山人物近bewarethemountainman

15/06/2026

【飛鵝山南脊｜自殺崖、鸚鵡嘴石、九龍最高峰】

你可能唔知，九龍市區旁邊，
竟然藏住咗一條咁有氣勢嘅山脊。
佢就係飛鵝山南脊。

由茶寮坳出發，
沿途經過鸚鵡嘴石、自殺崖，
再一路登上九龍最高峰——飛鵝山。

最震撼嘅地方，
唔係因為佢有幾高，
而係當你企喺山脊之上，
腳下就係九龍東同維港景色。

城市與大自然同時出現喺眼前，
呢種景觀真係香港少有。

今次同 Sum Yee 一齊實走飛鵝山南脊，
同大家分享呢條香港最經典嘅山脊路線之一。

⚠️ 部分路段有一定危險性，並不適合新手，出發前請評估自身能力及天氣情況。

🎥 完整影片：
https://youtu.be/F-qr78w0I3Y

#飛鵝山 #飛鵝山南脊 #自殺崖 #九龍最高峰 #山人物近

11/06/2026

香港夏天正式開始 ☀️

今次帶大家去一條唔使一個鐘，就可以見到超特別石景嘅短線。

由黃泥涌峽出發，途經鷹嘴石，最後到達面具石。

今次仲順便帶埋 Fjallraven Abisko Hike Lite 20 同 Keb Lätt Wind Jacket。

20L 容量對單日行山剛剛好，而件風褸輕薄透氣，輕裝出門都冇乜負擔。

留言「我要面具」

詳細路線、入口位置同專屬福利 send 俾你 👊



#面具石 #聶高信山 #香港行山

09/06/2026

天氣熱到咁，最適合就係去石澗。

東龍石澗唔算東涌最出名石澗，
但瀑布密度真係高得誇張。

由虎嘯峽連環瀑、
伏虎潭、
鷹頷瀑，
到最後嘅風呂瀑，
幾乎一路行一路都有景睇。

香港夏天都可以凍到失溫🥶

⚠️ 新手注意：

東龍石澗並非一般郊遊路線，
部分位置需要攀爬及借力前進，
雨天及雨後亦不適合前往，
請務必量力而為及自行評估風險。

想要 GPX、入口位置同路線資料，
留言：「東龍」
我會 Send 畀你 👊



#再行就失溫 #東龍石澗 #香港石澗 #山人物近

08/06/2026

跑完東京馬拉松之後四日，
我又飛咗去台灣墾丁，
參加 Xtrail Kenting by UTMB 50K。

本來以為 50 公里、1500 米爬升唔算太難，
結果發現自己完全低估咗呢場比賽。

墾丁最出名一句說話：
「跑的不是高度，是溫度。」

高溫、高濕度，再加上高可跑性賽道，
令你不知不覺跑得太快，
最後慢慢被太陽同疲勞吞噬。

加上我仲帶住東京馬拉松未完全恢復嘅雙腳，
全程經歷抽筋、行錯路，
差啲懷疑自己點解會報名。

🎥 今集你會睇到：

• 東京馬拉松後 4 日挑戰 UTMB 50K
• 墾丁越野跑賽道特色
• 溪谷、草原、熱帶叢林地形
• 高溫高濕下嘅比賽體驗
• 抽筋、迷路同完賽過程

完整影片：
https://youtu.be/11k-OANZ7EI

#越野跑 #台灣越野跑 #墾丁

05/06/2026

其實一直以嚟我對 GEL-KAYANO 印象都幾深。

跑步咁多年，每次有人問：

「扁平足著咩鞋好？」

「想要穩定啲、保護性高啲有冇推介？」

GEL-KAYANO 幾乎都一定會喺個名單入面。

不過老實講，我自己以前一直冇着開。

原因好簡單——

我覺得有少少重。

所以平時選擇 Easy Run 鞋嘅時候，好少會第一時間諗起佢。

今次受邀去體驗新一代 GEL-KAYANO 33，順便做咗足部分析。

結果有少少意外。

原來我右腳真係有少少扁平足 😅

而更意外嘅係，今代著上腳第一下感覺就係：

輕咗好多。

保留返 KAYANO 一直以嚟出名嘅穩定同緩震，但冇咗以前嗰種比較厚重嘅感覺。

如果你本身需要多啲支撐，或者平時 Easy Run 想搵對舒服、穩定、唔使諗太多嘅鞋，

今代 GEL-KAYANO 33 我覺得值得試下。

另外 ASICS 而家有個 Levelling Up Gear 跑者升級站 活動，

現場有 3D 足部測量，可以了解下自己腳型，同埋睇下自己適合邊類型跑鞋。

有時知道自己隻腳其實比買鞋更加重要。



📸 .4

05/06/2026

跑完一次波士頓馬拉松之後，

點解仲要去跑第二次？

今集《友型氧》，Tommi 同大家分享第二次參加波士頓馬拉松嘅經歷。

好多跑手一生目標就係跑一次 Boston。

但當你真係跑過之後，又會發現第二次睇到嘅嘢完全唔同。

今次仲係 Boston Marathon 130 周年。

全城氣氛、賽事規模，同埋跑手熱情，係咪真係特別唔同？

作為第二次參加 Boston 嘅跑手，

究竟有咩體會同第一次最唔一樣？

仲有……

大家最關心嗰個問題：

