26/10/2016
يامساء الرعب 👻.
تعالوا بينا نخش علي قصه ( )
نتعرف عليهم اولآ .
انا اسمي باسم وزميلي ايهاب .. عمرنا 17 عام
احنا جيران واصحاب اوي وبنعشق حاجة اسمها غموض وقصص رعب وعايشين في قرية مش هذكر اسمها بس قرية مقطوعة مفهاش سكان كتير وفي الليل بتبقي الحتة دي ضلمة ديمآ ومش بنخرج بليل كتير ولو خرجنا بنبقا انا وايهاب مع بعض .. المهم عشان منطولش عليكم ونحكي قصتنا اللي مرينا بيها وهيا هتاخد معانا حوالي 3 او 4 اجزاء .. علي حسب مانخلصها بقي .. المهم في يوم ايهاب رن عليا بالموبايل وقلي تعالي اعض معايا في البيت نذاكر او نعض علي الكيمبيوتر بدل منا قاعد لوحدي .. قولتلة ماشي مسافة السكة وهكون عندك ..
لبست وقولت لولدي اني رايح ل ايهاب البيت ونزلت بس كان قبل ما الجو يليل شوية .. وصلت عند بيت ايهاب رنيت عليه نزلي ودخلنا قعدنا مع بعض ..
ايهاب: اية رأيك نذاكر ولة نعض علي الكمبيوتر !
باسم: لا يعم سيبك احنا زهقانين منو تعالي نذاكر احسن .
نطلع الكتب ونبدأ نذاكر ومندمجين اوي مع المذاكرة ومرة واحدة نلاقي همسات بأسمنا بتنده علينا .. نسيب المذاكرة ونفتح الباب منلاقيش حد !
باسم: سيبك ياعم يلا نكمل مذاكرة
ايهاب: لا بصراحة انا مليت وزهقت .. تعالي نفتح الكمبيوتر
باسم: طب شغلة علي ما الم الحاجة ..
"مشهد نشوف منو باسم بيلم الحاجة وبيرجع يعض جمب ايهاب علي الكمبيوتر"
باسم: اية ده انت جايب اية !
ايهاب: انا كنت داخل علي بروفايل هيما حسن وبشوف قصصو ولاقيت حاجة اسمها طلسم في القصة ومش عارف معناها .
باسم: طب ماتسألو
ايهاب: ولية ياعم ما جوجل اسرع اهو
باسم: قشطة شوفلنا معناها بقي ..
ايهاب: اية ده بيقول ان طلسم دي اعمال وبتتفك وممكن تحضر منها كمان .
باسم: اعوذ بالله اقفل يعم بلاش السيرة دي
ايهاب: استني بس ده بيقول ان مش اي حد يعرف يقراها ولو عرفت وقريتها الجن يحضر علي طول .
باسم: بس انا اعرف اقراء الطلاسم دي وفاهم حروفها
ايهاب: يعم انت هتفتي ! ده انت بتقراء العربي بالعافية .
باسم: طب يعم هتلي الكتاب ولو مقرتهاش ابقي اعمل فيا اللي انت عايزة
ايهاب: يعم ماشي هشتري الكتاب بكرة مخصوص ولو مقرتهاش هيبقي شكلك وحش قدام المشاهدين دلوقتي ده غير اللي هعملة فيك عشان حق الكتاب .
باسم: يعم هنشوف بكرة إن شاءالله هجيلك في نفس المعاد بس يكون الكتاب جاهز .
ايهاب: قشطة يلا نقفل الكمبيوتر دلوقتي بقي ونخرج برة
" لسة ايهاب مكملش كلامة لقي النور اتقطع"
ايهاب: اهدي ياباسم مالك ! اومال هتقراء الطلسم هتعمل اية .
باسم: انا مش خايف بس ان النور يقطع علي السيرة دي مش حاجة كويسة ! .
ايهاب: متقلقش خليك مكانك بس هروح اجيب الموبايل واشغل الفلاش واجيلك ..
اروح اجيب الموبايل ملقهوش مكانو رغب ان انا متأكد اني حاطة هنا لا وكمان مفيش حد من اسرتي موجود .
