Sarah Rnd

Call Website

Sarah Rnd My official page | صفحتي الوحيدة والرسمية
(4)

خليكِ سودانية جنوبية بت الأصول 🇸🇸❤️🇸🇩خليك سمحة بطريقتك ما بلونك!خليك فخورة بسُمرة بشرتك، دي ما عيب دي هوية وجمال وأصالة ...
08/10/2026

خليكِ سودانية جنوبية بت الأصول 🇸🇸❤️🇸🇩
خليك سمحة بطريقتك ما بلونك!
خليك فخورة بسُمرة بشرتك، دي ما عيب دي هوية وجمال وأصالة ✊🏾
ما تمشي تلهثي ورا كريمات التفتيح والخلطات البتأذي الجلد وتكسر الثقة
القروش البتضييعيها في كيميا دي، استثمريها في نفسك، في طموحك، في مستقبلك!

يا أختي، البياض ما معيار جمال، ولا الغربة معيار رقي،
البت الراقية هي الواقفـة بثقة، العارفة قيمتها، البتحترم نفسها وتعتز بأصلها 💪🏾

خلي الدنيا تعرف إنو السُمرة فخامة، والأصالة عنوان
وخليك دايمًا "بت الأصول" لأن الأصل ما بتغير، حتى لو اتغيّرت الموضة🌹

فخورة اني سودانيه جنوبية🇸🇩❤️🇸🇸

#البنات #السودان #ترند

في 2020 طلبت من رينقو حاجة…قال لي بكل ثقة بكرة بجيبها ليك. 😅جاء بكرة رينقو اختفى وتلفونه مقفول.قلت يمكن ظروف يمكن مشغول…...
08/10/2026

في 2020 طلبت من رينقو حاجة…
قال لي بكل ثقة بكرة بجيبها ليك. 😅

جاء بكرة رينقو اختفى وتلفونه مقفول.
قلت يمكن ظروف يمكن مشغول…

مرّ يوم يومين أسبوع كامل! 😂

وأخيراً فتح تلفونه فاتصلت عليه مباشرة وقلت له:
يا رينقو وين الهدية؟

قال لي بكل برود:
والله كنت مريض والقروش الكنت ناوي أشتري بيها الحاجة صرفتها في العلاج 😂💔

وطبعاً كلامه ده كان سواقة بخلاء بس 😂

لكن بصراحة
بعد فترة رينقو فاجأني بحاجة جميلة جداً من غير ما أطلبها منه ولا حتى ألمّح له
والحاجة دي فرحتني أكثر من أي شيء كنت ممكن أطلبه بنفسي. ❤️

ومن يومها اتعلمت حاجة مهمة:
ما كل حاجة لازم نطلبها وما كل شخص لازم نضغط عليه عشان يثبت اهتمامه.

عشان كده يا بنات، ما تحوّلوا الحب إلى قائمة طلبات واختبارات! 😅
الشخص البحبك وبقدّرك فعلاً حيحاول يفرحك بطريقتو، وفي الوقت البناسبو، ومن غير ما تحسسيه إنو لازم يثبت حبو كل يوم بحاجة جديدة.

وأحياناً… أجمل هدية هي الحاجة البتجيك من غير ما تطلبيها أصلاً. ❤️

وأتمنى تكون وصلت 🤝

✍️: سارة راند

#الحب #البنات #ترند

لو ما قادر تكمل معاها ما تديها أمل وما ترسم ليها مستقبل وإنت من البداية عارف إنك ما حتكمل.لأنو في بنت ممكن تسمع كلامك وت...
08/10/2026

لو ما قادر تكمل معاها ما تديها أمل وما ترسم ليها مستقبل وإنت من البداية عارف إنك ما حتكمل.

لأنو في بنت ممكن تسمع كلامك وتبني على وعودك حلم كامل
وإنت بالنسبة ليك كان مجرد كلام.

لكن تختفي فجأة بعد كل الوعود دي؟
تحظرها تقفل تلفونك وتتدس!!

والله يا أخونا ده ما شغل رجال.

خليك راجل وكمل رجولتك للآخر.
قول الحقيقة حتى لو كانت موجعة.

لأنو المواجهة شجاعة
أما الاختفاء بعد الوعود، ده شغل أشباه رجال.

