楓流慢活二加一 Downshifting in Canada

楓流慢活二加一 Downshifting in Canada 在香港習慣了忙碌和急促生活的我們，為了感受慢活人生和為卡樂B提供選擇

同大家講一個好消息先：我哋收到PR卡喇！呢個係一個好好嘅新年禮物，我哋12月最後兩日突然收到CPP email已經好興奮，然後砰砰聲就收到portal同埋隔咗一個星期左右就收到PR卡🥹 太好了👏 嚟咗加拿大後用咗差不多2.5年嘅時間搞掂PR...
01/15/2024

同大家講一個好消息先：我哋收到PR卡喇！呢個係一個好好嘅新年禮物，我哋12月最後兩日突然收到CPP email已經好興奮，然後砰砰聲就收到portal同埋隔咗一個星期左右就收到PR卡🥹 太好了👏 嚟咗加拿大後用咗差不多2.5年嘅時間搞掂PR，第一階段終於告一段落！希望等緊嘅親戚朋友都可以快啲收到好消息啦！

然後喺新一年突然又破財，因為又撞親架車😢 仲好驚會整花個底要加保費😮‍💨 不過人無事就算啦，呢個卡樂B爸爸(aka 罪魁禍首) 話因為我今年犯太歲，所以呢個係破財擋災喎，真係唔該哂🙄

圖2 紀錄卡樂B學溜冰但9成時間寧願坐喺櫈度😮‍💨
圖3 上車後等車窗溶冰...
圖4 卡樂B新作，嗱嗱嗱，佢話係mouse嚟 (要反轉睇先啱🤗) ！

過去幾個月由4月到8月都係好忙碌😅 呢幾個月包括咗畢業，返香港同去日本旅行，申請pgwp同pr，搵屋，搬屋，搵工，搵daycare，Interview，搵家庭醫生，去10日road trip，返工，有香港朋友到訪，全部野都係呢幾個月完成😩 ...
09/05/2023

過去幾個月由4月到8月都係好忙碌😅 呢幾個月包括咗畢業，返香港同去日本旅行，申請pgwp同pr，搵屋，搬屋，搵工，搵daycare，Interview，搵家庭醫生，去10日road trip，返工，有香港朋友到訪，全部野都係呢幾個月完成😩 雖然pr仲未有消息，但其他野都算係搞掂咗 (附圖係呢幾個月去旅行同喺溫哥華玩樂嘅相😛)

其中一個我估計會花最長時間嘅task就係搵工，但我都好彩喺3個月內都搵到工，仲要係本行同fully remote🥳 老實講因為要搬屋同去旅行等等，2個半月左右我都唔係好用心send resume，睇返我send咗大概有90份左右，但有啲可能係求其send 😅 但喺我搵到工之前只有4個interview，算係同前人分享嘅100份有幾份有得in差唔多。不過我返咗工後都有3份叫我in，所以有時候都要耐性，等等下可能幾個月前申請嗰份會有回音😅 所以搵緊工嘅朋友都唔駛咁快覺得灰心！

至於我呢份嘅人工就無香港嗰時咁高喇，可能再搵會搵到高人工啲嘅，不過有得fully remote我覺得係值得嘅🤣 我當然想搵到份唔駛出門嘅工啦，不過本身都唔奢求搵到，咩都apply架喇，但最後請我嗰份竟然係fully remote🥹！我都係interview時聽佢講我先知🙈，一切都係緣份！

過埋呢個星期等卡樂B適應下新daycare 之後，我哋嘅生活算係終於settle咗落黎。但黎緊當然仲有好多野等住我哋做，希望一切順利🍀

我哋趁夏天去咗 Road trip，由Vancouver經Kelowna, Golden, Revelstoke 去 Banff，再經Hinton, Jasper, Kamloops 返Vancouver 🤭依家仲喺旅途中，但已經想sha...
08/08/2023

我哋趁夏天去咗 Road trip，由Vancouver經Kelowna, Golden, Revelstoke 去 Banff，再經Hinton, Jasper, Kamloops 返Vancouver 🤭