انا صراحة خوفت شوية .. باسم ! .. ياباسم .. باسم مش موجود مكانو اصلآ !
اعض مكان الاقي اللي بيحط ايدو علي كتفي !!
اشدد خوفي اكتر بس هديت لما لفيت وشي ولقيتو باسم !
ايهاب: انت كنت فين يعم !
باسم: فين اية ! انت اللي فين .. انت مش من شوية جيت خدتني من ايدي وقولتلي تعالي ندور علي شمعة !
ايهاب: يبني انا مجتش جمبك من ساعت ماسيبتك
باسم: بجد ! اومال مين ده قدام مش انت !
ايهاب: بس جمد قلب متخفش
باسم: لا انا همشي هروح واجيلك بكرة وتكون مجهز الكتاب
ايهاب: هتسيبني لوحدي يعني !
باسم: يعم اهو امك وابوك جوم اهو .. اسيبك انا بقي واجيلك بكرة
ايهاب: طيب سلام متتأخرش بقي عشان المشاهدين
مستنينك.
"يقوم باسم الصبح من النوم ويرن علي ايهاب ...
باسم: اية يسطا انت بتعمل اية !
ايهاب: مش بعمل قاعد زهقان .. ماتيجي ننزل نتمشي شوية !
باسم: خلصانة اجيلك مجلكش لية .
* مشهد نشوف منو باسم يوصل ل ايهاب البيت وياخدوا بعض ويتمشوا في الشارع*
باسم: انت اشتريت الكتاب اللي فيه الطلاسم صحيح !
ايهاب: لا بس تعالي نروح نشتريه دلوقتي
باسم: لا لا خليه بليل عايز اكلمك في موضوع بس
ايهاب: خير !
باسم: هوا مش بيتكم ده قديم من ايام الفراعنة كدا !
ايهاب: ياااه ده اول بيت اتبني في مجمع الهرم ده كلة
باسم: قشطة ! بقولك اية ياض بيتكم ده تحتيه اثار يعيشنا ملوك ايهاب: بس يعم انت بتتكلم في اية انت فاهم معني الكلام ده ! دي فيها حبس وخراب وده غير الأذي اللي ممكن يحصل
باسم: والله عارف ده كلة بس احنا هنخطط ياغبي .. اسمع مني ايهاب: طب وده من ورا ابويا وامي !
باسم: ايوة طبعآ .. في يوم وهما برة زي كل يوم كدا نخش ونشتغل واحنا ورزقنا بقي .
ايهاب: يعم موافق والله ونخلع من ام البلد دي
باسم: كفك .. تعالي بقي نروح نشتري الكتاب قبل منتصف الليل ..
*مشهد نشوف منو ايهاب وباسم يوصلوا لمعرض الكتاب ويسألوا علي كتاب معين ولقوه ورجعوا لمنزل ايهاب*
ايهاب: الكتاب ده تقيل كدا لية ياض !
باسم: عشان حروفة بارزة بس فا هتلاقيه تقيل شوية بس المهم .. امك وابوك هنا ولة خرجوا !
ايهاب: لا خرجوا من بدري
باسم: طب اية تيجي نحضر !
ايهاب: تعالي .. بس الاول اقرائلنا كدا شوف طريقة التحضير
باسم: بص الدايرة دي يعني "ر" والمثلث ده يعني "ح" وال.. ولة اقولك هكمل انا علي طول وافهمك في الاخر ..
*مشهد نشوف منو باسم بيقراء الطلاسم*
باسم: بص يامعلم اولآ لازم واحنا بنفك الطلسم ده يكون النور مطفي وثانيآ تجيب شمع كتير وتشعلو وتعملو دايرة وواحد مننا ينام في الارض اللي هوا انت يعني عشان انا اللي هقراء .
ايهاب: لا يعم مش هعمل انا كدا .. قدر اتأذيت !
باسم: يعم متخفش مفيش طلاسم مؤذية
ايهاب: وانت عرفت منين!
باسم: سمعت .. المهم يلا نام علي الارض .
* يرقض ايهاب علي الارض ويغمض عينو وباسم يجيب الشمع ويشعلو ويطفي نور المنزل كلة ويبدأ يفك الطلسم !.
