Mark markos

22/02/2026

11/12/2025

20/09/2025

Big shout out to my new rising fans! Senait Wolde

18/09/2025

የማይደፈር የመከላከያ ስርአት ተገንብቷል ! /እስራኤል /
‎
‎ባሳለፍነው የሰኔ ወር ከኢራን በተወነጨፉ ሚሳኤልና ሰዉ አልባ ድሮኖች ፈተናዎች የገጠሙት የእስራኤል መከላከያ ሚኒስቴር በአይነቱ ለየት ያለ አዲስ ፀረ ሚሳኤል የመከላከያ ስርአት ጥቅም ላይ ማዋሉ ተነገረ ።
‎
‎እስራኤል የረጂምና አጭር እርቀት ጥቃቶችን መከላከልና ማክሸፍ የሚችል ከፍተኛ ሃይል ያለው “አይረን ቢም” ተብሎ የሚጠራ የሌዘር መጥለፍያ ስርዓት ያለዉ መከላከያ በእስራኤል የመከላከያ ቴክኖሎጂ ኩባንያ በኩል ተሰርቶ የመጨረሻ ሙከራዎችን በማጠናቀቅ ወደስራ ለመግባት በዝግጅት ላይ እንደሚገኝ የመከላከያ ሚኒስቴር እና አምራቹ ራፋኤል ረቡዕ ገልፀዋል ።
‎
‎የመከላከያ ምርምር እና ልማት ዳይሬክቶሬሩ (ዲዲአር እና ዲ) ፣ የእስራኤል አየር ኃይል እና ራፋኤል የመከላከያ ኩባንያ “ከፍተኛ ኃይል ያለው የሌዘር ስርዓትን አቅም ለማሳየት ለበርካታ ሳምንታት የቆዩ ተከታታይ የተግባር ሙከራዎችን በተሳካ ሁኔታ ማጠናቀቁን ተናግረዋል ።
‎
‎በደቡብ እስራኤል ውስጥ በተደረገ ተከታታይ ሙከራዎች አይረን ቢም ሮኬቶችን፣ ሞርታር እና ሰው አልባ አውሮፕላኖችን መጥለፍንና ማክሸፍን ያካተተ ሙከራዎችን በብቃት ማለፍ በመቻሉ ለውትድርና አገልግሎት ለማዋል በብዛት ማምረት ተጀምሯል ብለዋል ።
‎
‎የእስራኤል መከላከያ ሚኒስቴር የመከላከያ ኢንተለጀንስ ኤጀንሲ፣ የእስራኤል አየር ሃይል እና የእስራኤል የመከላከያ ቴክኖሎጂ ኩባንያ ራፋኤል የኃይለኛውን የብረት ጨረር ሌዘር አቅም ለማረጋገጥ በIron Beam Laser Systems ላይ ሙሉ የአሠራር ውቅር ላይ ተከታታይ የላቁ የአሠራር ሙከራዎችን በተሳካ ሁኔታ አጠናቀዋል።የፕሮጀክቱ አጋር የእስራኤል ኩባንያ የሆነው ኤልቢት ሲስተምስ ተናግሯል ።
‎
‎ይህ አዲስ የመከላከያ ስርአት በእስራኤል መመረት መቻሉ ሀገሪቱ ለባትሪ ብቻ ቢሊዮን ዶላሮች ወጭ የሚጠይቁትን አሜሪካ ሰራሽ ስርአቶች ጥገኝነት እንድትላቀቅ ያስችላታል ሲሉ ጀሩሳሌም ፖስትና ዘሚዲሊስት የዜና አዉታሮች አስነብበዋል ።

18/09/2025

"ከአሁን በኋላ በወፍጮ ቤት ትኬት አዲስ አበባ ስታዲየም አይገባም"

የኢትዮጵያ ፕሪሚየር ሊግ አክሲዮን ማህበር የቦርድ ሰብሳቢመቶ አለቃ ፈቃደ ማሞ

ሰብሳቢው እንዳሉት በ2018 የፕሪሚየር ሊግ የውድድር ዓመት ተመልካቾች ወደ ስቴዲየም የሚገቡት በዲጂታል የትኬት ብቻ መሆኑን ተናግረዋል፡፡

ደጋፊዎች ትኬቱን ከጨዋታው በፊት አስቀድመው መግዛት እንዳለባቸው ተናግረዋል።

በስታዲየሙ የደህንነት ካሜራዎች እንደሚገጠሙ ተናግረው ይሄም ስፖርታዊ ጨዋነት የጎደለውን ድርጊት የሚፈፅሙ ሰዎችን ለማጋለጥ እንደሚረዳ ገልፀዋል ያለው ፊደል ፖስት ነው።

17/09/2025

ማንችስተር ዩናይትድ ክብረ ወሰን የሆነ ገቢ አገኘ
***********
ማንችስተር ዩናይትድ በተጠናቀቀው የውድድር ዓመት ክብረ ወሰን የሆነ 666.5 ሚሊዮን ፓውንድ ገቢ ማግኝቱ ይፋ ተደርጓል፡፡

ክለቡ ምንም እንኳን በውጤት ቀውስ ውስጥ ቢሆንም በገቢ ግን አሁንም በትልቅ ደረጃ ተቀምጧል፡፡

እንደ ዴሎት መረጃ ባለፈው ዓመት በሊጉ 15ኛ ደረጃን ይዞ ያጠናቀቀው ማንችስተር ዩናይትድ ዓለም ላይ በገቢ 4ኛ ደረጃ ላይ ይገኛል፡፡

