13/09/2025
يعني ايه الساعه تبقى 8:00 وفجاه تتحول لواحده ونص
ده اي التغير الزمني الغريب ده..؟
ده كان سؤالي لمصطفى اللي باين عليه مصدوم زيي بالظبط
بس مش دي الصدمه الصدمه ان ما فيش مخلوق موجود معانا في القريه تقدر تقول كده بقت قريه مهجوره بعد ماكانت الناس كلها في كل مكان بقينا انا ومصطفى بس مفيش حتي حد نساله
مصطفى " يحيى انا خايف المكان ده فيه حاجه غلط ،،
يحيى" ما انا قلتلك من الاول انا مش مرتاح للراجل ده بلاش نروح وانت اللي صممت..
وبعدين هو فين الفرح وفين العريس والعروسه اللي احنا جايين نصورهم انا مش شايف بني ادم واحد ماشي في الشارع هيا فين الناس اللي كانت هنا من شويه ،،
مصطفى " جايز احنا رحنا مكان غلط انا هرن عليه تاني واساله واكيد هتطلع القريه كلها في الفرح واحنا اللي في عنوان غلط ،،
فتح مصطفى تليفونه فجاه لقيته بيبصلي ووشه كله اصفر وعيني بتبرق ليا جامد فسالته..
يحيى " مالك يبني في ايه ، لا اوعى تقولي مافيش شبكه كمان ده اللي ناقص،،،،
مصطفى" ياريت تيجي على الشبكه المصيبه اكبر من كده
يحيى " انا مش مستحمل رعب اكتر من اللي احنا فيه انطق في ايه يا ابني
مصطفى" بص في التاريخ كده على تليفونك
يحيى " مش محتاجه يعني 2025/5/27
مصطفى" يا عم بص بس عايز اتاكد من حاجه
فتحت تليفوني وبصيت على التاريخ ولقيت التاريخ اتغير لوحده زي الساعه بالظبط بس الساعه اتقدمت اما التاريخ انا لقيت مكتوب فيه 2011/5/27 استغربت وبصيت لمصطفى ولقيتني بقول
يحيى " ايه اللي بيحصل ده من 2025 نرجع 2011 ومن الساعه 8:00 نطلع 1:30 كل ده في ثواني اكيد تليفوناتنا فيها حاجه
قعدنا نفكر شويه انا ومصطفى لغايه ما لقيت مصطفى بيقول لي انا عندي حل احنا نفتح الراديو بتاع العربيه ونستنى نشوفه ونعرف احنا الساعه كام دلوقتي انا وافقت على الفكره لان مافيش اصلا حل تاني غيرها فتحنا الراديو وفضلنا مستنيين لحد ما نطق الراجل وقال الساعه الان الساعه الان ١:٣٠ صباحا
احنا سمعنا الساعه من هنا والرعب مسكنا من هنا المشكله مش في انها
١:٣٠ المشكله الحقيقيه انها كانت ١:٣٠ من نص ساعه فاتت و مااتحركتش
مصطفى " احنا لازم نمشي من المكان ده حالا
يحيى" انت لسه هتاخد راي دوار العربيه ويلا بسرعه
فاضل مصطفى يدور العربيه ومع مرور المحاولات اكتشفنا انها مفيهاش بنزين برغم اننا لسه مفولين
مصطفى " العربيه قطعت بنزين
يحيى" ازاي احنا مش لسه مفولين العربيه
مصطفى " ما لحقناش نحرق البنزين ده كله
يحيى" يمكن التانك اتخرم ولا حاجه
نزلنا نبص على العربيه ولقينا ما فيهاش حاجه العربيه تمام
يحيى " التانك تمام
مصطفى" هيكون البنزين راح فين يعني يحيى ا تصرف والنبي انا خايف جدا والمكان اللي احنا فيه ده مريب اوي اتصرف وحياه النبي ابوس ايدك
