Ethiopian News - ኢትዮጵያ ዜና

21/05/2026

ለኳስ በአንድ ድምፅ የዘመረ ትውልድ በሀገር ጉዳይ አንድ መሆን እንዴት አቃተው? ለተሸነፈ ቡድን የሚያለቅስ ትውልድ ወገኑ ሲያልቅ ዕንባ እንዴት ደረቀበት?

24/03/2026

08/03/2026

✅✳ ስትቀርበው ለራቀ #አትጨነቅ
#ምክንያቱም :- ውድ ነገር ያለቦታው ርካሽ ነውና፥

✅✳ ሥታምነው ለከዳህ አትጨነቅ
#ምክንያቱም :-ታማኝ በመሆንህ አሸንፈሃልና፥

✅✳ ሥትፈልገው ባጣኽው ነገር #አትጨነቅ
#ምክንያቱም :-እሱ አንተን ሲፈልግ ታገኘዋለህና፥

✅✳ ሥትወደው ለጠላህ #አትጨነቅ
#ምክንያቱም :-ሥንት ምርጥ ሠዎች አንተን የሚወዱ አሉና፥

✅✳ ሥላልሆነው ነገር #አትጨነቅ
#ምክንያቱም :-ገና ከዚህ በኋላ የሚሆኑ ነገሮች አሉና፥

✅✳ አጣዋለሁ ብለህ ያላሠብከውን ብታጣ #አትጨነቅ
#ምክንያቱም :-አገኘዋለሁ ብለህ ያላሠብከውን ታገኘዋለህና፥

✅✳ ያሠብከው ሳይሆን ቢቀር #አትጨነቅ
#ምክንያቱም :-ፈጣሪ ያላሠብከውን ይሠጥሃልና፥

✅✳ ፍቅር ሥትሰጠው ፍቅር ለማይሠጥክ አትጨነቅ
#ምክንያቱም :-ምንአልባት ፈጣሪ ምርጥና ደሥ የሚል የፍቅር ታሪክ እየፃፈልክ ይሆናልና፥

✴ !! ✴

✅ አንተ ለሁሉም ተፈጠርክ እንጅ ሁሉም ላንተ አልተፈጠረም!
✅ ፈጣሪ ላንተ የሚያሥፈልግክን ያውቃል ያሠብከውን አሥጥሎክ ያላሠብከውን ይሠጥካል!

✳ ️ሥላለፈው ብዙም አታሠላሥል፣
✳ ️ሥለ ወደፊቱም አብዝተህ አትጨነቅ፣
✳ ️ከዚህ ይልቅ ዛሬን ጠበቅ አድርግ፤

✅🚹 #አትጨነቅ 🚺✅

ይችም ቀን ታልፍና #ድሮ ትባላለች!
ሠአቷ ታልቅና #ታሪክ ትባላለች!
ሥለዚህ አትጨነቅ #በደሥታ እለፋት!
ነገም ሌላ ቀን ነው፣ህይወትህ ተሥፋ አላት።

