，於是就諗到不如用雨做襯托，配合運動衫，營造雨水加汗水嘅運動感覺。燈光方面，背景用了...
31/08/2021

果籽Gadget Guy有時也會拍下運動用品，記得拍攝當日book了個健身室，但去到見到四面都係鏡，加上現場燈光偏暗，拍出來效果不太好，咁啱外面落住毛毛細雨，於是就諗到不如用雨做襯托，配合運動衫，營造雨水加汗水嘅運動感覺。

燈光方面，背景用了2支閃光燈，左右兩邊射向主體，另外閃光燈嘅光斑亦攝入相片，讓周圍嘅雨點更顯現。另一支燈就在相機右上方照射到model臉上就完成。

留意: 要雨點突出，通常亮度要比前面射向model嘅燈光強2倍輸出。



#攝影 #攝影師 #香港 #人像
#人像攝影

介紹過影飲食、影潮流，今日講下影專題版。聽個名就知呢個版觸碰嘅題材包羅萬有，每次都唔同，但都係平時我哋見到嘅，但又唔多認識佢地歷史，又或者已經買少見少嘅人與物。呢日就嚟到一個工廈單位，裡面擺放左好多木具，滿佈灰塵。受訪者係位收藏家，拎起件嚟...
30/08/2021

介紹過影飲食、影潮流，今日講下影專題版。聽個名就知呢個版觸碰嘅題材包羅萬有，每次都唔同，但都係平時我哋見到嘅，但又唔多認識佢地歷史，又或者已經買少見少嘅人與物。

呢日就嚟到一個工廈單位，裡面擺放左好多木具，滿佈灰塵。受訪者係位收藏家，拎起件嚟自龍鳳大酒樓嘅龍鳳雕刻，係佢喺酒樓結業時收返來。最珍貴嘅，係呢對龍鳳雕刻完全由香港師傅做，手工精緻細膩，非常出色。當然同好多手工藝一樣，後嚟工廠轉移大陸，香港就越嚟越少人做、少人學，漸成失傳嘅文化。

拍攝收藏家，主要都係展示佢地嘅收藏，由於環境雜亂，所以燈光主要都係集中射向人同埋收藏品，將雜亂嘅環境收藏於黑暗中。

#香港製造 #酒樓文化

從前拍潮流版，通常一係拍fashion，一係拍makeup，拍makeup好多時都要等好耐，因為幫得我地手嘅化妝師，多數唔會為錢來，咁為乜野？為名囉，為自己出品有見報機會，所以好多都要求極高，少少微細位都會執到完美為止，可能一化就化2個鐘甚...
27/08/2021

從前拍潮流版，通常一係拍fashion，一係拍makeup，拍makeup好多時都要等好耐，因為幫得我地手嘅化妝師，多數唔會為錢來，咁為乜野？為名囉，為自己出品有見報機會，所以好多都要求極高，少少微細位都會執到完美為止，可能一化就化2個鐘甚至更耐。
這張相主題係糖果妝容，拍攝前幾日已同記者同化妝師傾過一次妝嘅色水點配搭好，傾好後才會正式拍攝。拍攝時唇妝圖案都試左很多款呀，例如波板糖花紋，直條花紋，最後至用上現在這花紋。妝容雖七彩但暖色為主，所以背景用藍色，相對清新啲，令人一睇就睇到重點。



#攝影 #攝影師 #香港 #人像
#人像攝影

在副刊除左拍食物，仲會拍潮流版。由於冇乜budget，有挑戰就梗啦，不過正因要大量動腦，滿足感就會從呢一點而生。呢次要拍一個有咖啡成份嘅化妝品，用呢set化妝品，化一個啡色嘅妝容。記得當時諗大相，即一版中最大嘅相，同事有提議不如model ...
26/08/2021

在副刊除左拍食物，仲會拍潮流版。由於冇乜budget，有挑戰就梗啦，不過正因要大量動腦，滿足感就會從呢一點而生。

呢次要拍一個有咖啡成份嘅化妝品，用呢set化妝品，化一個啡色嘅妝容。記得當時諗大相，即一版中最大嘅相，同事有提議不如model 見樣，用手捧住咖啡豆拍攝，或model見靚樣，咖啡豆從上散落，要好開心咁週圍望，我都覺得太無新意，但諗左好一陣都未諗到。