يحيى " طب اهدى طيب عشان نعرف نتصرف بص احنا ما قدامناش غير اننا ندور على اي بنزينه قريبه او اي حد يساعدنا بقى
مصطفى " يبقى بندور على ابره في كوم اش
يحيى" عندك حل تاني
مصطفى " لا
يحيى " يبقي قدامي وانت ساكت
فضلنا ماشيين في القريه الغريبه دي اللي كلها ضلمه وما فيهاش بني ادم كنا ماشيين انا ومصطفى ماسكين ايد بعض من الخوف وبنفكر طب ازاي التاريخ رجع من 2025 ل 2011 واشمعنى الشهر واليوم هم اللي ثابتين ما تغيروش وفجاه ظهر لنا حيوان غريب غريب جدا واقف قدامنا انا ما اعرفش ده دي مين وايه الحيوان ده انا اول مره اشوفه خليني اوصف لكم شكله هو يشبه للديب ولكن ده كان جسمه ضخم شويه وراسه تشبه للديب عينه كلها حمراء كان خارج منها نار جسمه مليان شعر سنانه طويله وتحس انها مسنونه بقه كان مليان دم تقريبا كان واكل فريس قبل ما يظهر والغريب في ده كله كان صوته صوته كان صعب لدرجه اني مش عارف اوصفه لقيت مصطفى بيمسك في كتفي وبيستخبى ورا طهري وبيقوللي
مصطفى " يا نهار اسود ايه ده ده ايه ده ايه ده مين ده
يحيى" ده ده بقى اللي هيحلي بحضرتك وحضرتي هتسكت ولا لا انا مش قادر امسك اعصابي
مصطفى " طيب تع تع تعالي نجري
بلعت ريقي وقفت مكاني والله العظيم ما قادر اتحرك كاني اتمسمرت مكاني رجليا كانت تقيله مش قادره ارفعها من على الارض والكائن ده كان بيقرب مننا ببطء هو بيبص علينا وعينيه كلها غيل ونار وشر غمضت عيني من الخوف ولقيتني بقول ا(شهد ان لا اله الا الله واشهد ان محمد رسول الله )
ولقيت مصطفى بيقول ورايا الشهاده وجسمنا احنا الاتنين بيترعش من الخوف لغايه ما حصل اللي حصل ووصل شخص خليني اوصف لكم شكله هو طويل بشرته سمراء ولابس اللبس اللي هو بتاع العرب ولقيته وقف قدام الكائن الضخم ده وبينطق بكلام غريب زي ما تكون تعويذه كلام احنا مش فاهمينه و فاجاه لقيته فص ملح وداب
وفاجاه لقيته بيشدنا وبيقول يلا بسرعه ما فيش وقت ...جاي علينا
مصطفى " هو مين ده اللي جاي علينا
الشاب اللي انقذنا " الشيطان
نطقت انا ومصطفى بصوت واحد وقلنا
( نعم ) بتقول مين
الشاب اللي انقذنا " مافيش وقت احكيلكم حاجه لازم ننزل المخبئ السري بسرعه يلا
كان لسه ماكملش كلامه ولاحظنا ظل غريب بيقرب علينا من بعيد انا بصراحه مش عارف احدد ملامحه لكن باين عليه مش انسان طبيعي زينا
الشاب اللي انقذنا " مش قلتلكم جاي هيموتنا كلنا يلا
تحركت معاه انا ومصطفى واحنا مش عارفين رايحين معاه على فين ولقيته واقف مره واحده قدام بيت مكتوب عليه عائله القفاص البيت يبان عليه من بره مهجور وقديم جدا ولكن مساحته كانت كبيره ويشبه للڤيلا لكن اصغر منها شويه المهم فتح الباب ودخل واحنا وراه بعديها داخل السرداب فضلنا وراه لغايه ما وصلنا اخر السرداب وكان في اوضه موجود فيها شخصين تقريبا دول قرايب الشخص اللي انقذنا اللي ما اعرفش اسمه ايه لغايه دلوقتي دخلنا ورحبوا بينا وكانوا بيتكلموا بصوت واطي سالونا انتم مين وجيتوا هنا ازاي واشمعنا اليوم ده اللي جيتوا فيه