ሼርርርር

08/03/2026

እጅግ ደጋግሜ አንብቤው ሁሌም የምወደው ፅሁፍ ነው! አንብቡትማ.
👇👇👇👇👇👇👇👇👇👇 #ሼር
በአንድ ወቅት ባልና ሚስት አብረው ሲኖሩ በመሀላቸው ልዩ የሆነ ፍቅር ነበራቸው። ሁለት ልጆችም ወልደው ነበር ። ነገር ግን ችግር ላይ በመውደቃቸው ባል ሊሰራ ተሰማምተው ራቅ ወዳለ ከተማ ሄዶ መስራት ጀመረ።
በተከታታይ ለ16 ዓመታት ሰራ ከዚያ ወደናፈቁት ቤተሰቦቹ ለመሄድ ሲነሳ ያልገመተው ነገር ከቀጣሪዎቹ ሰማ፤ደሞዙ በተለያየ ምክንያት ተቆራርጦ ከሚጠብቀው ከግማሽ በታች የሆነው 3000 ብር ተሰጠው። የተሰጠውን ተቀብሎ እግረ መንገዱ ስራ ካገኘ እየሰራ ጠርቀም ያለ ብር ይዞ ቤተሰቦቹ ጋ ለመሄድ ተነሳ።
በመንገዱ አንድ ሸምገል ያሉ አባት አገኘ... "ወዴት ትሄዳለህ ልጄ፧ ከየት ነውስ ምትመጣው?" አሉት። እሱም ከመጀመርያው እስከ መጨረሻው ነገራቸው ።እሳቸውም እንዲህ አሉት:---"እንግዲያውስ የምትፈልገውን ነገር ማግኘት ቀላል ነው ፤ እሱም እንዴት አባቴ?" ሲል ጠየቃቸው እሳቸውም "በል አንድ ሺህ ብሩን አምጣና እነግርሀለሁ" አሉት የቸገረው ነውና አንስቶ አንድ ሺህ ብሩን ይሰጣቸዋል።
እኒህ አባትም "አቆራጭ ነው ብለህ በማታውቀው መንገድ አትሂድ" ይህ ምክር አንድ ነው ይሉታል። ሁለተኛውን ሺህ አምጣና ሁለተኛውን መንገድ ልንገርህ ይሉታል። እሱም በየዋህነት ሁለተኛውን ሺህ ይሰጣል "በማያገባህ አትግባ፤ ይሄ ደግሞ ሁለተኛው ምክሬ ነው" ይሉታል ።
"በቃ ይሄ ነው?" ቢላቸው "አዎን ልጄ ሶስተኛውን አምጣና በጣም አሰፈላጊውና የመጨረሻውን ስጦታዬን ልስጥህ" አሉት ሰጠ። እሳቸውም "ክፉ ለማድረግ አትቸኩል" ብለውት በባዶ ኪሱ ከሶስቱ ምክሮች ጋር አሰናበቱት። እሱም ጉዞውን ወደ ቤቱ አደረገ ።
በመንገድ ነጋዴዎች አግኝቶ እያወጋ ሲጓዝ መሸ ነጋዴዎቹም ለምን ባቋራጭ አንሄድም በማለት ጉዞ ጀመሩ እሱም አብሮዋቸው ጉዞ እንደጀመረ የሽማግሌው አባት ምክር አንድ ትዝ አለው። "አቋራጭ ነው ብለህ በማታውቀው መንገድ አትሂድ" የሚለው።
ሰለዚህ ተመልሶ በሚያወቀው መንገድ ተጉዞ ብቻውን ከጨለመ ከተማ ገባ ። "የመሸበት እንግዳ ነኝ አሳድሩኝ" በማለት ሰው ጠየቀ። አንድ የዛ ከተማ ሰውም "የውልህ ወንድሜ እዛ ቤት ሂድ ያሳድርሀል፤ ነግር ግን እዛ ሰው ቤት የገባ አይወጣም ለማንኛውም እድልህን ሞክር።" እሱም የተባለበት ቤት አንኳኩቶ ቤት የእንግዳ ነው ተብሎ ገባ ።
ታድያ ከቤቱ ባለቤት ጋር ሲያወጉ ከየት እንደመጣ ቢነግረው ባለቤቱ ተገርሞ "እንዴት ሆነክ ተረፍክ ፧ባልከው መስመር ይመጡ የነበሩ ነጋዴች ተዘርፈው ነጋዴዎቹም ተገለው ከተማው ለቅሶ ብቻ እኮ ነው የሆነው" አለው። ያቺ በአንድ ሺህ ብር የገዛት ምክር በብር የማትገዛ ህይወቱን አተረፈችለት ማለት ነው። ሰለ መሸ የቤቱ እመቤት ምግብ ለእንግዳው ልታቀርብ ከጓዳ ብቅ አለች " እንግዳው አይኑን ማመን አልቻለም የተወሰነ አካሉዋ ብቻ ነው ሰው የሚመስለው በዛ ላይ ማስፈራቷ ወደ ጓዳ እስክትገባ ናፈቀ።
"ከዚህች ጋር እንዴት ትኖራለህ?" ብሎ ሊጠይቅ ሲል አንድ ነገር ትዝ አለው "በማያገባህ አትግባ" የሚለው ። ሆዱ መጠየቅ እየፈለገ ፍላጎቱን ተቋቁሞ አደረ ። ደግሞ ሌላ ፈተና የቤቱ ባለቤት ከመሄድህ በፊት የማሳይህ ነገር አለኝ ብሎ ወደ ጓሮ ወሰደውና የሰው አጽም የሞላበት ሜዳ አሳየው እንግዳውም "ይሄ ምንድ ነው?" ማለት ፈልጎ ነበር ግን በማያገባህ አትግባ ብሎ ራሱን እየነቀነቀ ዝም አለ ። የቤቱ ባለቤትም ተገርሞ "በእውነት አንተ የምትገርም ሰው ነህ፤ ይህ የምታየው ሰው ሁሉ ሰለ ሚስቴ የማያገባቸውን አሰተያየት ሰለሰጡ የተገደሉ ናቸው፤ እንዳንተ እዚህ ቤት በእንግድነት የመጡ ነበሩ።

