27/12/2025
🎬 #منقول
كلاكيت الآلاف المرات…
ممرض يتحرش بمريضة في الإفاقة!
ويخلينا نكرر ونكرر يمكن الدين، والفطرة، والرجولة اللي جواكم تتحرك.
ولا حول ولا قوة إلا بالله.
إحنا بقينا نسمع ونشوف حالات كثيرة:
تحرش من دكاترة وممرضين بمريضات.
تصوير في أوضاع مهينة وابتزاز.
علاقات وقلة أدب جوه أماكن المفروض تكون مقدسة.
حاجات لا يرضاها ربنا، ولا يقبلها راجل عنده نخوة أو غيرة أو فطرة سليمة
يا دكاترة، ويا رجالة…
أنا خلصت نِسا تقريبًا، وشُفت وسمعت تفاصيل لو أي راجل عنده كرامة يسمعها، دمه يغلي.
الدكتور مسموح له يشوف كل حاجة في جسم الست، من شعر راسها لضوافر رجلها، وباسم "الطب" وبموافقة الزوج أو الأهل! كأن الدين والحياء مش موجودين.
ولما تلاقي دكتور شايب معدّي السبعين كاتب إنه بيحب يشتغل مع الممرضات الستات ويدلعهم… تفهم إن في عقليات مريضة لابسة بالطو. ولو دي عقلية الكبار، يبقى إيه المنتظر من الشباب؟
⚠️ إحنا مش ضد الطب… إحنا ضد التطبيع اللي بيحصل جواه:
اختلاط في أحرج المواقف.
تجاوزات يومية باسم "شغل".
عورات بتتكشف كأنها شيء عادي.
👩⚕️ النساء والتوليد للنساء
👩⚕️ الأشعة بالصبغة للنساء
دي مش رفاهية… ده دين وحدود شرعية.
📌 العلماء اتكلموا بوضوح:
قال ابن عثيمين: "لا يجوز للمرأة أن تذهب إلى طبيب رجل ليكشف عليها، خاصة في المواضع التي تُعد عورة، إلا عند الحاجة الشديدة، وعدم وجود امرأة تقوم مقامه."
وقال الفوزان: "لا يجوز كشف العورات إلا لضرورة، وإذا وُجدت طبيبة امرأة تقوم بالحاجة، فلا يجوز الذهاب إلى الطبيب الرجل."
وأكد مصطفى العدوي إن كشف الست عند راجل مع وجود طبيبة، تعدٍ على حدود الله.
يعني طول ما في طبيبة شاطرة، يبقى كشف الست عند راجل حرام شرعًا، مش ضرورة زي ما بيتقال.
👨👩👧👦 الرجولة الحقيقية:
دور الأول على دكتورة ست محترمة وشاطرة.
لو اضطريت لدكتور رجل، ما تسيبهاش لحظة واحدة… وجودك معاها أمان.
ما تسلّمهاش لأمها ولا أختها… إنت جوزها وسندها.
🎯 الرسالة واضحة:
مش كل اللي لابس بالطو ملاك.
مش كل كشف اسمه علاج.
مش كل حاجة اسمها اضطرار.
البديل موجود لو دورنا صح.
واسأل نفسك قبل ما تعترض:
لو أختك أو مراتك جوه، تحب مين يكون معاها؟ دكتور ولا دكتورة؟
👊 خلي عندك نخوة:
امنع مراتك أو بنتك أو أمك تكشف عند دكتور نسا أو تعمل أشعة عند راجل.
الست عندها حياء ودين… والراجل عنده غيرة ورجولة.
والشفاء بيد الله… فابحثوا عن دكتورة مش دكتور.