وإن شاء الله تكون وصلت الرسالة
يا أشباه الرجال.👀

✍️ سارة راند

#الحب #العلاقات #ترند

في فترة من حياتي كنت فاكر إنو لما نحب زول بجد لازم نتمسك بيهو لآخر لحظة.كنت فاكر إنو البُعد معناه إننا نحاول أكتروالخلاف...
08/10/2026

في فترة من حياتي كنت فاكر إنو لما نحب زول بجد لازم نتمسك بيهو لآخر لحظة.

كنت فاكر إنو البُعد معناه إننا نحاول أكتر
والخلاف معناه نصبر أكتر
وإنو الشخص البتحبو، مهما حصل، لازم تفضل فاتح ليهو الباب.

لكن مع الوقت فهمت حاجة ما كنت عايز أصدقها:

أحياناً التمسك ما بيكون حب… بيكون خوف من الخسارة.

وأحياناً بنقعد نحارب عشان علاقة انتهت من زمان، بس لأننا ما قادرين نعترف إنو نهايتها حصلت.

والأصعب؟

إنك ممكن تحب زول جداً…
لكن الزول ده ما يكون قادر يحبك بالطريقة البتستاهلها.

ودي الحقيقة البتوجع.

عشان كده، لو إنتِ بنت مريتي بتجربة خلتك تشكي في نفسك، أو تسألي:

أنا قصرت في شنو؟"
ليه اختار يبعد؟"
هل كان ممكن أعمل حاجة تخليه يتمسك بي؟"
يمكن لو رجع أديه فرصة؟"

عايزاك تسمعي الكلام ده كويس:

ما تربطي قيمتك بقرار شخص تاني.

لو زول اختار يبعد، ده قرارو.

لكن ما تخلي قرارو يتحول إلى حكم على قيمتك.

ما تقعدي تستني رسالة.
ما توقفي حياتك عشان احتمال رجوع.
ما تفضلي تراقبي أخباره وتحاولي تعرفي إذا ندم ولا لأ.

وأهم حاجة ما تحاولي تثبتي لزول إنو خسر شخص كويس.

عيشي حياتك عشانك إنتِ، ما عشان يوم يرجع ويشوفك نجحتي.

لأنو بصراحة؟

لو كل نجاحك بقى مجرد رسالة غير مباشرة لحبيبك السابق… فأنتِ لسه عايشة حياتك عشانو، حتى لو ما رجع.

وأنا ما بقول ليك اكرهيهو.
ولا بقول ليك مستحيل ترجعيهو.
ولا بقول إنو كل شخص مشى لازم يتشال من الذاكرة.

أنا بقول:

ما تخسري نفسك عشان تحافظي على شخص.

ولو رجع يوم…

ما تسألي نفسك أول حاجة:
هو لسه بحبني؟"

اسألي:

هل الشخص ده اتغير فعلاً؟ وهل العلاقة دي المرة دي حتديني الأمان والاحترام البستاهلهم؟"

لأنو الرجوع لوحدو ما دليل على الحب.

والندم ما دليل على التغيير.

في ناس بترجع لأنها افتقدتك…
وفي ناس بترجع لأنها ما لقت البديل…
وفي ناس بترجع لأنها أخيراً فهمت قيمتك.

والفرق بينهم؟

الأفعال. ما الكلام.

وعشان كده، للبنت البتمر بنفس التجربة:

ابكي لو محتاجة تبكي.
اتوجعي لو موجوعة.
خدي وقتك.

لكن ما توقفي حياتك.

اشتغلي.
اتعلمي.
اهتمي بنفسك.
حققي أحلامك.
وابني حياة ما تكون معلقة على وجود شخص أو غيابو.

لأنو يمكن الفراق البتفتكريهو اليوم أكبر خسارة في حياتك

يطلع بعد سنين أعظم إنقاذ حصل ليك.

وأنا شخصياً بقيت مؤمن بحاجة:

ما كل زول بنحبو مكتوب لينا نكمل معاه… وأحياناً نهاية العلاقة ما بتكون نهاية الحب بس، بتكون بداية احترامك لنفسك.

