05/09/2023
مساء الخير ⛔⛔⛔⛔
يمكن الكلام اللي هقوله ده مش هيفرق معاكوا كتير .
بس هو فرق معايا اوي علشان بعديه اخدت شويه قرارات غيرت من حياتي .
في شهر من شهور السيزون كان معايا اوردرات كتير و شغل كتير و شغل بينزل علي السوشيال ميديا و دعايا بقي كتير بالصور اللي كنت بصورها و بنزلها بس زي ما انا اشتغلت الشهر ده الحمدالله في نفس ذات الشهر انا صرفت كل فلوس الاوردرات دي علي الدكاتره و الاشاعات و التحاليل الحمدلله علي كل شي بس انا مكنتش فاهمه رساله ربنا ليا أن الطريق اللي انا ماشيه فيه ده غلط و اللي انا بعمله ده غلط و نزل عقابه عليا في نفس الشهر بس انا مكنتش واخده بالي غير لما قررت أن انا ابحث في الموضوع ده لان كان الهدف من الشغل ده أن انا اعمل حاجه انا بحبها مش اغضب ربنا خالص .
و اكتشفت أن كل اللي انا فيه ده حرام ف حرام من اختلاط من اغاني بتبقي موجوده في المناسبه اللي انا بصورها من الصور اللي بنزلها علي البيدج و كميه كبيره من الناس بتشوف الصور دي والله اعلم بالنوايا بعض الناس اللي بتشوفها وانا كل ده اللي باخد الذنب علشان انا السبب في الصور اللي اتصورت و كمان اللي نزلتها .
الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ.
❌❌❌❌انا قررت أن انا مش هصور افراح ولا خطوبه ولا كابلز ولا اعياد ميلاد
✅✅✅انا هصور اطفال بس بعد ما عرفت انها مش حرام
(احنا جايين الدنيا دي علشان نصلح لا نفسد )