返到屋企，見到貓貓瞓左係鞋盒上面，忽然就諗到不如用盒裝滿咖啡豆，model只見半邊臉，有一種被咖啡豆浸泡嘅感覺。

拍攝日返到公司，即刻搵左個裝A3紙嘅盒嘅盒蓋，反轉盒蓋，再係盒蓋裡cut 出model半邊嘅面型，然後試位，倒咖啡豆。係model 就慘D啦，全程坐係到但頭要側向膊頭位置成個鐘，不過見到完成相，大家都覺得好開心好興奮。



#攝影 #攝影師 #香港 #人像
#人像攝影

早餐通常食得好健康，午餐有時就會嚟個拉麵。食拉麵我喜歡豬骨湯底，有豬骨湯鮮甜之餘，當然唔會喝到一口油就最好啦。翻間以前自己嘅飲食籽相，就搵到呢幅作品。影肥牛拉麵，最緊要影到佢新鮮，肉質要閃亮亮。肥牛由於係薄切，所以先放好湯碗位置，肥牛暫不放...
22/08/2021

早餐通常食得好健康，午餐有時就會嚟個拉麵。食拉麵我喜歡豬骨湯底，有豬骨湯鮮甜之餘，當然唔會喝到一口油就最好啦。翻間以前自己嘅飲食籽相，就搵到呢幅作品。

影肥牛拉麵，最緊要影到佢新鮮，肉質要閃亮亮。肥牛由於係薄切，所以先放好湯碗位置，肥牛暫不放落碗，這次放了餐廳小植物係碗的右邊，然後用燈射向植物，樹影便投射係拉麵上。點解要有樹影呀，因為我想加星鏡拍攝，假如拉麵有陰影位，星鏡嘅星光紋就會顯得格外特出，道理同影煙用黑背景一樣。然後再係相機旁加支窄角度燈，照射係最前方嘅肥牛上，也令陰影不致出現過黑情況。最後左邊用反光板補光就可以，準備好就放肥牛落碗，以最快速度影左佢，因為遲左肥牛色水會變㗎！

#蘋果日報 #果籽 #飲食籽 #㗎啡
#拉麵

🌟工作接洽，歡迎inbox Facebook / ig，whatsapp/signal 94955126🌟

早餐除左嘆咖啡，我仲偶然會食下雜菜沙律，高纖對腸胃有益，顏色又靚，開胃。影早餐，用柔和嘅燈光，望落去唔太刺激，舒舒服服，配合到食早餐嘅感覺。呢個沙律用左一個大柔光箱做 top light, 跟住右邊俾一個小柔光箱令沙律有層次感，再係左邊加一...
21/08/2021

早餐除左嘆咖啡，我仲偶然會食下雜菜沙律，高纖對腸胃有益，顏色又靚，開胃。

影早餐，用柔和嘅燈光，望落去唔太刺激，舒舒服服，配合到食早餐嘅感覺。呢個沙律用左一個大柔光箱做 top light, 跟住右邊俾一個小柔光箱令沙律有層次感，再係左邊加一個大柔光箱，因為想成張相都冇乜陰影位，就需要大面積光源才容易做出來啊，大面積嘅光源即係點呀。

即係等於陰天係室內，你靠近窗口旁邊，看下週圍事物，會發現光線經過窗口投射到物件上，係非常柔和的，這就是大面積光源的特性。

#蘋果日報 #果籽 #飲食籽 #㗎啡


🌟工作接洽，歡迎inbox Facebook / ig，whatsapp/signal 94955126🌟

朝早我習慣飲杯咖啡，拉唔拉花唔緊要，飲拉左花嘅，就當然飲得又睇得，雙重享受。要拍得咖啡靚，首要好實際係出品樣要真係靚，其次才輪到背景同光線等等。這相片嘅右上方，大家都可以見到我係嗰度落左燈，燈旁邊仲加了餐牌閘光，令到光線似一個三角形從燈光那...
21/08/2021

