EL-Bassem

EL-Bassem خلينا نرتقي بعقولنا ونسمو بأفكارنا في ظل التحديات اللي عايشنها عشان نعيش حياه براحه بال من غير مشاكل ولا خلاف مع احتماليه الاختلاف

23/11/2024

لازم تفهم ان مش كل غالي عليك .. انت غالي عليه 😉

10/11/2024

لو ٢٤ ساعه بتقولي بحبك ..
يكفيني منهم ساعه واحده فعل مش كلام 😉🤣

25/10/2024

😳

مقوله قالها فرعون من قبل الالاف السنين مع العلم انه بشر ولكن سولت له نفسه و طاوعه غروره و كبره ليُنصب نفسه حاكم وقاض بل واله 🫣

فهناك ممن نحاورهم ونتعامل معهم في تلك الحياه من ينصبوا انفسهم قضاه وحكام تجاه افعالنا واقوالنا وكأنهم وبمنتهى التعالي والكبر يلقونها بجبهاتنا وناصيتنا .. انا ربكم الاعلى 😳

هناك ممن يدعون الفضيله و الحكمه وحسن القول والفعل ولكن حقيقتهم يقولون مالا يفعلون..

ادعاء كاذب لصفات ليست فيهم واخلاق ليست بالقريبه من حياتهم ومكارم قد تلاشت من معاجمهم .. وهذا هو عين النفاق ..

الدين النصيحة ..نعم ولكن سانصت لكل نصيحه وبكل اهتمام ولكن عندما اؤمن بان ما تقوله ما تفعله ،وعندما اثق بان ما بقلبك تفسيره بلسانك..

لا احد يحق له ان ينصب نفسه قاض او حاكم او اله لتصرفاتي او وافعالي لست ربي ولا نبيي ولا ابي ..

خلقني الله عبدا له وحده حرا في تلك الحياه وميزني بعقلي وسخر لي الكون باكمله لافرق الخبيث من الطيب...

ليس عليك الا النصيحه وبأرفع درجات الرقي والاخلاق غير ذلك .. لا شئ..

انا ربكم الاعلي قالها فرعون وكانت نهايته مأساويه فلا رب غير الله ونحن عبيده ولا نركع ولا نخضع لغير الله وحده قولا وفعلا وفكرا .. 💪🤲

21/10/2024

قد يكمُن الخير في الشر 😌

أعظم خطة إنسحاب ف حياتك وقت ما تحس انك بتخوض معركة خسرانه !!!الوقت اللي هتحس ان المعركه اللي بتحارب فيها خسرانه استسلم و...
02/10/2024

أعظم خطة إنسحاب ف حياتك وقت ما تحس انك بتخوض معركة خسرانه !!!

الوقت اللي هتحس ان المعركه اللي بتحارب فيها خسرانه استسلم وانسحب منها لان خسائر استمرارك ف المعركه دي ماهو الا استنزاف لكل طاقتك ع الفاضي ..

الحياه حرب كبيره تبدأ ببداية عمرك ونهايتها بنهاية عمرك و وطول عمرك انت بتخوض ف معارك كتير فيها المكسب وفيها خساره بس كارثه لو ادركت انك دخلت معركه وانت عارف انها خسرانه ومكمل صدقني " الدم هيبقا للركب "

سلامك النفسي صدقني اهم .. لا الحياه بتقف ع حد ولا عشان حاجه .. المعركة الوحيده الكسبانة ف حياتك هي معركتك لتحقيق ذاتك و نجاحك وحفاظك ع سلامك النفسي غير كده كله قابل للخساره او المكسب .. 💪

انسحابك مش ضعف لو فعلا اللي بتحارب عشانه ميستهلش بالعكس ..
علاقات كتير ايا كان نوعها الانسحاب منها رحمه والبعد عنها غنيمه والخروج من الحياه ده مكسب مكسب مكسب..
. اي علاقه ايا كان نوعها حسيت انك بتحارب وبتنزف و لوحدك استغنى عن المعركه دي وانسحب فورا ده كده علاقه هتقضي عليك حرفيا
صدقني يا صاحبي والله العظيم في ناس مش تستاهل معركه لا .. ف ناس تستاهل تكون هي حرب حياتك وفي حاجات ف الحياه تستاهل معارك كتير ..

من الاخر متحاربش عشان اللي مايستاهلش .. متكملش عشان متخسرش ..

اقولك ع حاجه ..
وانت بتحارب بص حواليك الحاجه اللي بتحارب عشانها سنداك والشخص اللي بتحارب عشانه ف ضهرك ؟؟؟

اجابتك هتحدد مصيرك 😉

28/09/2024

حبيبك يبلعلك الظلط ، وعدوك يتمنالك الغلط !!! 🧐

اد ايه المقوله ده حقيقيه جدا و مُقنعه جدا .. حقيقي اللي مبيحبكش ما هيصدق يشوفك بتفتح "بقك" وهيتبلى عليك ويقولك انك شتمته و سبيتله ميه مله ؛؛

ع عكس اللي بيحبك 🥰 هيشوف الحلو اللي فيك وهيبعد عن الوحش ومش هيبصله

اللي بيحبك 🥰 هتلاقيهه معاك ف كل وقت وكل مكان مش هيبعد ويعاملك بمزاجه ..

اللي بيحبك 🥰 يبلعلك الغلط ويسامحك ويشوف الجانب الايجابي ف كلامك و هيفهم حالتك المزاجيه وهيقدر ردود افعالك ..

