15/10/2026
چترال میں کرپشن کے خاتمے کے لیے وقاص احمد ایڈووکیٹ کی خدمات سے استفادہ وقت کی اہم ضرورت ہے.
تحریر: عباد رحمن
گزشتہ ادوار میں اپر اور لوئر چترال میں ترقیاتی منصوبوں اور سرکاری فنڈز کے استعمال کے حوالے سے جن بے ضابطگیوں اور مبینہ کرپشن کی نشاندہی ہوتی رہی ہے، ان سے متعلق اہم دستاویزی شواہد اور معلومات وقاص احمد ایڈووکیٹ کے پاس موجود ہیں۔ وقاص احمد ایڈووکیٹ ایک سینئر قانون دان اور سپریم کورٹ آف پاکستان کے وکیل ہیں، جو طویل عرصے سے قانون کی بالادستی، شفافیت اور عوامی مفاد کے لیے قانونی جدوجہد کر رہے ہیں۔
جنرل پرویز مشرف کے کاغذاتِ نامزدگی کے معاملے میں بھی وقاص احمد ایڈووکیٹ کا کردار ان کی قانونی قابلیت اور پیشہ ورانہ صلاحیتوں کی مثال ہے۔ جب پورے پاکستان میں جنرل پرویز مشرف کے کاغذاتِ نامزدگی مسترد کر دیے گئے تھے، تو واحد چترال ایسا حلقہ تھا جہاں وقاص احمد ایڈووکیٹ نے بطور وکیل ان کے کاغذاتِ نامزدگی منظور کروائے۔ یہ واقعہ ان کی قانونی مہارت، قابلیت اور مقدمات کی مؤثر پیروی کرنے کی صلاحیت کا نمایاں ثبوت ہے۔
موجودہ حکومت کے لیے وقت کا تقاضا ہے کہ وقاص احمد ایڈووکیٹ کی پیشہ ورانہ صلاحیتوں، قانونی تجربے اور چترال کے مسائل پر ان کی گہری معلومات سے استفادہ کیا جائے اور انہیں ایڈیشنل ایڈووکیٹ جنرل خیبر پختونخوا تعینات کرنے پر سنجیدگی سے غور کیا جائے۔ ان کی تعیناتی سے اپر اور لوئر چترال میں سرکاری ترقیاتی منصوبوں، فنڈز کے استعمال اور مبینہ بدعنوانی کے معاملات میں مؤثر قانونی رہنمائی حاصل کی جا سکتی ہے۔ ضرورت اس امر کی ہے کہ تمام الزامات کی غیر جانب دارانہ تحقیقات، دستاویزی شواہد کی قانونی جانچ اور ذمہ داران کے خلاف قانون کے مطابق کارروائی کو یقینی بنایا جائے تاکہ قومی خزانے کا تحفظ ہو اور چترال کے عوام کو ان کا جائز حق مل سکے۔لیکن اصل بات یہ ھے کیا وقاص احمد ایڈووکیٹ ایسے عہدوں کو تسلیم کریگا یا نھیں یہ بھی ایک سوال ھے؟