واتمنى تكون وصلت يا بنات

لكن خلوني أسألكم سؤال بصراحة يا بنات وعايز إجابات حقيقية:

لو الشخص البتحبيه تركك وبعد فترة رجع وقال ليك عرفت قيمتك وغلطت في حقك
هل بتديه فرصة تانية؟
ولا في حاجات لما تنكسر حتى لو اتصلحت ما بترجع زي الأول؟

خلونا نتكلم بصراحة من غير مثالية ومن غير مجاملات.

✍️ سارة راند

#الحب #العلاقات #البنات #الرجوع #كرامة #السودان #ترند

إنتِ سودانية؟🇸🇩❤️🇸🇸ليه بتحاولي تغيّري لونك الطبيعي عشان تبقي أجمل؟!ده منو قال إن البشرة الفاتحة هي تعريف الجمال؟وده منو ...
07/10/2026

إنتِ سودانية؟🇸🇩❤️🇸🇸
ليه بتحاولي تغيّري لونك الطبيعي عشان تبقي أجمل؟!

ده منو قال إن البشرة الفاتحة هي تعريف الجمال؟
وده منو قال إن لونك الطبيعي محتاج تعديل عشان تكوني مقبولة؟

لونك ما عيب لونك جزء من هويتك! ❤️

الناس في العالم ألوانهم مختلفة وكل واحد فيهم بفتخر باللون اللي ربنا خلقه بيه.

طيب إنتِ ليه ما تفتخري بلونك؟

خلي الناس لما تشوفك تقول:
دي سودانية!" 🇸🇩
أو
دي جنوب سودانية!" 🇸🇸

ما لانو لون معين أحسن من لون تاني
لكن لأن هويتك ما حاجة لازم تخجلي منها.

والأهم من كل ده: ما تستخدمي كريمات أو خلطات ما عارفة جاية من وين عشان تغيّري لون بشرتك لانو بعد مرات ممكن تعرّضي صحتك للخطر.

والجمال ما إنك تشبهي غيرك الجمال إنك تكوني فخورة بنفسك فخورة بجمال الرباني فخورة انك سودانية 🇸🇸❤️🇸🇩 حافظي على نفسك يا بت امي لانك غالية يا ست البنات

أتمنى تكون الرسالة وصلت 🤝❤️

✍️: سارة راند

#الحب #البنات #السودان #ترند

لو إنتِ بتستغلي الراجل عشان قروشو، ما تفتكري إنك ذكية ولا كسبانة… إنتِ ممكن تكوني بتخسري حاجة أغلى من القروش ذاتها.القرو...
07/10/2026

لو إنتِ بتستغلي الراجل عشان قروشو، ما تفتكري إنك ذكية ولا كسبانة… إنتِ ممكن تكوني بتخسري حاجة أغلى من القروش ذاتها.

القروش البتاخديها من زول ممكن تتصرف في يوم، والراجل ممكن يخسرها ويشتغل ويعمل غيرها من جديد.

لكن إنتِ لو بعتي مبادئك عشان المال، الخسارة ما بتكون في القروش بس. ممكن تخسري احترام الناس، ثقتهم، وسمعتك.

ما تخلي الطمع أو الاحتياج يخليك تقبلي حاجة تقلل من قيمتك ولا تخلي المال يخليك تنسي أصلك ومبادئك.

كوني بت أصول واعرفي إن قيمتك ما بتتقاس بكمية القروش البتقدري تاخديها من زول.

القروش بتتعوض لكن الكرامة والسمعة والثقة لو اتكسروا، ما ساهل يرجعوا زي الأول.

والكلام ده ما للبنات بس. لأي زول بيستغل غيره عشان المال

وأتمنى تكون وصلت 🤝

✍️: سارة راند

#المال #السودان #ترند

البنت مكانها المطبخ؟!لسه في ناس شايفين إن البنت أو المرة ما عندها دور غير المطبخ وتربية الأطفال… وإن أحلامها لازم تنتهي ...
06/10/2026

البنت مكانها المطبخ؟!
لسه في ناس شايفين إن البنت أو المرة ما عندها دور غير المطبخ وتربية الأطفال… وإن أحلامها لازم تنتهي أول ما تتزوج.

لكن بصراحة
المرة قادرة تعمل حاجات كتيرة جدًا، وقادرة تنجح وتثبت نفسها وتتفوق في مجالات كتيرة، من غير ما نقلل من قيمة الرجل أو مكانتو في المجتمع.

المشكلة ما في قدرات البنت…
المشكلة في الفرصة البتتديها ليها.