يحيى " انا يحيى وده مصطفى صاحبي احنا المفروض
اننا كنا جايين فرح هنا عشان نصور العريس والعروسه انا ومصطفى شغالين في مجال التصوير احنا اول ما دخلنا القريه كانت طبيعية وكل حاجه تمام والناس رايحه جايه في كل مكان وفجاه كل ده اختفى والساعه اتغيرت هي والتاريخ احنا رجعنا بالزمن ولا ايه
لقيته ضحك ضحكه صغيره كده وقالي
الشخص اللي انقذنا" انا ياسر ودول احمد ومحمد ولاد عمي انا هحاول افهمكم على قد ما اقدر في 2011 كانت عيله القفاص وعائلة الدجال شغال
مع بعض
مصطفى " الدجال و القفاص دول كانوا شغالين ايه
ياسر" كانوا شغالين في تجاره الاثار كانت عيله القفاص تجيب المقبره من دول وعيله الدجال تفتحها كانوا شغالين مع بعض من سنين السنين
ولكن في 2011 عيله القفاص لقوا مقبره كبيره والخير كان فيها كتير فوق ما تتخيل ولكن عشان يفتحوها لازم يستعينوا بعيله الدجال عشان بسحرهم والدجل بتاعهم هم اللي كان معاهم مفاتيح اي مقبره بس المشكله اني عيله القفاص كانوا ناويين على طمع وغدر كانوا بيقولوا ان دي هتبقى الضربه الاخيره وانهم بعدها مش هيبقوا محتاجين لفلوس ومقابر تاني قررت عيله القفاص انهم يفتحوا المقبره وبعدين يخلصوا منهم لغايه ما جه اليوم المشؤوم وهو 2011/5/27
وبالتحديد الساعه 1:30 بعد منتصف الليل
اتجمعوا طلعت القفاص ومرزوق القفاص ومحسن القفاص وسمير القفاص وطبعا كان معاهم القفاص الكبيره ابوهم وعيله الدجال كلها وزي ما قلت لك الساعه 1:30 بالظبط بعد فتح المقبره حصلت مذبحه كبيره اكبر من مذبحه القلعه راح فيها طلعت القفاص وعيله الدجال كلها ولكن ما خلصتش الحكايه على كده
لسه ياسر ما خلصش كلامه وسمعنا اصوات وريحه وحشه جدا بتقرب علينا ولقيت ياسر بيزعق وبيقول الشيطان عارف مكاننا لازم نمشي من هنا حالا سالته قلت له ومين الشيطان ده كمان رد وقالي
ياسر " ده فرد من عيله الدجال متلقب بالشيطان الملعون وده بيظهر يوم واحد كل سنه علشان ينتقم لاهله اللي اتقتلوا على ايد عيله القفاص
يحيى" سالت قلت له طب وانت مالك هو انت عملتله حاجه
لقيته شديني من ايده وهو بيجري وقالي ما هو انا اسمي ياسر سمير بشر القفاص ودول عيال عمي محسن ابوس ايدك يلا ما فيش وقت لازم نهرب
طلعنا نجري جوه السرداب وفجاه لقيته واقف مره واحده هوا وعيال عمه احمد ومحمد احنا مش فاهمين هم وقفوا ليه فجاه قاللنا استنوا هو ازاي شم ريحتكم واعرف مكاننا ولقيته بيبص عليا انا ومصطفى ولاحظ دم في دراع مصطفى وقال له وقف النزيف ده بسرعه هوا شم رحته وعرف يحدد مكاننا حد يربط دراعه ولقينا الصوت بيقرب اكتر واكتر جوه السرداب لغايه ما حصل اللي حصل
لو وصلت لغايه هنا قولي رايك في الروايه عشان اكمل الجزء الثاني
