14/05/2026
عايزه تنزلى على الميزان وتشوفى ارقام تفرحك 🤔
حاضر عنيا ليكى 🤝 ف البوست ده هفرحك وهقولك ازاى تخسى على الميزان وتشوفى كل فتره عليه ارقام تفرحك وتبسطك وتعدلك مودك كمان 💃🏻 بس ف الاول لو مش متبعانى تابعينى عشان محدش هيقولك كل المعلومات إلى محتاجه تعرفيها ف رحلتك غيرى اتفقنا 🤝🤝
اولا ياست البنات هتلعبى كارديو بس وهنا هتقوليلى يعنى ايه 🙆🏻 وانا طبعا هقولك اى تمارين فيها حركه ونهجان زى كلاسات الكارديو ف الجيم أو المشيات والعجل والاوربتراك ف الجيم أو كلاسات االزومباوالشرقى وعيشى بئا مع نظام غذائى أقل من احتياجك وقتها بس هتلاقى نتيجه ع الميزان
بس بصى وقتها متبقيش تسألينى عن شكل جسمك هيكون عامل ازاى 🙆🏻🫣 بس اقل ما يقال إنه مع تنزيل الوزن وخصوصا لو كانت رحلة تنزيل الوزن طويله هتلاقى جسم مترهل غير مشدود غير من غير اى شيب من غير اى كيرفات
أو تقسيمات 🤝🤝
أما بئا لو حابه تخسى بجسم مشدود مفهوش اى ترهل مع شيب ممتاز وكيرفات متناسقه يبقى هنا لازم لازم مع لعب الكارديو تلعبى مقاومه وهنا هتقوليلى يعنى ايه هقولك يعنى تلعبى حديد وترفعى وزن ولو لسه مبتدئه ومش بيرفكت ف التمارين الحره إلى بالاوزان الخارجيه يبقى تلعبى على الاجهزه إلى موجوده في الجيم لأن دى هتكون الأأمن ليكى من خطر الإصابات كبدايه دا كمان هتقدرى ترفعى اوزان على الماشين أكتر من التمارين الحره ولازم تهتمى بتمارين المقاومه جدا للان دى الأهم فى رحلة فقدان الوزن أو حتى ذيادة الوزن واهميتها للجسم والصحه كبيره جدا وهنا بئا لازم تنسى الميزان ومتبصيش عليه خالص يعنى ممكن كل ٣شهور مره كده 👍🏻 ايوه زى مبقولك كده 🤝🤝
هتقوليلى امال ياكوتش اخد ايه مقياس ليا يعرفنى اننا بخس 🤔 هقولك ياست الكل مقياسك هو لبسك ومقاساتك بالمازوره وصورك إلى كل شهر على الأقل هما دول بس
وقتها بس هتخسى بشيب حلو جدا مفيش اى رياضه هتعملهالك غير المقاومه سواء على الماشين ودا اهم حاجه وأأمن حاجه لو مبتدئه والتمارين الحره مع الماشين لو محترفه والأهم اننا ننوع بين الحر والماشين
وهنا هسألك بتمارسى اى نوع من أنواع الرياضه وبتحبى تلعبى ايه اكتر الكارديو ولا المقاومه