اللي بيحبك 🥰 هتحس منه انك جزء كبير من يومه من تفكيره من روحه من مشاعره

اللي بيحبك 🥰 هيستحملك وهيقدرك وهيراعيك وهيكون ليك سند وضهر وكتف وعكاز

اللي بيحبك 🥰 هتشوفه ف كل موقف وكل حكايه معاك

اللي بيحبك 🥰 هيبان عليه ومش هيتغير عليك ولا معاك هيتغير بيك للاحسن و هيبقا عايزك احسن طول الوقت وعايزك ناجح وشاطر

اللي بيحبك 🥰 من الاخر هيشوفك وهيسمعك وهيحسك وهتبقا عنده "فرخه بكشك"

🤲 ربنا اسمه الودود وده درجه كبيره اوي من الحب .. ودوا بعض وخلي الحب مالي قُلوبكم و معمرها بالخير والامل والتفاؤل

اللهم ارزقنا محبتك ومحبه من يحبك ومحبه عملا صالحا يقربنا الى حبك 🌹

متبقاش عامل زي اللي مستني القطر ف محطة مهجورة ؟؟احيانا من شدة احتياجنا لشيئ معين محتاجينة او ناقص في حياتنا بنبقا معمين ...
25/09/2024

متبقاش عامل زي اللي مستني القطر ف محطة مهجورة ؟؟

احيانا من شدة احتياجنا لشيئ معين محتاجينة او ناقص في حياتنا بنبقا معمين عن حاجات كتير اوي حوالينا ... بيبقا كدة زي اللي ع عينية غشاوة مش شايف الصح ولا شايف الجمال اللي حوالية ولا شايف الخير اللي ممكن يكون عايش فية ولا النعم اللي ربنا بفضلة واهبهالة ...

في ناس من كتر الغشاوه بينتظرو شيئ معين يحصلهم وبيبقوا في احتياج للشيئ دة زي ان شخص عزيز فارق وهما محتاجينة ف حياتهم بس منتظرين منه البداية ( وهو مش هيبدا) .. او حد مستني فرصة سفر ومنتظرها ومسخر حياتة ومأجل حاجة عشان السفر (ومابيسافرش)..😏

متبتطلش سعي و خلي انتظارك للحاجة اللي محتاجهة جواك ولو الحاجة دي فيها خير هتجيلك ولو الخير ف بعدها عنك او كونها متحققتش برضو خير .. كمل طريقك ومتقفش وتستنا العمر يجري بيك وبعدين تقول ياريتني ..😉

اللي يفارق ويتغير عليك متجريش وراه ..
الفرصة اللي شايفها بتاعتك ومتحققتش كمل ليها سعي بس متوقفش حياتك عليها ..💪

القطر اللي يعديك في قطر تاني وراه هيجي وهيوصلك بس خليك عندك بصيره وشيل الغشاوة اللي ع عينيك وبص حواليك عشان تدرك انك ف محطة مهجورة ولو قعدت عمرك كله فيها مش هتشوف قطر يوصلك ..

كفياك قاعدة ف المحطة اللي مافيهاش غيرك والايام والساعات بتعدي عليك زي البرق وهتلاقي عمرك عدى وفات وساعتها مش هتنفع ياريتني🥲

متستناش القطر في محطة مهجورة 👊

ماتبقاش زي الشمعة تتحرق عشان تنور غرفة واحد اعمى 🧐👍عجبتني المقوله دي اوي .. 👍فعلا متحرقش ف نفسك ولا تهدر طاقتك ع الفاضي ...
27/04/2024

ماتبقاش زي الشمعة تتحرق عشان تنور غرفة واحد اعمى 🧐

👍عجبتني المقوله دي اوي .. 👍

فعلا متحرقش ف نفسك ولا تهدر طاقتك ع الفاضي مع اي حد لا هيقدر مشاعرك دي ولا هيفهم يعني ايه اهدار طاقه ..

حقيقي احنا كتير بندخل حياه ناس بيبقا هدفنا ننور حياتهم "سعاده بهجه تقدير حب عطف وكتير من مصادر النور "

بس للاسف في من الناس دي اللي حقيقي اعمى البصر و البصيره وقلبه اصلا ُمعتم و مضلم .. قلب مفيهوش نور روح ماسخه ملهاش طعم ..

نورك لازم يتحافظ عليه و يتقدر و ميتهدرش ع الفاضي لان الخسران ف الاخر مش ابو روح ماسخه اللي هيخسر فالاخر هيكون انطفى وهو انت ..

15/04/2024

صحيح محدش بيموت من الزعل بس الزعل قادر يموت جواك حاجات كتير ..

مَوت اللي مزعلك جواك واحتفظ بفطرتك وجمال روحك و نفسيتك الحلوه ..

اللي يزعلك شخص مايستهلكش ويستاهل طرده بره حياتك و تموته جواك ..

اوعي تهون عليك نفسك عشان حد مش حاسس بيك ولا شايف انك غالي عليه وانت اصلا هاين عليه وروحك مش فارقه معاه ..
اللي يزعلك متزعلش عليه زي ما بايديك دخلته حياتك برضو بايديك تقدر تخرجه

اللي يزعلك ويسيبك زعلان عمره ماحبك ولا قدرك ولا هيحبك لان بمنتهى البساطه اللي كان ظاهر ليك منه مش حب ولا اهتمام ولا موده ولا رحمه .. للاسف هي افعال في ظاهرها حب ولكن في باطنها انانيه واستهتار وحب تملك وعشق للذات مش اكتر ..

انت الاجمل والافضل والاحسن .. انت اللي جواك صح نقي بس للاسف طلع للشخص الغلط ..
وعوض ربنا كبير وكتير ومبهر يبقا حافظ ع اللي جواك ومتخليش الزعل يغيرك و اصبر لحكم ربك وهتندهش

متزعلش 🌹

Address

Cairo

Website

Alerts

Be the first to know and let us send you an email when EL-Bassem posts news and promotions. Your email address will not be used for any other purpose, and you can unsubscribe at any time.

Shortcuts

Share