25/10/2026
هي الناس بقت قليلة الادب ولا احنا اللي متربيين ؟ 😂
منزله فيديو لطريقة الدره الحلوه عادي جدا .. لاقيت شتايم ع الانستجرام
واحده كتبالي عيشي عيشتك معرفهاش ولا تعرفني واحده تانيه كتبالي المصريه لما تتمدن بتجيب لاهلها اللعنه !!
و التالته اللي داخله تحسبن عشان الدره مش محتاج كل ده ممكن يتآكل عادي زي ماهو !
و الرابعه بتشتم عشان مش عاجبها اني كاتبه سويت كورن بتقولي احنا عرب نتكلم انجليزي ليه ،، سابت العالم كله و مشاكله و انحرافاته و كلمة سويت كورن اللي كتبها قرمط الغلبان هي اللي هتسبب فقد هويه للعالم العربي ! و حولت الموضوع لنقاش ادبي ومشكلة المجتمع الشرقي ! تصعيد أمور غير مبرر 😂
مستغربه بجد ايه يخلي انسان يشيل ذنوب غلطه في إنسان تاني عشان حاجه عاديه !!
و ايه يخلي حد يبقى سبب في انه يضايق حد تاني و يبقى خصيمه عشان حاجه تافهه ! ما مش عاجبك الطريقه عديها و كلي بالطريقه اللي تحبيها ! 😂 يعني ايه تبقي مختلفه معايا تشتميني و تدعي عليا و مختلفه معايا على اكله كمان !! و أصلا أنا اللي هاكلها هو أنا عزمتك عليها ؟ 😂
ايه المجتمع ده ؟