29/01/2026

ጋዜጠኛ ቴዎድሮስ ተክለአረጋይ እንዳጋለጠው፣ ብዙዎች "ነጻነት ታዋቂ ነው፣ ገንዘብ አያጣም" ብለው የሚያስቡት ከእውነት የራቀ ነው። አሁን ላይ ቤተሰቦቹ በከፍተኛ ግራ መጋባት ውስጥ ይገኛሉ።
​ነጻነት በህይወት ዘመኑ ስራዎችን የሚሰራው በቃል እና በይሁንታ እንጂ በውል ስላልነበር፣ አሁን እሱ ሲያልፍ ማን ጋር ስንት እንዳለው፣ የትኛው ድርጅት ምን ያህል እንደሚቀረው ቤተሰቡ ማወቅ ተቸግሯል። ይባስ ብሎ የባንክ ሂሳቡ ታግዶ ስለነበር ገንዘብ የሚያዘዋውረው በወዳጆቹ አካውንት ነበር። እነዚያ ወዳጆቹስ ከቤተሰቡ ጋር ተሳስበዋል? የሚለው መልስ የለውም።
​ከሁሉም በላይ የሚያሳስበው ግን በአሜሪካ የሚማሩት የሦስቱ ልጆቹ ጉዳይ ነው። ለእነሱ ሲል ኪሱን ባዶ የሚያደርገው አባት ዛሬ የለም፤ የትምህርት ቤት ክፍያቸው እና የኑሮ ሁኔታቸው አጣብቂኝ ውስጥ ገብቷል።
​የልጆቹ እናት በዚህ ሳምንት ወደ አሜሪካ ትመለሳለች። ስለዚህ ነጻነት ላይ ገንዘብ ወይም ቃል ያለባችሁ ወዳጆች እና ድርጅቶች፣ ለህሊናችሁ ብላችሁ፣ ለነዚያ አባት ላጡ ልጆች ብላችሁ ያለባችሁን እንድታስረክቡ ቴዲ ተማጽኗል።
​ነጻነት ለኛ የኖረውን ያህል እኛም ለልጆቹ "አለን" እንበላቸው! ሰዓቱ አሁን ነው!