ሪያል ማድሪድ በ883 ሚሊዮን ፓውንድ በቀዳሚነት ሲቀመጥ፣ ማንችስተር ሲቲ በ708 ሚሊዮን ፓውንድ 2ኛ ደረጃ ላይ ተቀምጧል፡፡ የአውሮፓ ሻምፒዮኑ ፒኤስጂ ደግሞ በ681 ሚሊዮን ፓውንድ 3ኛ ደረጃን ይዟል፡፡

17/09/2025

ከዚህ በኋላ ማንም ከሩሲያ ዘይት እንዳይገዛ !
/ትራምፕ/

የዩኤስ ፕሬዝዳንት ዶናልድ ትራምፕ አውሮፓውያን የሩስያ ዘይት ግዢን በአስቸኳይ እንዲያቆም ከባድ ማስጠንቀቂያ መስጠታቸው ተሰማ ።

ትራምፕ በዩናይትድ ኪንግደም ሊያደርጉት ከሚችለው ጉብኝት ቀደም ብሎ ለጋዜጠኞች በሰጡት መግለጫ የዩክሬኑ ፕሬዝዳንት ቮሎዲሚር ዘለንስኪ እየቀጠለ ያለውን ግጭት ለማስቆም “ስምምነት ሊያደርጉ ይገባል” ብለዋል።

ትራምፕ ለዩክሬን ከፍተኛ ድጋፍ ቢሰጡም የሩስያን ሃይል መግዛታቸውን በመቀጠላቸው በአውሮፓ ሀገራት ላይ ቅሬታቸውን አሰምተዋል ።

"ፑቲን የገቢ ምንጮቹን በሙሉ ስናደርቅበት ሄዶ ከዘለንስኪን ጋር ስምምነት ማድረጉ አይቀርም ሞስኮ በዩክሬን ውስጥ ለምታደርገው ግጭት የገንዘብ ምንጩ ዘይት ስለሆነ መላዉ አውሮፓም ከሩሲያ ዘይት መግዛቷን ማቆም አለባቸው ። ዛሬ ነገ ሳይሉ አሁኑኑ ከሩሲያ ዘይት መግዛት ማቆም አለባቸው" ብለዋል ትራምፕ።

እነዚህን ከውጭ የሚገቡ ምርቶችን እንዲያቆሙ በአውሮፓ እና በኔቶ ሀገራት ላይ ጫና እያሳደረ እንደሆነ ሲጠየቁ ትራምፕ ያለምንም ማቅማማት አቋማቸውን አረጋግጠዋል።

" ችግሩ የኔቶ አባላት ናቸዉ ዛሬም አዉሮፓዉያኑ የሩስያ ዘይት እየገዙ ነው. ከዚህ በኋላ ዘይት እንዲገዙ አልፈልግም, እና በአስቸኳይ ማቆም አለባቸው. ለኛ ፍትሃዊ አይደለም "ብለዋል.

ትራምፕ የሩስያ እና የዩክሬን ግጭት "መቼም ሊሆን የማይገባው ጦርነት" ሲሉ ገልፀው በግጭቱ ውስጥ በተሳተፉት የሁለቱም ሀገራት መሪዎች መካከል ያለው ስር የሰደደ ጥላቻ ነው። ብለዋል ።

"አገሪቱ ችግር ላይ ነች። ግን እንዲቆም አደርገዋለሁ። በስምንት ወራት ውስጥ ሰባት ጦርነቶችን አቁሜያለሁ። በጣም ቀላል ይሆናል ብዬ አስቤ ነበር፣ ግን አይደለም፣ በዜለንስኪ እና ፑቲን መካከል ከፍተኛ ጥላቻ አለ። እኛ ግን ልንፈታዉ ነው" ሲል አስረግጦ ተናግሯል።

ትራምፕ ለጋዜጠኞች ሲናገሩ "እነሱ ስራውን እየሰሩ አይደለም፣ ኔቶ መሰባሰብ አለበት፣ አውሮፓ መሰባሰብ አለባት። አውሮፓ ወዳጄ ናት፣ አውሮፓ ግን ከሩሲያ ነዳጅ እየገዛች ነው። ነዳጅ እንዲገዙ አልፈልግም። እና እየጣሉ ያሉት ማዕቀብ በቂ አይደለም፣ እና ማዕቀብ ለመፈጸም ፍቃደኛ ነኝ፣ ነገር ግን የእነርሱን ጥቃት የሚያባብሱትን እርምጃዎች በጥብቅ መከተል አለባቸው" ብለዋል።

በቅርቡ ትራምፕ “ሁሉም የኔቶ አገሮች ተመሳሳይ ነገር ለማድረግ ሲስማሙ እና ሲጀምሩ እና ሁሉም የኔቶ ሀገራት ከሩሲያ ዘይት መግዛት ሲያቆሙ በሩሲያ ላይ ትልቅ ማዕቀብ ለመጣል ዝግጁ ነኝ” በማለት ለኔቶ ሀገራት ደብዳቤ መፃፋቸው ይታወሳል ሲል የዘገበው ሞስኮ ታይምስ ነዉ ።