究竟有冇 Free Kiss？😆

今集一次過同大家講。

🎧 今集你會聽到：

• 點解要第二次再跑波士頓馬拉松

• 第二次跑 Boston，同第一次有咩最大分別

• 今次去波士頓點樣慳錢啲

• 130 周年氣氛有咩特別

• 大家最想知：究竟有冇 Free Kiss？

如果你將來都想去跑 Boston，

又或者已經跑過 Boston，

相信今集都會有共鳴。

🎧 完整影片：

https://youtu.be/sfbzBxRSnAc

歡迎留言：

如果俾你揀，你會想跑一次 Boston，定係想再跑第二次？

#波士頓馬拉松 #友型氧

今集《友型氧》，Tommi 會分享第二次跑波士頓馬拉松，到底同第一次有咩唔同。點解明明跑過一次，仲要再去第二次？今次作為 Boston...

03/06/2026

跑步最吊詭嘅地方係：

有時你明明好努力，結果未必如預期。

有時你準備充足，卻突然受傷。

但有時候，堅持落去，又會迎來屬於自己嘅 PB。

今集《友型氧》，就係兩個完全唔同嘅故事。

一邊係 Sunny 喺首爾馬拉松成功 PB。

另一邊係 YoYo 由韌帶撕裂開始，經歷一連串意想不到嘅打擊同挫折。

受傷、復原、訓練停擺、心情起伏……

相信唔少跑手都曾經歷過。

今集我哋唔係淨係講成績。

更加想講當事情唔似預期時，我哋點樣繼續行落去。

🎧 今集你會聽到：

• YoYo 韌帶撕裂之後發生咩事

• 受傷後點樣影響訓練同生活

• 一連串不幸背後，心理上點樣面對

• Sunny 首爾馬拉松 PB 經過

• 比賽順利同唔順利，兩種狀態下點樣面對跑步

最近大家都開始準備秋季賽事。

有人正向目標進發。

有人可能正同傷患搏鬥。

無論你而家喺邊個階段，希望今集都會令你有共鳴。

🎧 完整影片：

https://youtu.be/PcO5ugtLA5g?si=sWsxmX9ZRg5DGDDa

歡迎留言分享：

你跑步生涯入面，最難忘一次受傷或者 PB 又係邊一次？

#友型氧

今集《友型氧》，一邊係 Sunny 分享首爾馬拉松 PB 經歷，另一邊就係 YoYo 受傷之後，一連串唔順利嘅真實故事。由受傷、復原、...

01/06/2026

放心，我哋冇拆伙。

只係一眨眼，原來《友型氧》已經九個月冇更新。

呢段時間其實大家都冇停過。

Tommi 跑完渣打馬拉松、東京馬拉松同波士頓馬拉松，繼續周圍拍片。

Sunny 亦一直訓練同參加比賽。

YoYo 則成為 adidas AR Team 成員，完成半馬挑戰，但期間又遇上韌帶撕裂，要重新面對受傷同復出。

所以今集我哋決定先唔講裝備、唔講課表。

純粹同大家 update 下近況。

點解停更？

最近忙緊啲咩？

呢九個月發生咗啲咩事？

之後《友型氧》又會點樣繼續？

全部一次講晒。

另外最近香港熱到癲。

前幾日仲見到 37°C。

如果你準備緊 Sydney Marathon、UTMB，又或者開始進入秋季賽事備戰期，相信已經開始捱跑步機長課。

對住幅牆跑兩三個鐘，有時最需要嘅反而唔係音樂，而係有人陪你吹下水。

希望今集《友型氧》可以陪你完成下一課長課。

🎧 完整影片：

https://youtu.be/o97WrFNWR4A

歡迎留言同我哋 update 下近況：

你最近又準備緊邊場比賽？

今集《友型氧》，我哋終於返嚟，同大家 update 下近況。呢排各自忙緊啲咩？點解停更？之後節目又會點樣繼續？今集就輕鬆同大家傾吓，當係一集久別重逢嘅近況交代。🎧 今集你會聽到：我哋最近各自忙緊啲咩點解《友型氧.....

20/05/2026

有時入門航拍機最怕係：

輕，但畫質普通
平，但又唔夠安心飛。

今次 DJI Lito X1

反而有少少打破咗我對入門機嘅印象。

1/1.3 感光元件
全向避障
智慧跟隨
249g 機身

再加埋最平 HKD $2,829

對平時會跑步、行山、旅行拍片嘅人
其實真係幾容易心動。



#航拍機

18/05/2026

UVU London Marathon ’26 系列。

最近真係買太多運動衫
UVU 係其中一個品牌。

毒到身邊朋友開始叫我唔好再send link
Lunch 都冇錢食😏。

但冇辦法
有時啲跑步衫同跑鞋一樣
一中毒就停唔到。

UVU 本身係倫敦跑步品牌
除咗性能勁
成個 vibe 都真係好吸引。

有啲跑步衫
你買完其實未必會特別想着。

但 UVU 呢類
真係會令人想落街跑步。

同埋老實講
近排真係買得太多。

所以我應該會開始整個系列
一次過拍片分享最近又買咗啲乜。