28/05/2026
بتحكي قالت😂
يخوانا لا اله الا الله ما تعرسو راجل اخلاقو ضيقه لو موتو من البورة😭
انا عرست واحد اخلاقو طبيعي في نخرتو مع انو اتزوجنا عن حب بحبو لي 6 سنة وعارفه اخلاقو كاكا بس قلت اكيد يوم العرس ح يفكها شوية وقبل العرس بي يوم بنتونس رسلت ليهو الفيديو حق عرسان حركة العروس تكون واقفه وهو يجي وراها وهي تقعد تتلفت ذي الغنمايه كم مرا وبعدين تتلفت ليهو 😭 قلت ليهو بكرا بعمل الحركة دي قال لي عارفاني م عندي اخلاق للفارغه دي اوعك م اشتغلت بيهو وي ريت لو سمعت كلامو وكسرت الحنك😭 اصبح العرس ولمن جاني ف الكوفير عملت الحركة الما بتغباني 😭 المرا الاولى المرا التانيه المرا تالته ما احس الا بي امدلدوم في ضهري بكل قوتو الربنا اداهو 😭 وتاني اداني خبطة بالوردة في راسي طير لي الحجاب وخلاني منكشه ذي الجلدوها وطلقوها 😭 قلت ليهو دا شنو انت متخلف قال لي منووووو منو متخلف ؟؟؟؟ وعيونو بقت شرارة قلت ليهو اتلمى قال لي هوووووي حبر القسيمة لسه م نشفت دايرة تقلي ادبك وكراني كر بي زفافي رماني في الكرسي وخنقني انا م قصرت خنقتو من بدلتو لمن ناس الكوفير بقو يحجزو فينا الا البت جرت نادت اصحابو من مرا والا كان وداني لي الله قبل يوديني الكوشه 😭
M CrAzy Photography
011 41901895