依家仲喺旅途中，但已經想share下靚景🤣 我哋去咗好多lake，已經開始唔記得見過啲咩🤣 最有印象都係圍住Lake Louise行，覺得好多角度都好靚😍 Athabasca Falls都好壯觀，仲有Jasper Lake可以俾小朋友落去踢水都好開心❤️ 可惜呢幾日個天都好多雲，今日仲落雨，未睇到呢嘅景點最靚啲時刻，但唔係落大雨已經好感恩🤗

果然夏天就係要去玩😜






今日所有whatsapp group呀，signal group呀，tg group等等都係講緊同一樣野😂 就係今日公佈咗Stream B放寬學歷限制，唔再有5年內畢業嘅要求，對好多人都係喜訊👏 今日我都同咗好多個朋友解釋今次嘅改動係咩，如...
07/12/2023

今日所有whatsapp group呀，signal group呀，tg group等等都係講緊同一樣野😂 就係今日公佈咗Stream B放寬學歷限制，唔再有5年內畢業嘅要求，對好多人都係喜訊👏 今日我都同咗好多個朋友解釋今次嘅改動係咩，如果有多啲朋友過黎join我就好喇🥹

但我喺解說期間發現可能仲有好多人未分得清OWP同Stream B🙈 記得OWP只係一個work permit，佢係俾你用黎返工，唔係用黎申請PR！Stream B先係嗰個用黎申請PR嘅PR pathway呀👍 留意返今次學歷要求放寬嘅Stream B，而要行Stream B記得要先有一個valid work permit先可以儲鐘，做夠1年先可以用Stream B申請PR。

而OWP只係其中一款valid work permit，要申請OWP要先有10年內畢業嘅學歷💁 。至於無10年內畢業學歷嘅朋友，可以靠伴侶過嚟讀書用study permit 嘅dependent嚟申請Spouse work permit，但無伴侶嘅唯有行返Stream A讀書喇。

至於過唔過嚟，每個人有自己追求嘅嘢，我就不便多說喇。但打算過嚟嘅，最好有心理準備要一段時間去settle down，不論係搵工定係心態調整都係。希望大家一切順利啦！

原來我哋又消失咗個幾月喇，事關我哋趁考哂試等出成績同letter of completion期間，返咗香港仲順便去埋日本👘，yeah✌️叉完電又返咗黎溫哥華喇！今次返香港見親朋戚友當然係重點，但另一個重點係幫卡樂B加返個英文名落legal ...
05/24/2023

原來我哋又消失咗個幾月喇，事關我哋趁考哂試等出成績同letter of completion期間，返咗香港仲順便去埋日本👘，yeah✌️叉完電又返咗黎溫哥華喇！今次返香港見親朋戚友當然係重點，但另一個重點係幫卡樂B加返個英文名落legal name🙈

大家可以想像到用香港拼音喺外國生活嘅麻煩，你叫Chan Tai Man，但人哋永遠叫你Tai Chan。你可以同佢講叫你做Peter，但始終都係要同每個人講一次。我哋唔想卡樂B由細到大都要經歷呢樣野，所以我哋想喺申請PR之前加返個英文名落去，咁legal name就係Peter Tai Man Chan，Tai Man可以當middle name，唔叫都無所謂✌️

但今次返香港只係得12個工作天，我哋本身都戰戰兢兢唔知趕唔趕得切改，唯有一早check定同send email俾入境處問清楚先，有咩可以準備就整定先。過程有好多問題，例如我哋整唔到改名契😢，一早上網申請新護照，點知嘥咗4百幾蚊拎本用舊名嘅護照返黎... 差啲因為無出世紙正本改唔到身份證...

於是我整理咗啲重點俾大家參考下，希望唔好再步我哋後塵🤣

最後，返到黎幾日之後我哋就遞交咗PR申請喇！祝我哋好運！

02/24/2023

今日試咗名不虛傳嘅Raisu 🍣 同好正嘅Nuttea🍵，為我哋幾個月先一次嘅girl's talk劃上完美句號❤️ 好想encore 🤤!

