15/02/2026
🔴سافرت معايا يومين بإرادتها وباعت تليفونها علشان نصرف.. مفاجآت في أقوال إسلام ضحية واقعة بدلة الرقص أمام النيابة
في تحقيقات النيابة، إسلام قال إن البنت طلبت منه يعمل لها جلسة تصوير بمناسبة خطوبتها، ولما قابلها عند الكوافير، قالت له إنها بتحبه من سنة ونص ومش مرتاحة في خطوبتها بسبب فرق السن بينها وبين خطيبها.
🔷وبحسب كلامه، قالت له إنها مش عايزة ترجع البيت غير بعد يوم الخطوبة، وإنها عايزة تهرب ومش عايزاه يسبها.
إسلام قال إنهم قعدوا في كافيه من الساعة 5 مساءً، وبعدها راحوا مكان تاني لحد الساعة 1 بعد منتصف الليل، وبعد كده سافروا إسكندرية وقعدوا هناك يوم كامل، يعني كانت بعيدة عن أهلها حوالي يومين.
🔶وأضاف إنه بعد الرجوع، ما وصلهاش لأهلها بنفسه خوفًا من رد فعلهم، وخلى أخته هي اللي توصلها.
وخلال التحقيقات، البنت أكدت إنها كانت معاه بإرادتها وبرأته من تهمة الخطف، لكنه قال إنه ماكنش يعرف إنها بتحبه قبل كده، وإن علاقتهم كانت سطحية ومفيش بينهم تواصل قوي.
محمود كرم Mahmoud Karam