16/01/2026

የሀዘን ዜና፦ ተወዳጁ የኪነጥበብ ባለሙያ ነጻነት ወርቅነህ ከዚህ ዓለም በሞት ተለየ

በኢትዮጵያ የጥበብ ዓለም ውስጥ ስመጥር እና በሁላችንም ዘንድ እጅግ ተወዳጅ የነበረው ባለሙያ ነጻነት ወርቅነህ (ነፂ) ባደረበት ድንገተኛ ከዚህ ዓለም መለየቱን በከፍተኛ ሀዘን ሰምተናል።

ነፃነት ወርቅነህ በተለይም በኢቢኤስ (EBS) ቴሌቪዥን ለበርካታ ዓመታት የሚተላለፈው በብዙ ቤቶች ዘንድ በሚወደው የቤተሰብ ጨዋታ" ፕሮግራም አዘጋጅና አቅራቢነቱ ይታወቃል።

ከፕሮግራም አቅራቢነቱ ባሻገር፣ በበርካታ ፊልሞች ላይ ባሳየው ድንቅ የትወና ብቃቱ እና ልዩ በሆነው የሰው አክባሪነቱ በኢትዮጵያውያን ልብ ውስጥ ትልቅ ስፍራ ነበረው።

የሰው ልጅ ህይወት እንዲህ ናት፤ ትላንት ማታ "ቻው" ብሎ የተለየን ሰው፣ ዛሬ በቤቱ በዛው ላይመለስ ይሄዳል ብሎ ማን ይገምታል? ነፂ የኛ ምስኪን፣ ነፂ የኛ የዋህ... እንዲህ በድንገት መለየትህ መላውን የጥበብ ቤተሰብና አድናቂዎችህን በሀዘን ሰበር አድርጎናል።

ነፃነት ወርቅነህ ባለትዳርና የሦስት ልጆች አባት ነበር። ባበረከታቸው ስራዎችና በደግነቱ ሁልጊዜም በልባችን ሲታወስ ይኖራል።

ለባለቤቱ፣ ለልጆቹ፣ ለወዳጅ ዘመዶቹና ለመላው የጥበብ አፍቃሪዎች ፈጣሪ መጽናናትን እንዲሰጥልን እንመኛለን።

ነፍስህን በገነት ያኑራት!
ነፂ የኛ ምስኪን

15/01/2026

ዛሬ በሚሊዮኖች በሚቆጠሩ የአለም ህዝብ ፊት በቀጥታ እየተላለፈ በነበረው የአይሾው ስፒድ (IShowSpeed) ስርጭት ላይ የታየውና ብዙዎቻችንን ያስቆጣው ድርጊት በፍጹም ዝም ሊባል አይገባም። እንግዳን በክብር በመቀበል የምትታወቀውን ሀገር ስም በሚያጠፋ መልኩ፣ አንድን ቲሸርት በ6,000 ብር እንዲሁም አንድን ስካርፍ በ5,000 ብር ለስፒድ የሸጡት ግለሰቦች ያደረጉት ነገር እጅግ አሳፋሪ ነው።
​ይህ ድርጊት ንግድ ሳይሆን በቀን ብርሃን የሚፈጸም ዘረፋ ነው። ስፒድ በጉብኝቱ ወቅት የኢትዮጵያን ውብ ገጽታ እያስተዋወቀ ባለበት ሰዓት፣ ለጊዜያዊ ጥቅም ብለው እንዲህ አይነት ነውር የሚፈጽሙ አካላት የሀገርን ገፅታ ከማበላሸታቸውም በላይ በቱሪዝም ዘርፉ ላይ ትልቅ አሉታዊ ተፅዕኖ ይፈጥራሉ። እንግዳ ሲመጣ ዋጋ በመሰቀል የሚደረገው ብዝበዛ የኢትዮጵያዊነት መገለጫ አይደለም፤ ሊሆንም አይችልም!
​በዚህ አሳፋሪ ድርጊት የተሳተፉት ነጋዴዎች በአፋጣኝ ተለይተው በቁጥጥር ስር ሊውሉና ተገቢው እርምጃ ሊወሰድባቸው ይገባል። የሀገርን ስም በመሸጥ የሚገኝ ትርፍ የለም! ይህንን መሰል ተግባር በጋራ ልናወግዘውና ልናስተካክለው ይገባል።
​በነዚህ ስግብግብ ነጋዴዎች ላይ ምን አይነት እርምጃ ቢወሰድ ያስተምራል ትላላችሁ? ይህ ድርጊት ምን ያህል አናዶአችኋል?

