12/05/2016
المعتاد في مجال التصوير ..... إنه نصور أفراح , خطوبة , حفلات , معسكرات , مولود جديد , وكمان حفلات تخرج من الجامعة بيتعاقد عليها إما الطلبة بنفسهم أو إدارة الجامعة . وده تقريبا مش موجود إلا في الجامعات الخاصة ونادرا ............... .
كل ده كلام سليم وجميل ............ لكن الغريب كمصوره ... استقبلت اتصال من صديقة عزيزة على قلبي جدا ..... بتطلب مني أجهزلها أفكار جديدة لجلسة تصوير .... أبطالها : هي مع طلاب دفعة 2016 كلية العلوم – جامعة عين شمس ....
لحظة كده ( بدون تعليق ) .!!!!!
استغربت الموضوع في الأول ........... مع العلم أنه صديقتي تبقى أستاذ دكتور لأحد المواد الصعبة جدا في قسم النباتات بكلية العلوم – جامعة عين شمس . وأول ماتنتهي من قراءة الجملة الحالية على طول يتبادر في ذهن كل واحد منا ...... شكل العلاقة اللي كانت بينه كطالب وبين الدكاتره اللي مرت عليه طوال فترة الدراسة .....................؟؟؟؟؟؟!!!!!!!!!!!!
ما علينا ....... نرجع تاني لموضوعنا ........... الدكتورة الجميلة اللي بتكلم عنها ......... هي دكتورة قلوب ............
من الآخر كده ........... دكتورة من عالم تاني .......... حتى فخامة الاسم تدل على قدر ورفعة الانسان المسمى به .....
هي الدكتورة الصفا حسن الشريف ......
لو تعرفوا كانت بتحكيلي وبتتكلم عنكوا إزاي ............؟؟؟؟!!!!! يا سنه رابعه علوم .... جامعة عين شمس ...... دفعة 2016 ........
من كتر قصايد الشعر اللي سمعتها منها عنكم ......... ومن مواقفكم الجدعة معاها طول مدة الأربع سنوات ....... خلتني أرسم صوركم من قبل ما أصوركم أو حتى ألتقي بيكم .......!!!!!!!!
في كل كلامها عنكم كانت دايما بتذكر إنه ربنا كرمها بيكم ....... وكان ليها حق الإمتياز إنها درستكم طول مدة الأربع سنوات ........... في المقابل كان ليكم انتوا كمان حق التميز بدكتورة ....... في سمو قدرها الأخلاقي والعلمي ...... وصفاء روحها الكريمة ................ بفتخر انها صديقتي فعلا ....... يا بختكم بيها ....... كانت معاكم خطوة بخطوة في الكلية ........ بالنسبة ليها كنتم ولادها ................. إللي وجهتهم وعلمتهم من KG1 سنة أولى جامعة لغاية لما وقفتوا على رجليكم في التخرج بعد سنة رابعة وكل واحد يختار طريقه .......
كانت عارفة كويس إنه دي سنة الحياة ........ فكرت كتير في التذكار اللي كان نفسها تهاديكم بيه ......... وهنا كانت المفاجأة ............
اختارتني عشان أساعدها في تصوير ألبوم صور يسجل كل تفصيله وكل ملمح وكل ضحكة فيكوا يا سنه رابعة ....... شوفتوا انتوا غاليين قد ايه عليها ........؟؟؟؟!!!!
وبدأنا نرتب .... ونفكر ..... ونستعد ..... ليوم كان أكتر من رائع فعلا ..... يوم 6\4\2016 ........الساعه 12 الظهر ................... اتقابلت فيه انا وصديقتي العزيزة دكتور صفا ...... وقتها كنا متخيلين انه موضوع التصوير مش هياخد اكتر من ساعه بالكتير ........... عرفتني على جامعة عين شمس ده أولا ..... وثانيا في محاولة منها تشاركني الجولة في تفقد أجزاء كلية العلوم وعرفتني من خلالها على الأقسام والمدرجات...... وأجمل مناطق ممكن نتصور فيها ...... وفي وسط ده كله ......كانت بتسلم على كل طالب وطالبة كانوا بيجروا عليها جري لمجرد حرصهم انه يسلموا عليها ...... لهفة حب وود مش طبيعية بتنط من عيونهم ليكي ده دليل على مدى مكانتك في قلوبهم يا دكتورتنا الجميلة ........
لحظات كنا في قلب المدرج ...... اذ فجاة دكتور صفا بنفسها بترتب مكان التصوير ..... وتستبعد شنطكوا ياحلوين .....وتجمعكوا وترتبكوا عشان الصورة تطلع ايه ؟؟؟؟؟؟................................!!!!!! بالنسبة ليه مش هقول صورة حلوة ............................
هقول : ملخص لذكرى جميلة بين دكتورة وطلابها في كلية العلوم – جامعة عين شمس ......... يابختكوا ببعض ..... اللهم لا حسد ......
كنت فاكرة اني بطلع الصور حلوة ...... لكن المرة دي علمتوني أنه اي حد غيري كان هيطلع صوركوا حلوة ..... و ده سر كتابتي للموضوع ولقصة اليوم اللي استمتعت فيه معاكم ....... بتمنالكم التوفيق في حياتكم العلمية والعملية .................................... . . .
طلاب كلية العلوم – جامعة عين شمس – دفعة 2016 .................
وشكر خاص جدا لصديقتي العزيزة والجميلة د/ صفا حسن الشريف .............
https://www.facebook.com/Frames-Studios-361608857346172/
