17/08/2026
امشو حررو أمهاتكم ومليشيا ،حرامية، مأجورين أبو لولو قطع نسلكم! انتو عارفين بالكلمات دي ظهر الأخطر من الجنجويد نفسهم الكراهية والحقد والعنصرية والغبن تجاه أهل دارفور.
قبل تحرير الخرطوم وما جاوره كان في ناس بطبل ليل نهار للمشتركة وسم الجنجويد وكل قوة الفاشر جوه والله نحرر معاكم لحد أم دافوق واليوم نفس الناس بقوا يقولوا للمشتركة مليشيا وحرامية امشوا حرروا دارفور ومأجورين!
أنا بديكم حاجة بسيطة أي زول فاكر إنو المشتركة حطت يدها مع الجيش عشان قروش أو عشان تحرر جزء من البلد إنت واهم. لو القروش هي الهدف الإمىارات الداعمةللمليشيا كانت أولى بقروش !
يا زول جيشك ذاتو بربع ما تملك المشتركة من اعتماد عسكري اليوم ما كان حيقدر يصمد بالشكل ده. تعال نوريك المشتركة دي ضحت بشنو بأبنائها وحررت كل شبر وقفت فيه في الميدان وعيال الغبش شايفنهم ديل أمهاتهم في النزوح وإخوانهم استشهدوا وبيوت كثيرة فيها أرامل تركهم أزواجهم قبل شهر العسل.
والأغرب إنو الناس ديل شايفين العنصرية والشتائم والاتهامات مستمرة ولسه ثابتين في الميدان. عارفين ليه لأنهم شايفين الوطن والمواطن قبل أنفسهم وعشان إنت العنصري تقدر اليوم ترجع تعيش في بيتك بأمن وسلام بسبب ناس بتسميهم مليشيا.
ولولا المشتركة الخرطوم ذاتها كان ممكن تكون لسه تحت سيطرة المليشيا. ودي حقيقة ما بتتغير بالشتيمة ولا بالتقليل من تضحيات الرجال.
ولو فاكرين الحرب بتنتهي بمجرد انتصار عسكري إنتو واهمين. الحرب دي كشفت عقليات وكشفت عنصرية وكشفت ناس ما عندها مشكلة تنسى تضحيات الآخرين بمجرد ما تصل للأمان.
لو رجالة خلو الشتائم جانباً وتعالوا للحقائق. المشتركة ما دخلت الميدان عشان راتب ولا منصب الناس ديل فقدوا أبناءهم وأخوانهم وبيوتهم وتركوا أسرهم في النزوح ولسه ماسكين الخطوط الأمامية.
والعنصرية دي لو استمرت السودان ذاته هو البخسر. ما اتعلمنا من انفصال الجنوب ولسه العقلية ذاتها بتكرر نفسها!
الأيام بتدور والحرب بتكشف المواقف. واليوم الدول البتجيب مرتزقة بدأت تحرك أوراق جديدة من النيل الأزرق وإنت لسه مشغول بسب وشتم القوات البتمسك ليك الخطوط الأمامية.قايلها انتهت ولو انتهي مفتكر السودان حق ابوك مقصود ليك ي مأجور القلم 🫵🏼😎
اصبروا بس التاريخ ما بنسى من ضحى وما بنسى من شتم الضحية بعد ما وصل للأمان.
والسودان ما بنبنيه بالإقصاء والعنصرية بنبنيه بالاعتراف بتضحيات كل من حمل السلاح دفاعاً عن المواطن وبحساب عادل لكل من ارتكب جريمة في حق هذا الشعب دون تعميم أو ظلم لأحد.
المشتركة ما محتاجة شهادة منكم… الميدان هو الشاهد🤚🏽🪓🥷
#ابشوك✍🏽