11/01/2026

በአሁኑ ወቅት በአሜሪካ ግዛቶች የሚኖሩ ወጣት ኢትዮጵያውያን ለቀነኒ አዱኛ ፍትህ እንዲሰፍንና ቤተሰቦቿም መጽናናትን እንዲያገኙ ድምፃቸውን በከፍተኛ ሁኔታ በማሰማት ላይ ይገኛሉ። እነዚህ ወጣቶች በያዙት "A Call to Action: Justice for Keneni Adugna" የሚል መፈክር፣ የፍትህን አስፈላጊነት ለዓለም ከማሳወቃቸውም በላይ፣ ኢትዮጵያውያን የትም ቢሆኑ ለወገናቸው ደራሽና አለኝታ መሆናቸውን በድጋሚ መስክረዋል።
​ምንም እንኳን እንዲህ ያሉ የድጋፍ ሰልፎችና የአጋርነት መግለጫዎችን በሀገራችን ውስጥ በፈለግነው መልኩ ለማድረግ አስቸጋሪ ቢሆንም፣ በውጭ የሚኖሩ ወንድሞቻችንና እህቶቻችን የሁላችንንም ድምፅ ወክለው መቆማቸው ትልቅ ኩራትና ተስፋ የሚሰጥ ነው። ይህ የታየው አንድነትና ጽናት ፍትህ እንዲሰፍንና መሰል ግፎች በወገኖቻችን ላይ እንዳይደገሙ ትልቅ ስነ-ልቦናዊ ጫና የመፍጠር አቅም አለው። የኢትዮ ሊድ ቤተሰቦችም ይህንን አጋርነት በማድነቅ፣ ለቀነኒ ቤተሰቦችና ወዳጅ ዘመዶች በሙሉ ጽናቱን እንዲሰጥልን እንመኛለን። የፍትህ ጉዞው በድል እንዲጠናቀቅ ሁላችንም በጸሎትና በሃሳብ ከጎናቸው መሆናችንን እንገልጻለን።

07/01/2026

👍አሪፍ ጥንድ አየወጣቸውም....🤏

03/01/2026

በዚህ በአዲስ አበባ ከባድ ዝናብና ቅዝቃዜ ውስጥ፣ ሁሉም ሰው ራሱን ከዝናብ ለመከላከል በሚራወጥበት ሰዓት፣ ይህ ሰው ያደረገው ነገር የብዙዎችን ልብ ነክቷል። ታክሲ እየጠበቀ ሳለ፣ ከጎኑ በዝናብ የሚደበደብ አንድ ውሻ ተመለከተ። የውሻው መርጠብና ብርድ የፈጠረበትን ስቃይ የተረዳው ይህ ቅን ሰው፣ ለአፍታም አላመነታም።
​ራሱ በዝናብ እየራሰ፣ የያዛትን ጥላ ለውሻው አዘንብሎ ከዝናብ አስጠለለው። እራሱ እየቀዘቀዘ ለዚህ አፍ የሌለው ፍጡር ያሳየው ርህራሄ በእውነት ሰው መሆን ምን ማለት እንደሆነ በተግባር ያስተማረን ክስተት ነው። አብዛኛው ሰው ስለራሱ ምቾት ብቻ በሚጨነቅበት በዚህ ጊዜ፣ የራሱን ምቾት መስዋዕት አድርጎ ለእንስሳ ማዘን የንጹህ ልብ ምልክት ነው።
​ይህ ምስል የሰው ልጅ ርህራሄና ቅንነት አሁንም እንዳለ ህያው ምስክር ነው። ክብር ለዚህ በጎ ሰው ይሁን!