去Raisu記得要book位呀！同埋好多人喺嗰度慶祝生日🤣我哋坐咗咁耐已經有4 5枱！有生日歌同埋蛋糕仔，仲會影埋即影即有，好好服務呢！個menu有好多野揀，我哋有選擇困難，揀咗起碼10分鐘😂，下次要再去試其他野！食完行行下見到Nuttea，記得有人介紹過就入去試下！我試咗Earl Grey with Chocolate Nut Cream，個cream 好rich 好正🤤🤤🤤果然無介紹錯！

Today we tried the renowned Japanese restaurant Raisu 🍣 and the rich and flavorful Nuttea 🍵. The best way to end our girl's talk date ❤️ I need encore 🤤!



NUTTEA Canada

終於的起心肝紀錄下考CELPIP嘅野🤟為咗準備畢業後申請PR，我就趁岩岩開學未係好忙去考咗CELPIP先喇。因為用stream A申請PR嘅英文要求唔高，只要有CLB5 (即係CELPIP全部過5分，如果係IELTS就係Reading4其他...
02/14/2023

終於的起心肝紀錄下考CELPIP嘅野🤟

為咗準備畢業後申請PR，我就趁岩岩開學未係好忙去考咗CELPIP先喇。因為用stream A申請PR嘅英文要求唔高，只要有CLB5 (即係CELPIP全部過5分，如果係IELTS就係Reading4其他5) 就可以, 卡樂B媽媽(下指我) 好衝動咁諗起就book，一個星期後就去考😂。好彩無乜意外，writing同speaking果然比較差，不過過咗骨就算😜。

都簡單講下點解揀CELPIP而唔係考IELTS啦，因為CELPIP全程對住電腦考，同埋一次過考哂咁多part，而IELTS嘅speaking係要分開考同埋要見真人，我嫌麻煩就好快決定咗要考CELPIP。上CELPIP個網book時間同俾錢都好簡單，時間都有好多選擇，一星期有幾日仲要有幾個timeslot，亦有好多個考場任揀。

準備CELPIP最直接就係睇返官網介紹test format嘅pages，入面仲包咗兩次sample tests。我建議大家先睇下test format，做一次sample test，再針對自己嘅弱點(例如我嘅speaking) 去搵下resources練下。YouTube search CELPIP tips就已經有好多喇！去到考前嗰日可以做埋淨低嘅sample test習慣多次個模式就會得手應手👍。

考試當日記得記得要帶passport！唔係入到去都考唔到🙈。佢會有email reminder提你早45分鐘到達，15分鐘前會close registration 。我會建議起碼30分鐘前就要到，因為去到首先要寄存個袋因為只可以拎住passport同水入房，入到去要影相、scan passport 、試下個電腦同microphone，如果同你同時間嘅人一齊到達你仲要排隊！所以預多啲時間就最好啦。

分享下啲趣事🤣 當日有幾個人同我一間房，一開始時第一part係listening，唔知點解有個女仔係咁講野... 唔知佢係睇錯題目定係要跟住講先可以入腦？！住佢隔離嗰個結果要申請調位🤣但過咗一陣之後個女仔又無講野喇喎，好騎呢😂。其實有需要嘅話你可以要求要一set耳塞，不過希望你用唔著😜。

#溫哥華 #香港人

㊗️大家兔年行大運，身體健康！事事順利，PR手到拿來！Happy Lunar New Year! 🐇💨💨 #兔年行大運
01/23/2023

㊗️大家兔年行大運，身體健康！
事事順利，PR手到拿來！
Happy Lunar New Year! 🐇💨💨

#兔年行大運

Address

2340 West 4th Avenue
Vancouver, BC
V6K 1P1

Website

Alerts

Be the first to know and let us send you an email when 楓流慢活二加一 Downshifting in Canada posts news and promotions. Your email address will not be used for any other purpose, and you can unsubscribe at any time.

Shortcuts

Share