朝早我習慣飲杯咖啡，拉唔拉花唔緊要，飲拉左花嘅，就當然飲得又睇得，雙重享受。

要拍得咖啡靚，首要好實際係出品樣要真係靚，其次才輪到背景同光線等等。

這相片嘅右上方，大家都可以見到我係嗰度落左燈，燈旁邊仲加了餐牌閘光，令到光線似一個三角形從燈光那邊向咖啡擴散，道理就似舞台嘅明星，有個spotlight打落去，大家嘅目光就自然係明星度。

跟住再係咖啡上方加個燈，令花紋更突出，煙部份用左支燈從左後側，貼枱面向上射上咖啡杯上方，再係相機兩旁加反光板補光就完成啦！

#蘋果日報 #果籽 #飲食籽 #㗎啡


🌟工作接洽，歡迎inbox Facebook / ig，whatsapp/signal 94955126🌟

呢次主角係登登登登登登登櫈!!!!!!! 煙燻太爺雞!!!!!!!! 入到廚房已經聞到極香嘅煙燻味，心想要拍到煙濃濃升起嘅效果，又唔想見到其他立雜野，唯有較大D閃燈輸出，用閃燈嘅光蓋過現場光。首先擺隻吉鑊試位，用閃燈營做出陽光從天花窗口照射...
17/08/2021

呢次主角係登登登登登登登櫈!!!!!!! 煙燻太爺雞!!!!!!!! 入到廚房已經聞到極香嘅煙燻味，心想要拍到煙濃濃升起嘅效果，又唔想見到其他立雜野，唯有較大D閃燈輸出，用閃燈嘅光蓋過現場光。

首先擺隻吉鑊試位，用閃燈營做出陽光從天花窗口照射到雞上嘅效果，實質其實係閃燈加豬咀配件收窄照射範圍，再配搭用另一閃燈照射到雞身上做成。鑊底嘅火係用led燈加橙色gel紙營做出來。做好準備啦，煙燻雞就可以連鑊帶蓋，放到指定地方，我一聲號令，叫師傅開蓋，把握機會影左這蘑菇形嘅煙，照片就係咁嚟啦。

#蘋果日報 #果籽 #飲食籽 #點心

🌟工作接洽，歡迎inbox Facebook / ig，whatsapp/signal 94955126🌟

北京填鴨大家食得多，呢次試下呢款，繼續北京填鴨食法，不過就慢烤而成嘅燒鴨，賣點就係肉質夠滑夠嫩。鴨肉經過兩重烹調功夫，先慢煮令鴨肉質地嫩滑，後再用高溫烘烤令鴨皮鬆脆。食時配合帶有橙香味嘅餅皮，食多幾塊唔會有油膩感覺。拍攝上我想以鴨皮香脆為主...
16/08/2021

北京填鴨大家食得多，呢次試下呢款，繼續北京填鴨食法，不過就慢烤而成嘅燒鴨，賣點就係肉質夠滑夠嫩。

鴨肉經過兩重烹調功夫，先慢煮令鴨肉質地嫩滑，後再用高溫烘烤令鴨皮鬆脆。食時配合帶有橙香味嘅餅皮，食多幾塊唔會有油膩感覺。

拍攝上我想以鴨皮香脆為主，望落去去閃閃發亮。北京填鴨好多一碟二碟，即要照顧嘅主體相對較多。首先當然係擺咗位先，最注目嘅位置當然係留俾碟脆鴨皮，燈光亦從上方落下，要窄角度，所以用了豬咀配件。要極注意燈光角度，射到鴨皮通透令立立，之後右後邊用一個小柔光箱照向籠子，籠蓋子嘅竹紋就會明顯見到。留意嘅係右上角點解會黑咗嘅? 因為那小柔光箱盡量向相機方向照射，右上角是專登令佢沒有光到，氣氛就係咁嚟㗎啦。

Forbidden Duck 鴨大哥

#蘋果日報 #果籽 #飲食籽 #點心

🌟工作接洽，歡迎inbox Facebook / ig，whatsapp/signal 94955126🌟

Address

Hong Kong

Telephone

+85294955126

Website

Alerts

Be the first to know and let us send you an email when 影．賞 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category