في مجتمعنا في السودان وجنوب السودان، لسه في بنات بتتزوج وهي صغيرة عشان القروش، أو عشان أهلها شايفين إن التعليم ما عندو فايدة للبنت.

لكن
ليه ما نديها فرصة تتعلم أول؟
ليه ما نشجعها تحقق حلمها؟
ليه نختار ليها مستقبلها قبل ما هي تختارو؟

أدّوا بناتكم فرصة يكملوا تعليمهم.
أدّوهم فرصة يجربوا، يفشلوا، يقوموا تاني، ويتعلموا ويثبتوا نفسهم.

البنت ما مشروع زواج وبس.
البنت إنسانة عندها عقل، وطموح، وأحلام، وقدرات ممكن تغيّر حياتها وحياة أهلها.

ولو اتزوجت؟
برضو ما معناها إن أحلامها انتهت.

الزواج ما مفروض يكون نهاية الطموح.
والمطبخ ما مفروض يكون السجن البتنتهي فيهو أحلام المرأة.

أنتِ يا بت…
ما اتخلقتي عشان تكوني "مطبخ وبس".

إنتِ قادرة تتعلمي، تشتغلي، تنجحي، تبدعي، وتوصلي للمكان البتحلمي بيهو.

فـ استمري يا بنت، وما تخلي كلام الناس يحدد سقف أحلامك.

وأهلنا وأمهاتنا وآباءنا…

شجعوا بناتكم بدل ما تكسروا أجنحتهن.
أدّوهن فرصة… يمكن البنت البتفتكروا مستقبلها "زواج وبس"، تكون هي ذاتها سبب في تغيير مستقبل أسرة كاملة.

البنت قادرة تعمل أكتر مما إنتو متخيلين… بس أدّوها الفرصة.

✍️: سارة راند

#الاب #الرجل #ترند

لمن نتكلم عن الرجولة الحقيقية، في زول غالباً بننساه رغم إنو واقف في الصف الأول الأب.الأم طبعاً هي روح البيت؛ بتتعب، بتسا...
06/10/2026

لمن نتكلم عن الرجولة الحقيقية، في زول غالباً بننساه رغم إنو واقف في الصف الأول الأب.

الأم طبعاً هي روح البيت؛ بتتعب، بتساهر، وبتعمل المستحيل عشان أولادها يكونوا بخير… لكن الأب برضو عندو معركة ما كل الناس شايفاها.

الأب هو سند الأسرة ووقوده
الزول البطلع من البيت الصباح، ويمكن يرجع آخر الليل، بس عشان يضمن إنو أولادو ما ناقصهم شيء.

بشتغل ليل ونهار…
بتعب عشان يوفر رسوم المدارس…
بشيل هم الإيجار والمصاريف…
وبتحمل ضغوط الحياة كلها، وفي النهاية يرجع البيت ويحاول يبتسم كأنو الدنيا ما عملت فيهو حاجة.

الأب ممكن يبكي… لكن غالباً بيمسح دمعتو قبل ما أولادو يشوفوها.

ممكن يكون مكسور من جوة، مضغوط، تعبان، ومليان هموم… لكن قدام الأسرة بقول: "أنا تمام."

ولمن الأب يضايق أو يرفع صوتو في البيت، مرات الناس بتشوف الغضب وما بتشوف الحمل الشايلو وراه.
لأنو الأب ما بس أب…
الأب معلم، ومربي، وسند، وحامي، ومصدر أمان.
هو الزول البزرع في أولادو القوة، وبيعلم بناتو وأولادو معنى المسؤولية، وبيحاول بكل ما عندو إنهم يعيشوا حياة أحسن من الحياة العاشها هو.

يمكن أولادو ما يعرفوا قيمة التعب البتعبو أبوهم هسي
لكن الزمن كفيل يخليهم يفهموا إنو في حاجات كتيرة كانوا شايفنها عادية، كانت وراها تضحيات ما عادية أبداً.

عشان كدا… كل التحية والتقدير لكل أب شايل هم أسرتو في صمت.
كل الاحترام لكل أب ضحى من راحة بالو عشان أولادو يرتاحوا.
شكراً لكل أب تعب وما اشتكى سهر وما اتكلم… واتحمل عشان أسرته.
دي الرجولة الحقيقية…
إنك تكون سند، حتى في اللحظة البتكون إنت ذاتك محتاج فيها زول يسندك. ❤️
شكراً لكل أب…
شكراً لكل بطل واقف ورا أسرة كاملة.

