Tammama

Tammama 我希望同大家分享我新手媽媽既心路歷程，同時希望藉住分享可以令大家記得you are not alone.

2026 超可愛譚睿糭
19/06/2026

2026 超可愛譚睿糭

20260208 哥哥的愛想記錄呢一刻俾天天，俾佢知道哥哥係幾咁愛佢。雖然哥哥成日搶佢嘅玩具，唔借拖鞋俾佢着，但係今日喺踩單車嘅時候，天天玩到唔想玩，所以佢就咁周圍跑，喺跑嘅時候，因為坑渠嘅凹位令佢仆到，仆親仲撼親個頭仔，呢個哥哥放低佢嘅新...
10/02/2026

20260208 哥哥的愛

想記錄呢一刻俾天天，俾佢知道哥哥係幾咁愛佢。

雖然哥哥成日搶佢嘅玩具，唔借拖鞋俾佢着，但係今日喺踩單車嘅時候，天天玩到唔想玩，所以佢就咁周圍跑，喺跑嘅時候，因為坑渠嘅凹位令佢仆到，仆親仲撼親個頭仔，呢個哥哥放低佢嘅新單車走去執樹葉，跑來跑去執好多嘅樹葉，就係為咗填滿呢個凹位，希望天天唔會再因為呢個凹位而跌親。呢個哥哥有時真係好有愛、好細心、好錫家人。

我個小baby兩歲啦！❤️不經不覺，天天已經兩歲。呢個小朋友一天一天咁樣長大，間唔中望到佢個樣，就好似望到自己細個嘅樣一樣。天天係一個開心小暖男，成日好開懷咁樣大笑，見到哥哥扮搞笑，就會笑到紅都面晒，大kaka聲笑。見到媽媽整親唔開心，佢會...
12/01/2026

我個小baby兩歲啦！❤️

不經不覺，天天已經兩歲。
呢個小朋友一天一天咁樣長大，間唔中望到佢個樣，就好似望到自己細個嘅樣一樣。

天天係一個開心小暖男，成日好開懷咁樣大笑，見到哥哥扮搞笑，就會笑到紅都面晒，大kaka聲笑。見到媽媽整親唔開心，佢會走過嚟摸吓我個頭幫我吹下個傷口。每日爸爸媽媽放工返嚟，就會衝埋嚟嗌我哋爸爸、媽媽，有時會突然間叫daddy mammy。天天好鍾意爸爸，成日當山咁爬，成日都踩上佢心口。好鍾意哥哥，鍾意到成日叫佢哥哥哥哥⋯⋯同”meme” (謙謙）。佢好鍾意公公婆婆，每次byebye 都bye好耐。亦好鍾意e-ma, 日日都係屋企e-ma前e-ma後。

天天最鍾意食（唔使餵）嘅食物就係麥當勞薯條、印尼撈麵同埋雪糕。其次就係蛋、糖、開心果醬/朱古力麥包、糖donut。唔食嘅嘢好多，同我細個一樣嚴重偏食。不過佢就冇我咁為食。

係兩歲前一日，即係尋日，佢第一次成功係話要去「廁所」而成功去到wee wee!!! 因為有哥哥嘅榜樣，所以佢學嘢都好快，識執玩具、識講去廁所、識講開電視、同大聲叫發脾氣🤣

天天，多謝你為我哋帶來好多嘅快樂，我哋好愛你，希望你繼續健康快樂成長！Love you!

20260112

感謝大家咁愛天天❤️

Address

Hong Kong

Website

Alerts

Be the first to know and let us send you an email when Tammama posts news and promotions. Your email address will not be used for any other purpose, and you can unsubscribe at any time.

Shortcuts

Share