يقراء باسم الطلسم ويوصل لاخر فيه وفجأة الدنيا تتحول والشمع ينطفي وسماع اصوات اقدام في المنزل وباسم يروح يشوف ايهاب يلاقيه
يلاقي ايهاب مغمي عليه وعنيه بتفتح وتقفل ! .. والمنزل كلة بقي بيتهز زي مايكون زلزال قام !
باسم: ايهاب يا ايهاب .. قوم يبني حصلك اية !
باب البيت يخبط يخبط ! يقلق باسم ويتوتر اكتر واكتر !
يقوم ايهاب فجاة من ورا باسم وجاي عليه وعايز يخنقو !
باسم: اهدي يبني اهدي .. يجري باسم يشغل انوار البيت ويروح يفوق ايهاب !
باسم: في اية ! انت فوقت !
ايهاب: هول في اية ! .. والبيت عامل كدا لية ! ومين اللي واقف جمبك ده !
باسم: واقف جمبي ! هوا في حد جمبي !
ايهاب: اه وشكلة مش عادي وعمال يبصلك .. مش انت شايفة !
*انا كدبت عليه وقولتلة اه اه شايفة .. بدل ما الحالة تذيد او يكون ده حقيقي ونتأذي احنا الاتنين !*
باسم: قوم تعالي نطلع برة بس كدا ..
"مشهد نشوف منو باسم بيشيل ايهاب ويطلعو برة البيت"
باسم: يبني انت مدريتش ب اللي حصل خالص !
ايهاب: يبني انا مش فاكر حاجة ولسة فايق !! لية في اية !
باسم: طب انا هفكرك .. شوفت لما قولتلك ارقض ع الارض وانا هفك الطلسم ! .
ايهاب: اااااه .. هوا حصل اية بعديها !
باسم: الحمدلله انك سليم ! ب...
*لسة مكملتش كلامي ولقيت صوت بيطلع من ايهاب غير صوتو*
قلبي بقي يدق جامد وكنت خايف منو اوي وكنت عايز اسيبو وامشي ومكنتش عارف اعمل اية !.
قعدت ارد علي كلامة شوية لحد مالقيتو بقي طبيعي زي الاول .
باسم: طب هروح انا بقي يا ايهاب عشان والدي والوقت بقي متأخر .
ايهاب: لاا خليك معايا متسبنيش .
*بدء صوتو يتغير تاني*
سلام بقي يا ايهاب هجيلك بكرة سلام .. اروح البيت الاقي ابويا بيزعقلي وبيطردني من البيت !
طب انا اروح فين دلوقتي بقي ! .. هتطر اروح ل ايهاب !!!
رجعت تاني ل ايهاب اخبط عليه يفتحلي الباب ويستقبلني وهوا طبيعي جدآ لا وكمان يناقشني في مواضيع وعادي كأن محصلش حاجة .. ولما قولتلة انا هبات معاك هنا لقيتو بصلي بصة بشعة !.
وضحك ب ضحكة مش ضحكتة !
قلي يلا طيب نخش ننام .. كنت مرعوب جدآ اننا هننام في اوضة واحدة .
*نخش الاوضة هوا ينام علي سرير وانا علي سرير تاني ويطفي النور ويبدأ القلق من هنا*
باسم: ايهاب ماتفتح النور عشان مبحبش انام في الضلمة !
ايهاب مردش عليا .
اتطمنت وقولت يمكن نام .. انام انا بقي .. لكن الاقي خبط جامد جدآ علي باب الاوضة .
باسم: ايهاب ! يا ايهاب قوم اصحي !
ايهاب يرد عليا وبصوت متغير ويقولي "سيبهم سيبهم"
اطلع الموبايل بتاعي من جيبي واشغل القرأن واقوم من علي السرير وافتح الباب ألاقي
شبح واقف علي باب الاوضة وشكلة غريب وشكلة كدا شبح اخر قفلت الباب بسرعة واغمي عليا بعد ماقفلت الباب .
ولما فوقت لقيت نفسي علي نفس السرير وايهاب اللي قاعد جمبي بس كان طبيعي جدآ .
