𝐆𝐨𝐬𝐡𝐢𝐧𝐠𝐩𝐚 𝐏𝐡𝐨𝐭𝐨𝐠𝐫𝐚𝐩𝐡𝐲

04/06/2022

༄ མི་དབང་རྒྱལ་བཙུན་རིན་པོ་ཆེ་རྗེ་བཙུན་པདྨ་མཆོག་གི་བརྟན་བཞུགས།
བཅོམ་ལྡན་རྒྱལ་བ་ཚེ་དཔག་མེད་མགོན་དང་། །
འཆི་མེད་གཙུག་གཏོར་རྣམ་པར་རྒྱལ་མའི་ལྷ། །
རྗེ་བཙུན་འཕགས་མ་ཡིད་བཞིན་འཁོར་ལོ་ཡིས། །
ཚེ་དང་ཡེ་ཤེས་དམ་པའི་མཆོག་སྦྱིན་མཛོད། །
རྒྱལ་ཀུན་སྐྱེད་ཡུམ་ཤེས་རབ་ཕར་ཕྱིན་མ། །
ཞིང་འདིའི་འགྲོ་བ་འདྲེན་པའི་ཐབས མཁས་ཀྱིས། །
ས་སྐྱོང་དམ་པའི་བཙུན་མོར་རྣམ་རོལ་བ། །
སྐུ་ཚེ་མི་འགྱུར་གཡུང་དྲུང་ལྟར་བརྟན་ཤོག །
ཆོས་ཀྱི་རྒྱལ་པོའི་འཕྲིན་ལས་སྒྲུབ་པའི་རྟེན། །
མངའ་རིས་བྱམས་བརྩེས་སྐྱོང་བའི་མ་མ་མཆོག །
རྒྱལ་བཙུན་དམ་པ་རྗེ་བཙུན་པདྨའི་མཚན། །
སྐུ་ཚེ་མི་ཤིགས་རྡོ་རྗེ་ལྟར་བརྟན་ཤོག །
མཛེས་སྡུག་སྙིང་པོ་སྐུ་ཡི་དཀྱིལ་འཁོར་བརྟན། །
མ་འགགས་ཚངས་དབྱངས་གསུང་སྒྲ་རྒྱུན་མི་ཆད། །
མཁྱེན་བརྩེའི་ཐུགས་ལ་སྒྲིབ་པ་མེད་བཞིན་དུ། །
སྐུ་ཚེ་མི་ནུབ་རྒྱལ་མཚན་ལྟར་བརྟན་ཤོག །
སྐྱབས་གནས་རྩ་གསུམ་ལྷ་ཡི་བྱིན་བརླབས་དང་། །
བདག་ཅག་འབངས་རྣམས་དད་དམ་གཙང་བ་ཡི། །
རྒྱུ་འབྲས་རྟེན་འབྱུང་བསླུ་མེད་བདེན་པའི་མཐུས། །
ཇི་ལྟར་སྨོན་པ་དེ་བཞིན་འགྲུབ་གྱུར་ཅིག། །།

- kheng karchung