✍️: سارة راند

#الاب #الرجل #ترند

أقوى إنسانة ممكن تقابلها في حياتك هي الأم❤️أمهاتنا ما بس ربونا أمهاتنا علّمونا كيف نعيش الحياة.علّمونا الصبر لما الظروف ...
05/10/2026

أقوى إنسانة ممكن تقابلها في حياتك هي الأم❤️

أمهاتنا ما بس ربونا أمهاتنا علّمونا كيف نعيش الحياة.

علّمونا الصبر لما الظروف تكون أقسى من قدرتنا، وعلّمونا كيف نقيف بعد كل وقعة، وكيف نتحمل المسؤولية حتى ونحن تعبانين وما عندنا زول يسندنا.

كم أم سهرت الليالي عشان أولادها وبناتها، وكم أم قاتلت أصعب الظروف وهي ساكتة، وكم أم شالت مسؤولية بيت كامل وما انتظرت من زول كلمة شكر!

يمكن نحن كبرنا ونسينا تفاصيل كتيرة لكن الحقيقة البسيطة هي: لو ما تعب أمهاتنا، كان نحن ما وصلنا للمكان البقينا فيه اليوم.

شكراً لكل أم صبرت ❤️
شكراً لكل أم ضحّت
شكراً لكل أم كانت قوية عشان أولادها، حتى وهي من الداخل محتاجة زول يقويها.

أمهاتنا ما محتاجات تماثيل ولا كلام كبير محتاجات بس نحس بيهم ونقول ليهم: نحن فخورين بيكم.

ربنا يحفظ كل أم، ويطوّل في أعماركم، ويدّيكم الصحة والعافية. ❤️🙏

ولو أمك لسه موجودة أمشِ قول ليها أنا فخور بيك. يمكن الكلمة دي عندها أغلى من أي حاجة.

✍️: سارة راند

#الام #الحب #ترند

يا جيل الفينات إنتو متأكدين فاهمين معنى الرجولة؟ ولا الرجولة عندكم بقت مجرد كلام ووعود وشمارات في النت؟! 😂🤣يا جماعة بالل...
05/10/2026

يا جيل الفينات إنتو متأكدين فاهمين معنى الرجولة؟ ولا الرجولة عندكم بقت مجرد كلام ووعود وشمارات في النت؟! 😂🤣

يا جماعة بالله خلونا نتكلم بجد شوية لأنو الحاصل ده بقى عجيب عديل! 🤣

الزول في جيل الفينات تلقاهو داخل ينافس البنات في كل حاجة وأي حاجة تعملها البت يقوم يعملها هو ذاتو وأحسن منها! 😂😂

لكن تعالوا شوفوا المصيبة الكبيرة في العلاقات! 👀

واحد يجيك واقع في الحب وكلامو كلو وعود، ويقول ليك إنتِ غير كل البنات وإنتِ الحب الحقيقي ومستحيل ألقى زيك وتاني يوم تلقاهو فاتح خط جديد مع بت تانية! 🤣🤣

ياخي إنت كنت بتحب ولا كنت فاتح مشروع توزيع مشاعر؟! 😂😂

والأعجب من ده كلو لمن البت تفهم اللعبة وتقوم منو بدل ما يراجع نفسو ويعترف بغلطو، تلقاهو جاري النت يشتم فيها ويعمل فيها الضحية المسكينة! 🤦‍♀️🤣

ياااخ دي رجولة ولا بطولة في مسلسل هندي؟! 😂

المهم يا شباب جيل الفينات،
إنتو فعلًا فاهمين معنى الرجولة غلط ولا نحن البنات، ولا الزمن ده بقى زمن الكلام الكتير والمواقف القليلة؟! 😂

والبنات تعالوا ورونا تجاربكم وكان بقول لكي شنو عليك الله 🤣🤣

✍️ سارة راند

#الرجولة #السودان #ترند

Address

Juba

Telephone

+249907416041

Website

Alerts

Be the first to know and let us send you an email when Sarah Rnd posts news and promotions. Your email address will not be used for any other purpose, and you can unsubscribe at any time.

Shortcuts

Share