قعدت ساكت كدا 5 دقايق عشان استوعب اللي انا فيه واللي بيحصل وانا لسة عايش .. لان قلبي ضعيف لكن هنرجع ونقول الاعمار بيدي الله.
ايهاب: احسن من الاول ياباسم !
ارد انا بأبتسامة خفيفة واقولة اه الحمدلله.
يقولي طب انا هسيبك مع نفسك شوية وهطلع انا برة ولو عوزت حاجة ناديلي .
ايهاب يطفي نور الاوضة من هنا ويخرج برة .. المح انا ملامح الشبح اللي شوفتو في الضلمة ! . اعاااااا ايهاب .. ايهاب .
ايهاب: اية اية !
باسم: شغل النور ده ومتطفهوش تاني .
ايهاب: اوك ماشي بس لية !
باسم: ممممممم كدا وخلاص بقي.
ايهاب: خلاص اهو شغال .. انا طالع برة .
ايهاب خرج من هنا وانا قاعد متوتر وقلقان علي الاخر وفي عز خوفي وتوتوري ألاقي ايهاب بيتكلم برة رغم ان مفيش حد !
اقوم من علي سريري واتسحب براحة عشان اشوف هوا بيكلم مين ولما بصيت عليه .. لقيتو بيكلم حد مختفي او هوا بيكلم نفسي او هوا ملبوس ولة عليه جن ولة اية مش عارف !
لكن ياريتني مابصيت عليه ! .. وانا ببص عليه حسيت بحد حط ايدو علي ضهري ! .. ولما لفيت وشي ملقتش حد !
مريت بمواقف صعبة جدآ حوالي كام ساعة لحد ما اهل ايهاب وصلوا ولما وصلوا ولقوا المنزل متبهدل طبعآ سألوا اية ده ولية وسين وجيم.....
رد فعل ايهاب كان غريب خالص وكان بيرد بأجابة ملهاش علاقة بالسؤال .. اظن انتوا عارفين لية ! .. عشان هوا مش في وعيو واللي بيرد دلوقتي مش ايهاب ده اللي عليه !.
بس انا خدت والد ايهاب علي جمب واقعدت افهمو الحكاية كلها وقلي طب تعالي نعالجو دلوقتي ونبقي نشوف موضوع البيت ده بس المهم ايهاب ..
قولتلة ماشي طب انت تعرف حد مضمون ! .. قلي اه .. خليك انت هنا علي ما اوقف تاكسي وناخدة ونروح للشيخ المعالج.
خرج والد ايهاب يوقف التاكسي .. ورجع تاني وقلي يلا ناخد ايهاب ونمشي .
بس ايهاب مكنش راضي يمشي معانا وكان بينشف علينا بقوة مش قوتو وكان هيموتنا فعلآ ! واكتر من شخص شالو معانا عشان نركبوا التاكسي .
بعد حوالي دقايق كنا وصلنا للشيخ المعالج .. اول ماوصلنا عند الشيخ كان ايهاب عمال يبصلي جامد وبصة غريبة ومشلش عينو من عليا خالص .. انا خوفت اوي وقولت لو ايهاب متعالجش انا هتأذي زيو !.
المهم دخلنا للشيخ فا نده عليا وقلي تعالي يا باسم ماتخفش رحتلة .. قلي اية السبب اللي وصلكم لكدا ! .. قولتلة ان احنا حضرنا طلسم وعملنا كذا كذا ..
قلي تمام تمام .. اخرج وهتولي ايهاب دلوقتي حالآ .
خرجت ودخلنا ايهاب للشيخ جوا وقفلنا عليهم الباب .
قاعدين مفيش اي اندهاش .. ولة اي اصوات .. ساعة واتنين وفجأة لقينا ايهاب بيصوت جامد اوي وهدي مرة واحدة وخرج الشيخ وقلنا الحمدلله ايهاب بقي كويس ومحدش يفكرو ب الاذي مضي بقي وياريت بعد كدا متلعبوش في حاجة خطر او ملكوش فيها انهاردة ربنا ستر بكرة ياعالم هيحصل اية .!
يلا خدوا ايهاب وروحوا طمنوا والدتو .
#النهاية.
